بسم الله
روايه زرقاء اليمامه
بقلم الكاتبه: ايليا
نجماتي هذا البارت بي غلط مو تنسون التصويت والتعليقات 🤍🌿
....................................
الكلت مَيخيب بيهُم مَرة ضَني
شفت منهم سوَالف مرضَني
......................................
نيران:-يمهههه لااااا يمههه انتي مامتييي اييي انتييي عايشههه يمههه
_جنت مستمره اهزز بيها على امل تكعد بس ماكو بسرعه لبست حجابي بدون صايه لان جنت لابسه تراك ردان طويل بحكم احنه بشته رحت لبيت ابو احمد دكيت الباب بس ماكو ف عرفت انو همه نايمين و مردت ازعجهم ف رجعت واني حايره بيمن اتصل و مجان عندي غير ايهم اتصل بي ف رحت اخذت مبايل امي واني ابجي و بلكوه لكيت رقمه لان جنت ما اشوف عدل اتصلت و انتضرت يرد وره دقايق رد بسرعه حجيت واني اشهك
:-ايهممممم الحكلييي اميي متتحركك امييي متتحركك
:-نيراننن شبيججج احجيي عدلل شبيها امجج
:-اكلككك امييي متتحرككك تعالييي بسرعههه
:-شنووووو
:-مو وكتتت الصدمههه مالتككك تعالييي حباببب
:-ايييي جايججج يلههه
_غلقت المبايل و كعدت يم مامهه و حجيت
:-يمهه انتي مامتيي صحح اي مامتيي اشلون ترحينن وتعوفين بنتج حبيبه كلبجج ايي انتي تحبيني ومستحيل تعوفيني مثل ما عافني مرتضى
_حضنتها و كعدت ابجي ما مصدكه عافتني و راحت وره دقايق اسمع صوت واحد يدك قويي وعرفته ايهم بسرعه كمت لبست جبتي وفتحت الباب و دخل ايهم
:-نيراننن ويننن خالتيي وشبيها
_كمل حجي ومنتضرني احجي ضليت ضافنه بوجهه اتقرب يمي و حجه
:-نيراننن احجيي خالتي شبيها
:- ماتت امي ماتت
:-شنوووو
_تحرك بسرعه ليجوه وره ثواني طلع وهوه شايلها وكلي
:-تعاليي وافتحي باب سياره يلههه
_اتحركت ورحت فتحت الباب الوره و حطها وسد الباب وكلي اصعد ليكدام و اني صعدت و هوه هم صعد و تحرك بسرعه المستشفى و اني طول الطريقه اباوع عليها اريد اشبع من شوفتها وضليت هيج لدقايق بعدين حجيت بصوت ناصي
نيران:-ضليت صافنه عليج لان ادري هاي اخر مره اشوف ضحكتج الحلوه
ادري بعد مراح اشوفج ولا اسمع صوتج من تكليلي هله بنيتي الحلوه
و فرحي يمه هل ليله تنامين بالمكبره وبصفج مرتضى
