مالي بالحُب الا في قلب محبوبتي ... قلبي غدا واستيسره رياح العود

PART 16

ريماس قعدت بالكرسي اللي عند صقر : حلو يعني مغبين عني كل شي صقر جيتك انا قلت لك انا محب الناس الكذابه وتقول اكذب على فيصل ولا اكذب عليك وعقاب جيتك تريليون مره قلت لك مغبي عني شي تقول لا جيتكم ياكثر اثنين قلت ابي اعرف منكم ومابي اعرف من الغريب صح ولا لا ولاردوا وهم حنوا روسهم وصرخت صح ولا لا
صقر وعقاب : صح
ريماس : انا اعرف من عبدالله اشياء المفروض انتوا تقولوها واسئلكم تقولون ايش وصية سهام الله **** وانتوا معها لكن اعرفوا ولا واحد منكم فيه ذرة رجوله
عقاب : ريماس!!
ريماس : انت اكثر واحد سكر حلقك مابي اسمع حسّك عقاب بالله كيف قدرت تنام بحضني وانت كاذب علي شي ولا انتي ياسلوى كيف قدرتي تواسيني وتسولفين علي وفيه اشياء كاذبتها علي!! ولا انت ياصقر كيف قدرت تداوم معي وتشاركني في كل شي كيف قدرت تكذب علي ولا انت يافيصل حنيّة العالم كُلها معطيني ياها وصار اسلوبك معي مع رجال يعامل خدامته بس عشان لسانك مايزل لكن ماقول الا الله لايسامحكم لا في الدنيا والاخره لكن علمً يوصلكم ويتعداكم لو فكرتوا تجون قربي مابتلقون الا التجريح وتعذيب الضمير وانت يا ولا رجوله فيك حالا ورقة طلاقي توصلني وانتوا ياخواني صح موب اخوان اعدائي من هالدقيقه انسوا عندكم اخت اسمها ريماس امحوها من بالكم سامعيين وانتي ياسلوى ياللي كنت اعتقد مافي احلا الامهات الا انتي وبس وامدحك عند الرايح والجاي كيف قدرتي تحطين عينك بعيني وتبتسمين لكن عرفت قدرك وانك مو احلا الامهات الا اسفلها واحقرها وانجسها وعلمي عيالك الثانيين ريماس رحمة الله عليها وقامت وصارت مقابل عقاب اللي مو قادر يحط عينه بعينها : ناظرني
عقاب لف عنها اكثر : الحين ماقدرت تناظر وبحده ناظرنيي وناظرها طلقني طلقني بالثلاث
عقاب : مقدر مقدر ريماس مقدر اقولها مقد اسويها
وتفلت بوجهه : لان فارس ماعرف يربيك يالـ**** يابن الـ****
وقربت لصقر : ناظرني ياصقر وهو ماقدر يناظرها وتفلت بوجهه وناظرت بفيصل وتفلت بوجه ولفت لهم ياحيّف عليكم يا حيّف ولفت لامها ودي اسوي فيك لكن انتي اللي ربيتيني وكبرتيني وعيشتيني احلا عيشه ولاني ناكرة معروف مثلك وعاد ياليتك ربيتي عيالك وولد اختك مثل ماربيتيني الله يسامح الايام اللي دعيتك فيها جنة الدنيا لان انتي بالنسبه لي جهنم الدنيا ولفت لعقاب هات مفتاح سيارتي
عقاب : ببيتنا
ريماس : مكان اول مره اسمعه وين هالمكان ؟
عقاب : بـ بيتي
وطلعت سلوى : تكفون سوو اي شي
صقر : انا بروح لها
عقاب : اقعد وطلع يلحقها تكفين خليني اخر مره اوصلك
وطلعت ولااعطته رد وركب السياره من وقفت عند السياره ووصلوا بعد وقت وهي صعدت تجهز شناطها وتاخذ جوازها من سيارة فيصل وهويتها ونزلت شناطها ولفت له من شافته بالصاله وقعدت مقابله
عقاب قام وسجد عند رجولها يترجاها : ريماس انا طالبك بس هالمره بس هالمره عشان خاطري خاطر حُبنا
ريماس : ليه وقبل مالك خاطر عندي بحُبنا وتقول لي ودفته برجلها ولبست نقابها : استودعتك ربي
عقاب : ريماس تكفيين
ووقفت ورجعت تناظره : أجبرتني انت اللي خليتنا نوصل للحاله هذي
****
بعد مرور ساعات
صقر طلع من المستشفى بعد ماسوا ازعاج بالمستشفى وهو بيلحق عليها وراحوا لبيت عقاب ويطقون الباب ولا احد يفتح
فيصل : وين راحوا يعني ؟
صقر : مدري مدري بس سيارة عقاب فيه
سلوى : سيارته موجوده
عند العقاب في غرفته صحى من النوم ولف لمكانها ومو فيه وركض ينزل يدور عليها ويصرخ وركض لغرفة ملابسهم وشاف شايله كل غرض لها وشاف على تسريحتها الفستان الاحمر حق جورجيا لها وعطرها المفضل وروجها الاحمر وشاف ورقه وفتحها : كنت البسه لاني كنت احبك واتعطر منه لاني كنت اعشقك واحط من ذا الروج لاني اهيمك واعتقدت انك سند وعضيد واب لي لكن خيبت ضني وتذكر حُبي لك تحول لكُره وعشقي لك تحول ل عوف عفتك ياعقاب والقلب مايرغبك وهيامي لك تحول حقد مني لك وركض يطلع غرفته يبي ياخذ مفتاحه يدورها لكن وقف من شاف الورقه اللي عند مفتاحه وجواله وبكته وفتحها : كُنت وكُنت وصرت ماضي ياعقاب انا وافقت انام اخر مره معك عشان بس انساك ولكن لاتتعب نفسك ياعقاب انا رحت مكان صعب تلقاني الى ابغض رجل واكره رجل واحقر واسفل الرجال انتبه لنفسك حُرمك مابترجع لك وصرخ باقواء ماعنده : ريماس ريماس لاتتركيني طالبك لااااا لااااا والتم على نفسه يبكي وبعد وقت قام واخذ بكته يطلع الدخان يدخن وهو من قام يسمع ضرب الباب وصراخ صقر واخذ الورقتين ونزل يفتح لهم
سلوى : امي انت وش صار ؟
عقاب اعطاها الورقه : راحت وتركتني يايمه
صقر بحده : انت وش تقول ؟
عقاب : انتهى ياصقر انتهى
سلوى شهقت شهقه قويه وحطت يدها على قلبها : بنتي لا وحيدتي تكفون لا تكفون طفلتي ابيها ابي طفلتي لاتروح وتخليني
فيصل عرف وطلع برا يبكي وصقر اللي طاح بالارض ويبكي وسلوى المنهاره وعقاب راح للصاله وقعد بالارض ويدخن مقهور كيف تروح وتخليه بدون مايبرر لها وهو يعرف حتى لو برر لها بتتركه وتخليه في ظلام ماله مخرج ومخرجه الوحيد هي وفكر ممكن تطلع خارج السعوديه وركض غرفته وطلع بدلته ولبسها وطلع يركض وترك خالته وعيال خالته وركب السياره يمشي
****
في المقر العسكري
طلع من مكتبه ووقف من جاه العسكري يطق تحيه : استرح
العسكري: ياقايد هذا الملف اللي طلبته
الفريق سند : يعطيك العافيه وروح للفريق منصور يتجهز للتحقيق وطق تحيه وراح وكان متوجه لغرفة التحقيق لكن ركض يتعقب عقاب اللي دخل المقر معصب ومتوجه لمكتبه ولحقه : عقاب احاكيك وقف
عقاب بعصبيه : مو وقتك مو وقتك يا قايد حُرمي بتروح وتتركني وفتح النظام عشان يدخل على السفاره وطلع يركض يستلم تفتيش السفاره من وافقوا ولحقه الفريق سند يبي يوقفه وراح للعسكري : اعط الفريق منصور وقوله يبدا تحقيق سريع وركض يركب سيارته من شاف عقاب شغل سيارته يمشي وبعد وقت وقفوا عند مطار الرياض ودخل من عند جهاز الامن وصفرت لان يحمل سلـ...اح ووقفهم وهم سكتوا من عرفوا اللوا عقاب ويعرفون شره اذا عصب ودخل على السفاره واعطاهم الورقه يصرخ : بسرعه افتحوا النظام
وخافوا من قروا اللوا عقاب وفتحوه بدون مايشوفون ورقة الاذن وتقدم يقعد بالكرسي يدور بحجز اليوم خارج او داخل المملكه ومر 10 ساعات ومافي بذا الاسم وقام : كل يوم بنفس الوقت بجي جهزوا النظام واذا جاكم حجز باسم ريماس عبدالله ال سعيد دقوا علي لمدة اسبوعين
الفريق سند : اقعد نتافهم
عقاب ركض : بالمقر ياقايد وركب سيارته وهو يبي يذ...بح عبدالله وركب سيارته
****
بالمقر | في غرفة التحقيق
دخل الفريق منصور وقرط الملف بالطاوله وهو طلب منهم يسكرون تسجيل النظام الا اذا بدا يعترف : بتغرد ولا شلون
عبدالله: وش بتسوي مثلا لو ماغردت ؟
الفريق منصور رفع يده وفسر اكمامه : مثلا بستخدم هذولي وابعد كابه عن راسه وبعطيك كم وحده عشان تغرد لي
عبدالله: مايهم ماعندي شي أقوله
الفريق منصور ابعد الكرسي والطاوله : حلو انت بغيتها كذا لكن سهله شغلتي معك وكان بيبدا يلكم عبدالله لكن لف من شاف الفريق سند واللوا عقاب يدخلون : ماتشوفوني بادي تحقيق
عقاب ابتسم وفسر اكمامه ومسك اكمام الفريق منصور يسكرها : افا ياقايد تلطخ يدك في واحد مايسوى اطلعوا وسكروا النظام انا اخليه يغرد في ثانيه
وطلعوا منصور وسند يشوفون من خلف النافذه وابتسموا وهم يشوفون عقاب
عقاب وهو يستعرض يده : اييه عبدالله بتقول ولا اشوف شغلي
عبدالله: شوف شغلك موب حاصل اللي تبي
عقاب مسك الكرسي وهو شافه خشبي وكسره بالجدار ورفع العصا : والحين ؟
وضحك ضحكه تستفزه : ريماس تركتك صح ؟
عقاب وهو حس بظلام وصفير اذانه وشدة عروقه برزت : لاتلفظها على لسانك الوصخ
وضحك عبدالله ضحكه تستفزه وتقدم عقاب يمسكه ورفع ركبته ويضربه وطاح عبدالله ورفع عصاه ويضرب عبدالله وعبدالله يضحك يستفزه : يحول ريماس تركتك وخلتك بسبب كذبه لاتودي ولاتجيب
عقاب فز وطلع حزامه اللي بـ بنطال بدلته وحدّه بقوه وضرب عبدالله ضرب مبرح ولف عبدالله وجهه من قام منه : تدري انا وامك سويناها ببيتك وهي بذمة ابوك وضحك
عقاب وهو فعلاً معاد يشوف من ارضه ومن سماه وربت فوقه وبدا يلكمه بلكمات قويه واستنزف دم واغمى عليه من الضرب المبرح ودخلوا عليه الفريق سند والفريق منصور وطلعوا عقاب
عقاب دفهم : بعدوا بعدوا عني والله مايسلم مني الس....افل اتركوا اتركوا
الفريق سند مسك عقاب ودخله المكتب وهو يبي يسكته ويعتبره مثل ولده وخايف يفصلونه لو عرفوا انه هو اللي وصل حالة عبدالله: اقعد اقعد
عقاب : ياقايد فكني عليه
الفريق سند دف عقاب وطاح على الكنب : عقاب استوعب مع من تكلم استوعب مع من تحد صوتك عليه
عقاب وهو حنى نفسه ويحس ان وده ينفجر على عبدالله ويبيه ويبي يمو...ته بيده
الفريق سند : وش صار حتى وصلت كذا ؟
عقاب : علم حُرمي على كل شي انا خبيته عنها
الفريق سند : طيب انت من عرفت ان امك حيّه ماقلت لها ؟
عقاب : حاولت يا قايد حاولت حتى سافرت معها امهد لها الموضوع ولكن جاء وسبقني الس....افل وقالها وسكتته تكذبه وانا فكرت اول مايروح اقولها لكن جت وانفجرت واخذت قشها وراحت
الفريق سند : وين راحت ؟
عقاب : مدري اخذت جوازها من السياره وهويتها وطلبت منها الوصل لـ اخر مره ووافقت ياقايد وصحيت مالقيتها
الفريق سند : طيب استفدت من الوصل ؟
عقاب : كنت ابيه عشان تحمل بسرعه وتتراجع عشان اللي بيكون ببطنها بس ماضن تحمل وهي توها مسقطه من قبل شهرين
الفريق سند : ايوه لازم تكمل ست شهور وتسوي الوصل ويمكن تحمل
عقاب : يعني مافي امل وطلع جواله يدق : يمه وينك
سلوى : ياعُيون امك بشرني تكفى
عقاب : كأن الارض انشقت وبلعتها محتاجك وينك ؟
سلوى : جاء سعود واخذنا القصيم
عقاب : بجيك يمه محتاجك كثير
سلوى : تعال يا امي وسكرت منه وهي مقهوره وتعرف بنتها تزول عصبيتها وترجع وكان عندها امل ترجع بعد اسبوعين
عند عقاب وقف يبي يطلع الفريق سند : وين تبي ؟
عقاب : بروح عند وحده كانت لي ام لكن انا مقدرت اقدر امومتها لي بطيشي اللي قبل وطلع وركب سيارته متوجه لبيته ودخل وشاف على نفس ماتركه وكره البيت من بعدها وصعد غرفة ملابسهم وشاف الاغراض اللي منزلتها له اخذهم ونزل السياره وطلع للقصيم لكن ديور من تذكر دوامها ممكن هي هناك ويدعي من كل قلبه انها موجوده ووصل بعد وقت يدخل المستشفى ودخل غرفتها وطاح يسند نفسه على الجدار ويبكي مقهور يبيها ومشتاق لها كثير ومتلهف في شوفتها لكن شاف كل قشها اللي بمكتبها شالوه وطلع يسئل عنها وعرف انها من طلعت من عنده قدمت استقالتها وطلع يركب سيارته وطلع دخانه يبي يحرق نفسه اكثر ماهو محترق
****
في القصيم | قصر الجد عساف
قاعدين ومجتمعين بالصاله حتى سهام معهم كلهم معدا عقاب وريماس والوليد وعرفوا بموضوع ريماس والبنات مصدومين ماتوقعوها من عقاب وصقر وسلوى متطرفتهم وتفكيرها مع بنتها وش سوت نامت اكلت وينها بردانه وهل اللي عندهم يعاملونها معامله احلا منها وحطت يديها تجهش بالبكي وتردف بقهر : يارب يارب ان بنتي بخير يارب مابي غير الشي هذا
سهام حست بالطلوق وسكتت وتشوف وضعها بدا يزداد سوء ومحد يمها
ناهض : سهام وش فيك ؟
ولفوا لها وهي صرخت : بولد بولد
وركضوا سعود وناهض يشيلوها يلبسوها عباتها يطلعوها للمستشفى وسُهيله وايثار لحقوها والباقي كل واحد راح جناحه وسلوى قامت واخذت شرشفها وطلعت وشافت الكرسي المرجيحه وقعدت فيه تلم نفسها فيه وتشد الشرشف عليها وتبكي اكثر واكثر وهي ندمانه انها ماقالت لبنتها الحقيقه وتمنت انها ماخبت الواقع عنها واعطتها مخيلات وهمتها باوهام توجع القلب بعد معرفة الحقائق وحطت يدها على قلبها : يارب يارب تحفظ قطعه من روحي يارب توصلها لدروب الخير يارب ترجعها لي سالمه ومتعافيه يارب وبكت بقوه بمجرد ماتخيلت ان ممكن بنتها محتاجه لها ومو ماكله شي وماتقدر تنام وقامت تتعدل من دق جوالها : هلا يروحي
عقاب : وينكم انا بالصاله
سلوى : جايتك طلعت الحديقه اخذ نفس وسكرت منه وقامت تدخل القصر وشافته قاعد وحاله مهلوك وشاد يدينه ببعضها وبينهم فستان احمر وعرفته انه لبنتها
تقدمت وقعدت بجنبه ومدة يدها على كتفه ووجهه تلف لها تحضنها وبكى : يمه راحت يمه خلتني تركتني بعد ماوعدتني ماتروح وتخليني خذلتني يايمه بهجرانها وصدت عني وتركتني وماسمعت مني
سلوى : اهخ ياعُيون امك انت وابعدته عنها وشهقت بخوف من مسكت يديه ولدي من مسوي فيك كذا ؟
عقاب : مافيه شي يايمه
سلوى : وش مافيه شي ومفاصلك حمراء وتنزف دم
عقاب ناظر يده وفعلاً تنزف : شوفي حتى جرحها يوجع اكثر من الدم هذا وماحسيت فيه
وقامت سلوى : خلك لاتتحرك يامي انت ودخلت المطبخ وطلعت شنطة الاسعاف ومسكت يد عقاب وبدات تعقمها وسكرت عليهم بشاش ودخلت يديها بشعره من حط راسه بحضنها : يمه قلبي يوجعني يوجعني حيل
سلوى : اخخخ على نصيبكم اخخخ
واخذت الشرشف اللي نزلته وحطته على عقاب يمكن ينام لكن محوله نوم وهو هدى شوي وغرق وجهه في فستانها: يمه ابي ادخل غرفتها
سلوى : تعال معي ومسكت يده ودخلوا جناح سلوى ونزلت عقاب على سرير بنتها ولحفته بلحاف بنتها وشغلت التكييف وطلعت وقعدت عند الجدار اللي مقابل باب غرفة ريماس ورفعت وجهها تبكي وسدحت نفسها بالارض وتبكي ونامت بعد مده من البكاء
دخل الجناح وشاف امه ودعى فيصل يرفع امهم لان مايقدر عشان عمليته وحطوها بغرفتها وانسدح صقر ينام معها وفيصل فتح شوي من باب غرفة ريماس وشاف عقاب اللي منسدح وعجز يعرف نايم او واعي واردف بحده : فيصلوه عندك شي قوله واطلع!!
وسكر فيصل الباب ونزل المطبخ وقعد بـ طاولة الطعام ولف من سمع صوت صياح وكان على الحوش الخلفي وفتحه وشاف سامي اخوه : سامي!!
سامي لف له ومسح دموعه : وش تبي؟
فيصل : وش فيك تبكي؟
سامي : ليه اختي تروح وتخلينا وتبيني اضحك
فيصل تقدم وقعد بجنب اخوه يحضنه ويبكون سوا
وكل من في القصر يبكي على حال ريماس
مشى اليوم الاول والثاني الى بعد اسبوعين
ريماس مالها حس ومو معروف وينها وهي اختفت وكان الارض انشقت وبلعتها عمر عرف باللي صار وعلموه عن سهام وماخفيكم زعل انه ماعلموه لكن ماختفى بالعكس ترك دراسته وهو مايتحمل البعد اكثر وعرف ان امه الحقيقية ولدت وجابت بنت وسمتها < غند > عقاب رجع الرياض بعد ماصحى وهو مسنتر عند السفاره وانجن من مالقى اسمها وقرر يروح للمدت يدورها على شبر شبر مايبي يرجع القصيم الا ولاقيها عبدالله تحول للنيابه وحكموا عليه مؤبد كونه هرب من سجن ومسكوه مع مرو...جين بشير واخوانه قرروا يبتعدون فتره عشان مايشكون فيهم سعيد بعد ماعرف تعب وطاح بالمستشفى اسبوع وطلعوه لكن معه ممرضه منزليه وفارس وسلطان سكنوا عنده عشان ابوهم وشذى تعبت بعد ريماس وتحط حرتها في كايد وامه وناهي للحين مايعرفون عنه شي الجده هاجر وبناتها على حالهم صقر من اسبوعين ماله حس الوليد دق على اهله وعلمهم بان دوامه تمدد الى شعار اخر عساف من دوله لدوله بسبب شغله وسعود وسديم على حالهم كل واحد ينام بغرفة سلوى هدات عن سهام اللي تدور فرصه تبي قهرها على بنتها تحطه فيها وبين فتره وفتره تروح تشوف عمها وترجع الجد عساف والجده عزيزه تعبوا ومايطلعون وينتظرون خبر من حفيدتهم سُهيله تروح بيتها تتطمن على بنتها ايفان اللي تغيرت حيلها وتعبت وترجع لاهلها تتطمن عليهم وايثار تودي امها مشاويرها وترجع غرفتها تفكر في صقر ونست موضوع اختها
وفيصل قضى ايامه بالاسطبل وعمر قرر يقدم على العسكريه وسفانه تقنع ابوها يتزوج ويفكر في كلام بنته وفواز للحين معاقب في المزرعه
****
جناح سلوى
وهي منسدحه من انخفض ضغطها وماتدري وين عيالها وضايعين كُلهم عُمر جاء قبل يومين ولاسلم عليها ودخلت سهام ومعها بنتها : تسمحين لي؟
سلوى قعدت : تعالي
سهام : طالعه من الشر
سلوى : تسلمين أعطيني ياها وقامت سهام تحطها بحضنها وحنت براسها تستنشق ريحة غند : مثل اختها مثل ريحتها ومثل وجهها
سهام : ياهني حظي يوم تشبه اختها
سلوى مسحت دموعها : اخوها شافها ؟
سهام تنهدت : عُمر طلب من سُهيله مره وبس وعقاب اظن مايعرف اني ولدت
سلوى : لا يدري قلت له
سهام : بسوي لك اكل وقامت للمطبخ ودخل عقاب : يمه
سلوى : ارحب يايمه
عقاب تقدم وباس راسها وقعد بالارض وشاف الطفله اللي متوسطه حضن سلوى : اهخ من الحلوه اللي تشبه حُرمي
سلوى ابتسمت: اختك واخت حُرمك
عقاب كان ماد يده يبي ياخذها لكن عرف وابعد يديه وقعد بجنبها : وش عندها قاطتها ورايحه ؟
سلوى حطت غند بين يدين عقاب : اختك ذي وراح تتقبلها وتذكر ان مالها ذنب باللي صار
عقاب : مقدر يايمه خوذيها
سلوى ضربت كتفه واردفت مو حاسه بنفسها : عن العبط هذي مرتك باول حملها لو ولدت وش تسوي
فز عقاب يلف لها : حلمتي فيها ؟
سلوى : من تركتنا وكل ماغمضت عيني شفتها
عقاب : وش كان ؟
سلوى : دايم في احلامي تدخل وتعاتبني وتمسك بطنها ومشوين حلمت وتعبت بعدها كنت نايمه في مكان مثل الجنه لكن نايمه على فخذها باست راسي وقالت انتبهي لعقاب انتبهي لعقاب انتبهي لعقاب وبعدها راحت
عقاب مسح دموعه من توصيتها له في احلام خالته : اهخ انا ماستاهلها يايمه ماستاهلها على كل اللي صار واللي سويتوا فيها توصيك علي ماستاهلها
سلوى : فسرته ياعقاب فسرته حُرمك حامل
عقاب ابتسم: اسئلك بالله يايمه
سلوى : اي والله لكن فسرت بعد انها مو مستانسه في حياتها عقاب تكفى انا راجيتك تجيب بنتي بنتي مو بامان ياعقاب وصدّت تبكي
عقاب ودموعه في خده وكابح بكيته وابتسم من شاف اخته تبتسم وتفتح عيونها : ارحبي ياخت العقاب نورتي الدنيآ وحنى يستنشق ريحتها افرحي ياخت عقاب اخوك بيجيه ولد بتصيرين عمه وضحك وخاله بعد ياحظ فارس فيك ياحظه اي والله
عند باب المطبخ وسمعت حوارهم وبكت معهم ومسحت دموعها واخذت الشوربه وطلعت لهم : اسمها غند يا خوها
عقاب صد عنها : من متى هذي به ؟
سلوى : جابتها وسوت لي اكل
عقاب بحده وهو مايناظرها : خذي اكلك السّم وكبيه واخذي بنتك واطلعي
سلوى : سهام اقعدي وانت ياعقاب اقعد وحب راس امك
عقاب : يمه لاتسوين كذا
سلوى : اذا لي معزه عندك ياعقاب
وقام عقاب يبوس راسها بدون نفس : هيّا قول اسف
عقاب : يمه هي اللي تعتذر مو انا
سلوى : امك ياعقاب والرسول صلى الله عليه وسلم قال امك ثم امك ثم امك الرسول عليه الصلاه والسلام وصى بالام ثلاث مرات ومهما غلطت امك من اصغر واكبر الاغلاط بتشوف اغلاطها بعيونك صواب هذي الام محد بيعوضك بمكان الام بتقول انتي ليه انا جبتك ليه انا ربيتك انا تعبتبك لا طبعا هي مو انا انا بس سويت اللي طلبته مني وكبرتك مع عيالي ياعقاب وقامت بدعي الخبل الثاني وخذ راحتك معها ومثل ماقلت الام ماتتعوض ياعقاب وانتي ياسهام الضنى مايتعوض ولعاد تخسرين عيالك بسبب طيش شباب ومتعة حياة شوفي فقدت روحين من روحي واحد توفى بولادته والثانيه تركتني عشان موضوع اتفه من التافه وطلعت ونزلت تحت
عقاب نزل غند سند نفسه في رُكبه ويفرك يديه : وش كان شعورك وانتي بعيده عن عيالك
سهام : ينحرق قلبي
عقاب : بس كُنتي سعيده معه ولا اهتميتي لنا
سهام قامت وقعدت عند رُكبه : لا يامي انت لا لاتقول كذا والله كان طيش مني طيش لاتسوي كذا كُنت دايم اترجاه لو اشوفك من بعيد وهربت كثير منه وكثرت هرباتي وقيدني من يدي ورجولي ورقبتي بسلاسل قيدني مثل الكلبه ولا قدرت اسوي شي وعرفت بعُمر وجنيت واجبرني بالوصل وحملت باختك وماكنت راضيه
عقاب ودموعه تنزل : تدرين وش قالت لي ذيك المره
سهام قعدت بجنبه وحضنته : وش قالت ؟
عقاب ؛ قالتها رُغم انك ضرت امها عقاب عيب مهما يكن هذي امك
سهام بكت وحضنت ولدها من شهق شهقه قويه يطلق انهياره : يمه تركتني يايمه يمه تركتني وحيد تركتني بعد ماتعلقت فيها يمه اشتقت لها وحنيت لها مقدر اعيش بدونها تعبت يايمه والله تعبت مقدر انساها يمه وبروح من ديره لديره ومن دوله لدوله بس عشان القى طرف منها لكن مالقيت يمه مالقيت
سهام : الله يكون بعونك ياولدي
صد عقاب يمسح دموعه من دخلت سلوى وتجر عُمر يدخل وبحدّه منها : يالله ادخل وسو اللي قلت لك عليه
عمر سكت وصد مايبي يشوفها : يمه خلاص مابيها
عقاب قام واخذ غند منها : يمه سلوى سويت اللي قلتي لي بروح غرفة حُرمي اذا خلصتي تعالي
سلوى تقدمت وباست خد عقاب : امي انت روح جايتك وراح عقاب للغرفه ولفت لعمر تردف بحدّه : وش تنتظر انت هيّااا
وتقدم عُمر يبوس راسها : شلونك خا... يمه
سهام ابتسمت : بخير الله يسلمك يامي شلونك انت
عُمر : الحمدلله يالله انتهت مهمتي بمشي
سلوى : لا ياحلالي مانتهينا وقف بتقعد عندها وبتفضفض مثل عقاب مسموع
عُمر : يمه انا ماتقبلت عقاب عشان اتقبلها
سلوى بعصبيه : عُمر!!
عُمر قعد بجنب سهام : خلاص امرك
سلوى : بروح لعقاب وراجعه لكم
****
تحت في قصر الجد عساف
سُهيله والجده عزيزه ورقيه وبنتها قاعدات وقامت سُهيله لجناحها
الجده عزيزه : رقيه يمه جيبي دواي
رقيه : مو فاضيه لك ياعجوز على دخلت ناهض
الجده عزيزه: يمه ليان تجيبينه
رقيه بحده : بنتي مو خدامه عندك!! سنعي نفسك
دخل ناهض وهو انعمى من العصبيه : رقيه!!! وش تقولين انتي لـ امي ومسكها من شعرها وضربها وصفقها كف : تطولين لسانك على امي يابنت **** ياللي مو متربيه باي حق تقولين لـ امي كذا
وجت سُهيله المبتسمه تحقق حلمها واخيرا شافت رقيه قاعد تتربى بيد ناهض وتقدمت : افا اخوي الحين اربيها لك ذي الماصون بس قولي وش اسوي بها وهي مسكت رقيه من شعرها
ناهض : انتي طالق بالثلاث
ليان صرخت : جده جده وهو انخفض ضغطها
ناهض : اطرديها لاتشوفها عيني
ومسكتها سُهيله من شعرها وطردتها برا وبعز الحر والشمس صاقعه : وفزت عليك يارقيه هاهاييي وسكرت الباب تدخل وركضت لغرفة امها تجيب حبوب ضغطها ونزلت مسرعه واعطتها حبوب الضغط ومسكها ناهض يصعدها غرفتها
وسُهيله لفت لـ ليان اللي تاكل أظافرها وراحت تحضنها : عمه ليش ماما كذا ؟
سُهيله : ياروح عمه انتي خلاص راحت وفكتنا شرها
ليان : الحمدلله لاني اعاني منها وهي اللي غيرتني عليكم
سُهيله : خلاص تسكر الموضوع
ليان مسحت دموعها : ان شاءالله
ونزلت سهام ومعها سلوى محتضنه يدها سُهيله اردفت بحُب : واخيرا هاللحضه
ليان : هُرمنا لجلها واخيرا
سلوى : حبيبت روحي سهام
سهام : ياعُيوني انتي
سُهيله : تعالوا تعالوا من زمان ماحشيت معكم بقولكم وش صار
سهام : وش صار توي ماشيه منكم
ليان ضحكت : بابا طلق ماما
وشهقوا سهام وسلوى
سُهيله : وازيدكم من الشعر بيت انا اللي طردتها
سهام : يامجنونه حرام الشمس
سلوى : اوكيه عرفنا سُهيله امنيتها وتحققت ممكن اعرف ليه مستانسه
ليان : لان من عرفة حقيقة امي ودي يطلقها وافتك منها
قامت سلوى وحضنت ليان : يا عُيون عمتك هالعيون والله حرام عليها رقيه
سُهيله : اي والله شوفي البنت وش كثر مستانسه
وفزت ليان تلبس جلالها من سمعت صوت عمر وعقاب النازلين
سُهيله : ارحبوا ياخوان غند
عقاب : البقى وتقدم باس راس سلوى وسهام وسُهيله تامروني في شي
سلوى : على وين ؟
عقاب : مقر العسكري لحايل
سهام : توصل بالسلامه وانتبه لطريقك
سلوى : متى ترجع
عقاب : مو معروف يمكن 3 او 4 شهور معرف وش كثر بمر الشمال كُلها
وقامت معه سلوى تودعه : انتبه واتصل طمني
عقاب باس راسها : ابشري
سلوى : وشوف لي صقور وفصولي لهم فتره مو شايفتهم ولا دقوا علي
عقاب : اوكيه وطلع دق على صقر وفيصل وسفل فيهم مهملين امهم واجبرهم يجون عندها مايخلونها وعقاب مسك خط حايل اللي يبعد 4 ساعات
في القصر
عُمر قام وجاء بيطلع
سهام : وين ياروحي ؟ تونا تعال تقهوا وسولف معنا
عُمر : موجود بس بدخن بالحوش وطلع
سهام : من متى يدخن ؟
سلوى : من عمره 16 كل عيالي يدخنون حتى سامي معدا صقر
ليان قامت : عن اذنكم بروح اسوي قهوتي تعرفون راعية مزاج وقهوتي مو مثل قهوتكم
سُهيله : الله عاد يم المزاج وضحكت ان مسكتك مانتي بسالمه مني
وضحكت ليان وسوت كوبين قهوه وطلعت تدوره وراحت للحوش الخلفي : عُمر
عُمر داس دخانه بالارض ولف : آمري
ليان : اقعد نسولف
عُمر قعد باعتبه وهي بجنبه بس في مسافه بينهم ومدت له قهوه : تشربها ؟
عُمر اخذها : ذكرتيني بريماس كانت بالديره كذا تاخذ قهوتها وتجيني تتقهوى معي
ليان : احس حياتكم بالديره احلا من الحين
عُمر : كل شي حلو بس لو ما كان ابوي فيه كنا مرتاحين وماصار اللي صار
ليان : ماشاءالله ورفعت كوبها تشرب وهي دخلت بدوامة هواجيس
ولف وهي لابسه عباتها وناظر في عُيونها وزفر : اييه عرفنا همي انتي وش همك
ليان : ابد ولا شي بس تدري اني تخرجت ولا احد تعب نفسه يقول الف مبروك وضحكت بسخريه قلت لماما قالت لو هو الوليد فرحت مو انتي ولفت له ليه لهالدرجه انا مو حليله لهالدرجه انا بشعه طيب وش فرقني عن الوليد
عُمر : لانها مو ام وبعدين تعالي نامي عند جده وفهميها ان لك كرامه وعزة نفس
ليان : اساسا مابشوفها لان بابا طلقها
عُمر : احح متى ؟
ليان : من قبل كم ساعه
عُمر قام : عن اذنك
ليان قامت : عُمر
وعُمر حس بشعور غريب بس اللي يعرف انه شعور حلو مره ولف لها يبتسم : لبيه
ليان : مشكور انك قعدت معي شوي بس بطلبك طلب
عُمر : اخت يا ليان اخت امريني
ليان حست بشعور مو حلو من قالها اخت : بفتح محل فساتين وابيك تساعدني تعرف مالي احد ابوي مايفهم بهالسوالف والوليد مو معروف جيته وعيال خالاتي مالي فيهم شي ويعني اذا عادي عندك تساعدني بمحلي ؟
عُمر : اعتبري يابنت خالي موضوعك انتهى من الحين وتم
ليان : ماتقصر بس كيف اتواصل معك
عُمر : اعطيني جوالك ومدته له وسجل رقمه خلاص صار رقمي عندك متى ماحتجتي بـ اي وقت انا في خدمتك واعطاها الجوال ودخل
ليان ابتسمت بفرح وهي لها فتره تدور احد
في شغل المحل كا محرم لها وفي اوراق ماتقدر توقعها لازم احد معها يشاركها وشربت قهوتها ودخلت وشافت ابوها : بابا بروح القصر
ناهض : جيبي اغراضي واغراضك مره وحده خلاص بنام هنا واذا تبين عند امك بكيفك
ليان : مقدر يكمل يومي بدونك اكيد عندك
ناهض : انتبهي للطريق ولا اقول عُمر توقف عند البوابه لما تدخل قصري
عُمر : وش دعوا اروح معها وارجع لو تبي
ليان : لا مايحتاج
عُمر : كذا بتخلين خالي يحاتي
ليان : خلاص تمام وطلعوا عُمر وليان
ناهض : وين غند
سهام : اسكت بال يالله نامت ارهقتني كثير
سعود : تاكل القلب ماشاءالله
سلوى : سدومه وينها ؟
سعود : بجناحها
سلوى : بروح لها انا واذا جاء صقوري دقوا علي وقامت سلوى تروح لسديم
وسهام وسُهيله وناهض وسعود قاعدين مجتمعين
سهام : ابوي وينه
ناهض تنهد بقهر : من عرف عن ريماس وهو مايفارق قرانه تغير بالحيل
سُهيله : ريماس جوهره ماتتعوض ابد وحنى ماعرفنا كيف مانخسرها لكن القدر سوا فينا كذا
سهام : انا اللي مطمن قلبي انها قويه وماتذل نفسها وتدافع عن نفسها شوفوها ماذلت نفسها عرفت بالحقيقه وابعدت عننا ابعدت عن الاشياء اللي تذلها وراحت لمكان محد يذلها وتقدر تدافع عن نفسها
سعود قام : انا بطلع وطلع
ناهض : وانا بشوف ابوي وطلع
سُهيله : ماشيه امورك ؟
سهام : الحمدلله انا بس يوم تكلمت معي سلوى الحمدلله
ودخلت ايثار : السلام عليكم
سُهيله : وعليكم السلام
ايثار : اييه وش موجز اخباركم فيه خبر عن ريماس
سهام : ابد على حطت يدك اليوم عقاب جاء وشاف غنوده وسافر للشمال
ايثار : استغفرالله وين يبي يدج وحُرمه مو معروف هي حيه ولاميته
سُهيله : اهه من طفاقتك هو رايح يدور بكل مكان شبر شبر عشان يلقاها
ايثار : اشوا يالله يمه انتظرك بالسياره
سهام : تونا وش فيكم
ايثار ضحكت : تعرفين ركاد رافض يتعشى الا وامي عنده وركضت تطلع من امها رفعت النعله الله يكرمكم تبي تضربها ووقفت من شافته قدامها : بسم الله
صقر صد : شايفه جني
ايثار : خوفتني صقر دخل وماهتم لها وعع مغرور وطلعت تركب سيارتها
في الداخل سلم على خالاته : الشيخه وينها
سُهيله : مع السلامه
سهام : انتبهي للطريق وانت اقعد راحت لسديم وتجي الحين
صقر : تمام اييه وشلونك بعد الولاده
سهام : الحمدلله انت وشلونك
صقر : انا ماش ماعاد اعرف هل انا بخير او مو بخير
سهام : صدقني ريماس ماسوت الا وهي عارفه
صقر : هذا اللي مهديني ياخالتي
وجت الخادمه تنزل وبحضنها غند صقر : هاتي حبيبة اخوها
وابتسمت سهام تشوف فز صقر لها وترحيبه : ارحبي ارحبي ياشبيهة الريماس ارحبي ياخت ريماس اسفرتي وانورتي
وفزت سهام تبي تحلف على صقر من طلع فلوس يحطها : والله مايجيها شي
صقر : علي الحرام لتجيها وانتهى الموضوع هذي حبيبة اخوها تستاهل وهذا قليل بحقها
سهام : روحي جناح ماما سديم وقولي لسلوى صقر جاء وراحت الخادمه اييه مالك نيه تتزوج
صقر : غريب ماقالت لك امي او صح ماش علاقتكم
سهام ابتسمت : لا ابشرك اليوم صار الصلح ورجعت لي عقاب وعُمر
صقر : الحمدلله وامي خطبت لي من البنات بس صراحه معرف منهي ولا ابي اعرفها
سهام : جابرتك امك ؟
صقر : مالي هوا بهالاشياء ووافقت اتزوج عشان اراضي خاطر امي
وجت سلوى وقام صقر يسلم عليها : كيفك ياجنتي
سلوى : بخير وينك قاطع
صقر : لهيت في دوامي وجيت عشان خاطر عقاب
سلوى : اييه لو ماطلبت عقاب ماجيت
صقر : يمه قولي موضوعك بروح انام برا
سلوى : بكرا بنروح نخطب الخطبه الرسميه
صقر نزل غند بحضن سهام : زين منهو ابوها ؟
سلوى : ركاد بكرا بنروح لهم
صقر : تمام انا بطلع مقدر اقعد في القصر اختنق كثير
سلوى حضنت ولدها : خذني معك تكفى
صقر : يالله انتظرك بالسياره وطلع صقر وصعدت سلوى تلبس عباتها وهي ماصدقت تفارق جناحها والقصر لان كل شبر في القصر تتذكر بنتها وتحاول تنسى لكن مهما يكن الضناّ صعب نسيانه
****
بعد مرور يوم
دخل ركاد الصاله : السلام عليكم
سُهيله : وعليكم السلام
ركاد : تجهزوا بعد ساعه صقر واهله جايّين
ايثار وهي عرفت سبب جيتهم سُهيله : غريب وش عندهم ماقالت لي سلوى
ركاد ناظر ايثار : يقول امر خير وواضح عشان من ها يابوك وش ردك عليه
ايفان : الله اخيراً فيه عرس
سُهيله : انتظري نشوف رد اختك ها يمي وش قلتي
ايثار : مالي شور غير شوركم
ركاد ابتسم ولف ل سُهيله : ها وش رايك يام ايثار
سُهيله ضحكت وعرفت قصد ركاد : مدري انا اقول ارفضه مانقدر نعيش بدون ايثار
ايثار طارت عُيونها : اميي وش تقولين انتي
ضحك ركاد : يختي ريحينا وقولي احبه وابيه موافقه بسيطه
ايثار : اف ابوي مو وقت مزحكم
ركاد قام وحضن بنته : من الحين الف مبروك
ايثار : الله يبارك بك وقاموا سُهيله وايفان يباركون لها وبدات اللجه بالبيت يرتبون مكان الضيوف رجال وحريم وطلعوا ايثار وايفان يتجهزون
جاء المغرب
وجت سلوى ومعها امها وسديم وزينب وباسمه وبعد وقت جت نوال وهناي اخت ركاد
وقامت ايفان تروح تنزل اختها من اشرت لها امها : ياعروس ادخل
ايثار : تعالي من فيه
ايفان : خاله سلوى وجده عزيزه وزينب وسديم

ارحبوا تاخرت بالتنزيل العذر مني والقبول منكم لاتنسون النجمه وتفاعلكم مهم