"يفداك القلب وراعيه يا وجه من شفته صارت الأيام مرغوبة"

2

راحت الغالية المطبخ وهي بتموت من التوتر تشرب مي بحكم أن الكل يتغدا والمطبخ فاضي لكن شافت شيخة موجودة بالمطبخ
عقدت حاجبها شيخة : غلوية فيك شي ؟
الغالية : لا لا مافي شي
شيخة : لا متأكدة فيك انا اعرفك اكثر من نفسي
الغالية بعصبية: ياخي قلت مافيني شي
هزت راسها شيخة وكانت تبي تطلع
لحقتها الغالية : شيخة لا تزعلين اسفة كنت معصبة
التفتت لها شيخة: مستحيل ازعل منك يلا تعالي ناكل
هزت راسها الغالية وراحو

الجدة: وين كنتو
شيخة : بالمطبخ نشرب مي
الجدة يلا تعالو الأكل بيبرد
تقدمو ياكلون وخلصو
الجدة : روان وريم يشيلون الأكل والغالية وشيخة يغسلون المواعين
الغالية : جدة تكفين لااا
الجدة : يلا بسرعة
تأففت الغالية وراحت هي وشيخة المطبخ ينتظرون روان وريم يجيبون الأكل وبدو يغسلون المواعين وهم مشغلين عراقي
"حبيبي ناسي لو شنو"
"شبسرعة تنسى يا حلو "
"ماتقولي يامعود شكو يعني شكو"
"لك ليش لك يا بذات "
"مو قلتلي اشبعك بوسات "
وبدو يغنون ويلعبون بالرغوة وتزحلقت الغالية وطاحت وفرطت ضحك شيخة عليها وقامت الغالية وهبدتها بالصابون
صرخت شيخة: اييي راسي
الغالية بضحك : احسن تستاهلين
وعطتها نظرة شيخة وكملو غسيل
وخلصو
شيخة :يلا باي بروح ابدل واللبس بجامة عشان نقعد
الغالية : يلا وانا بعد
شيخة : طيب في غرفة ؟
الغالية: خذي اي غرفة مافي الا عمتك الحية نايمة بغرفتها
شيخة : احسن يارب ما تقعد
ضحكت الغالية ودشت طلعت بجامة عليها ورد واكمامها طويلة وحطت ميكب خفيف ولمت نص شعرها بعشوائية ونزلت خصلتين من قدام واخذت جوالها والألعاب وراحت الصالة تنتظر البنات وارسلت لريم وروان :بنات بنقعد بالصالة الصغيرة تعالو
ردو عليها البنات :تم / يلا

عند شيخة دخلت غرفة عشوائية وكانت ظلام ورمت الشنطة على السرير وراحت بتشغل الليت وفزت من طلع سعد من الحمام
سعد : شتسوين هنا ؟
التفتت شيخة بسرعة ونطقت وهي تحاول تخفي توترها : ا ا انت اللي شتسوي
سعد ب ابتسامة : هذي غرفتي
شيخة : اووه اسفة ما كنت ادري واخذت اغراضها وكانت بتطلع
سحبها من يدها وقف الباب : تعالي اصلاً طالع
شتت انظارها عنه وهي تقول : خلاص بروح غرفة ثانية
سعد دفها عالسرير : قلت اقعدي
وبدأ يجفف شعره وهي بتموت من التوتر وطلع
بدلت بسرعة ولبست بجامة توب وبنطرون وخلت شعرها على راحته ونزلت تحت ولقت كل البنات قاعدين
الغالية : وينك ليه طولتي
شيخة : ولا شي كنت البس
الغالية : طيب يلا الحين بنلعب لعبة الاسألة
روان : يلا بلف العلبة
لفت العلبة وجت عليها هي وريم
روان : الغيرة حب او شك ؟
ريم : اممممم ، حب اكيد
روان : تم ،لفتها مرة ثانية وجت على شيخة والغالية
شيخة : تحسين بمشاعر تجاه احد ؟
الغالية تذكرت احمد على طول وابتسمت ابتسامة عريضة
ريم : لا هذي مو صاحية
شيخة : منوو اعترفي
الغالية : يما شفيكم ما قلت اي ترا ، ولو في مشاعر تجاه احد كان قلت لكم اي
روان : اممممم بحاول اصدق
الغالية : ما اقصد احد !
شيخة : اجل ليه ابتسمتي وسكتي ؟
الغالية : انكتمو ليش علقتو على ذا السؤال !
ضحكو البنات من توتر الغالية ولفت روان العلبة وجت عليها هي وشيخة
شيخة :اممممم ، روان تسامحين اللي يظلمك ؟
روان : اكيد لا، لكن اذا جا واعتذر افكر
شيخة : حبيت كفو
الغالية : بنات ملل تتابعون فلم؟
ريم: تممم انا بسوي الفشار
شيخة : وانا بطلع لكم مشروبات
الغالية : وانا بطلع فلم
روان : وانا بساعد ريم
ريم : تمم يلا
راحو ريم وروان يسوون فشار  وخلصو وطلعت شيخة المشروبات وقعدو يتابعون فلم وجت لقطة للبطل والبطلة وكل وحدة سوت نفسها مشغولة وخلص الفلم ودخلت
ام احمد :تعالو جدكم يناديكم
اختلفت ردودهم : تم_ طيب _ اوك

راحو المجلس ولقو الكل قاعد
الغالية : امر ياجدي
الجد : انا جمعتكم بقولكم ترا بكرا في عزيمة ببيت ابوخالد ابيكم كلكم حاضرين وعمكم محمد بيجي بعد شوي
ردو : تم _ مو مشكلة _حاضر _ اوك

(عائلة المحمد)

الجد محمد (ابو خالد)
الجدة امل( ام خالد )

خالد ( ابو سعد )عمره 60
منيرة(ام سعد)عمرها 57
سعد ( ابو جوري )عمره 38
شوق(ام جوري )عمرها36
سعود عمره12
حنين عمرها 5
فهد 25
مناير 23
حلا20
جوري12

البارت الجاي بارت العزيمة واسف على السحبة عندنا عرس🤍
_________________
الكاتبة / الهنوف بنت عبدالعزيز

حسابي تيك / ah_12bhh