احلام طفله

بارت 2

خطط تحوك ومئامرات تنفذ فهل تستطيع مواجهتها بمفردك ام تحتاح ال احد يقف بجانبك

.....
ابو غيث: تعال اكعد يمي وليدي اموري
كعد ابويه يعرفه علينه وكعدو يسولفون وامير مشال عيونه عني اكو بداخلي احساس غريب تلعب نفسي يكسبر جسمي بمجرد المحه يباوع عليه
جانت هاي اول مره اطبلهم فا جنت مستحيه بس
شهد ما شاءلله كبل تعرف علا بناتهم
اجتي شهد داست علا رجلي
شهد: ولج صار ساعه مشال عيونه عنج

مرام: اي انتبهت شوفي نضراته ايع

شهد: كون الله لا يوفقج علا هاذا الكلام ولج هذا ايعععع

مرام: اي ايع ولج شوفي نضراته ابد ما عجبتني

شهد: ولج غير يطك بلكاع اخخخ بس لو مباوعلي

مرام: اي عيني ست شهد شتسوين

شهد: لا عيب بلبيت اكلج
ضحكت وهمه صبو العشه كعدنا وهوه جان بلكرسي المقابيلي جان يباوع عليه بنضرات ماعرف شلون اوصفها بس جنت كاشه حته اكل ما اكلت زين جان اكثر تركيزه علا شعري وشفتي جنت احس اكو ملعوب خاصه من شفت ابوي ييباعه لابو ويضحون جانت نضارتهم تاكد كل شكوكي
خلصنه ورجعنه للبيت صعدت لغرفتي وصعدت اختي وياي كعدنه نسولف جان عندي اخت وحده واخوان ثنين شويه واتصل عليه اخوي جان عايش بلخارج
سيف: الو هلو حبيبتي شلونج

مرام: هلا يبعد روحي هلا يبعد دنيتي مشتاقتلك

سيف: والله اني اكثر مشتاقلج ومحضرلج مفاجئله هم

شهد: اي عيني استاذ سيف تشتاق بس الست مرام ست الحسن والجمال

سيف: هههههه انتي هم مشتاقلج ومحضرلج مفاجئه
ضحت شهد وسيف كنل كلامه

سيف: اكلج مرام الساعه 5الفجر شعندج

مرام: مطموره شعندي مثلن

سيف: اي كلش زين حته تجين تستقبليني من المطار
شهد كامت تكمز وتصيح من الفرحه جانت متعلقه بي قبل لا يسافر

مرام: هههه لو تشوف شهد شكد فرحت

سيف: والله لو تدرين شكد مشتاق لضحكتها

مرام: اي حبيبي اني وشهد تلكانه بوجهك اول ما تنزل من الطياره

سيف: اسمعن اذا امي او ابوي درو والله اكتلجن

مرام: لا تخاف سرك بير

شهد: اي صح سرك ابير

سيف: بديت اخاف من هذا البير

مرام: والله كلتلك سرك بير يعني ما اسولف شبيك ما تعرفني ما اسولف

سيف: يله حبيباتي اني راح اكلع للمطار وراي سفره طويله سيووووو ماي دارلنك

مرام: سيوو بيب
شهد ضلت صافنه: وكالت بس السيو فتهمتها شحجيتو

مرام: الف مره كتلج تعلمي انكليزي