مالي بالحُب الا في قلب محبوبتي ... قلبي غدا واستيسره رياح العود

PART 15

الرياض | المقر
دخل العسكري : ياقايد الرجال الي دخلناه جاسوس عند عبدالله في الاتصال
صقر : هات هات سريع واخذ الجوال وش صار ؟
الجاسوس : يا قايد حددنا مكان العمليات وهو مكانين واحد فيها المرو***جين والثانيه فاضيه
صقر : حددت موقعهم ؟
الجاسوس: ايوه حددنا موقعهم وبدا يكتبهم في ورقه وصرخ صقر سريع سريع تجهزوا يالفريق عندنا مهمه عاجله
وطلعوا كلهم معدا واحد منهم : ليه ماتطلع يا ؟
حاتم : حاتم
صقر بحده : اطلع وش تنتظر
وطلع حاتم ودخل مكتبه : الو بشير اسمع عرفوا بعبدالله وبيداهمونه
بشير : اشوا قلت كُنت انا وصالح بنروح
حاتم والي هو محمود : دور اي عذر و فيه جاسوس عند عبدالله انتبه يجي معنا ويخرب علينا
بشير : تمام بنحاول نعرفه وانت اعرف لي من هو
محمود : تمام وسكر يطلع لان هو من ضمن المداهمه بيداهم
وطلعوا وقسمهم صقر ومن سوء حظ محمود مابيكون مع صقر وراحوا انقسموا فريقين بعد ماكانوا فريق واحد
****
في مكان المداهمه
قاعد على كرسيه ينتظر شركائه الجُدد وقام وقاموا رجاله معه من شافوا ثلاث جيوب سوداء يدخلون المكان وتقدم عبدالله يمد يده يصافحه : تشرفت في الشراكه معك
الرجال : اخلص وين اللي طلبنا
عبدالله : لاتنافخ تجي الحين تعرف طالب حمله كبيره لازم تتاخر شوي وقعد عبدالله ينتظر الحمله والرجال واقفين على اعصابهم ويخافون ينمسكون لان مكان سهل كشفه
وقام عبدالله من شاف الشاحنه وابتسم : هذا هي جت وش فيك معصب
الرجال : سريع شوفوا الشحنه اذا كامله طلعوا نصيبه
وراح واحد من الرجال وفتح وطير عيونه بصدمه من شاف السلاح متوجه له
صقر بهمس : حركه وحده قضيت عليك فاهم! ولف للعساكر 15 من يمين الشاحنه و 15 من يسار الشاحنه اسرعوا وتحركوا العساكر ونزل صقر يمسكه من ياقته وطلع لهم : عبدالله سلم نفسك محاصر من كل الجهه
رجال عبدالله وشريكه رفعوا اسلحتهم
الرجال : نزّلوا أسلحتكم
عبدالله: صقر!!
صقر ابتسم : الملازم صقر يا عبدالله
عبدالله: وش تسوي هنا ؟
صقر : وش تعتقد انت وطيح الرجال وضربه بالسلاح وتقدم لعبدالله يمسكه ويكلبش يده تعالوا كلبشوهم وفتشوا سياراتهم
في زاويه بعيده عنهم طلع المنظار وشاف صقر اللي واقف والعساكر اللي ماسكين المر***وجين و اللي يفتشون السيارات وانبطح بالارض وصوب سلا**حه على صقر وفتح المنظار وكان مصوبه على قلبه وفك الامان واطلقها
العسكري تقدم : يا قايد لقينا شنطه
ولف صقر وكان بيتكلم لكن حس بشي دخل بوسط جسمه ومايدري وين المكان وشوش النظر عنده وطاح
العساكر فزوا بخوف سكروا على المجر***مين وركضوا يشوفون صقر
****
عند المداهمه الثانيه
مسكوهم وكانوا رجال عبدالله وفتحوا الشاحنه وانصدموا من الكور اللي تنزل عند الفريق منصور وقف قدامها والشغل الضوء ولمح ورقه متوسطة الحجم وصوت على الفريق سند : امسك ضوي لي وفتح الورقه من ضوّء له وانصدم من اللي يقراه وركض بخوف يركب السياره يدور على جواله
الفريق سند فتحها وشافها وقراء المكتوب " اذا ماتركتوا عبدالله تعازي الحار لكم لملازمكم الحين اعطيتكم درس واذا ماطلع عبدالله خلال يوم بتسمعون خبر وفاته وفز يركض عند الفريق منصور
الفريق منصور ودق على صقر وبالموت اخر رنه رد : صقر الو بسرعه بسرعه اطلع فخ فخ
العسكري : تاخرت ياقايد الملازم صقر تصاوب ومتوجهين للمستشفى
الفريق منصور : اسرع اسرع لمستشفى العسكري
العسكري : فقد دم كثير بعيد المستشفى بندخل على اقرب مستشفى
الفريق منصور سكر منه : بسرعه قل لعساكرك يودونهم للمقر بحقق معهم واركب نبي نلحق على صقر وامرهم سند باللي امره منصور وركبوا متوجهين لـ صقر
****
القصيم | قصر ال عساف
نزلت من جناحها تشيك على عيال اخوانها وعيالها ينامون تحت اذا بسام ووليد وعساف ناموا عندهم وشافتهم موجودين ونايمين معدا صقر وهي تستودعه بينها وبين نفسها ودخلت المطبخ وشربت كوب مويه ورجعت صبت لها وهي حاسه فيه شي صاير بس ماتدري وش هو وصعدت من عند الدرج وجتها شهقه قويه صحت كل اللي بالقصر وطاح كوبها وتردف بـ : صقرررر!!
فيصل سمعها هو وعساف وركضوا يطلعون وسُهيله وايثار اللي ناموا عند ال عساف سمعوها وطلعوا والجد عساف كان يصلي الوتر في الحُوش على دخلته سمع بنته
فيصل ركض : يمه بسم الله وش فيك
سلوى وهي حاطه يدها على قلبها : يمه ولدي صار له شي
عساف : عمه وش فيك كُلنا موجودين
سلوى : صقر صقر
وصعد الجد عساف وقرب لبنته واردف فيصل : يمه صقر بدوامه قبل شوي مكلمني وهو بخير
سلوى : لا انا حاسه فيه ولدي واعرف صار له شي
الجد عساف : سُهيله انقزي جيبي مويه لـ اختك وانتي يابوي اصعدي غرفتي جيبي حبوب الضغط
وركضوا سُهيله وايثار من امرهم
ومسكها الجد عساف وحضنها ويمسح على شعرها بحنيه ويقرا عليها وهي بكت من قرا عليها ابوها وجوا ايثار وسُهيله ومدوه لـ سلوى وقام الجد عساف بمساعده من حفيده عساف و فيصل رفع امه ينزلها ونزلوا للصاله وقعد الجد عساف وانسدحت سلوى بفخذه من طلب منها : يُبه فيصل جيب شرشف لـ امك ويالله ناموا مو صاير الا الخير وراحوا عساف وسُهيله وبنتها وجاء فيصل لحف امه وباس راسها ودخل غرفته
والجد عساف مسح على راسها وقراء الفاتحه عليها وماتيسر من القران واتفل هواء عليها ونامت على قرايته وسند راسه على الكنبه ويمسح على شعرها وظهرها ونام بدون وعي منه
****
في المستشفى
عند الطوارى كان هدوء وفاضي المستشفى لكن فزعوا بخوف الاطباء والممرضين من سمعوا صراخ العسكر : عاجل عاجل الملازم بيموت يفقد دم كثير وطلعوا ومعهم السرير وركبوا صقر ودخلوه بغرف الطواري ودخلوا الفريق سند والفريق منصور وشافوا صقر سادحينه على جنب وكل سريره مليء بالدم
جت الدكتوره وقطعت لبست صقر وركبوا له الاكسجين وناظروا للنبض وهو بدا يضعف : النبض بيوقف وجاه نزيف بالظهر قوي بسرعه جهزوا غرفة العمليات وركضوا الممرضات وجو بعد وقت وجهزت غرفة العمليات ودخلوا ولا طلعوا وجاء العسكري واعطى الفريق منصور جوال صقر : هذا جواله من وصلنا بس يدق
الفريق منصور : خلاص روحوا لدوامكم اذا ماخلص واذا خلص توكلوا لـ اهاليكم
وطق تحيه وراح
وقعدوا الفريق منصور والفريق سند ينتظرون والدكتوره دخلت ولا طلعت
****
جورجيا في بورجومي
دخل الغرفه وناظر الساعه 3 وهي لها 7 ساعات ما صحت وهو نام وقام مرتين ما صحت وطفش وهو ينتظرها : اوف عقاب وش تنتظر منها تصحى وانت هاد حيلها هد ودخل السرير ولفها له ورفع اللحاف عنها وابعد تيشرتها وشاف معالمه في جسمها واكثر شي بارز في نُحرّها وعُنقها وواضح هدها هد ومسح على شعرها ونزل دقنه على كتفها ويتاملها : ريماسي هيّا اصحي طفشت وانا انتظرك طولتي مره!!
ريماس فتحت عُيونها بصعوبه وتعب منها ودفته تبعده تبي تدخل بحُضّنه : تعبانه ابي شوي بس
عقاب قام منها واخذ بكت دخانه وعدل الكرسي وقعد يدخن ويشوف الناس طالعه وتمشي دليل على انه لُزم صلاة الفجر ودخل يتوضى وهو مامر على غرفتهم وصلى وخلص ورجع يكمل تدخين
****
في المستشفى
لف من سمع اتصال جوال صقر ورفع نظره للاسم ( فصول ) ورد : الو صقور وينك امي تعبت علينا تحاتيك اضطريت اكذب عليها مشوين داق علي!!
الفريق منصور : اهل صقر
فيصل انصدم من الصوت وشك انه غلط ولكن قرا الاسم مكتوب صقور اجل ذا من وبدات الافكار توديه وتجيبه : صقر وينه ؟
الفريق منصور: انا قايد صقر الفريق منصور
فيصل : صقور وينه ؟
الفريق منصور : تصاوب والحين بالعمليات وسكر من طلعت الدكتوره وواضح وجهها مايبشر بالخير : بشري يادكتوره!!
الدكتوره بحزن : مع الاسف
****
جورجيا في بورجومي
صحى من تفكير دام وقت طويل وناظر في زقارته اللي خلصت وطلع البكت وحطها بين شفته وانحنى يولعها عن الهواء وحاطها بين اصباعه يزفر دخانه : يوك يالطفش وحس بالبرد وهو ماعليه غير الشورت وتكى على الشرفه وهو صار الصباح عندهم وفز من حس ببروده بظهره وبطنه وانحنى يشوف وشاف يديها وتعدل وهو ملاصق ظهره فيها ورفع يديه ليديها الي محاوطه بطنه ورفع راسه يشد نفسه عليها : متى صحيتي
ريماس : مشوين تروشت وجيتك
ولف بقوه خاف عليها من البرد وشهق بصدمه من شاف شعرها مبلل : مجنونه انتي ادخلي نشفي شعرك وتعالي!!
ريماس : مع الاسف انت عودتني تستشور شعري هيا تكفى
عقاب ابتسم ومسكها من كتوفها ونزل دخانه بالارض وداس عليه ودخلها يقعدها بالكرسي وطلع الاستشوار وبدا يستشور شعرها ورفع شعرها من خلص الاستشوار وشاف معالمه وهي بدات تزود وبدا يندم انه سوا فيها كذا ونزل شعرها على كتوفها وانحنى يُقبلّها بحنيّه : اسف ويُقبلّ الاثار بحنيّه ويردف بـ ( اسف ) ولفها له وفتح روبها ويُقبل اثار نُحرها بحنيّه ويتاسف لها بطريقته وقعد على رجوله ومسك يديها يحاوطها بكفوفه : ماكنت ابي الوصل كذا لكن اخر مره اسويها فيك انا داري اجبرتك ولكن ماكُنت واعيّ في نفسي جبتي راسي في كلمتك وصدقيني اسف مليون مره لان ماودي بالوصل هذا بس وباس باطن ايديها ورفعهم لخده هذا اخر مره واذا بيصير وصل بتكونين راضيه فيه واسف
ريماس ابتسمت بحُب : تدري من صرت حلالك كل ماصليت احمد ربي مليون مره عليك احمد ربي انك من نصيبي احمد ربي انك قدوتي في هذي الحياة احمد ربي انك قوتي من بعد الله احمد ربي انك سندي احمد ربي انك الامان لي احمد ربي انك عشير العمر احمد ربي شريكي في وسادتي وفي بطانيتي وفي نومي وفي اكلي وفي ذريتي الجايه احمد ربي مليون مره انك حبيبي احمد ربي انك ضيء سنيني احمد ربي انك ابوي شف انا طول عمري اتوهم بان ابوي عبدالله لكن عقاب انت ابوي لن حُبك لي مو حبيب لحبيبته حُبك لي من اب لبنته من عشيق لعشيقته من عشير لعشيرته هو صح اللي سويته اجبار كُوني فالبدايه حاولت أبعدك لكن وصلك لي مو اجبار وانا راضيه فيه اتم الرضى وكل ماشوف اثارك في جسمي احمد ربي انك زوجي وحبيبي وتثبت للناس انا لك مو لغيرك لكن اسمع اعترافي اللي لو صار شي تتذكره وانحنت له ولاصقت جبينها بجبينه انا لك مو لغيرك وانا احُبك واعشقك ولو رجع فيني الزمن برجع احُبك واقوى من كذا وقُبلت مبسمه تثبت له انها راضيه في الوصل وانه مو اجبار منه تثبت له انها راضيه في وصله
عقاب مسكها من خصرها ينزلها بحضنه وقام معها ونزلها في السرير وابعد اللحاف ونزل يده يلعب في خصلات شعرها من حطت راسها في صدره تحتضنه
ريماس وهي تحس ضيقة العالم بها حاسه انه واحد من اقطاع روحها صاير له شي : عقابي!!
عقاب : افا وش اللي مضيق خاطرك ياعُيون عقابك
ريماس ابتسمت ورفعت نفسها على صدره ويدها على خده : كيف عرفت اني متضايقه
عقاب : انتي قطعه من قلبي اكيد بعرف وقبل اعرف احس هنا ويأشر لقلبه
ريماس : زين بطلبك طلب
عقاب : ودك نرجع السعوديه؟
ريماس : ودي بس بناخذ عمره ونرجع احس صاير شي بس محد قال شي
عقاب قعد ومسكها من يديها يحاوطها : كيف تبينهم يعلمونا ومانقدر نتصل
ريماس : عقاب ماتمشي علي هالحركات في شي اسمه شات وادري انك موصيهم مايقولون لنا اي خبر سيء
عقاب : لان ابي نكون بالسفر مرتاحين
ريماس : بس راحتي من اعرف امي واخواني بخير
عقاب باس جبينها : طيب وش خاطرك به ؟
ريماس : نمشي لمكه
عقاب : من هالعين قبل العين ذي وقام يراسل جابر : سلام جابر ولا عليك امر نبي نرجع السعوديه احجز لنا لمكه وسكر جواله ينتظر رده ولبس تيشرته : اقعدي بالصاله انتظريني بنزل اجيب فطور وطلع واخذ جواله عشان يترجم لهم ونزل وطلب بعد وقت فطور واخذه يصعد لشقتهم وحطها بالشرفه ووقف يصوت لريماس وقعد بالكرسي وحس فيها تحاوط عُنقه وانحنت تُقبل خده : احلى زوج واحلى صباح واحلى فطور
عقاب ابتسم : يالله حيّ حُرمي
ريماس وقعدت بجنبه : الله يبقيك ياحبيبي
وابتدوا يفطرون ويسالفون ويضحكون وكانوا اسعد اثنين وجته رساله : دقيقه وفتحها اهلا عقاب دخلت ومن حضكم بعد 4 ساعات لقيتها لكن لازم بعد ساعتين نمشي من بورجومي لتبليسي اللي توصلون المطار تركبون الطياره ورد عليه خلاص تمام وسكر
ريماس: حبيبي وش صار؟
عقاب ابتسم: طيارتنا بعد 4 ساعات وبيجينا جابر بعد ساعتين
ريماس : اهخ الحمدالله
وكملوا فطورهم ونزله عقاب ودخل الشقه وراح للشرفه ومهي فيه ودخل غرفتهم وشافها قاعده وعندها شرشف ومسويه قهوه سوداء وبيدها لعبه
عقاب : وش تسوين هنا
ريماس : هيا تعال بنلعب مقد لعبتها معك
عقاب تقدم وقعد مقابلها : وش اللعبه ؟
ريماس طلعتها : اونو هيا اخذ قهوتك عشان نلعبها
عقاب : تمام ورفع كوب قهوته يشرب منها واو لذيذه تسلم يدك
ريماس بنرجسيه : الباريستا حُرم اللوا
عقاب : يالثقه امووت بها
ريماس بدات توزع الاوراق ولعبوا وطولوا وهم للحين محد فاز منهم
عقاب : اقول ماكن الغرفه بردت ؟
ريماس نزلت اوراقها وفتحت الشرشف اللي على كتُوفه : تعال تلحف معي
وتقدم عقاب بجنبها ورفع الشرشف وناظرت فيه تنتظره يلعب وسرحت فيه وتقدمت تُقبله من خده
عقاب ابتسم : كذا بخسر
ريماس ابتسمت: خلاص تمام العب هيا
عقاب لعب لكن ضحك من قرطت اخر ورقه له : هارد لك
عقاب قرب منها ومسكها يلعب فيها وهي صارت بحضنه وتضحك : خلاص عقاب وقف تعبت وقعدها يحتضنها : فدا والله اذا خسرت عشانك
ابتسمت وقامت ومسك يدها يوقفها : وين ؟
ريماس : بجهز شناطنا
عقاب قام ومسك يدها وقعد بالسرير ومسكها من خصرها يدفها له وحاوط بطنها وارخى راسه على صدرها: تعبان ودي انام بس شوي
ريماس ابتسمت وفتحت الروب حقها تنزله بالارض وانسدحت وفتحت يدها : تعال ياحبيبي
وابتسم وحشر راسه في عُنقها : بس ساعه وصحيني
ريماس وهي حضنته بقوه تحشره في حُضنها وحطت يدها خلف راسه وتلعب بشعره وتنتظره ينام وحست بانتظام انفاسه وعرفت انه نام وغرقان في احلامها وطاح نظرها في شنطهم وناظرت الحُوسه : ايي اخلصها في نص ساعه وبعد وقت شافت بقي على جيت جابر نص ساعه وقامت وطلعت لبس لعقاب ولبس لها وطلعت عباتها وسكرت على اغراضها وشافت فيه وقت وقررت ترتب الشقه وخلصت وبقى خمس دقايق على مجيء جابر ودخلت الغرفه وانسدحت بجنبه وباست خشمه : عقاب هيا اصحى وشافته ماتحرك ودفته بقوه عقاب اصحى
وفز : بسم الله وش فيك!!
ريماس قامت تتعدل وهي خوفته وحضنته : بسم الله عليك اسفه ماكنت قاصده اخوفك
عقاب وهو بادلها من شاف انها بخير : لا عادي بس احسب صار لك شي
ريماس ابعدت: انا بخير بس اعتقد جابر وصل لان جاء موعد مشوتنا
عقاب مسح على وجهه : ملابسي جاهزه
ريماس : كل شي بالحمام الله يكرمكم
عقاب قام ودخل ياخذ شور وفتحت جوالها تنتظر عقاب وشافت مافي احد مكلمها من راحوا معدا امها اخر رساله لها قبل يومين تاخذ اخبارها وبعدها انقطعت وهالشي اللي اجبر ريماس تشك وشافته طلع وقعد بالسرير وصارت خلفه ومسكت فوطته تنشف شعره : الاستشوار بالشنطه لو طلعته بتحتاس الشنطه فابنشفك بالمنشفه ونشفت شعره وخلصت وقُبلت راسه : انتهينا ياحلو
عقاب ابتسم ومسك يدها وقُبّل باطن كفها : لا يحرمني من هاليدين وطلعوا من راسلهم جابر وركبوا السياره : جابر اعذرني بس بنام مانمت الا ساعه
جابر : خذ راحتك ورح نام وراء عند حُرمك وغمز له
عقاب : ياعارفني ونقز وراء وحط راسه في فخذها وغمض من حس يدها بشعره تسوي له مساج ومسك يدها الثانيه حطها في صدره يحضنها ونام ولفت انظارها للمناظر الطبيعيه ويدها بشعره تلعب بخصل شعره ووصلوا بعد وقت وقومته وقاموا ودخلوا
وجاء وقت صعود الطياره ومد يده : تشرفت بمعرفتك ولازم زياره للسعوديه
جابر : ان شاءالله من الحين زوجتي تزن تبي تزوركم
عقاب : تسفر وتنور سعوديتنا
ريماس مسكت يد عقاب اللي مدها لها : تشرفت كثير وسلم لي على ام سميتي وبوس لي سميتي
جابر : يوصل ان شاءالله ومشوا العقاب وريماسه يدخلون ممر السعاده وجابر طلع يمشي وركبوا الطياره ولبسوا احزمتهم من ترجمة له ريماس وكانوا يتكلمون بالانقليزي وانتظروا صعود الطياره وفكوا الاحزام من صاروا بين السماء وكانت تصور اشكال الغيوم وتاخذ اخر صوره لـ جورجيا وسكرت جوالها ولفت له وشافته نايم وابتسمت واخذت الوساده اللي على رقبتها وحطتها خلفه وهي تشوف رقبته منحنيه وقلبت كرسيه سرير وقامت تفتح شنطتها اللي فوقها وطلعت شرشف ولحفته وتعدلت تفتح دريشتها تناظر للاجواء الحلوه
****
الرياض في المستشفى
قامت من خلصت قران وقعدت عند يده ومسكتها تُقبل يده وحطت يدها على وجه : حسبي الله عليهم هم شوف اخوك كيف وصل للحاله بسببهم
فيصل قام يطلع وتلثم بشماغه وهو كل ماشاف اخوه وبكي امه يحس بحرقة قلبه ويتذكر كلام الدكتوره دخل غيبوبه ومستحيل صحوته ولو صحى معجزه وسلوى من عرفت لا ليلها ليل ولا نهارها نهار وهم عرفوا امس الصباح وراحت مع فيصل للرياض وصد يمسح دموعه من شاف خالته وبنته : فصول!!
فيصل لف لهم وباس راسها : لبيه
سُهيله حضنته : ياروحي انت ابكّ لاتكتم
فيصل وهو خانته دموعه وصد يبكي : خالتي هذي الغرفه وقولوا لـ امي رحت الاسطبل وطلع وهو حاط يده على جبهته يبي ينفجر عند الخيول
في الداخل
من طلع فيصل من عندها وهي اطلقت دموعها تبكي وتشهق : اهخخ ياولدي اهخخ وقامت تمسح دموعها من حست بالباب ينفتح ولفت : ارحبي
سُهيله قربت لولد اختها ومسحت على شعره وباست جبينه : ياعُيون خالتك انت وقامت تحضن اختها تواسيها
سلوى : فرطوا بولدي يا سُهيله قطعوا روح من روحي ياسُهيله احتمال مايصحى ياسُهيله
سُهيله : تعوذي من ابليس ومالك الا الدعاء
سلوى ابعدت عنها : اي والله من جابك
سُهيله : ايثار
سلوى : وينها ؟
سُهيله : تقول مايعني لي شي غير انه ولد خالتي ادخلي شوفيه انتظرك برا
سلوى : الدكتوره تقول اذا سولفتوا عنده يمكن يحس فينا وتصير مؤشرات يصحى انا بطلع اخذ هواء
سُهيله : تمام ياروحي وطلعت سلوى وشافت ايثار اللي تمسح دموعها
سلوى تقدمت تقعد تحضن ايثار : افا تبكين على ولد خالتك ؟
ايثار : خالتي انتي الوحيده اللي تعرفين هو وش كثر يعني لي
سلوى : انسيه يا ايثار انسيه
ايثار مسحت دموعها وبصدمه وقفت بكي : خالتي انتي وش تقولين
سلوى عدلت قعدتها وسندت يديها على ركبها : الدكتوره تقول مستحيل يصحى ونسبة صحوته %10
ايثار : خالتي انتي صدقتي كلامها لكن انا مستحيل اصدقها وقلبي مستحيل يصدقها وبيصحى وبيصير مثل كلامك اللي امس بيجي يخطبني بعد ماتجي ريماس ويلبسني الخاتم ونتزوج ونكون افضل ناس سعيده
سلوى : بتضيعين عمرك معه وماراح يصحى
ايثار قامت : سكري الموضوع ياخالتي
سلوى رفعت راسها: وين رايحه
ايثار : كلامك خنقني بطلع
سلوى : امشي ادخلي بحاول اصرف امك واطلع معها وتقعدين معه
ايثار : خالتي مو النوعيه هذي
سلوى : بس هو زوجك وموافق عليك ماسويتي شي غلط
ايثار : عندك دليل انه يحلّ لي ؟
سلوى : لا بس بيصير
ايثار : اذا صار كلموني وقتها وانا تربية الشيخ عساف مارخص نفسي ولا ارخص تربية الشيخ عساف اذا امي بغت المشوه دقوا علي وطلعت من المستشفى وسلوى دخلت الغُرفه
****
الاسطبل
دخل وشافه فاضي وشاف شوق : وش جابك هنا؟
شوق : انت اللي وش جابك في ذا الاسطبل ؟
فيصل : انا هنا ادرب وانتي ؟
شوق : جيت مع صديقتي خياله ؟
فيصل : ساره ؟
شوق : لا سفانه
فيصل : يع الغثيثه
شوق : قهر لو مو مخطوبه كان جمعتكم تصلحون لبعض
فيصل أنصدم ماتوقع ابدا : احلا انها مخطوبه وجاء بيمشي
شوق : وقف وقف بحقق معك مثل ماتحقق معي
وتخصر : سريع مو فاضي لك
شوق : انا بحسبت اختك وش مضيق خاطر اخوي
فيصل بصدمه واول مره يسمع منها الكلام : اللهم ان كان سحر لاتبطله
شوق : اف متى تقتنع اني تغيرت هيا لاتضيع وش فيه خاطرك وليه ضايقه نفسك
فيصل : طيب ياختي العزيزه اللي ماجابتها امي طبعا تدرين ان اخوك صقر تصاوب وشهقت وكمل يردف دخل غيبوبه وماراح يصحى طول عمره
شوق : ياعمري عليه مايستاهل اللي صار له
فيصل : يالله سلام
وطلعت جوالها تدق على امها وماترد ودقت على شذى لانها عند امها : هلا
شوق : عرفتي باللي صار ؟
شذى : وش صار ؟
شوق : صقر تصاوب ودخل غيبوبه وصرخت بقوه الو شذو بنت ليه ماتردين وشافت انها سكرت بوجهها وركضت لسفانه : سوسو بروح انا
سفانه : ليه تونا ؟
شوق : ولد عمي تصاوب بزوره
سفانه : خلاص روحي انا اذا خلصت ادق على بشير يجيني ومسكت لِجاّم الخيل تطلعه للميدان ودخلته وركبت خيلها وشافت فيصل اللي راكب الخيل ويضيع وقت ومسكت السواط وضربت الخيل تركض فيها عند فيصل
فيصل مسك لِجاّم الخيل يُوقفه من شاف الغثيثه جايه لمه
سفانه مدت يدها : سلام
ورفع يده اليمين لراسه : ماصافح احد مو محرم لي
سفانه : معليش اسفه
فيصل : ماصار شي وكان بيمشي لكن وقفه تصويتها له
سفانه : هي وقف
فيصل لف لها : هي هذا له اسم اسمه المدرب فيصل
سفانه : اصارحك بشي يالمدرب
فيصل : الحمدلله مغتني عن صراحتك
سفانه : ويعع مغرور مدري على وش
فيصل : اذكرك متزوجه انتي
وشد اللجام وصدت عنه تلف من جتها غبرة خيله : مدري على وش مغرور لكن والله لـ اكسر غروره
****
في خارج المستشفى
كانت بسيارتها ومتكيه راسها في الدركسون وتتابع بجوالها ولفت من سمعت طق الدريشه : اهلاً ياحلو
ناهض غمز : سنابك ياحلوه
وضحكت تفتح نافذتها كُلها وتتكي : حلوه انا ؟
ناهض : سرقتي قلبييي هيا انزلي
وسكرت نافذتها واخذت جوالها وشنطتها ونزلت تقفل سيارتها وابتسمت من خالها حط يده على كتوفها ويدخلون المستشفى
ناهض : وش فيك كانك مطروده ؟
ايثار : مالي شي بالمستشفى
ناهض : طيب زرتيه ؟
ايثار : وش هو بالنسبه لي يوم اتعنى ازوره ؟
ناهض : اذكرك بالخطبه الي بين سلوى وسُهيله واذكرك ان انتي وسُهيله موافقين
ايثار حطت يدها على ظهر خالها : طيب ماذكرتني في حاجه وحده
ناهض : وش هي ؟
ايثار : جاء خطبني من عند الشبخ عساف ؟
ناهض : لا بس امه خطبتك
ايثار : جاء خطبني من عند ابوي
ناهض : بعد لا بس خطبة حريم
ايثار : بس مع ذالك ماتعتبر رسميه صح ؟
ناهض : والله عرفتي تسكتيني يابنت
ايثار وقفت : لان معي حق بس ممكن بفهم ليه جبتني هنا
ناهض : اوامر الشيخ عساف
ايثار : ما باليد حيله اجل ودخلوا ايثار و ناهض ووقفت بصدمه تشهق وتحط يدها على فمها ودمعت عُيونها وهي تشوف حُب حياتها حُب طفولتها يصارع الموت وتشوف الاجهزه اللي بصدره وتسمع اصواتها ووجه المتنفخ من النوم وتنحنحت تصد عنه : السلام عليكم
الكل : وعليكم السلام وهم حاطينه في غُرفه كبيره لان مافي مضره عليه وهو دخل في غيبوبه مابيصحي منها بالمره وقعدت بين امها وجدتها وتناظر له بطرف عينها وتحس بوجع بقلبها من تشوف حاله واللي قالته لخالها وخالتها خوفً تشوفه وتتوجع كثير بغيابه وهي رفضت تقعد معه لحالهم بس عشان ماتتوجع وناظرت خالتها : خالتي من اللي سوا فيه
سلوى : ابن الـ**** عبدالله
ناهض : خلاص اكيد الشرطه مسكته
سلوى : طلعوه
ايثار مسكت مكان قلبها من حست بوجع قوي وقامت : يمه انتظرك بالسياره وطلعت وشهقت شهقه قويه تراهن انهم سمعوها وركضت تطلع تركب سيارتها تبكي ورفعت نفسها من دخلت السياره امها
سُهيله : تحبينه ؟
ايثار : كل اللي سويته ومو مبين لك ؟
سُهيله شهقت : يابنت اللي تجننيني صار شي بينكم
ايثار : وهذا اللي يهمك سمعتك اكثر من وجع بناتك الداخلي لكن لاتخافين حُب من طرف واحد وكسبت الحُب لما امه خطبتني وبيصحى يخطبني ولبست سماعتها ماتبي تسمع شتايم وصراخ امها لها وطولت على الصوت ومشت تمسك خط القصيم
****
بعد مرور يوم كامل
وصلوا السعوديه ونزلوا في مكه وحجزوا شقه ينامون فيها ومروا ميقات مكه يحرمون وطلبوا اوبر يوديهم قريب الحرم وانزلوا يمشون بعد ماوصلهم قريب للحرم لان ممنوع الدخول من زحمتها ومسك يدها عشان ماتضيع بالزحمه ودخلوا الحرم ودخلوا يعتمرون وبدوا يطوفون وخلصوا طوفان وهي متمسكه بحرامه عشان ماتضيع وتحس من دخلت الحرم حست براحه وطمأنينه ووقف عند ماء زمزم يشربون مويه وكملوا عمرتهم يبتدون بـ سعي الصفا والمروه وصلوا في العمره الظهر والعصر والمغرب وانتهى عُمرته وعُمرتها بالتحلل خفف شعره وطلعت خصل من خصلها يقصه لها وانتهوا من العُمره ومشوا لشقتهم
عقاب : مهلوك
ريماس : اهخ تعبت انا مره
عقاب فك احرامه ولبس شورت : بكرا الصبح طيارتنا للرياض البسي بجامتك وننام عشان يمدي
ريماس : مخططه اول مانرجع اكلم امي لكن تعبانه حدي ودخلت تغير لبسها وطفت اللمبات ودخلت في حُضنه ينامون
بعد ساعات طويله وصار هبوط طيارتهم لـ اراضي الرياض اتصلت على صقر ومارد واتصلت على فيصل واتفق معهم يستقبلهم بالمطار وشافوا فيصل وسلموا عليه
ريماس : المستشفى صح صاير شي ؟
فيصل : بسم الله الرحمن الرحيم كيف عرفتي وانا طول الوقت متمسك بلساني عشان مازل عندك
ريماس نزلت دموعها : صقر؟
عقاب : ياحبيبتي هدي مايقدر يقول شي وانتي تبكين
ريماس مسحت دموعها وكبحت بكيتها وشهقت من اردف فيصل : صقر تصاوب والحين هو بغيبوبه
عقاب بحده : امش المستشفى بسرعه وش تنتظر
ووصل فيصل عقاب : اي غرفه ؟
فيصل : الدور الثاني 105
ونزلوا ريماس وعقاب يركضون يدخلون المستشفى ووصلوا الاصنصير ريماس تبكي وعقاب يضرب بقوه على زر الاصنصير وفتح وسكره بسرعه : الله يلعنك سكر سريع ووصلوا الدور الثاني ودخلوا الغرفه من عرفوها
ووقفوا بصدمه عقاب تمسك بالجدار وريماس طاحت ورجولها مو شايلتها ابد
سلوى : متى جيتوا وكيف جيتوا
فارس قام ونزل لمستوى ريماس : ياعُيون عمك استهدي بالله لاتسوين في نفسك كذا
وصرخت صرخه كُل المستشفى سمعوها وسلطان اللي راح الكافتيريا يجيب فطور لسلوى وسمع الصراخ وركض لمصدره وشافها غرفة صقر وحط يده براسه من شاف فارس يهدي ريماس اللي تبكي وعقاب اللي ساند راسه على الجدار
ريماس قامت بسرعه تركض لـ اخوها وسندها وحاوطت وجهه المتنفخ : ابوي ابوي وش سوو فيك يابوي والله لـ اخذ حقك منهم مين سوا فيك كذا
عقاب بحده : مين سوا فيه كذا
فارس : عبدالله
ريماس وهي صفرت اذنها وركضت على عمها تضرب صدره : تفترون على ابوي مستحيل يكون ابوي وهي تضربه بقوه كذاب كذاب انت تكره ابوي ماتحبه كذاب كذاب
عقاب فز يمسكها : ريماس خلاص بس هدي
ريماس لفت لـ امها : اسئلك بالله قولي من سوا فيه كذا ؟
سلوى : صادق عمك ابوك اللي سوا فيه كذا
ريماس بحده : وينه وينه؟؟
سلوى : مدري طلعوه من السجن بعد مامسكه
ريماس وعقاب بنفس النبره وانظارهم لسلوى : وش تقولين انتي ؟
وجاء فيصل : ريماس عقاب جوالاتكم وسكت من شاف حالهم
وركضت ريماس تاخذ جوالها وتطلع ودقت عليه مشغول والمره الثانيه سكر بوجهها والثالثه رد : وش تبين
ريماس : الله ياخذك من ابو
عبدالله: ريماسي حبيبتي كل اللي قالوه عني كذابين
ريماس : يعني ماطلقت على ولدك ياعبدالله وتعتقد مني اصدق كذبك واكذب صدقهم تخسى لكن ماكون حُرم العقاب اذا مادخلتك انتظرني ياعبدالله
عقاب اخذ منها الجوال : اذا انت رجال تعال قابلني عند مزرعة ابوي وسكر بوجهه وصرخ بقوه : ريماس ادخلي
ريماس : رجلي على رجلك وانتهى حتى انا عندي كلام له
عقاب وهو عرف مافي فايده وهو يقنع فيها واخذ المفتاح من فيصل وركبوا ومشى مسرع يطلع للديره : افتحي جوالي واتصلي على راجو حطيه سبيكر وسوت مثل ماقال : ايوه عقرب
عقاب : اسمع وينك انت ؟
راجو : انا اسرح ناقه
عقاب : خلاص لاتجي المزرعه لما ادق عليك مفهوم!
راجو : اوكيه وسكر عقاب وشد على الدركسون وضغط على البانزين ووصل المزرعه في نص ساعه ونزلوا ينتظرون عبدالله وهم مايعرفون للان هو بيجي او لا
ريماس قامت عند شبك النياق وقعدت تنزل طرحتها على كتوفها وتدعي من كُل قلبها : يارب يارب انك تشفي صقر يارب تشفيه والله قلبي مايتحمل اكثر من كذا يارب وانت عارف باللي بقلبي يصير يارب يارب ومسحت على وجهها وهي قامت تحط طرحتها على راسها من سمعت صوت السياره جت وتقدمت عند عقاب وشافت عبدالله بكل بجاحه جايهم وبيواجهم
عبدالله: ريماس يابوي انتي تعالي
ريماس ناظرت في عقاب وهو ياشر لها بـ لا
عبدالله: ريماس تعالي معي انا هذا ماينفع معك ياذيك يابوي انتي انا ابوك وادرا بمصلحتك اذا استمريتي معه بتنحرقين كل يوم معه ريماس انتي تعيشين بوهم معه تعالي معي واوعدك اقول لك كل شي هم مخبينه عليك
ريماس بحده : قول كل شي وانا اعرف وين اودي نفسي
عقاب : ريماس ياعُيوني يكذب عليك مو مخبي عليك شي
ريماس : عقاب اسكت عني
وعقاب يناظر عمه وكان يترجاه يسكت
عبدالله: عشان تعرف تحط عقلك بعقلي ياعقاب ولكن اسمعي ياريماس انتي تدرين ان عمر اخوك مني بس
ريماس : ادري
عبدالله: زين تبين تعرفين ليه انا وجدك قرطناك على عقاب
ريماس هزت راسه بايه وهي تتمنى تعرف السبب الرئيسي لان محد قالها وعلى اساس انها وصيه من سهام فعلاً سهام وصته قبل تترك ولدها بايام لكن مو السبب الي خلاهم يتزوجون
عبدالله: لان مسكوا عمر مع شلة عيال يشربون ويتعاونون مع صالح ال نافل عرفتيه صح ؟
ريماس : دقيقه صالح اخو بشير صح ؟ اللي على اساس نعرف انه قا...تل سهام
عبدالله: اييه وعقاب مسك عُمر واكتشف انه في خطر عليك لانهم يهددونه فيك وقرر يتزوجك وابوي كان بياخذ رايك ويعلمك لكن عقاب قال ومن متى احد ياخذ رايي البنت وحاول فارس يوقفه لكن تدرين وش قال قال
ريماس : اسكت واطلع لان كل حرف قلته ماصدقه اطلع عبدالله اطلع وتذكر ان ماعندك بنت بذي الحياة فاهمني اطلع برا اطلع وحطت طرحتها بوجهها من حاوطتهم الشرطه ونزل الفريق منصور : ارفع ارفع
عبدالله رفع يده : اتركوني والله بشير يسوي اللي قاله لك
الفريق منصور : ابشرك الرائد صقر صحى وهو بامان
عقاب فز من سمع كلام الفريق : اسئلك بالله ياقايد
الفريق منصور : الرائد يقول ينتظرك تتصل عليه انت وحُرمك واخذوا عبدالله وراحوا وركض يحضن ريماس لكن انصدم من دفته بقوه وصفقته بقوه
عقاب : ريماس وش تسوين
ريماس لبست نقابها وركبت وخلاص قرر يقولها كل شي وركب يمشي للرياض : ريماس اسمعي
ريماس رفعت جوالها تدق على امها: اسمعي دقي على فيصل وكل من عند صقر طلعيه ساعه بالكثير وانا عندكم وماعطت امها مجال تتكلم وسكرت بوجه
عقاب : ريـ...
وصرخت : اسكت مابي اسمع حسّك
وعقاب سكت وبعد ساعه وصلوا ريماس وعقاب ودخلوا غرفة صقر وجت امها بتحضنها وابتعدت عنه : اشش لاتلمسيني اشش
فيصل : ريماس ؟
ريماس بحده : اسكت
صقر عدل نفسه : بنيتي من زعلك
ريماس ضحكت وقرطت شنطتها بالكنبه : الحين صرت بنتك ؟ ولفت لسلوى وفيصل وقفوا عند اللي بالسرير ولفت لعقاب وانت بعد وراحوا
صقر : وش صار ؟
ريماس : من يعرف غيركم
فيصل : طيب وش هو الموضوع عشان نعرف من اللي يعرف

ارحبوا ادري والله اخرتكم كثير لكن لاتنسون النجمه 🤎