الكاتبه:ساره حَكيم
————————————————————————
كعدت من النوم مثل كل يوم لبست ملابس المدرسه ونزلت وعلي نزل ويانه وچان حيل معَصب وبس يخوزر بيه ماحچه شي عافنه وطلع ضليت صافنه وتذكرت بس لا عرف بسالفه السايق بس شلون يعرف ضليت افكر اجه ابو الخط صعدنه وصلنه للمدرسه جاي ننزل وكفني محمد من لزم ايدي باوعتله بخزره وكتله
رقيه: بس بلا زحمه عوف ايدي
محمد بغمزه: ليش هاي العصبيه يحلو
— جاي اكلك عوفني اريد انزل
_ واذا مااعوفچ شيصير؟
_جاي اكُلك وخر لا.....
بعدني مامكمله واجه علي فتح باب السياره مالته وسحله بنص الشارع التموا عليه الناس يريدون يوخروا وهوَ ابد مايتحرك لا ضخم حيل نزلت اني من السياره حضنت ايده وكلت
رقيه:علي حباب وخر كافي عوفه
باوعلي بخزره و وخر عن الولد اجه عليه لزم ايدي وجرني ويا للسياره فتحلي الباب الكدام صعدت وركع الباب راح صعد بمكان السايق باوعلي وشرايين ايده وكصته مبينه و وجهة احمر من العصبيه كال
علي: سولفي
رقيه: علي بس خلي افهمك صدك هوَ لازكلي واني ردت اكُلك بس خفت
_ من شنو خفتي ها؟
_ تسوي بالولد شي ويشتكي عليك
_ وشعليچ بيه غير تكُليلي بس اني اعلمچ خلي نرجع بسيطه
_ بس علي
_ اششش ولا كلمه
خفت لايجيني راشدي وسكتت لان چان كُلش معصب والطريق كُله يخزر بيه واني مااباوعله بس احس بي من يباوعلي وصلنه للبيت نزلنه كمش ايدي ومشه سريع حسيته يركض اول ماطبيته نسوان عمامي وامي بالمطبخ شافوا لازم ايدي ويمشي سريع
ام حيد: يا شبيكم شصاير
علي: ماكو شي حبيبتي بس اريد احچي وياها
الاء: شصاير احچوا؟
رقيه بأبتسامه: ماكو شي ماما شوي ونجي
بس كملت جرني علي من ايدي وصعدني لغرفته وسد الباب وباوعلي بخزره
علي: سولفي
رقيه: مو سولفتلك
_عيدي شحچيتي اريد من اول كلمه كالها الچ لآخر كلمه
سولفتله كُلشي وهو قابض على ايده و وجهة صار احمر واني اسولف وابچي
رقيه: صَدك هذا كُلشي صار
علي: بسيطه
_ علي حباب عوفه واحنه راح نبطل من عنده
_ معليچ
