الكاتبه: ساره حَكيم
تصويت+وتعليقات بين الفقرات
————————————————————————
الدكتور: ابنكُم حالته خطره وممكن يموت
فتحت عيوني بصدمه ودموعي على خدي مصدومه بكلام الدكتور وكعت على ركباتي وبديت اصرغ الى ان اغمى عليه وماحسيت بشي بعد
فتحت عيوني لكيت علي يمي وعيونه حمره ومورمه ليكت حاطين بأيدي كانونه بسرعه كمت لزمني
علي: وين وين
رقيه: علي اخويه علي حباب
_ كعدي عيوني بعده بالعمليات
_ علي وخر علييييي اخويهههههه
_ رقيه بس اهدي راح يكوم بالسلامه
_ الدكتور كال مُمكن يموت اذا مات منو يبقالي
انهاريت من البچي اخويه بالعمليات امي مو يمنه ولا مهتمتلنا وابويه مسافر ولو نموت مايهتم وماعندي غيره اذا راح منو يبقالي اجت المُمرضه كالت
المُمرضه: حبيبتي لازم ترتاحين
رقيه: وخريها
_ مايصير عيوني لازم ترتاحين
_ حبابه بس اري اشوف اخوي ورجعي شكليها
_ ماشي عيوني
شالت المُغذي وبقت الكانونه رحت لكيت بس عمي ابو حيدر وعمامي الباقين ماكو ولا جدي لان رجال چبير وتعبان والولد كلهم وفاطمه وكوثر شافني عمي اجه حضني كال
ابو حيدر: بابا ميصير هيچ تسوين بروحچ
رقيه: عمو اذا راح منو يبقالي
_ ليش حبيبتي كُلنه يمچ وهوَ مايعوفچ راح يرجع ويكون بالسلامه
_ ان شاءالله
_ يله هسه علي ياخذكم للبيت ارتاحي واحنه هنا
_ لا عمو اني باقيه
_ براحتچ عيوني تعاي ارتاحي
جابلي الكرسي وكعدت دايخه وتعبانه انتضرنا شوي وطلعت مُمرضه كمنا كتلها
رقيه: عفيه اخوي شلون صار
المُمرضه: مااكدر اكول شي اعذروني من رخصتكم
_ هوَ شنو ماتكدرين چا شچنتي تسوين جوه هاااا احچي اخوي شلونه كولي شلون صار لاتخبلونيي اخويي شلونه؟؟؟؟؟
ابو حيدر: حبيبتي بس اهدي مايصير هسه يطلع الدكتور ويكللنه
رقيه: هوَ لطش جوه ماطلعت عمليه
فاضل: ايي صارله ساعتين
علي: استغفرالله فاضل
فاضل: تمام
