"يفداك القلب وراعيه يا وجه من شفته صارت الأيام مرغوبة"

3

يوم العزيمة>

قعدو البنات وبدو بتجهزون وكانو مشغلين هيفاء
"طيب ليه يبكيني"
"ويقلي نسيني"
"يرميني في وسط النار"
"مين قال راح حسيبو"
"انا لازم اجيبو"
"عاشق مشتاق محتار"

بدو البنات يدندنون مع الأغنية وشيخة تسوي شعر الغالية وريم تركب اضافر روان ويسولفون
الغالية بعدت بسرعة: بنات متحمس اشوف بناتهممم مرا
شيخة : اركدي ياخي خليني اسوي شعرك
ريم : اي والله صادقة مستحيل تركد
كملت : رواني تبين اظافر وردية ولا حمرا
روان : اممم مدري شرايكم
الغالية : وردي بتطلعين كيووت مرا
شيخة : اي حطي وردي وانتي كعبك وردي بعد
روان : خلاص تمام ، بنات مرا خايفة من المدرسة يارب يكون في بنات بعمري عند الجيران
الغالية : وليه تخافين ذي اخر سنة وتتخرجين انشاءالله وتصيرين محامية العائلة
روان : مدري ياخي كلكم اللي جامعة واللي متخرجة مافي الا انا
شيخة : هههههه ، عادي يروحي ذي اخر سنة وتجي الجامعة يويلك
روان : لا والله هذي وانتي تواسيني كذا
ريم بضحك : تمزح تمزح لا تزعلين
روان : ههههههههه ومين قال زعلت ياربي
شيخة : ايوا كذا اضحكي
وخلصت من الغالية : يلا قومي خلصتي
الغالية : يعمري مرا شكراً
شيخة : ماسويت شي اصلاً انا مخلصة يلا روحو البسو دام ريم خلصت من روان
البنات ؛ يلا تمام
وطلعو وبدلت الغالية كانت لابسة فستان احمر عاري الاكتاف وقصير وماسك على جسمها وكانت فاتحة شعرها الطويل ومسويته ويفي وحاطة منكيرها الأحمر وكانت جميلة بشكل كبير ولبست كعبها وحطت عطرها المفضل ونزلت تحت تنتظر البنات

نزلت روان اللي كانت لابسة فستان وردي قصير وعاري الأكتاف وماسك من خصرها  وتحت فيه نفشة خفيفة ورافعة نص شعرها وحاطة فيونكة بيج
الغالية : يماما بسم الله عليك تهبلين
روان : انتي اللي تهبلين حصني نفسك ، وين البنات
الغالية : مدر....
قاطعتها من دخلت شيخة وكانت لابسة فستاان اسود ماسك على الجسم كامل وكان قصير وله اكمام علاق ورافعة شعرها فوق ومسويته ستريت
الغالية : يما بنات تهبلوووون حصنو نفسكم ماشاءالله تبارك الرحمن
روان : واي وش ذا الزين
شيخة : شوي من جمالكم يروحي
كملت : الا وين ريم
الغالية: الحين تجي تلبس ب حنين
جت ريم وكانت لابسة فستان ابيض قصير وكم واحد من تحت ريش والكم الثاني عاري واسفل الفستان ريش وماسك على جسمها ومسوية شعرها ستريت وفاتحته وملبسة حنين فستان ابيض
روان : قلبي الحلوين انا
الغالية: جميلة سبحان من سواك
شيخة : واي كيكة
ريم : قلبي انتو
دخلت ام احمد : ها خلصتو العيال بيمشون
شيخة : اي يما خلصنا بس كلمي احمد ياخذنا
ام احمد : اي هذا هو طالع
لبسو البنات عباياتهم وشيلاتهم وطلعو ما عدا روان مو متحجبة بس لابسة عباية

ركبو السيارة وكان طول الطريق صمت ووصلو
الغالية : اي واحد بيتهم
محد رد وعلت صوتها : قلت اي واحد بيتهم !
فز احمد اللي كان يضل سرحان من لما حضنها بالمجلس وكل تفكيره فيها : هذا هذا اليمين
شيخة : شفيك انت ، هههههه
احمد : انكتمي مافيني شي
شيخة : انا اوريك
روان : يلا انزلو
نزلو وفتح الباب لهم فهد : اهلين انتو جيراننا المشعل
روان : اي
عقد حاجبه فهد من شافها مو متحجبة : ادخلو من ذا قسم الحريم
دخلو البنات ولقو بوجههم حلا وسلمو عليها
حلا: يا هلا ومرحبا نورتو البيت والله
الغالية : بنورك يروحي
ريم : البيت منور فيكم ووالله
حلا : ياعمري , حياكم اهلي داخل وام احمد وام فارس
شيخة : تمام يعمري
دخلو وسلمو على ام سعد وشوق ومناير وقعدو
ام سعد :شلونكم يابنات
اختلفو ردود البنات : بخير , الحمدلله انتي كيفك , والله الحمدالله انتي شخبارك
ام سعد : دوم يارب ,بخير الحمدلله
جت حلا تقهويهم ومناير تضيف حلا وتمر
ضيفو وقعدو وبدو يسولفون
ام سعد همست لام احمد : وين امهم
ام احمد بهمس : امهم ميتة يروحي
ام سعد : الله يرحمها يارب
ام احمد : امين
ام سعد : الا وين عمتهم خبري عندهم عمة
ام احمد : اي عمتهم طلعت
ام سعد : مو قلنا تجون كلكم , لازم نسوي عزيمة ثانية ونتعرف عليها
ام احمد بهمس : من زين المعرفة
ام سعد : ها
ام احمد : لا ولاشي
عند البنات
مناير : عرفونا عليكم بنات , انا مناير متخرجة من الجامعة وشرطية
حلا : وانا حلا عمري 20 اخر سنة ثانوي درست ٣ سنين بالديرة ونقلنا الرياض ورجعت عدت ف عشان كذا متأخرة
روان ببتاسامة: والنعم فيكم ووالله وحلا نفسي انا اخر سنة ثانوي بعد
حلا : الله وناسة لان مافي احد اعرفه يقرب لنا غير بالمدرسة
روان : اييي
الغالية : والنعمم والله انا اول سنة جامعة وتخصصي دكتورة واحب الخيل واسمي الغالية
شيخة : وانا اسمي شيخة ونفس الغالية بس مو خيالة
ريم : وانا ريم مخلصة جامعة وعندي بنت اسمها حنين ومتزوجة اخو الغالية وروان
مناير: والنعم فيكم كلكم والله
حلا : شرايكم كل خميس نتجمع احنا البنات ونسوي فعاليات ونرقص وكذا
ريم : تم اصلاً انا كل خميس اجيهم واقعد عندهم لين الجمعة بليل
مناير : خلاص تم اجل الخميس الجاي عندنا بعد العشاء تمام
الغالية : تمام يروحي مو مشكلة
واخذتهم السوالف لين الساعة ١٢ ونص بالليل ودق احمد على امه : يما انا وسعد برا
ام احمد: وشوله سعد سيارتك كبيرة وتوسع خليه يروح
احمد : تمام يمه
قفل الجوال احمد وقال لسعد : ياخوي روح انت وانا بجيب اهلي وخواتك امي تقول سيارتي تكفيهم
سعد : خلاص اجل تمام
________________
كان معاكم الكاتبة/ الــهنـوف بنت عبدالعزيز

يمكن اسحب كم يوم واعذروني لان بديت بالرواية وانا مو مجهزة بارتات وعرس اخوي بعد اسبوع وانشاءلله ارجع لكم رجعة قوية

قراءة ممتعة ولا تنسون النجمة🤍