Whisper's of Destiny

Chapter 1

Sa isang falls, naliligo si Sarah Munti nang biglang may marinig siyang iyak ng sanggol. Agad niyang pinuntahan ito at nakita ang natutulog na bagong silang na sanggol na nakabalot sa lampin sa ilalim ng isang oak tree. Katabi ng sanggol ay may gintong pendant na may letrang 'D'.

Dahan-dahang binuhat ni Sarah ang sanggol sa kanyang mga bisig at bumulong, "Nasaan kaya ang mga magulang mo, baby?" Tiningnan niya ang paligid, umaasa na may makikitang tao na nagbabantay, pero wala siyang nakita.

"Ano'ng gagawin ko?" Takot si Sarah na baka iniwan ang sanggol, pero umaasa siyang naligaw lang ito. Naghintay siya ng ilang oras pero walang dumating upang kunin ang sanggol. Nang nagsimulang umiyak ng malakas ang sanggol at hindi tumigil kahit anong gawin ni Sarah, tinignan niya ang diaper at temperatura ng sanggol, pero parehong maayos naman.

Na-realize ni Sarah na kailangan ng sanggol ng pagkain, pero ang dala niyang supplies ay hindi angkop para sa bagong silang. Nagdesisyon siyang pumunta sa pinakamalapit na baryo para humingi ng tulong. Dahan-dahan niyang pinatahan ang sanggol, pagkatapos ay maingat na binalot ito at nagsimulang maglakad papunta sa daanan kung saan natutulog ang isang matandang lalaki sa tabi ng nakaparadang motorsiklo.

"Tay, gising!" tawag ni Sarah, at nagising ang matanda at nagulat nang makita ang sanggol sa bisig ni Sarah. "Sino yan, anak?" tanong ng matanda sa gulat. Malungkot na sinabi ni Sarah, "Nakita ko yung baby sa ilalim ng puno at... sana hindi iniwan."

"Kailangan nating dalhin itong sanggol sa mga awtoridad," mungkahi ng matanda. Sumang-ayon si Sarah, "Oo nga, Tay. Pumunta tayo sa police station." Sinabi ng matanda, "Sige, ako na magmamaneho." Hinigpitan ni Sarah ang hawak sa sanggol habang sila'y nagmamaneho papunta sa estasyon.

Makalipas ang ilang minuto, nakarating na sila sa police station at pumasok. Lumapit sa kanila ang isang pulis at nagsabi, "Oh, Sarah, nandito ka ba para makita ako?" Nagpakita ng nandidiring ekspresyon si Sarah at sinabi, "Moises, hindi ako nandito para sa'yo. Nakita ko itong sanggol malapit sa falls."

"Sige, sige, at kasama mo pala si Tatay Agustin," sabi ni Moises, nakangiti. Tumango si Agustin at sinabi, "Kailangan naming i-report itong sanggol bilang found. Pwede ka bang tumulong sa amin?" Nagdalawang-isip si Moises, "Tatay Agustin, hindi ganun kadali yun. May mga proseso tayong dapat sundin."

Sumagot si Agustin, "Naiintindihan namin. Sabihin mo lang sa amin kung ano ang kailangan gawin." Tumango si Moises at kinuhanan ng litrato ang sanggol para sa missing child report. "Sa ngayon, pwede naming alagaan ang sanggol hanggang makita ang mga magulang niya," sabi ni Agustin.

Umalis na sina Sarah at Agustin sa police station at muling sumakay sa motorsiklo. Tinitignan ni Sarah ang sanggol at tinanong, "Tay, sa tingin mo iniwan talaga ang sanggol na ito?" Sumagot si Agustin, "Kung hindi bumalik ang mga magulang, pwede natin siyang alagaan."

Makalipas ang ilang minuto, nakarating na sila sa kanilang medyo malaking bahay. "Baby, dito ka muna habang hinahanap namin ang mga magulang mo," sabi ni Sarah, nakangiti. Ngumiti ang sanggol pabalik sa kanya. Nilapitan ito ni Agustin at nagtanong, "Pwede ko bang buhatin ang sanggol, Sarah?" Ipinasa ni Sarah ang sanggol kay Agustin, na ngumiti rin sa sanggol.

Tatlong buwan ang lumipas, napalapit na sina Sarah at Agustin sa sanggol at pinangalanan nila itong Diana, inspirasyon sa gintong pendant na may letrang 'D' na nakita ni Sarah. Isang araw, may kumatok sa pintuan at sabi ni Sarah, "Ako na, Tay. Bantayan mo si Diana." Binuksan ni Sarah ang pintuan at nakita si Moises na may seryosong ekspresyon.

"Wala pa rin bang balita?" tanong ni Sarah. Umiling si Moises, "Pasensya na talaga, Sarah. Wala pa rin, pero alam kong napamahal ka na sa sanggol na ito." Iniabot ni Moises ang mga dokumento kay Sarah. "Ito ay temporary custody agreement. Pwede niyong alagaan si Diana habang patuloy naming hinahanap ang mga magulang niya," paliwanag ni Moises.

Niyakap ni Sarah ng mahigpit si Moises, "Salamat, salamat talaga, Moises."

Niyakap rin siya ni Moises, at nang maramdaman ni Sarah ang yakap ni Moises, siya ay nahihiya at mabilis na bumitaw. "Pasensya na, Moises. Sobrang saya ko lang sa balita mong dala." Ngumiti si Moises at narinig nila ang isang sinasadyang ubo. Tumingin sila at nakita si Agustin na hawak si Diana.

---
This is just based on writer imagination and if there is resemblance to real life it is coincidence.