مالي بالحُب الا في قلب محبوبتي ... قلبي غدا واستيسره رياح العود

PART 23

سلوى مسكت صقر : اختك من عندها؟
صقر : يمه لاتخافيين عمي سلطان عندها!! وطلعوا كُلهم من سمعوا بوري سيارة فيصل
ونزل عُمر بفرحه ووقف قدامهم يطق تحيه وشاف ركض سلوى له وحضنها بقوه يدور فيها : البقى يالجنه البقى
سلوى : ياعيُون امك هالعيون ونزلها يحضنها وابعد وركض يحضن امه سهام واخذ غند وسلم على الواقفين وغند مازالت بحضنه وطاحت انظاره على بنات خواله وسلم من بعيد وشاف مهي فيه وعرف انها ماتعرف ودخلوا داخل
عُمر : انا ماشوف ريماس وعقاب وينهم ؟
صقر : عقاب في مهمته بعد شهرين يطلع
عُمر : وريماس؟
ناهض اخذ بنت ريماس من باسمه وجابها لعُمر : هذي بنتهم وريماس بالعنايه من 5 شهور
عُمر انصدم وارتجفت يديه اخذها وناهض مازال ماسكها خايف تطيح منه : خالي وش تخربط به ؟
سعود : استهدي بالله كل شي قضاء وقدر
عُمر : خذها بسرعه ونزل غند بحضن سهام لحد يلحقني وطلع للحوش الخلفي وفك ازرار بدلته وقعد بالكراسي ويشهق من الصدمه وصرخ بقوه يطلق عنان بكاءه يتحسر على حال عضيدته وسنده في الحياة من بعد ربه وطلع دخانه يحرق حاله بقهر وفتح جواله يرسل لها انا احتاجك كثيير انتظرك في مكان الاعتراف وسكر جواله يكمل تدخين
في الداخل
الجد عساف: اتركوه لحاله بالحوش الخلفي تعالوا نطلع الحوش كُلنا
فرح : وين ليان ؟
الوليد يهمس لها بحده : لاتسوين نفسك تحبينها اطلعي وانتي ساكته وطلعوا كُلهم للحوش ومافي احد داخل غير ليان
في غرفة ليان
طلعت من الحمام يكرم القارئ تتوضأ تبي تصلي ووقفت عند جوالها وفتحته ودخلت على الواتس وشافت رسالته قبل خمس دقايق وقطت جوالها بالسرير وحطت يديها على صدرها : وهم وهم يا ليان هو تو ماطلع وقعدت بسريرها تشوف رسالته وردت له كذاب انت مو عُمر عُمر بدورته وشهقت بصدمه من دق عليها وردت ولا قالت كلمه : انتظرك في مكان الاعتراف
وبكت من سمعت صوته ومسحتها واخذت جلالها وفتحت الباب وكانت بتتغطى وبتروح بدون محد يدري لكن ركضت بقوه تمشي الدرج تنزل ودخلت المطبخ وفتحت الباب الخلفي يودي لحوش الخلفي وسكرته وقرطت جلالها وركضت ترتمي بحُضن عُمر
عُمر : ارحبي ارحبي في ذمتي مرحبا الف
ليان حاوطت وجهه وتوزع قُبلاتها له : اشتقت لك احبك واعشقك واهيمك
وقعد بالكراسي ويده في خصرها يشدها له ويده الثانيه في خلف عُنقه يبادلها القُبل
عُمر لاصق جبينه في جبينها : خلاص وقفي
ليان تداركت وضعها وقامت عنه وقعدت بجنبه : اسفه مقدرت اتمالك نفسي وشهقت ترفع يديها من ارتمى بحُضنها يبكي وبادلته في الحُضن وتمسح على ظهره وتخلخل اصابعها في شعره : ليه تبكي ياعيُوني ؟!!
ورد عليها بعد دقايق طويله : ريماس بالعنايه!
ليان : الله يشفيها يارب
عُمر قام منها : تبين شي ؟
ليان : وين؟
عُمر : لاتعتقدين بقعد بروح لها ؟
ليان : عشان خاطري اقعد اليوم واحضر ملكة شوق وامش للرياض
عُمر : من شوق ؟
ليان : دقيقه هي مو بنت عمك سلطان؟
عُمر : الا بس متى انخطبت ؟
ليان : قبل شهرين واليوم ملكتها مع ابو صديقتها يقولون تعب وبكرا ملكتهم
عُمر : يلا سلام انتبهي لنفسك وطلع للحوش عندهم عمي فارس تعال ابيك
وقام فارس من نزل بنت ريماس بحضن سلوى وقام : وش فيك ؟
عُمر : وش اللي سمعته؟
فارس : وش؟
عُمر : ملكة شويق من شايب!!
فارس : وهذا اللي صار؟
عُمر : عمي شايب!!
فارس : ليه تحبها تبي اخطبها لك؟ الحين نخطبها وترفض الشايب
عُمر مسك عمه : لا واللي يسلمك وش تقول انت انا ماصدقت ليان توافق عشان اروح اخطب شوق وتزعل علي!!
فارس : وش اللي مزعلك يوم خطبها شايب
عُمر : جابرينها اكيد!!
فارس : لا وش اجبار انا مثلك لكن ابوها معطيها مهله شهر وسحبت شوق على جنب والموافقه منها
عُمر : زين دام كذا الله يهني سعيد بسعيده ولف لهم تبون شي ؟
الجد عساف: على وين ؟
عُمر : بروح ازور ريماس
صقر : وانت رايح على عماك لا تعرف غرفتها ولا المستشفى اللي هي فيه
عُمر : صح نسيت
سلوى : ايه روح وخل سلطان يرجع القصيم بكرا ملكة بنته
عُمر : ابشري وراح ركب السياره من عرف موقع ريماس ومسك خط الرياض وكان كل ذا تحت انظار ليان اللي تستودعه من نافذة المطبخ ولبست عباتها وطلعت والوليد وفرح قاموا يسلمون وتقدمت تسلم على الوليد وسحبت على فرح وتكزها وتقعد بجنب ايثار والوليد استانس
ناهض : وجع سلمي على اختك
ليان : ماعندي خوات
الجد عساف بحده : قومي اعتذري لمرة اخوك
وفرح كانت فرحانه انهم خانقوها لكن شهقت بصدمه تسمع الوليد : والله وعلي بالحرام لو قامت ليان وحبت راسها اني لطلقها بالثلاث وصلكم العلم
سعود : خلاص خلاص تضيع مستقبل البنت اقعدوا
ليان ابتسمت بفرح وقامت وحبة راس الوليد وكزت فرح وقعدت بجنب اخوها : الله لايحرمني منك
الوليد باس راسها وهمس : واخيرا حنيتي عقبال العشيقه
ليان : اهخ منك بس
بعد مرور 4 ايام
صارت الملكه مثل ماتتمنى شوق وطبعا اللي تكفل فيها سفانه عرفت برفض امل وهي تكفلت فيه وعرفت الفستان والطقم اللي كان شوق خاطرها فيه وحطتهم وجابتهم لها وكانت افضل ملكه لشوق وسعود
وعقاب دق قبل يومين على ريماس وكون ان الجوال ببيت ريماس ومحد يجيه ودق على صقر وقالهم انه باقي 10 ايام ويطلع وان قدموا وقت خروجه
والباقيين على حالهم مافي تطورات جديده لهم
في المستشفى
جاء دكتور ريماس يكشف على وضعها ولف من نداء عُمر : كيف وضعها يادكتور ؟
الدكتور : مين انت اول مره اشوفك!!
عُمر : انا اخوها أعطني وضعها
الدكتور : مقدر احدد لك ياخوي ممكن اقول فيه مؤشرات بانه تصحى وتطلع النتيجه سلبيه وممكن اقولك ماتصحى وتطلع النتيجه ايجابيه فا اللي يحدد ربي ومالكم الا الدعاء وترك عُمر في عز صدمته ولف للنيرس اللي طلعت : اقدر ادخل عليها ؟
النيرس : تفضل ودخلت وهو دخل معها ونزلت دموعه ينهار من سمع صوت الاجهزه وشهق من شاف الانسانه اللي نايمه والاسلاك اللي عليها ولف للنيرس هذي ريماس عبدالله
النيرس : ايوه
عُمر : متاكده انا اعرف عضيدتي مو كذا ليه وجهها كذا ؟
النيرس : تنفخت ملامحها من عملية النزيف اللي براسها ومن كُثرة نومها
وتقدم عُمر ونزل لمستواها وحط يده المُرتجفه على كف يدها وشد عليها من حس ببرودتها وصرخ صرخه تهز اركان المستشفى ويبكي ويبكي ويبكي ويردف بقهر : يمه يمه لاتتركيني وصرخ بقوى
وشهقت النيرس من شافت الجهاز ينذر إنذاراته دليل ان ريماس ترتفع مؤشراتها وعدم انتظام قلبها وفتحت الباب وتصرخ بقوه : بسرعه بسرعه نادوا الدكتور المريضه ريماس وركضوا النيرسات ونادوه وجاء يركض ودخلوا
الدكتور : يا اخ بعد بنشوف شغلنا
عُمر خاف من سمع الصراخ وبدا يصيح يصحي ريماس وابعد عن الدكتور وطلعوه برا وهو صار مقابل النافذه ويضرب ويدعي ريماس
صقر وايثار جو الرياض يزورون ريماس وفزوا يركضون من سمعوا صراخ عُمر ونداءه بريماس
صقر : وش صار وشهق يضرب بالنافذه من شاف تجمعهم عليها
عند ريماس
الدكتور صرخ : سريع سريع جهاز الانعاش الكهربائي على قوة 200 وفك ثوب حقها يشقه وصار فوقها وصقعها بصدرها بقوه وانقزت ريماس
النيرس : يضعف نبضات قلبها
الدكتور : 250 وصقعها بقوه
النيرس : صحت صحت
وابعد الدكتور : بسرعه جهزوا الغرفه حقتها غرفة العزل واعطوني ابرة المُخدر
وانتشروا النيرسات يجهزون غُرفة العزل ولا التفتوا لصقر وعُمر وايثار المنهارين وطلع الدكتور من اعطاها المُخدر وفك كمامته ووجه انظاره لـ عُمر يردف : انت وينك من زمان مازرتها
صقر : دكتور وش دخل عُمر ؟ فهمنا وش صار ؟
الدكتور : انا مثل ماقلت لكم صحوتها معجزه ونسبة صحوتها 10% بسبب نزيفها وولادتها وسندكم معها ممكن يصحيها ولكن انا فقدت الامل في صحوتها ولكن جاء الأخ هذا وهز المستشفى والمريضه ريماس استجابت لمؤشراته وصحت الحمدلله ولكن بنحطها بالعزل لسلامة صحتها لمدة 24 ساعه وبتكون صاحيه وبتشوفونها خلف النافذه وانا اقول الافضل انكم تجيبون بنتها لان بتطلبها واذا ماشفتها قدامها بتدهور حالتها وممكن ترجع تغيب عن الوعي وتركهم
صقر : بسرعه بسرعه دقي على باسمه تجي هي وسلمان ومعهم بنت ريماس
ايثار : تمام ودقت على باسمه اسمعي مافي وقت الحين بتجين الرياض ريماس صحت واحتمال تقوم وتسئل عن بنتها اسرعوا وسكرت منها وركضوا يلحقون النيرسات اللي طلعوا سرير ريماس واللي كانت فيه حواجز مايقدرون يلمسونها وركضوا ووقفوا من دخلوها غُرفة العزل ووقفوا عند النافذه وواقفين يشوفونها نايمه والاجهزه خفت عن جسمها وابتسامتهم مو ساعيتهم وايثار دقت على خوالها تعلمهم بانها صحت وحطوها بالعزل لمدة 24 ساعه وبعدها تطلع
وبعد ساعات جت باسمه ومعها سلمان وبحضنها بنت ريماس وفزوا صقر وعُمر من شافوها تصحى وهي كانت قريبه للقزازه والغرفه بس تدخل فيها السرير
عند ريماس
فتحت عيُونها واردفت : عقاب ورفعت يدها تُغطي عيُونها من اشعة ضوء الغُرفه المُزعجه وحطت يدها على بطنها بتحسس جنينها وخافت من حست بان بروز بطنها مُختفي ولفت للنافذه وشافت اخوانها صقر وعُمر وايثار ومدت يدها على يد عُمر اللي خلف القزازه : عـ...عُـ...عُمر عُمر بـ ببنننتتتيي وو...وين هههـ...هُيييـ...هُيام وينها؟
عُمر يشوفها تردف بكلمات بس مايسمعها ولفوا من طلعت النيرس من عندها : وش تقول ؟
النيرس : عمر بنتي وين هُيام ؟
ايثار اخذت بنت ريماس : نوريها ولا تدخلينها
النيرس : هاتيها!!
وتقدمت ايثار تعطيها وتسمي عليها
ودخلت النيرس وحطت البنت على كتف ريماس
ريماس بكت ونزلت خشمها لخد بنتها من النيرس فكت كمام الاكسجين واستنشقت ريحتها : ياماما انتي اسفه اسفه تركتك وبكت بنت ريماس وجت النيرس تساعد ريماس اللي تحاول تحط بنتها على صدرها وسكتت بنت ريماس ونامت
ريماس : ياعيون ماما انتي ونامت ريماس من كُثر تعبها القوي
وصقر وعُمر وايثار وباسمه واقفين خلف النافذه ويشوفون ريماس وبنتها
سلوى : وين ريماس؟
ووقفت هي وفارس عند النافذه من طاحت انظارهم على ريماس وبنتها وشهقت تبكي وتحضن فارس من حضنها وتبكي
الدكتور جاء : اخ صقر ماتفقنا تسون كذا ؟
صقر صد يمسح دموعه وكل منهم يمسح دموعه
الدكتور : ابدا ماينفع كذا فا لو سمحتوا تفضلوا انا ماقدر اقعدكم اكثر لان حالتها تتدهور
صقر : دكتور حنا بنروح بس قبل طلعتها بساعه دق علي وراحوا من اخذ رقم صقر
خارج المستشفى
فارس : تعرفون ريماس تبي بيت عقاب ولا واحد منكم يضغطها مفهومين!!
صقر : ابشر ياعمي الحين انا وحُرمي بنروح وننفض البيت ومعنا عُمر تبون شي
سلوى : دقيقه توني اركز صديقتها وينها ؟
صقر : امحق هذي ماتتسمى صديقه اول ماطلعت ريماس من العمليات اختفت
ايثار : والله صدق ماتوقعتها كذا
عُمر : خلو السووه وانجزوا يالله وفارس اخذ سلوى معه وصقر اخذ ايثار معه وهو راح لحاله
عُمر : تتخطى ياولد كلهم راح مع زوجته وانا وحداني اهخ الله يعجل بزواجي بس ومشى متجه لبيت عقاب
****
بعد مرور يوم كامل
في سيارة صقر دخلها ويضرب بوري وريماس ابتسامتها شاقه وجهها وحطت يديها على اذن بنتها : مجنون وقف خلاص وابتسمت من شافت سامي اللي جاء يفتح لها الباب
ونزلت من السياره وحضنت سامي : ياعيوني انت كيفك
سامي باس راسها : الحمدلله وصرت بخير بشوفتك
وتقدمت لهم وتسلم عليهم وشافت فرح وسلمت عليها : من انتي؟
فرح : زوجة الوليد
ريماس لفت لـ الوليد : افا مهقيتها منك تسوي عرس بدوني ؟
الوليد : نعوضك بالعرس الثاني
ريماس : اركد انفداك
وسلمت على البنات وحضنت باسمه بقوه وبحضنها بنتها : شكرا يابسوم
باسمه : ياحبيبتي انتي ماسويت شي
ودخلت ريماس ودخلوا الحريم معها والجد عساف وعياله والعيال واخوان ريماس راحوا مجلس الرجال
ونزلت بنتها تفك عباتها واعطتها ايثار
اللي اردفت : هاتي عباتك واخذتها
ريماس حطت بنتها بحُضنها ولفت لجدها اللي اردف : وش سميتها ؟
ريماس ابتسمت وحطت انظارها على بنتها وتشدها له : هُيام العقاب وابتسموا من الاسم وفرحتهم فيها واردفت بحُزن عقاب ماتصل بغيابي ؟
سلوى : دق قبل امس وقال 10 ايام وجاي
ريماس : طبيعي مابتعلمونه لان هذا شي من تخصصكم صح!!
سهام : ياعيُوني انتي كيف نقوله
ريماس : مو عيُونك انا صدق دخلت غيبوبه شهور وتحسبون بسامحكم لا غلطانين
وجت غند تحبي وتردف بلغتها : ريثاث
ريماس : ياقلب ريثاث
ايثار : دقيقه ذي اول نطق لها ؟
سهام : ايوه شكل فقدت اختها كثير
ريماس نزلت هُيام بسريرها ورفعت غند بحضنها : ياحلو الحلوين ياناسوا وباستها
ولفت لامها : يمه جدي سعيد ليه ماجاء ؟
سلوى : تعب امس بالليل فجاءه وقال اعذريني مقدر اجي
ريماس: معذور وشهقت ريماس بخوف من ضرب فارس للباب : ياحررريييمم تغطوا ودخل بعد مادخلته سلوى وهو بالموت يلقط انفاسه
ريماس حضنت بنتها من بكت : عمي الله يهديك وش سويت انت؟
فارس : بسرعه مافي وقت ابوي طاح ورفض يروح المستشفى ويقول ماروح الا وشايف ريماس تكفين انا طالبك لوجه الله تجين ياقلبي انتي تعالي
ريماس خافت من فقده ولفت لايثار : عباتي بسرعه ولفت لامها يمه شنطة هُيام خذيها ولبست عباتها ورفعت هُيام لها واستئذنوا فارس وسلوى وريماس وكلهم رجعوا للقصيم ويلحقون فارس اللي مسرع
بعد 3 ساعات
وصلوا القصيم ونزلت ريماس وتمشي مسرعه وبحضنها بنتها ودخلت وفكت نقابها : جدي وينه
شذى : ريماس!!
ريماس : مو وقتك جدي وينه
امل : بغرفته هاتي بنتك
ريماس : وخري مناك بس ودخلت لغرفته وشافت سلطان اللي قاعد عنده ويقرا قران جدي!! وقربت تقعد عند راسه
وتقدمت سلوى تاخذ هُيام ومسحت على راس جدها: ياحبيبي انت انا ريماس جيت
وفتح عيُونه بتعب : رريماس يبه وحاول يقوم ولكن مسكته ريماس
ريماس : خلك مكانك جيتك وجبت بنتي معي وجت سلوى نزلتها عند الجد وكملت هُيام بنت عقاب
الجد سعيد : ماشاءالله تتربي بعزكم ان شالله وناظر لعياله : خذوا البنيه واطلعوا برا خلوني مع حفيدتي
سلوى اخذت هُيام وطلعت مع فارس وسلطان وسكروا الباب
ريماس : ياعيون ابوي وش صار فيك يالغالي حتى تدهورت حالتك
الجد سعيد : ريماس يبه سامحيني تكفيين انا جاء يومي وكلنا لاحقين اقدارنا ولكن اللي بقوله لك وهمس في اذنها وشهقت بصدمه من كلام جدها لها وبكت تحاول تصحيه من اردف باخر وصيه له وانقطع كلامه وتوقف النفس عنده وتصارخ وتستنجد بعمامها ودخلوا فارس وسلطان وابعدوا ريماس ونزل سلطان مسرع من صرخ عليه فارس يردف : اسرع اسرع السياره وشال ابوه ونزل مسرع يطلع يدخلونه السياره ومشوا متوجهيين للمستشفى
سلوى جت ومعها امل وبناتها وقامت ريماس منهاره اخذت بنتها وانسدحت على سرير جدها وتبكي وطلعوا يسكرون الباب من امرت لهم بالخروج
ريماس: عقاب تكفى وينك محتاجتك كثير!! وبكت اكثر وحضنت بنتها لها ونامت بعد موجة بكاء
****
في المستشفى
وصلوا بعد وقت ودخلوا الجد سعيد الطوارى وقعدوا سلطان وفارس ينتظرون ودق سلطان يعلم صقر واخوانه يجون
صقر جاء ومعه فيصل وعُمر وسامي : عمي جدي وينه؟
سلطان قام لهم يترك فارس اللي منهار : ان شاءالله مو صاير شي ننتظر الدكتور يطلع
وقام فارس من جاء الدكتور وكان بيطيح لكن مسكه فيصل يسنده : دكتور ابوي ابوي سعيد لاتكسر ظهري تكفى
الدكتور بحزن : كل شي قضاء وقدر ولكن قبل تجيبونه هو متوفي قبلها بنص ساعه عظم الله اجركم في مصابكم ومشى
فارس طاح من طوله وصرخوا يدعون الدكتور ورفعوا فارس اللي شبه ميّت
سامي قعد بزاوية الممر ويبكي
صقر : ياربي وش السوات الحين وش اللي حل بنا حنا يعني يوم واحد بس يوم ابي ارتاح مقدر
فيصل حضن اخوه : تعدي تعدي ياخوي باذن الله
عُمر : بدق على امي سلوى تجي تقعد عند عمي عشان حنا نشوف جدي لان للحين ماراح اصدق
سلطان : دق وخل شذى تجيبها
صقر : السواق ولا جايبينه زينه
سلطان : بس فارس
قاطعه صقر : عساس يدري هذا هو داخل بسرعه دق على السواق ياخذها لحالها ولا انا بروح
عُمر : ابشروا وطلع جواله يدق على امه : امي اخذي السواق وتعالي مستشفى ***** لحالك لحد يجي معك وسكر منها وقعدوا صقر وفيصل وعُمر ينتظرون خبر من فارس وسلطان اخذ معه سامي يروحون لابوه سعيد
عُمر قام انا بطلع ادخن واذا جت امي انا بدخلها
فيصل : رح وطلع عُمر وطلع دخانه يدخن وفتح جواله يرسلها فاضيه ادق ؟ وابتسم من دقت عليه : ارحبي في ذمتي
ليان بحرج : تسلم اف لاتحرجني معرف ارد وش ردها ؟
عُمر ابتسم : افا حُرم عُمر ماعندها فن بذي الردود
ليان : اذكرك اني بنت انثى مو مثلكم يالرجال بقول شحالك
عُمر ضحك بخفيف: غيرتي نفسيتي كثير وكح بخفيف
ليان : ياعيُوني انت وش فيك ليه تكح وش صار ؟
عُمر : قصدك وش ما صار ؟ رجعنا القصيم وهذا تحت انظارك ممدانا ندخل جناح امي سلوى الا دق عمي سلطان بان جدي بالمستشفى ولما وصلنا قالوا توفى وازيد لك مو مصدقين انه توفى ولما نقلنا الدكتور الخبر عمي فارس طاح من طوله والحين هو داخل
ليان : ياروحي هو مايشوف شر
عُمر طير عيُونه : من روحك ؟
ليان : عمك فارس
عُمر : ليان مستمره
ليان ادركت الوضع : لا مقصدي كذا
عُمر : وش قصدك ؟ ليان توهقت وسكرت بوجهه وابتسم من حركتها وداس على دخانه من نزلت سلوى : يمه
سلوى لفت لمصدر الصوت وشافت عُمر : امي انت وش صار ؟
عُمر حط يده على كتوفها يدخلها : ندخل وتشوفين ووصلوا عند صقر وفيصل وحت بتردف ولكن قاطعها طلوع الدكتور : اهل فارس ؟
سلوى ضرب بقلبها الخوف : يمه قلبي فارس وش فيه ؟
عُمر: هدي يمه بنشوف الحين الوضع وبنعرف
الدكتور اردف بحزن : طبعا جته صدمه والصدمه اثرت في اعصابه الحركيه وانصاب في شلل نصفي تعوق
سلوى : يادكتور دائمي ولا مؤقت
الدكتور : مانقدر نحدد ممكن يمشي وممكن لا وممكن يمشي بدون علاج ولكن صعب وممكن يمشي بالعلاج الفيزيائي اللي راح يستمر 3 شهور وماقدر اعطيكم امل واقول يستجاب للعلاج الا 50٪ وتركهم
سلوى مسحت دموعها : وش اللي خلاه يوصل كذا
فيصل : جدي سعيد اعطاك عُمره
شهقت سلوى شهقه كل المستشفى سمعوها وحطت يدها على صدرها : اهخ ياقلبي وش تقولون انتوا
سامي حضن امه ويبكي : يمه تركني مثل ابوي
سلوى قوة نفسها ومانزلت دمعتها عشان هي السند لعيالها في وفاة جدهم وحضنت عيالها اللي تجمعوا عليها مع اشرت لهم يجوون وقعدوا واردفت : انا الحين بدخل عند عمكم وانتوا الحين روحوا ودعوا جدكم وراحوا ودخلت عند فارس قربت الكرسي من شافته صد عنها ومسكت يده : انا تصد عني ؟
فارس لف وابتسم يحاول يخفي عنها : وش فيك جيتي ؟
سلوى : زوجي وعشير عمري يطيح بالمستشفى وماجي اكبر غلط اسويها
فارس : ماله داعي تجين من جابك ؟
سلوى ابتسمت وهي تعرف فارس مايبيها تروح مع السواق : جابن الطريق لك
فارس : سلوى!!
سلوى : اف خلاص جيت مع السواق
فارس : ومن امر عليك تروحين معه وانا مو قايل لك ماتركبين معه لحالك!!
سلوى : والله لاتخانقني خانق عيالك هم اللي امروني اروح واجي لحالي وانا ماكنت عارفه باللي صار
فارس : زين نادي الدكتور ابي اشوف ابوي
سلوى قامت وشافت الممرض : لو سمحت وين دكتور حق المريض فارس
الممرض : الحين ادعيه ودخلت وانتظروا الدكتور اللي جاء ومعه كرسي متحرك وثلاث ممرضين يحطون فارس بالكرسي
الدكتور : مثل ماقلنا يا اخ فارس اذا استمريت بالعلاج باذن الله تمشي
فارس : يادكتور لاتتعب نفسك مابسوي علاجكم هذا يالله سلوى وحطت شنطتها بحضنه ومشته يطلعون من الغرفه وراحت لمكان الجد بتوصيف فارس وشافوا عُمر واللي معه اوراق وشافهم وباس راس عمه : اخر الاوجاع ان شالله
فارس : تسلم وين ابوي
عُمر بحزن: توي استلمت اوراقه غسيل ميّت
فارس مد يده ياخذ الاوراق واردف : ودوني للغسالة الموتاء واخذه عُمر يدفه وراحوا
****
في قصر فارس | غرفة الجد سعيد
قامت على بكاء هُيام وقامت : ماما ليه تبكين وناظرت في ساعتها وشافت موعد رضاعتها وفتحت صدرها ترضعها وطلعت من الغرفه ونزلت وشافت امل وبناتها : جاء خبر ؟
شذى مسحت دموعها وقامت : اعطاك عُمره جدي سعيد وانقزت هي وشوق يمسكون ريماس اللي رجعت على وراء من حست بالدوخه وقعدوها ومازالت هُيام بحضنها : شوق حبتي جيبيها شوفي الشنطه بالغُرفه
وركضت شوف تطلع كرت حبتها ونزلت بسرعه تصب كوب مويه واعطته ريماس وريماس رفعت هُيام اللي نامت واعطته شذى : خذيها بعيد عني
وقامت شذى تدخلها بالمقلط
ريماس كلت حبتها وانسدحت بالكنبه وحضنت نفسها ورفعت راسها تحطه على فخذ شذى من قعدت عند راسها وبكت : شذى تكفيين معاد بزعل عليه مره ثانيه بس خليه يرجع لايتركني وحيده
شذى بكت بقهر كيف اللي كبرت على رباته وعزه ودلاله اليوم يجيها خبر وفاته وقهر على حال اختها
وامل قامت عند هُيام تتركهم وتفرغ دموعها وهو صدق قضت ايام مو حلوه مع عمها لكن الفتره الاخيره تعلقت فيه وماتخيلت في يوم ممكن تفقده ولكن جاء اليوم اللي فقدته واشتاقت له كثير
شوق طلعت غُرفتها وحضنت وسادتها وتفرغ وقتها بدموعها وبكاء على جدها اللي تعلقت فيه كثير وهو صار روتينها الفتره الاخيره فطورها وغداها وعشاها وشرب قهوتها مع جدها وتعلقت في سوالفه الصباحيه وانتشر الخبر بان الجد سعيد انتقل الى رحمة ربه الجد عساف انخفض ضغطه من عرف بان صديقه اللي من صغرهم مع بعض ورجعوا بعد ما كل واحد اغترب في ديره فجاءه يسمع انه انتقل لرحمة ربه ال عساف كلهم راحوا لقصر فارس بامر من الجد عساف واخذوا جثة سعيد ومشى العزاء يومه الاول والثاني والثالث وفي اليوم الرابع
شذى قعدت بجنب ريماس : هُيام جاء وقت رضعتها
ريماس ببحه : وينها ؟
شذى : بغرفة المرحوم
وقامت ريماس ودخلت غُرفة جدها وكانت شذى بتدخل معها ولكن خرجتها ريماس وقفلت الباب وسكرت اللمبات وفتحت التكييف وشغلت الابجوره اللي عند راسهم ورفعت هُيام لها ترضعها وطاحت انظارها على ثوبه وشماغه وبكت وتردف بحزن : الله يرحمك ويجمعني معك باقرب وقت ان شاءالله وبعد وقت طويل نزلت بنتها ولحفتها وخففت برودة التكييف وفتحت الباب ونزلت تحت وشافت جدها عساف وباست راسه وقعدت بجنبه تحتضنه من امر لها
ريماس : جعلك بطولة العمر ولاتحرمنا منك يارب
سلوى قامت ولكن لفت من نداء ريماس لها : ابوي وينه؟
سلوى انصدمت من سؤالها : ابوك بالسجن!!
ريماس : يعقب يكون ابوي ابي ابوي فارس
سلوى : بالحوش يبيني
ريماس قامت : خليك بروح له انا واخذت الجلال وحطته على كتوفها وطلعت وشافته قاعد بكرسيه ومتلثم وباست راسه : صبحه بالخير
فارس : يا صباح النور
وقعدت عند رجوله ومسكت يده : كيفك يايبه عساك بخير
فارس : الحمدلله انا بخير دام بنتي وحفيدتي بخير
ريماس : ترا حفيدتك زعلانه واجد
فارس : ماعاش اللي يزعلها لكن معاد انا فارس اللي قبل
ريماس : افا يابو عقاب افا كذا صرت ماهقيتك والله انت ضلعنا الثابت لاهز ضلعنا وطاح طحنا معه يبه حنا مستمدين القوه منك انا وعقاب وهُيام خلك قوي قبل يجي عقاب وقبل تكبر هُيام
فارس مسك يدها يبوسها : ابشري ونادي سلوى
ريماس قامت: اح بعتبر نفسي ماسمعت ودخلت نادت سلوى وصعدت غُرفة جدها من استئذنت وسمحوا لها وانسدحت بالسرير وحطت هُيام على كتفها وفتحت جوالها على صوره وزومت على وجهه وتتئمل فيه وطلعت ودخلت على السناب ونزلت صورته وكتبت
فـي غـيـابـك لـك مـحـبه ولـك شـوق وونـيـن
وفـي حـضـورك شـف عـيُـونـي كـلامـي ما يـفـيـد
أقـهـر الـضـيـقـه بـذكـراك مـن حـين لـحـين
وانـثـر دمـوعـي عـلـى الـوصـل مـن عـيـد لـعـيـد
ومسحت دموعها من حست محاجرها تحترق من دموعها وفتحت الابجوره وفكت بنتها : يمامي وسو هذا الحجم وسو يامامي ورفعت جوالها تدق على امها : يمه اذا خلصتي من ابوي تعالي ابيك تساعديني نروش هُيام
سلوى : تمام ياقلبي وسكرت الحين استهد بالله طريق وكلنا رايحين له بس بقولك شي
فارس : وش؟
سلوى : وش مدى خاطري لقلبك ؟
فارس : لو تبين الدنيا ومافيها جبتها لك لان خاطرك قوي حتى الدنيا ومافيها ماتكفي مدى خاطرك في قلبي
سلوى : حلو عشان خاطري بنبدا علاج
فارس : مو المفروض نسكره ؟
سلوى : انا ماراح اسكره الا واشوفك تمشي
فارس : يعني تعوقي عائق عليك ؟
سلوى : وش الكلام هذا انا اشوف ان نفسيتك مهي عاجبتني لانك بس قاعد واللي يغير نفسيتك وهو انك تمشي صح ولا ؟
فارس : بس نسبة استجابة العلاج ايجابيته اقل من من سلبيته بس 50٪
سلوى : شفت انك تدور عذر ركز معي ايجابي 50٪ وسلبي 50٪ يعني تعادل وحنى بنصير بصف الايجابي وبنتغلب على السلبي صح ولا ؟
فارس : صح بس ابي اريح دخليني الغُرفه
سلوى : ابشر ياحبيبي ورجعته على وراء وكملت سيرها للداخل وعلت صوتها : يابنات فارس بيدخل تغطوا ودخلته من نداء الجده عزيزه تدخله بالصاله
وقامت الجده عزيزه تسلم على فارس : وشلونك يامي
مسك يدها يبوسها : بخير ياخالتي دامك بخير
ونزل انظاره ورفع يده : وشلونكم يابنات
وردوا : بخير دامك بخير
فارس ناظر لسلوى : يالله وديني ورجعت سلوى ومشت توديه لغرفتهم وقربت كرسيه للسرير ورفعت ردوفها ورفعت فارس بقوا حيلها ودخلت تطلع بجامة نومه وبدات تغير له وفتحت الشرشف وضبطت جو التكييف وباست راسه : بروح لريماس نروش هُيام واجيك انام معك ياحبيبي وسكرت اللمبات وطلعت لعند ريماس ودخلت وشافت ريماس اللي تجهز الشور لبنتها : هنا بتروشينها ؟
ريماس : ايوه الحمام الله يكرمكم بعيد واخاف عليها تبرد جبت سطل وحطيت مويه دافيه بس معرف اروشها
سلوى : خلاص انا الحين باخذها انتي جيبي شامبوها وجهزي منشفتها
ريماس : تمام
وراحت سلوى لهُيام وفكت لبسها ورفعتها تدخلها في المويه وفزت هُيام تبكي وريماس رافعه جوالها تصور وتسمي عليها
ودخلت سهام : بسم الله عليها وش فيها ؟
سلوى بحده : بسرعه سكري الباب برد على البنت
ودخلت سهام وسكرت الباب وريماس سكرت جوالها من طلبت سلوى منشفتها ولحفت بنتها وحطتها بالسرير
سلوى : ماما ريماس انا بنزل تحت لان فارس يبيني شوفي خالتك عندك والبنات موجودات
ريماس : شكرا يمه ماتقصرين روحي وطلعت سلوى
سهام : اساعدك ؟
ريماس : لا شكرا وكانت بتطلع سهام لكن رجعت تقعد من سؤال ريماس
ريماس : لما عبدالله كان حاجزك في القبو وش كان يسوي معك ؟
سهام : وش افهم معنى سؤالك ؟
ريماس : تفكيري مو منحرف يعني وش كان يسولف عنه ؟
سهام : مدري مواضيع ماكُنت مهمتمه لها ولكن اللي
اعرف دايم اللي مستوطن تفكيره بنته وهي انتي يعني اوكيه ماخفي هالشي صدق انه مجـ...رم ومر...وج ولكن مابعمره فكر يئذيك
ريماس : انا مايهمني وش قال عني بس يهم عن اللي حوله قالك سر شي ؟
سهام : ريماس وش المغزا اللي بتوصلين له ؟ اذكرك كان اجمل 3 سنوات معه وبعدين صرت خدامته يضر،،،بني ويعذ،،،بني تبين افك لك ثوبي اوريك معالمه وش بيقول لي مثلا وهي تحطمت نفسيتها وبكت
ريماس انصدمت من انفجارها عليها وتركت بنتها وحُضنت خالتها : اسفه ياخالتي ماكُنت اقصد
سهام : ريماس انا عشت عذاب معه يصحيني وينومني بمعداته حق التع،،،ذيب متخيله تركت عيالي ورجال كان يُحبني عشان واحد وهمني بحُب تركت الحياة السعيده ورحت لحياته اعتقدت اني مابلاقي احسن منه لكن اكتشفت ان ادنى الحياة هو
ريماس قعدت بجنبها وحطت ابهامها على هدب عيُونها : خلاص خالتي كل انسان مو معصوم عن خطاه شوفيه الحين ربي عاقبه في دنياه وبيعاقبه في آخرته لاتبكين
سهام مسحت دموعها : تبين شي يا عيُوني
ريماس ابتسمت : لا يا عيُوني انتي وطلعت سهام وشافت ابتسامات بنتها : حلوتي توزع ابتسامات وه يحظنا ولفت على اتصال جوالها : هلا عيني ؟
صقر : معنا للرياض ؟
ريماس : انا مابها ضيق وانا معكم
صقر ابتسم لايثار اللي ركبت السياره : افا ان السياره ضيق عيُوني توسع لام هُيام
ريماس : ياعيُوني انت خمس دقايق ونازله
صقر : خذي راحتك وسكرت منه وربطت بنتها وجهزت شنطة بنتها وحطت جوالها ولبست عباتها ورفعت بنتها ونزلت لهم وودعتهم وطلعت لهم : عسى ماتاخرت
صقر تعدل ولف : ارحبي ارحبي هاتي حبيبة خالها
ورفعت بنتها تعطيه صقر خلاص نمشي
ايثار : خلاص بس هاتها عنك
صقر : اقول حتى من ذي تغارين خليها بس
ايثار ضحكت : من قالك اني اغار ماغرت بس خايفه عليك
ريماس : مع الاسف ياختي ضحكتك نكبتك هاتها كلش ولازعل اثورتي
ايثار : اعشقك!
ريماس : ياحبيبتي واخذت هُيام وكمل صقر يمسك خط الرياض
صقر : اسمعي المره الاولى سويتها وندمت لاوصلنا الرياض بتاخذين لبس كم يوم لما يجي عقاب وتنامين عندي خليتك عند ذيك وبالنهايه دخلتي غيبوبه 8 شهور ماتحمل اكثر من كذا
ريماس : بس مالها شغل هي انا رجلي زلقت وانزفت هي مالها ذنب
ايثار : على طاريها هي وينها ؟ اختفت من طلعتي من العمليات
ريماس : معرف والله دقيت عليها يوم يخرجوني لكو ماترد وهي اذا صار شي وتلوم نفسها تختفي ولا هدات رجعت لاتلومونها والله هي مو كذا
صقر : طاريها ينزفزني سكروا موضوعها
ايثار : ليه وش تعني لك ؟ ليه تتنرفز ؟
صقر همس : بدينا شكّ من الحين ؟
ايثار : تعتبرها شكّ؟
صقر : لا
وسكتوا من بدات هُيام بالصياح : خلاص اسكتوا خلوها تنام
ايثار : فعلاً تسكت افضل موضوع مايستاهل ابربر به دام الجدار يفهم وهو مايفهم
صقر لف لها مصدوم من حدتها ومسك يدها يشدها له ايثار ناظرت فيه وابعدت يدها عنه وبعد ساعات طويله وصلوا الرياض واخذوا اغراض ريماس من بيت عقاب ونزلوا بيت صقر وعلمت ريماس غُرفتها اللي دلتها لها ايثار
ريماس : الحين عن اذنكم بنام اريح
صقر : خذي راحتك ودخلت ريماس غُرفتها وشافها تقرط عباتها بالصاله وسفهته ومسكت الدربزايين بتصعد غُرفتها وشهقت من حاصرها من الخلف وحط يده على فمها من شافها بتصرخ ورفعها من خُصره وصار ظهرها مقابل صدره بالضبط ومشى فيها للغرفه وسكر الباب وصرخ يكتم صرخته من عضّت باطن كفه : احح ليه ؟
ايثار ضربت صدره تبعده : عشان تفكر تسوي كذا!!
صقر : ممكن اعرف وش اللي خلاكي تعصبين علي!!
ايثار : وتسئل بعد امس ماخليت فيني انش صاحي ومازلت تسئل متخيل منحرجه بسبتك يشوفون اثاري وانا ماعندي مبرر لـ اللي يشوفونه
صقر عضّ شفته وحاوط وجهها بكفوفه وارتمى يسقى رغبته بتقبيله لها ونزل يده لخُصرها وتقدم اكثر لما طاحت بالسرير وصار فوقها وو نتركهم لحالهم
****
بعد مرور 4 ايام
في بيت صقر | في الصاله
ريماس : صقر بكرا عقاب بيرجع برجع وانظف البيت واستقبله خلاص برجع
صقر : بس...
وقاطعته : عشان خاطري تكفى!!
صقر : خلاص بوديك الحين خليك
ريماس : تمام
****
دخل البيت وحامل في يده باقة ورد حمراء وشاف الانوار مُغلقه وهو اعتقدها تنتظره ولكن خاب ضنه من شاف الانوار مُغلقه وفتح الصاله وشاف سريرها بالصاله وعرف انها قضّت اربعينها ببيته : هُيام ولا فارس؟ وقعد بسريرها اللي بصدر الصاله وشاف لفاف وردي : هُيام!! ورفعه وابتسم من داهمته ريحة طفل وعرف انها ريحة قُطعه من روحه وابتسم وقام بسرعه وعضّ شفته بألم وحط يده على جانبه الايسر وصعد غُرفتهم وفتح اللمبات ودخل غُرفة الملابس ولبس شورت وصار قدام المرايه يفتح الضماد
تحت في الخارج
صقر : انزل معك؟
ريماس : ماتقصر ياروحي معليك رح وانت مرتاح ونزلت واخذت شنطة بنتها ودخلت بيتها وشاف انوار الصاله واسرعت للداخل : يمه نسيتهم شغالات!! اهخ منك ياريماس ماتتوبين ونزلت بنتها الحين اجي يماما ببدل واجيك وفتحت شنطة بنتها وطلعت جوالها وراحت غُرفتهم وشافت اللمبات ودخلت غُرفة الملابس وطيرت عيونها بصدمه من شافت رجال ماعليه شي وشهقت وطاح جوالها : ععع عقاب!!
عقاب رفع راسه وشافها من المرايه وتذكر معالم ظهره ولف بسرعه : لبيه ياعروق قلبه وشريانه

ارحبوا تراحيب المطر 🫡
تفاعلكم مهم 🤎🤎