اوجه كثيره تنضر الي ونضرات مريبه
وحقائق تكشف نفسها فهل سوف اجد
سبيل الخروج ام لا
مرام......
سيف: والله نروح بين الرجلين بس يعروفن
منو الذيب الاسود شبيك انته
علي: هاي شبيك بابا ترا مرتبها مستحيل احد
يكشفنا
سيف: واذا درو بلحقيقه شنسوي
علي: سيف من شوكت تخاف صار 6سنين سوه
ما خفت من خطبت اختك كمت تخاف
سيف: ولك هاي قطعه من روحي
نزلت تحمحمت من شافوني سكتو ما
كملو كلامهم رحنه اني وعلي
دخلنه للسوك نشتري اغراض للغرفه
سوه دخلنه محل غرف شفت هواي
علي: ابوي انتي احجي شنو عجببج
مرام: اريد غرفه ايطاليه لون ابيض
وبراونز فاتح وكون شويه واسعه
علي: تمام حياتي تريدين شي بعد
مرام: لا بس هاي كافي
طلعنه من المحل وبيدي الغراض
وما اخله شي بنفسي ما اشتره
اليه تعبت وكعدت علا كرسي
دار وجها عليه
علي: شبيج مرامي شصاير
مرام: رجلي كامت توجعني
راح جابلي مي اشرب وضليت
صافنه اتامله لابس كاجول
وحذاء رياضي
علي: ها صرتي زينه
مرام: لا رجلي حيل تاذيني
اجه شالني واني بس اريده ينزلني
وهوه قافل ما يقبل من الفشله دفنت وجهي بصدره
وصلنه للسياره كعدني وراح يجيب الغراض
قبل ما نوصل للبيت حجه شي بهمس بس
ما سمعته شكال
نزلت واني بيدي الغراض طلعت هديل بوجهي
وياها امير خفت حيل وامير مركز
بوجهي
امير: عبالج اخليج تتهنين ويتم الزواج
علا خير تحلمين اخليج تتهنين
ما اخلي يوم العرس يتم وما اطلع ابن ابوي
اذا ما اخلي البدله البيضه تصير
حمره
وهوه يحجي واني ارجف من الخوف طب
علي
علي: حبيبتي نسيتي هاي العلا..
ما كمل كلمته من انتبه لامير
علي: خير شتسوي هنا
امير: انته شنو تسوي هنا وليش تكللها حبيبتي
علي: انته شنو خصك شنو اكول لمرتي .
شهك امير وهجم علا علي شكد امير ضخم
بس اعلي اقوه منه باضعاف
واني اعيط بس اريد احد يفكهم
اجه سيف يركض عليه يفكهم وابوي هم ادخل
بلكوه شلعو علي من فوك امير هوه
متروس دم من شفته هيج وضعه ركضت
حضنته قوي كدام انضار الكل
وامير انفجر حرفين يسب ويغلط
واني ما يهمني حاضنته قوي
اعرف اذا اوخر من حضنه يرجع يهجم
علا امير واني ابجي من الخوف سحبني
علي لغرفتي وكعد يهدي بيه
واني بس حاضنته ما اريد اوخر منه
ويسوي شي يندم عليه
اول ما وخرت منه رفعت راسي عليه
الدمعه بعيني من شافني نزل عيونه
واني اباوع عليه ايده كلها دم
وطرف خده هم يجري دم
سحبت عليه السعافات الاوليه
حاطتها بغرفتي حته من ابوي
يضربني اعقم جرحي
كعدت اعقمله جرحه خليتله
لزكه جروح لخده ولفيت ايده بشاش
وبسته بطن ايده بوسه سريعه
عافني ونزل واني عندي
بغرفتي شباك يطل علا الباب مال مدخل
شفته طلع موجه انضاره لامير
همسله شي بذانه سيف خلا يهدي
طلعو واني قفلت الباب اخاف يجي
امير عليه غفيت ماعرف شلون كعدت
علا صوت التليفون
أنت تقرأ
احلام طفله
Romanceام تائها واماني تتفتت وكلام كثير يدور في عقل الانسان ولاربما يكون الانسان تائه في عقبات الحياة ولا يعرف سبيل الخروج منها
