اصفن علعمر خلصته
بس هموم،
وباوع علزمن وشلون
جازاني
اثاري بهلوكت ماينفع
الطيب والطيب
يضل كل عمره
وحداني
واليمشي عدل علنيه
ويَ الناس
يضل طول العمر
مجروح ويعاني
مرام........
اندفر الباب وطبت عمتهم تعيط
بعلو صوتها رجت المنطقه رج
ابو همام: خير شصاير
_امك ماتتتتتت
الخبر مثل الصاعقه ونزل علينه عمتي عاطت بعلو
صوتها والبنات لطمن وعموو طلع يركض
مثل المخبل كلنه طلعنه نركض وراه
بيتهم نفس الشارع مالتنه
طبينه للبيت ركضو الولد سبقوني يريدون يشيلوها
اتقدمتهم اتاكد عايشه لو ميته
فحصتها واكدت موتها مابيها نبض
مرام: انا لله وانا اليه راجعون
بنتها زادت عياط بعد جملتي شالوها الولد
اخذوها وراحو راح وياهم عموو ضل
همام لانو ميصير نبقه وحدنه
منضر بنتها يكطع الكلب
تصرخ وتكطع بشهرها وعمي حالها اسواء اضعاف
التمت الناس وصارت الفاتحه ببيتنه
اجني باقي بناتها حالهن يبجي الصخر
زلغن خدودهن شككن ملابسهن
كومه اجوي عالم ما اعرفهم وحده من اخوات عمتي
ملايه جابت وياها سماعتها
نعنت نعاوي علا الام تكسر الكلب
اني وشهد كاعدات نبجي علا امنه
شبعنه بجي 3ساعات واجتي الجنازه
عمو الوحيد عدها ولد واحد وتلاثه بنات
منضر عمو ما جنت متوقعه بيوم من الايام اشوفه
هيج مشكك قميصه يلطم علا وجها
طب التابوت انعادت فاتحت امي كدامي
بناتها يضربا بلتابوت كل قوتهن كانو راح يرجعنها
بلي جاي يسونه عمي شاركهن
شالو التابوت اخوان علي وابوهم
ما قبلو احد يشيله غيرهم يرددون بعلو صوتهم
_لا الاه اله الله . لا الاه اله الله . لا الاه اله الله
صعدوها علا السياره ولمحت علي واكف شويه بعيد
تقدمت عليه اركض اعرفه مقهور عليها
ما منتبهلي شمرت نفسي بحضنه
بادلني الحضن حسيت دموعه علا ركبتي
_البقيه بحياتك
_حياتج الباقيه
_عادي اطلب منك طلب
_انتِ بس امريني
_اريد اروح وياكم للنجف
_ماكدر صدكيني ماكدر
_امانه حباب اخذني
_ميصير مناك من المستشفئ بلغونه ما ناخذ نسوان
_لخاطري مشتاقه لامي صار هواي مارايحتلها
_ابوي انتِ يارحتي ماكدر لو اكدر صدكي بعيوني
أنت تقرأ
احلام طفله
Romanceام تائها واماني تتفتت وكلام كثير يدور في عقل الانسان ولاربما يكون الانسان تائه في عقبات الحياة ولا يعرف سبيل الخروج منها
