السلام عليكم حبايبي الحلوين
فدوة اروحلكم على حبكم الي وانتضراكم واني جداً اسفة على تأخيري وحقكم تضوجون وتزعلون بس ضروف..
اليوم راح نختم القصة وياكم تمام..
#احبيني أن تجرأتِ
#الكاتبة نجمة
#البارت الـ 44 الأخير..
، ، ، ، ، ، ، ، ، ، ، ، ، ، ، ، ، ، ، ،
صدك أنهضمت واتمنيت مارجعتله ولا خليته يسيطر عليه، صفنت بوجهه، ماحسيت غير تقرب يمي جرني من زندي قربني لوجهه..
- احجييي
درت وجهي عنه..
- وخر عني
- مسويتهااا هااااا
- وخررررررر مااااريد ابقى يمك دقيقة وحدة
كمت ماحسيت غير انجريت من شعري ولزكني بالأرض تكسرن ضلوعي، ضليت على نومتي صااح..
- خونة چلاب، لنعل أبوكمممممم ولاد النعااااال
ضليت ساكتة رغم الوجع البيه، حسيت كلبي أنكسر من هاي السالفة، كلت لا ابرر ولا شي، مدام اعرف اني شنـٰو هاي هية ما معتازة يصدكني لو فعلاً يثق بيه جان سكت مرت عمي المدري شنـٰو كالتله عني..
مشه واباوع لرجلينه توجهت لكاروك زهور، باوعتله سحبها وهية تناغي وتضحك ماحسيت غير حطها على الجرباية وضل يصيح..
- كومييييي حضري ملابسهااا
- أيهاب؟.
- كومي جاي اكول
- أيهاااااااب شبيك تخبلت
جرني من زندي دفعني للكنتور تأذيت لزمت زندي أفرك بي صاح..
- يلا حضريلي ملابسها
- أيهاب ونور محمد أعوفك
أنت تقرأ
احبيني ان تجرأتِ
Приключенияرجل ثلاثيني لا يهاب الموت ولا أي شيء استاذ جامعي، لكن ليس استاذ كما نتوقعه؟ يقتل.. يقع بحب تلك الفتاة، تسلب قلبه منه! ليجبرها على الزواج به، لتنصدم بأنه قاتل ويمكن أن يقتلها بلحضه دون تردد وخوف .. كل هذا تحت اسم - الأنتقام -
