الكاتبَه:ساره حَكيم
————————————————————————
بيوم من الأيام چنت صف ثالث متوسط چنت توني راجعه من المدرسه فَ طلعت من المدرسه رحت صعدت بالخط وحدي البنات بعدهم مجايات فَ اجه ابو الخط كال
محمد:سلام عليكُم
رقيه بأستغراب:وعليكُم السلام!
محمد:شلونچ اليوم؟
رقيه:الحمدلله
محمد:دومچ ان شاءالله
رقيه:ابتسمتله واستغربت انو سلم عليه بالعاده بس يباوعلي ومااهتكيت اجوا البنات وصعدنه كُلنه رجعنه للبيت وهوَ الطريق كًله يباوعلي مااهتميت و وصلت للبيت اول مافتحت الباب طلع كبالي حيدر ابتسمتله وردلي الابتسامه
حيدر:ياهلا برقيتنه شلونچ اليوم
رقيه:طايح حظي ويه الثالث الله وكيلك
حيدر وهوَ يضحك:يله ميخالف ماضل شي للامتحانات ادرسي زين وطلعي مُعدل حلو
رقيه بأبتسامه:ان شاءالله
حيدر: يله اني رايح محتاجه شي؟
رقيه:سلامتك
حيدر: يلا مع السلامة
رقيه: الله وياك
طبيت للبيت رحت لغرفه امي وابوي لكيتهُم كاعدين سلمت عليهُم وصعدت لغرفتي بدلت لبست تراك عادي وفوك البلوز لبست هودي مالبست حجاب لان مانلبس من ولد عمامي ونزلت لكيت البنات بالصاله كعدت يمهم وكعدنه نسولف
فاطمه:بنات اني ضايجه
كوثر:ايي والله اني
فاطمه:شنو رأيكُم نطلع؟
رقيه: شو نچبي ياهو يطلعچ بهل برد
فاطمه: وجع حته وجع نكول لواحد من الولد يطلعنه
رقيه: خوش راح اكول لعلي
فاطمه: يله خابري
صعدت حته اجيب موبايلي وطلع علي كدامي ابتسمتله وكتله
رقيه:ياهلا ياهلا برجال البيت
علي: الزبده؟
رقيه: هاي شبيك فوك مجاي احچي وياك
علي: مو ادري هاي اللواكه علمود شغله كولي شرايده
رقيه: نريد نطلع ونريدك انتَ تطلعنه
علي: منو يريد يطلع
رقيه:اني وفاطمه وكوثر
علي: يله بدلوا نص ساعه واجي اخذكُم
رقيه: وايي شكراً شكراً
علي بأبتسامه:عفواً
نزلت كلت للبنات وفرحن لان صار هواي مطالعين واحنه طالبات ثالث فَ نفسيتنه زفت رحنه اني رحت لغرفتي وهنَ راحن لغرفتهن
فتحت الكنتور طلعت هاينك اسود وبنطرون اسود وربطه بيضاء وكوت زيتوني وحذاء اسود لبست كملت ولبست تخم فضي طلع كُلش حلو وخابرت اهلي انطيتهم خبر ونزلت لكيت البنات كاشخات
