لو ما شفتك في ذيك الليله صدفه.

13

في صباح اليوم التالي ~
قامت غرام على صوت اختها اللي تصحيها ، غرام : ها يا رولا وش فيك !!؟؟
رولا: قومي بسرعه ابوي يبينا نتجمع بالصاله تحت عشان بيقول لنا شي
غرام : طيب طيب
خرجت رولا ، قامت من سريرها و هي متجهه للمرايه ، مسكت شعرها و رفعته زيل حصان ، دخلت الحمام بتغسل وجهها و تفرش أسنانها ، بعد ما انتهت خرجت من الحمام و نشفت وجهها، خرجت من الغرفه و لقت نياف كان خارج من غرفته ، ناظر فيها و ضحك : الله الله شكلها بجامة هلوكيتي داخله و بقوه
غرام : تكفى نياف اسكت لان مالي خلق لاحد
نياف : ليش وش فيك
غرام : ابغى انام
نياف : خلاص بعد ما نعرف وش يبي ابوي ارجعي نامي
غرام : ان شاء الله، امش ننزل
نزلوا ولقوا انهم كلهم موجودين ، غرام راحت باست رأس ابوها و امها و نياف بعد ، جلسوا و تكلم ضاري : ادري صاحيتكم بدري بس في خبر حلو، اللي هو انو جدكم قرر انو اليوم نروح للمزرعه
رولا : منجد يبه !!
ضاري ابتسم : ايي
غرام : يعني بشوف برق !!! " الخيل حقها "
ضاري ابتسم : ايي
منى: طيب كم بنقعد هناك
ضاري: يومين او ثلاثه
منى : تمام
غرام بلهفة: متى بنروح يبه ؟؟
ضاري : الساعه ثلاث العصر، خليكم جاهزين لان كلنا بنروح بنفس الوقت
كلهم ردو بالموافقه ، كل واحد طلع لغرفته ، دخلت غرام وجلست على السرير و مسكت جوالها و دقت على همس اللي ردت عليها : تونييي كنت بدق عليك !!
غرام بحماس : الله بنروح المزرعه !!!
همس : ايييييي و ربي اني متحمسه !!
غرام: وكمان يمكن نقعد ثلاث ايام !!
همس : اييي ، وكمان ودي اشوف شكل المزراعه كيف صارت لان من زمان عنها !!
غرام : اييي و بشوفف برق !!!
همس : يوه انتي و سهم كلكم متحمسين للخيول
غرام : في احد ما يحب الخيول ؟
همس : اي أنا
غرام : لان تخافين منها ، بس والله انها ما تسوي شي
همس : اي اخاف ، المهم اسمعي ياويلك لو ما جيتي معنا بسياره
غرام : بجي بجي
همس : كويس ، خلينا نرتب شنطنا عشان نخلص من بدري
غرام : تمم
ثبتت غرام جوالها ، بحكم انو تشوفها همس ، راحت تجيب شنطتها اللي تشيل اغراضها كلها ، وفكتها وحطتها على السرير ، راحت لدولابها وفكته و قعدت تطلع لها ملابس ، تكلمت غرام : شيلي لك ملابس كثيرة عشان نحاول فيهم هناك نقعد اكثر
همس: معليك!!
بداو يرتبون شنطهم بكل حماس و لهفه للمزرعه اللي من زمان عنها و كان الجد مهتم فيها و لان حلاله من خضروات و فواكه و ورود و خيول و أشياء كثيره حلوه ، تغير المزرعه وصارت احلا و احلا و الجد قرر بذا القرار عشان ينبسطون كلهم مع بعض و كان ذا كله لخاطر حفيداته اللي عندهم فضول يشوفون المزرعه ، العائله كلها مبسوطه بذا الخبر ، عن سهم اللي بعد خمس ايام راح يروح للمهمه ، ما يدري كيف راح يقعد شهر و نص بعيد عن غرام ، مو عارف كيف تحكم بمشاعره اتجاهها، ما يدري كيف يودعها و يوصيها على نفسها ، غرام كانت عارفه انو بعد خمس ايام راح يروح سهم ، حزنت مرا ، ما تبي سهم يروح ، خايفه عليه ما تدري ليه ، بس راح تعيش ذي ثلاث الايام معه ، بعد مرور وقت طويل و جات الساعه 3 العصر ، انتظرو يأذن العصر و يصلون ، اذان العصر و صلوا، والكل طلع برا عشان يقسنون بعض للسيارات وكان موجود الجد و الجده و سالم وعياله و زوجته و ضاري بعد و البندري و عيالها و زوجها ، طبعا البندري و زوجها و بنتها بسياره مع بعض ، و سلطان و أبوه و امه مع بعض ، و سهم و أبوه و امه و همس و شموخ و غرام مع بعض ، و لؤي و مناف و رولا و لارا مع بعض ، اخيرا الجد و الجده و نياف مع بعض و طبعا العاملات معهم ، اخذوا العيال الشنط و الاغراض وبدأو يرتبونها بسيارات الخمسه ، رولا اللي كانت جنب لارا ، تكلمت : ياخي قلنا نكون مع بعض بس مع مين مع مناف و لؤي الله يعين
لارا: يعني دحين ماراح نقدر نحط اغاني و نضحك و نسوي اللي نبيه !!
رولا: انتييي شايفه ، اوف ليتني اقدر اخذ سياره و اسوق
لارا وسعت عيونها بذهول: لا لا مو منجدك ، الحمدلله ما تقدرين تسوقين
رولا بحزن : حسبي الله ذا اللي موقفني
لارا ضحكت بصوت عالي و رولا على طول حطت يدها على فم لارا عشان تسكتها ، الكل طالع فيهم و رولا و لارا شافوا نظراتهم و رولا شالت يدها بهدوء و طالعت فيهم : يمه وش فيكم ؟
لارا دقتها عشان تسكت و الجد ناظر فيهم و ابتسم وبعدين ضحك
رولا :فديت اللي يضحك يناس
الجد ابتسم ، لؤي اللي شاف كل شي من البدايه ، ابتسم ، انتهوا العيال و تكلم الجد: يلا بسم الله
ركبوا السيارات و حركوا ، عند سهم اللي كان الطريق مبتسم عشان غرام موجودها و كان يسمع صوتها ، غرام و همس و شموخ كانوا يسالفون عن انو وش بيسون هناك ، وكان الحماس كل شوي يزيد ، عند رولا و لارا اللي كانوا ساكتين و يسمعون سوالف لؤي و مناف ، رولا تأففت وقالت بهمس للارا : وش ذا طفش طفش
لارا : مرااا
رولا : قولي لأخوك يشغل اغنيه اي شي !!
لارا : تمام
لارا كلمت اخوها : لؤي حط اغنيه
لؤي: تمام ، وش تبين
لارا : دقيقه
التفتت لرولا : أغنيتنا
رولا ابتسم : أغنيتنا
لارا : حط نفضل نرقص
حط لؤي الاغنيه اللي يبونها و بدت الاغنيه و رولا و لارا يغنون بصوت واطي ، بعد فتره انتهت الاغنيه و لؤي حط اغنيه عراقيه و كان يبي يزعج البنات ، بس اول ما اشتغلت الاغنيه البنات عرفوها و اول ما بدت قعدو يغنون و العيال مصدومين منهم ، رولا و لارا اللي يسمعون كل أنواع الاغاني ولا يفوتهم شي ، عند نياف اللي كان مشغل شيله و قعد يغني مع جده و جدته و بعد مرور 15 دقيقه ، شاف الجد محطه وقال : نياف روح للمحطه ، عشان نعبي بنزين و نشوف إذا احد يبي شي
نياف : ابشر
نياف فتح الشباك اللي جنبه و طلع يده واشر للمحطه وعشان الباقي يرحون لها ، راح نياف للمحطه و وقف عند مكان البنزين ، الكل عب بنزين فل ، انتهوا وراحوا للسوبر ماركت اللي كانت جنب المحطه ، الجد طلع بطاقته : خذ يا نياف خل البنات و العيال يروحون يشترون اللي يبونه و شوف عمك و ابوك و عمتك وش يبون
نياف ابتسم : تمام
نياف طلع من السياره وراح لسيارة أبوه وراح لشباك أبوه ، فك ضاري الشباك : وش تبون من اشتري لكم من السوبر ماركت
ضاري : جيب لي عصير منجا يولدي
منى : عصير تفاح
نياف : ما تبون شي ثاني ؟
ضاري و منى: لا
نياف: سلطان تبي شي ؟
سلطان : جيب كودرد
نياف : ابشر
راح نياف لسيارة سهم و راح للشباك حقه و فك الشباك سهم وقال : هلا
نياف : رفع بطاقة جده وقال : جدي يقول خلي البنات ينزلون السوبر ماركت يشترون اللي يبونه
سهم التفت على البنات : يلا
نزلوا البنات
نياف : شوف عمي وش يبي
سهم سال أبوه و امه طلعوا ما يبون شي
نياف : وش تبي انت طيب ؟
سهم : ببسي
نياف : تمام
راح نياف شاف عمته وش تبي و طلعت تبي عصير هي و زوجها و اخذ نياف روين للسوبر ماركت، وقال لؤي و مناف و رولا و لارا ، و كلهم راحوا للبقاله ، الخمسه البنات اخذوا عربيه وحده لاغراضهم جاء لهم نياف اللي كانت معه روين وقال: غرام خذي روين خليها معكم تشتري
غرام : تمام
نياف ناظر بهمس نظره سريعه و راح لي لؤي و مناف ، بنات قعدو يشترون اغراض تكفيهم لي ثلاث ايام و اكثر ، اشترو اللي خاطرهم فيه و راحوا لآخر شي هو المشروبات ، غرام راحت اخذت كودرد ، مسكتها همس : سيبي والله ما تخذينه
غرام : شيلي يدك
همس جات ببالها فكره انو اول ما يركبون السياره بتعلم سهم : خلاص خذيه مالي دخل فيك
أخذته غرام وكل وحده اخذت اللي تبيه و راحوا للكاشير، شافهم نياف وكانوا العيال خلصوا نياف شاف اغراضهم: ماشاءالله عليكم خلصتوا فلوس جدي
رولا : تراها أشياء بسيطه
نياف : كيف إذا مو بسيطه الله يعين ، حطوا الاغراض و بدأ يحاسب الكاشير و انتهى ودفع الحساب و بعد ما انتهوا خرجوا ، العيال اخذوا الاغراضهم وأغراض البنات و وودها للسياره ، نياف أعطى سهم مشروبه و راح لابوه و امه واعطهم اغراضهم و آخر شي راح لعمّته واعطها العصير و فتح الباب لي روين ودخلت و صك الباب وراح للسيارته،
عند رولا و لارا راحوا للسياره ، وعند غرام و همس و شموخ دخلوا السياره ، الكل رجع السياره و حركوا للمزرعه اللي تبعد ساعتين ، غرام مسكت الكودرد وأول ما فكته تكلمت همس : لا تشربين صدقيني بيتعب قلبك يا غرام
غرام : يا احبه هو والقهوة يا همس
همس : عشان صحتك لازم تتركينه
غرام : بإذن الله
همس : سهم شوف غرام تشرب كودرد وذا راح يتعب قلبها
غرام وسعت عيونها بذهول وضربت كتفها : اسكتي اسكتي !!!
سهم اول ما سمع كلام همس غمض عينه و فتحها و عض شفايفه ، سهم كان ساكت ولا تكلم أبدا و راح يتفاهم معاها وقت ما يوصلون ، مايبي شي يتعب غرام و ولا يبي شي يضرها أبدا خوفً عليها ، غرام اول ما قالت كذا همس ناظرت غرام همس وقالت لها نتفاهم هناك ، مسكت غرام سمعتها و شبكتها على جوالها و بدت تسمع اغاني ، كانت تفكر هي عارفه اللي تسويه غلط بس مو عارفه كيف تتركهم تجي فتره وتتركهم و بعدها ترجع ماتقدر متعوده عليهم ودايم تشربهم ، ناظرت بسهم وشافت تعابير وجهه مو عارفه هو زعلان ولا معصب ما تدري ، بس تدري انو راح يتفاهم معاها عن ذا الموضوع ، عند نياف~
كانوا الجد و الجده و نياف يسالفون ، فجأة الجد قال: ما ودك يا نياف تتزوج ؟
نياف اول ما سمع ذا السوال قال : ها لا لا مو الان
الجده: ليش يولدي ؟
نياف: مدري يا هنو
الجده: في بالك احد ؟
نياف اول ما سمع السوال ذا قعد يفكر بهمس وهو عارف انو همس تناسبه مرا ، وده يتكلم بس خايف من جده يسوي شي ، ودي يقول لهم انه يبي همس ولا يبي غيرها ، الجد و الجده شافوا سكوت نياف وعرفوا انو في احد بباله ، الجد و الجده ابتسموا لان شافوا طيف ابتسامه على نياف ، بس أخفاها على طول ، رد عليهم : همس
مايدري كيف قال اسمها على طول ، مايدري كيف ردت فعلهم على اللي قاله ، بس سكت ما قال إلا اسمها ، الجده ابتسمت : المميزه من بين الكون كله
الجد ابتسم : متاكد يولدي
هز نياف راسه بوافقه ، الجد : تبي اكلم ابوك ؟
نياف : لا جدي أنا بتكلم معاها بالموضوع بس أبيكم معي
الجد : ابشر
نياف ابتسم : الله يبشرك بالجنه
بعد مرور ساعتين ، وصلوا المزرعه ، انفتحت البوابه الكبيره اللي راح تدخلهم للمزرعه ، دخلت السيارات ، ووقفت ، الكل خرج من السيارات ، ووقفوا ، تأملون القصر الكبير ، و جمال الورود آللي مآليه المكان، الكل انبهر من التغير اللي صار صارت المزرعه اجمل و اجمل ، الجد ابتسم : ها كيف المزرعه ؟
ضاري: ماشاءالله مرا حلوه
سالم : ماشاءالله عليك مرا حلوه
سهم ابتسم : مرا تغيرت
سلطان : فعلا صارت احلا
نياف : الله عليك يا جدي فنان
غرام : المنظر يفتح النفس!!
شموخ : الله يعطيك العافيه يا جدي
همس : حلوههه مرااا !!
رولا : عجزت عن الوصف
لارا : نفس الكلام رولا
ابتسم الجد : الله يسعدكم ! ، انتو ما شفتوا اللي المزرعه من ورا ، تعالوا معي
الكل راح مع الجد ، شافوا الخضروات و الفواكه اللي شكلها تفتح النفس، كانت أنواع كثيره من الخضار والفواكه، جو للقسم الأحب لغرام و سهم ، الخيول ، راحوا له ، اول ما دخلوا قسم الخيول ، غرام شافت برق ، على طول راحت له جري ، مسكت راسه و حضنته وباسته وقالت : وحشتنييييي!!!
الكل شافوا غرام من بعيد ، راح سهم كمان يشوف رعد ، الكل شاف انو سهم رايح لغرام حبو انو يكملون جوله في المكان ، سهم وصل لرعد اللي كان جنب غرفه برق خيل غرام ، قرب منه ، وحط يده على راسه رعد ، رعد عرف صاحب اليد وقعد يصرخ من عرف صاحب اليد ، سهم ضحك ، وقعد يهديه ، غرام شافت ضحك سهم ، ابتسمت و التفتت لبرق ، سهم ناظر بغرام وقال : غرام
غرام سمعت صوته الثقيل ، التفتت عليه: هلا
سهم : كيفك عساك طيبه ؟
غرام : بخير و انت؟
سهم : جعله دوم ، بخير وبصحة وعافيه ، ودي نتناقش عن موضوع القهوه و كودرد
غرام : سهم تراني حاولت بس ما فاد أبدا ، حاولت اتركهم بس ما قدرت
سهم : طيب صحتك ؟ عادي عندك تتعبين و يصير فيك شي لا سمح الله ، راح اشيل همك ، مابي شي يضرك يا غرام ، صحتك صحتك لازم تنتبهين لنفسك، الله يسعدك حاولي انك تتركيهم
غرام لاوت شفايفها وقالت : ابشر ، راح اتركهم و راح احاول مرا ثانيه
سهم ابتسم : الله يبشرك بالجنه يالغرام
غرام ابتسمت : يلا مع سلامه
التفتت لبرق وباسته و راحت ، سهم وهو يتأملها و التفت لخيل غرام وقال: ياحظك
عند الباقي ، اللي كانوا جوا القصر الرجال لحالهم و الحريم لحالهم، دخلت غرام عليهم و فصخت عبايتها و علقتها و راحت للصاله الكبير اللي هم فيها ، دخلت و القت السلام و ردو عليها ، جلست غرام جنب همس و مسكت جوالها و قعدت تتفرج، همس حست انو غرام زعلانه ، قربت منها و قالت لها بهمس : لا يكون زعلانه مني ترا والله خايفه على صحتك يروحي
غرام : طيب بس ما كان له داعي تعلمينه
همس : ما قلت له عبث لاني عارفه اسلوب سهم اللي يقنعك على طول
غرام ابتسمت: هو أقنعت خلاص
همس بابتسامة: منجد !!! كويسسس والله فرحت
غرام ابتسمت وقالت : ما ودك نطلع فوق لغرفتنا نشوفها
همس : يلا خلينا ننادي البنات
قاموا و غرام سحبت رولا و لارا و همس سحبت شموخ ، واستأذنوا من الباقي و راحوا للدرج ، تكلمت شموخ : يمه وش فيكم !!
رولا : وش صاير ؟
همس : ما ودكم نشوف غرفتنا
رولا بصرخ : الااااا
البنات بسرعه طلعوا الدرج بجري متجهين لغرفتهم الكبيره اللي تجمعهم ، اللي كانوا عايشين فيها اجمل اللحظات ، وصلوا و راحوا للغرفه ، فتحت غرام الباب الكبير اللي يدخلهم لغرفتهم ، دخلوا و ابتسموا من جمال الغرفه اللي جددها الجد ، وكان كل جهه لوحده من البنات لها ذوقها الخاص فيها اللي يعرفه الجد و اللي حافظه ، كل وحده انسدحت على سريرها ، تكلمت همس : يلا خلونا نرتب أغراضنا بدولاب
غرام : يلا
قاموا و كل وحده اخذت شنطتها و بدت تفكها و لارا راحت للدولاب و فتحت الأدراج كلها ، كان الدولاب كبير عشان يكفيهم الخمسه ، بداو يطلعون ملابسهم و كل وحده حطت ملابسها بمكانها المعتاد ، بعد مرور وقت كان فيه ضحك و سوالف ، انتهوا ، تكلمت غرام : بنات أنا بروح للإسطبل احد يبي يجي ؟
شموخ :أنا معاك
همس : أنا معاكم بس ما بركب
رولا : أنا و لارا بنروح نتمشى برا و بعدين نجيكم
غرام : تمام يلا شموخ
شموخ : يلا
غرام راحت اخذت ملابسها اللي لازم تلبسها قبل تركب الخيل و شموخ بعد ، انتهوا من اللبس ، كانت لابسه غرام بلوزه بلون الأسود و بطلون الأبيض، ولبست بوت اسود طويل ، و شموخ مثلها ، راحوا لهمس اللي كانت على جوالها شافتهم وابتسمت : اللبس عليكم خطيررر
غرام ابتسمت : حبيبي ، اسمعوا لازم نكلم احد عشان لاحد يروح للإسطبل من العيال
شموخ : صح ، خلاص أنا بكلم ابوي
غرام : تمام
شموخ طلعت جوالها ، دقت على ابوها و بعد ثواني رد عليها : هلا يا شموخ
شموخ : يبه أنا والبنات رايحين للإسطبل لاحد من العيال يجي
سالم : تمام بس انتبهوا لنفسكم ولا تسرعون بالخيال و بذات غرام
شموخ ضحكت : معليك أنا ماراح اسرع بس شوف غرام كلمها
أعطت شموخ ، غرام الجوال و اخذت و كلمته : هلا يا عمّي
سالم : غرام يبنتي لا تسرعين بالخيل
غرام : يا عمي لا تخاف تراني اعرف له و اعرف اتحكم فيه إذا سرعت يعني لا تشيل هم ، بس انت قول للعيال لا يجون للإسطبل
سالم : تمام انتبهوا لنفسكم
غرام : ابشر
سالم : الله يبشرك بالجنه
قفل سالم ، كان كل ذا الكلام تحت مسمع سهم اللي ابتسم و أخفى ابتسامته على طول ، سالم ناظر للعيال وقال : لا تروحون للإسطبل البنات هناك
كلهم أجابوا بالموافقه ، وكملوا سوالف ، عند البنات ، اللي نزلوا تحت و كانوا الآمهات موجودين تحتّ أستأذنوا منهم و طلعوا من الباب الخلفي و راحوا للإسطبل اللي كان ورا القصر ، راحوا شموخ و غرام يطلعون الخيول ، راحت غرام لبرق و فتحت الباب له و طلعته و بدت تركب عليه السرج و زبطت كل شي و شموخ مثلها ، بعد ما انتهوا بداو يمشون الخيول الين يوصلون للميدان ، وصلوا و فتحت الباب غرام و دخلت خيلها و شموخ بعد ، قفلت شموخ الباب و كانت همس جالسه بوحده من الكراسي اللي قدام الميدان ، غرام و شموخ ركبوا خيولهم و شموخ التفتت على غرام : ها سباق ؟
غرام ابتسمت : سباق
شموخ التفتت على همس وقالت بصوت عالي عشان تسمعها : همس صوري بنسوي سباق
همس : تمام تمام
فتحت همس الكاميرا وقال : واحد اثنين ثلاث يلا ، بداو غرام و شموخ بسباق و كل وحده كانت سريعه ، شافوا انهم متساوين قامت غرام زادت السرعه وصارت المتقدمه و زادت و زادت و قعدت غرام تصرخ بحماس من الهواء و شعرها يتطاير و كان شعور حلو لها من زمان ما ركبت برق من زمان عنه ، قربوا من النهايه و غرام كانت مسرعه مرا و شموخ كانت وراها ، قربت غرام و خلاص هي اللي فازت و جالسه توقف الخيل قبل لا تصقع بالحديدة ، و همس و شموخ :غرام هدييييي بتصقعيننن بالحديده
غرام لحقت انها توقف الخيل و هلت خيلها يروح على يسار قبل لا يصقع و وقفت الخيل و نزلت غرام من الخيل و راحت لها شموخ : يبنتي كنتي خلاص بتروحين فيها بس الحمدلله ربي لطف
غرام : الحمدلله
رجعوا البنات يركبون الخيول و بيلعبون قفز الحواجز ، عند رولا و لارا بعد ما لفو المزرعه لف ، راحوا للبنات اللي عند الإسطبل و شافوا همس جالسه على كرسي و كانت تناظر البنات ، التفتت رولا على لارا : خليني نفجعها دقيقه لا تطلعين صوت
لارا ضحكت : تم
راحوا ورا همس وقالوا : بومممم
همس انفجعت و حطت يدها على قلبها وشافتهم : وجع وجع فجعتونيييي!!!
رولا : معليش معليش
لارا قعدت تضحك عليها و جلسوا جنبها ، شربت همس مويه و طالعت فيهم: حسبي الله
قعدو يضحكون عليها و بعدين سكتوا و قعدو يناظرون شموخ و غرام اللي يلعبون قفز حواجز و فجاء شافوا غرام طاحت ، البنات قاموا ودخلو الميدان و وراحوا لها و شموخ نزلت من الخيل وراحت لها ، شموخ : غرام غرام بنت فيك شي ؟؟
همس : غراممم قومي
رولا بخوف : غرام قومي !!
همس شالت التراب اللي كان على وجهها لأنها انقلبت ، غرام قامت وقالت بصوتها الناعم : يمه وش صار فيني
شموخ : انقلبتي
همس : فيك شي تحسين بوجع
غرام قامت ومن الأرض و البنات معها ، غرام : ما احس بشي و مافي الالم
شموخ : دقيقه
بدت تضغط على رجلها و تشوف في ألم ولا لا و بعد ما تاكدوا وطلع ما تعورت من شي ، تكلمت غرام : لاحد يعرف أبدا ، و بعدين تخرب خرجتنا
همس : معليك بس إذا حسيتي بشي قولي لنا
غرام : تمام
راحت غرام لبرق و حضنته و باسته و مسكته وبدت تمشي تبي تطلع برا الميدان و ترجعه لغرفته ، شموخ بعد و طلعوا ودخلهم و راحوا جلسوا كلهم ، قعدو يسولفون ، الين ما جاء آذان المغرب ، غرام :الله اكبر، يلا بنات خلونا نرجع
قاموا وراحوا للبيت و دخلوا و طلعوا لغرفتهم و بدلوا ملابسهم و صلوا و نزلوا تحت وراحو جلسوا مع الباقيين ، و قعد الكل يسولف ويضحك ، بعد مرور فتره طويل ، جاء اتصال للجده من الجد يطلب بان يسون عشاء و الجده اعطته الموافقه ، قفلت المكالمه و التفتت عليهم : يلا نسوي عشاء
البندري : يمه انتي وش بتسوين ؟
الجده : كابلي
البندري : كويس
غرام : جده بنقوم نساعدك
الجده : الله يسعدكم
الكل قام ، الأمهات و البنات و دخلوا المطبخ، و كان كل شي جاهز
الجده : همس دولاب القدور جنبك طلعي القدر الكبير
همس : تمام
فتحت همس الدولاب و طلعت القدر الكبير و أعطتهم الجده و الجده أخذته و حطته و شغلت النار عشان يسخن ، و نادت البنات : تعالوا شوفوا كيف راح اطبخ الكابلي
جوا البنات و بدت الجده تحط الزيت و بدت تطبخ الجده و البنات يساعدونها و الأمهات جالسين يسون السلطات ، بعد ما خلصو من اللحم و قفلته بالغطاء عشان يستوي اللحم، الجده : احسبوا له ٤٥ دقيقه
غرام : تمام
طلعت الجده و الكبار معها، وجلسوا البنات بمطبخ ، شموخ : بنات تبون بعد ما نتعشى نطلع الغرفه نتفرج فلم ؟
همس : اي
غرام : اي
رولا و لارا : اي
شموخ : طيب وش تبون فلم ؟
همس: في فلم يجنن خلونا نتفرجه بس ها رعب ترا
غرام : كويسس
شموخ : عادي ما عندنا مشكله
رولا و لارا : حتى حنا
غرام : وش رايك بكرا نطبخ احنا الغداء يعني كل وحده تطبخ صنف
همس : الله !! فكره حلوه !!
شموخ : مرااا حلووو
رولا : بس ترا أنا و لارا بصنف واحد
غرام : اقول بطلو كل وحده صنف
شموخ : اي
رولا : تمام بس تساعدوني لاني مو مرا مع الطبخ ترا
غرام : عادي كلنا راح نساعد بعد بس الان كل واحد تفكر وش تبي تطبخ ، أنا بطبخ برياني لحم او دجاج باقي ما حددت ، انتو الان فكرو وش تبون ، قعدو البنات يفكرون ، شموخ قالت : بسوي صينيه زر بدجاج
همس : مكرونه بشاميل
رولا : جيب التاجر
لارا : سلطه
غرام : حلو اجل بكرا إذا صحينا نقول لهم
شموخ : تمام
همس : اسمعوا اكيد الرجال بيطلبون جدتي تسوي شاهي خلونا نجهز الاغراض و بس جدتي تلاقي كل شي جاهز
غرام : صح يلا
بداو البنات يتساعدون ، شموخ طلعت الأكواب و غرام طلعت الصينية اللي بيحطون عليها الأكواب و طلعت بعد الملاعق و همس راحت تطلع السكر و تحط السكر بعلبتين، لأن بيسون صينيه للحريم و للرجال و رولا طلعت النعناع و لارا الحبق ، وقعدو يغسلونه ، بعد ما خلصوا ، جلسوا ، بعد مرور ٤٥ دقيقه نادو الجده تشوف اللحم ، دخلت الجده المطبخ و راحت للقدر و فكته و شافت اللحم وطلع استواء، اخذت صحن اللي فيه الرز المغسول و حطته و قلبت شوي و قفلت بالغطاء، وقالت : حبايبي احسبو ١٥ دقيقه
غرام : تمام ، جده شوفي
بعدو البنات و خلو الجده تشوف اللي جهزو ، شافت الجده الصواني الجاهز ، غرام : دحين يا جده بس تسوين الشاهي و نحط بالبراد و نعطي الرجال
الجده ابتسمت : الله لا يحرمني منكم يا حبايبي قلبي ، تعالوا أحضانكم، قربوا البنات من الجده و حضنتهم الجده و باستهم و هم باسوا رأسها و يدها ، ابتسمت الجده طلعت الجده ، بعد مرور ربع ساعه و نادوا الجده و شافت الاكل و طلع استواء و اتصلت على الجد ، جاء الجد و لقى حفيداته موجودين : ياهلا بحفيداتي
قربوا منه و باسو راسه و يده و حضنهم الجد و التفت على الجده وهو مبتسم : ها اقلب القدر
الجده : تعال يلا
اخذ الجد القدر و قلبه على الصحن الكبير و الجده قسمت الاكل على صحنين واحد للرجال و واحد للحريم ، البنات اعطو الحد الصينيه اللي فيها السلطات و السفره و شالها و راح للرجال و أعطى العيال السفره عشان يفرشونها و يحطون السلطات ، واخذ الجد صحن الاكل و راح للرجال و حطه و تعشوا ، و عند الحريم حطو أكلهم و أكلوا ، بعد فتره ، انتهوا من الاكل ، العلامات شالوا السفره و كل شي من عند الرجال و الحريم ، الجده و حفيداتها و راحوا للمطبخ و الجده بدت تسوي الشاهي ، الجده كانت تسوي الشاهي و هي تسمع سواليف حفيداتها وهي مبتسمه و تدعي لها بكل خير و كانت تشوف ضحكاتهم و مزحهم و عذب كلامهم لبعض ، انتهت من الشاهي و حطت للرجال ببراد و الحريم ببراد ، دقت على الجد وقالت له انها جايه ، اخذت الجده الصينية الشاهي ، البنات راحوا معها للباب و فتحوا لها الباب قسم الرجال و قفلوا و الجده فتحت الباب الثاني حق المجلس ، قالت: السلام عليكم
ردو السلام ، و حطت الصينيه و ضاري و سالم و صقر زوج بنتها راحوا سلموا على رأسها و يدها و العيال كمان ، سهم باس رأسها و يدها ، الجده : الله يرضى عليك
سهم ابتسم و سلطان باس رأسها و يدها و لؤي و مناف سلموا على رأسها و يدها ، كانت الجده تدعي لهم و هم يسمعونها و يبتسمون ، و جاء دور آخر واحد هو نياف ، شافها و ابتسم بارس رأسها و يدها و ناظر فيها وقال : كيفك يا هناء قلبي
الجده ابتسمت : بخير يا حبيبي وانت ؟
نياف : يوم شفتك صرت بخير
الجده : جعله دوم يا حبيبي
نياف ابتسم : امين!!
قربت الجده من أذنه وقالت : بس إذا شفت همس صرت بخير اكثر

نياف ابتسم اكثر وقال بصوت محد يسمعه غير جدته : تفهميني دايم يا هناء قلبي
الجده : الله يجمعكم بخير يارب
نياف ابتسم : اميننننن ياربببب!!
الجده ابتسمت ، نياف جلس جنبها ، و لؤي قام يصب الشاهي لهم ، أعطى جده و جدته و بعدين عمه و أبوه و زوج عمته و بعدها العيال ، قعدو يسولفون مع بعض ، عند الحريم ، كانوا يشربون الشاهي و يسولفون مع بعض ، بعد مرور فتره طويله ، قاموا البنات و قالت شموخ : احنا نستأذن بنطلع فوق نتفرج فلم و بنأخذ روين معنا وبعدها بننام ، البندري ابتسمت : الله يسعدكم ، بس وش نوع الفلم
همس : رعب
البندري التفتت على بنتها وقالت : عادي تتفرجين رعب ولا تخافين ؟
روين : عادي ما عندي مشكله
البندري : تمام
راحت روين جنب البنات الواقفين ، غرام : اي و بكرا مجهزين مفاجاه لكم
نهى : حلوو
منى : لمحوا وش هي
البندري : دحين كيف أتخلص من فضولي ؟
غرام ضحكت و قالت : بكرا تعرفون
طلعوا البنات و راحوا لغرفتهم و بس قبل كل شي كل وحده بتدخل الحمام تتروش لان طبخوا ، كل وحده اخذت منشفتها و ملابسها و دخلت الحمام ، بعد ما انتهوا من الشور و شغلوا المكيف و همس مسكت الريموت و شغلت التلفزيون و دخلت على نتفلكيس و بحثت على الفلم و لقته ، روين قفلت الانوار و راحت كل على سريرها اللي كان قدام التلفزيون، كانت سررهم جنب بعض بس في مسافه ما بين كل سرير ، شغلت همس الفلم ، كان الفلم رعب رعب فعلا و يوتر مرا ، بعد مرور ساعتين فيها صرخ و توتر من الفلم ، انتهى الفلم و شغلوا اضاءة خافته ، التفتت همس عليهم : كيف الفلم !!
روين : والله خطيرر
غرام : فعلا مرات حلووو
شموخ: ايي بس يوتر و يخوف
رولا: جميللللل
لارا : فعلا ذا ينقال له فلم رعب !!
همس : في فلم ثاني بس نشوف بكرا او بعده
غرام : تمام ، اي و خليكم بكرا جاهزين ورانا طبخ و سهره آخر الليل واشياء كثيررره
رولا : الله !!!
همس : متى يجي بكرا من غير شر
شموخ : ان شاء الله يعجبهم طبخنا
غرام : كيف ما يعجبهم ، ما دام احنا اللي سوينه اكيد بيطلع حلوو!
لارا : صحيح !!
قعدو يسولفون سوالف ما قبل النوم و بعدها كل وحده غطت بنوم عميق بعد تعب ، ولا ننسى انو بكرا الجد بيعطي رولا و لارا هديتهم بالمناسبه قبولهم للجامعه ....

بارت طويل لمناسبه اليوم الوطني ، الله يعز آل سعود 💚🇸🇦