لو ما شفتك في ذيك الليله صدفه.

8

عند شموخ ~
وصلت لمحل شغلها اللي هو محل فساتين ، تبيع فيه الفساتين اللي تصممها، دخلت وراحت لعند مكتبها و حطت شنطتها ، وراحت تشيك على الطلبات ، جاتها وحده من الموظفات: تفضلي يا أستاذه شموخ
شموخ: أسيل كيف الطلبات
أسيل : ماشاءالله الطلبات جالسه تزيد
شموخ: اهم شي تتأكدون انو العملاء يجيهم الطلب صح ولا فيه اي غلط
أسيل: معليك كلشي كويس
شموخ : الله يسعدك ، واذا في مشكله او شي تقولون لي على طول
أسيل: ابشري
ابتسمت لها شموخ ورجعت لمكتبها وقعدت تفكر ، بالفستان اللي بتلبسه بعقد قران اخوها وبتقعد ترسم تصميمه، جابت ورقه كبيره و مرسام وبدات ترسم شكل الفستان اللي بتلبسه بكل حب .....

عند سهم ~
كان يتناقش مع العساكر عن شغله ، سهم: وبس في سوال ؟
كلهم : لا
سهم: تفضلوا
دقوا له تحيه و خرجوا ، تنهد سهم ومسك الملف وبدا يقرأ الملف، فجأة يدق الباب ، سهم: تفضل
يدخل متعب ، ويبتسم سهم له و يقوم ويروح له متعب ويحضنه، سهم: كيفك يا عضيدي
متعب: بخير وانتً؟
سهم: بخير الحمدلله
جلس سهم وجلس متعب بالمقعد الثاني، وسرح سهم فجأة، استغرب متعب ، قام هز يده ويناديه : سهم سهم
سهم صحى رجع لواقع وقال: هلا ؟
متعب: وش فيك يرجال
سهم: لا بس أفكر بالمهمه
متعب: ليه وش فيه
سهم: احس صعبه و بنعجز فيها
متعب: سهم!!! انت تقول كذا ذي المهمه ولا شي عندك !!
سهم: مدري يا متعب
متعب : لا تفكر أنا وانت و سلطان مع بعض وكمان هي صعبه بس عشان الأشخاص اللي بنمسكهم وكمان انهم من اكبر التجار
سهم: يرجال أنا عارف بس الكل عجز يقفل الملف ذا ما قدرو فيهم و ذولا خطيرين
متعب: بنكون كثير يا سهم وصدقني بننتهي منهم
سهم: ان شاء الله
اندق الباب ، سهم : تفضل ، طلع سلطان ، قاموا وسلموا عليه : ارحب يابو ضاري
سلطان : الله يبقيكم
جلسوا وجلس سلطان بالمقعد الثاني، وبدأو يتناقشون عن موضوع....

عند غرام ~
كانت جالسه بمكتبها ، و كانت قدامها امرأة تبي ترفع قضية على زوجها اللي يعنفها و يضرب عيالها و طلقها و اخذ العيال منها وكانت تشكي ، و غرام تسمعها و مركزه معها ، انتهت من كلامها ، وقالت غرام :استاذة تغريد ، الان لازم نسوي فحص لك ويبين لنا انك معنفة جسديا ونأخذ ورقه من المستشفى عشان يكون لنا دليل اول
تغريد : تمام
غرام: كويس نبدأ بثاني ، الآثار اللي بجسم عيالك باينه ولا لا ؟
تغريد: اجسامهم كلها آثار ضرب قويه
غرام: تمام ، راح نبدأ نرفع قضيه ومن بعدها نسوي اللي اتفقنا عليه
تغريد بدت تبكي : تكفين يا المحاميه غرام لازم نكسب القضيه لول عيالي راحوا مني هم صغار ما يتحملون ذا كله
غرام أعطتها منديل : معليك بناخد حقك و حقهم خليك واثقه فيني
تغريد : الله يسعدك و يوفقك
غرام: الان ابيك تحكي لي من بداية عنفك عشان نكتب ، بدات تغريد تقول لها من البدايه للنهاية و مساعدة غرام تكتب .....

عند همس~
كانت بمكتبها وقبل شوي انتهت من المراجع ، أعطتها مساعدتها أوراق المراجع اللي بعده ، وقالت لها خليهم يدخلون، دخلوا وكانوا رجال كبير بالسن و الثانيه بنت ، تكلمت همس : تفضلوا
جلسوا ، همس: شهد وش اللي تشكين منه
شهد : قلبي يعورني مرا
همس جاء في بالها غرام : انتي تشربين قهوة او مشروبات غازيه؟
شهد سكتت ونزلت رأسها، همس استغربت وتكلم الأب : نعم يا دكتوره تشرب بس ما تسمع الكلام نقول لها مضر بس مافي فايده
همس: شهد يا حبيبتي لو شربتي كثير ذا يأثر على حالتك يعني لا سمح الله يوقف قلبك وفي أعراض كثيره ويمكن تخسرين حياتك بسبب المشروبات ذي
شهد : طيب أنا احب اشربها
همس: طيب و صحتك ؟ انتي تتألمين لأنّ نبضات قلبك مو متضمنه وبسبب المشروبات ذي
شهد : مقدر ابعد عنها
همس : اسمعي يا حبيبتي لازم لازم تقطعينها وذا سبب تعب قلبك ، طيب وش تشكين منه كمان
شهد : مقدر انام زين
همس : انتي تحسين بضيق في التنفس وقت ما تنامين عشان كذا عدم انتظام ضربات القلب و ذا يسبب خفقان ، يا شهد انتي تجهدين نفسك مرا لازم تتركين المشروبات ذي و الأشياء اللي تتعبك عشان ترتاحين
ابو شهد: شفتي يا شهد
شهد : خلاص تمام بترك القهوة وبشوف
ابتسمت همس وبدت تقول لها أسباب تعبها وش يمكن يصير فيها لو ما تركت ذي الأشياء و الكثير من النصائح عشان مصلحتها لان هي صغيره شوي يعني 16 ...
همس : اجل نشوفكم الموعد الثاني
شهد ابتسمت : شكرا مرا
همس: العفو يا حبيبتي
ابو شهد : جزاك الله خير يبنتي
همس ابتسمت و طلعوا ، وكملت شغلها ...