بسم الله نبدأ وعلى الله نتوكل ومن الله نطلب النجاح والتوفيق
لبوة حلب
بقلمي : لبنى النعيم
~~~~~~~~~~~~~~~~~~~~~~~~~~~~
مو تدري بالينكسر يتصنع القوة
وتدري المشاعر طفت
واليستفز الكَلب شغلات مو
حلوة
تغيّرت حييييّل وبعد ماعندي شي
يسوة..
__________________________________
"لبنى"
صحيت من ثباتي اللي قضيتو بالمشفى صحيت من ثبات عقلي وايامي
صح الوقت عم يمشي لكن ماعم يتغير شي ولا عم يجد جديد متمنية ادفع نص عمري واسمع خبر عن اخي
خبر يروي عطش قلبي ويرد الروح لجسمي المنهك والهزيل ؛ لكن امنيتي ماتحققت وضليت عم انكوي بعذاب البُعد والقلق والتفكير والقهر والخوف
مُمدة على السرير كأن جزع شجرة مقطوع ، اوراقو خضراء تدل ع الحياة لكن لاحياة فيه
صح عم اتنفس وقلبي عم ينبض لكن روحي فارقتني وعم تركد وتدور على اخي اللي هدني فراقو ودمر كل ذرة امل بهالحياة .
فتحت عيوني بعدفترة طويلة من التمثيل ب انو نايمة وانا اللي فايقة ومانامت عيني ولا لحظة
لكن الهروب من الواقع والتفكير المفرط اللي بينخر العقل هو النوم وانا حتى النوم جافاني
وكان اول وجه بشوفو هو وجه سلام المبتسم اللي عم يراقبني بهدوء وتأني
_ سلام : صباح الخير
_ لبنى : صباح النور
_ سلام : كيفك اليوم كيف حاسة حالك
_ لبنى : احسن من مبارح الحمدلله
_ سلام : اي الحمدلله ، هيك لك لبنى خوفتينا عليكي وقلقتينا
هه هاد وين حالو ووين بالو انا حالتي بالضيم وهو عم يلطش بالكلام نياليي
_ لبنى : آسفة عم عذبكن معي وسببلكن مواقف انتو بالغنى عنها
_ سلام : هالمرة حكيتي هيك تاني مرة مابتحكي مابدي اسمع هالكلام منك وكأنك غريبة
_ لبنى : اي انا غريبة وانتو مو مجبورين تتحملوني بكفي اللي عملتو ماحدا عملو معي وفضلتو عليي كل عمري
_ سلام : انتِ وحدة من العيلة صرتي ومافي داعي تحكي هالحكي هاد
سكتت مابدي يحس ع شي اويعرف بخطتي اللي عم خططها من لما دخلت ع بيتهن وفقدت اهلي
كان لازم اتجهز واستعيد عافيتي وقوتي لحتى كون قد المسؤولية اللي اتحملها
لازم اخد ثأر اهلي ودم ابي اللي راح هدر رح افتح بحر دم بدالو بحر يطفي نار قلبي اللي هدت حيلي وسلبت عافيتي
أنت تقرأ
لبوة حلب ،12:00
Acciónفتاة تعيش حياة عادية وما بين يوم وليلة تنقلب حياتها الى جحيم تسعر نيران الحقد فيه وتكوي روحها المتعطشة للثأر فهل تنجح و تنجوا ؟ ام اندفاعها للثأر يجرها لمصرعها؟ ترقبوا احداث قصتنا المليئة بالمغامرات والغموض و الخطر
