[٦/٧, ٦:٥٩ م] Hana: *• مرة أخري •*
ـــــــــــــــــــــــــــــــــــــــــــــــ
نبدأ قصتنا في بيت بسيط و متواضع تعيش به أسرة متعاونة و متواضعة:
ريم: اصحي يا ليلي كفاية نوم هتتأخري علي الجامعة.
ليلي: يا بنتي سيبيني في حالي بقي.
[ ليلي الأخت الأكبر في العائلة و هي في جامعة طب جراحة في السنة الثانية و دي هي بطلة قصتنا ]
[ ريم الأخت الوسطي في العائلة و هي في ثالثة ثانوي ]
ريناد: يلا يا بنات عشان نفطر ماما جهزت لنا الفطار و بابا هيوصلنا و بعدين هيروح شغله.
[ ريناد الأخت الصغري و هي في 6 ابتدائي و هي دلوعة البيت]
ليلي: أخيراً......
نزلوا البنات بعد ما جهزوا نفسهم.
نرمين: كل ده تأخير يلا افطروا بسرعة عشان تنزلوا.
[ نرمين تكون أمهم و هي بتحب بناتها أوي و بتهتم ب بناتها أوي و بناتها كمان بيحبوها ]
محمود: يلا عشان منتأخرش...
[ محمود يكون الأب و هو أكتر واحد بيدلع بناته و هو شغال في شركة ]
نزلوا البنات و باباهم وصلهم...
عند ليلي:
نور: مالك يا بنتي.
ليلي: منمتش كويس و عايزة أنام أوي.
نور: أنتِ جاية في اليوم اللي عندنا فيه محاضرات كتير.
ليلي: أنا تعبت أوي نفسي أعرف هنتخرج امتي..
نور: لسه بدري، الأهم دلوقتي ذاكرتي حاجة عشان الامتحان؟؟
ليلي: اي ده مش هو المفروض بكرة؟!
نور: لا النهاردة يا ذكية.
ليلي: هو شكله يوم باين من أوله..
بدأوا أول محاضرة و كانت ليلي بتذاكر و محدش كان شايفها..
بعد ما خلصوا:
نور: كل دي حاجات تتذاكر احنا هنعمل كل ده امتي!!!
ليلي: ابعتيلي كل حاجة لما تروحي.
نور: ليه مش أنتِ كنتي قاعدة زيي زيك.
ليلي: عشان خاطري..
نور: أومال أنتِ كنتي بتعملي اي كل ده..؟
ليلي: الصراحة كنت بذاكر للامتحان.
نور: طب ماشي المرة دي بس متاخديش علي كده.
ليلي: شكراااااا جداً.
بعد ما خلصوا الامتحان:
ليلي: الامتحان كان سهل مووووت.
نور: حصل مكنش محتاج كل تعبي ده امبارح.
ليلي: يلا الحمدلله، بقولك هتروحي ازاي؟؟
نور: لوحدي كالعادة.
ليلي: ماشي أنا همشي معاكي.
بعد ما ليلي روحت:
ليلي: السلام عليكم
نرمين: و عليكم السلام ورحمة الله وبركاته.
ليلي: أهلا وسهلا لأحلي أم، طبخالنا اي النهارده يا ست الكل؟؟
نرمين: عاملالكوا مكرونة بشاميل.
ليلي: هو ده الكلام، أخواتي رجعوا؟؟؟
نرمين: في الطريق.
ليلي: أوك أنا هطلع أغير هدومي علي ما ييجوا.
نرمين: ماشي
بعد ما رجع أخوات ليلي و باباهم:
نرمين: حمدالله علي السلامة عملتوا اي النهاردة؟؟
ريناد: اتكرمت النهاردة و أخدت شهادة عشان قفلت في الامتحان.
نرمين: شطورة يا حبيبتي، و أنتِ يا ريم؟
ريم: الحمدلله زي كل يوم المهم دلوقتي أنا جعانة أوي، ليلي فوق؟
نرمين: اه فوق اطلعوا غيروا هدومكوا علي ما أكون جهزت الأكل.
عند ليلي:
ريم: هاي هاي، بتعملي اي؟؟
ليلي: بكتب المحاضرة اللي فاتتني.
ريم: فاتتك ليه؟
ليلي: عشان كان عندي امتحان و أنا مكنتش أعرف فكنت بذاكر ليه.
ريم: اااه ماشي.
نرمين: الغدا جاهز يا بنات..
نزلوا و اتغدوا:
ليلي: تسلم ايدك يا ست الكل.
ريم: بصراحة الأكل خطير.
ريناد: تسلم ايدك، فين حلاوة التكريم؟؟؟
نرمين: حاضر من عيوني.
ريناد: تسلملي عيونك..
