هلو يكلبي شلونكم؟
اكيد نورتكم بـ البارت مالتي 😂.
يلا تصويت وتعليق مثلكم حلو ..
وركزولي بكلامي اخر بارت ولضوجون ..
#احبيني أن تجرأتِ
#الكاتبة نجمة
#البارت الرابع عشر
، ، ، ، ، ، ، ، ، ، ، ، ، ، ، ، ، ، ، ،
- لييش تندم اابويي شسوالك شسوة ؟
- النعال افركة بحلكج معليج تضلين وياي وتنچبين
ليار :- كافي ظلم رجعني لأهلي مو اخذت كلشي
نزلت ايدي على بطني اعصرهة قوي من الألم .. كعدت بلأرض اتلوه من الألم وابجي .
- كومي شربي علاجج
راح جابلي بطل مي وانطاني علاج .. شربت سحبني من ايدي ..
ليار :- وييين ؟
بدون ميحجي حرف جرني لسياره .. صعدنه اني ضليت ساكتة وهوه يسوق شما احجي ميفييد .. وكفنه يم بيت هم بي حراس وحديقة اگبر .. نزلني دك الباب طلعت مراة جبيره بلعمر ۿوَة ابتسم ..
- هلا ام عدي شلونج
هيه سحبته باسته من خده .. باوعلي أشرلي ادخل دخلت انتجيت على الحايط اباوع للأرض ..
- منهي هلبت يمه
ايهاب :- وين الحجيه
- بلهول يمه
مدلي ايده .. لزمتهة ..
مشه واني وراه منزله راسي طب للهول اباوع مو هول يدك ويرگص الديكور شنو الأثاث شنو ..
هية امه باوعتله وصاحت ..
- يا يمه يابعد كليبي وين رحت وعفتني هلأيام كلهة
باسهة براسه وسحبني كعد وكعدت يمهة ..
- يااااااا فلك هاي مو البت الخطبناهة الك شو جايبه وياك
ايهاب :- اي يمه دنطي فنتك اخذ نفس ونحجي
صاحت .. ويييييينج ولج ريياام
اجت البنيه شاده شعرها يمكن جانت تطبخ باوعت لأيهاب وباست راسه وايده ..
- هلا ابو علي توه مانور البيت
حولت انضارها الي وكالت ..
- يا هاي ليار ؟
ايهاب :- بويه اجيت اكللكم عقدت ع ليار ، وجبتهة ۿنا يمكم راح تعيش مرتي حالهة من حالكم
ضليت ساكته والألم كطعني تكطع .. رادت تحجي الحجيه كللها ..
- اش يمه مو وگت النكة ، ام احمد اخذيهة خلي تتمدد
باوعتلي ..
- كومي كلبي مبينه تعبانه
كمت ردت اطيح هيه سندتني ..
ريام :- خويه بس المفتاح اريده مال غرفتك
ايهاب :- وانتي مالكيتي غير غرفتي ؟
ريام :- خويه جا وين اوديهة
ايهاب :- حطيهة بغرفة جهالج على ماصفي غرفتي
ريام :- خوش
مشتني للدرج كلتلهة بصوت ناصي ..
- بس اوگفي
اريد اركز بطريقي ماكو اريد بس اثبت ماكدرت .. فقدت توازني وطحت من طولي ..
كعدت فتحت عيوني لكيت البنيه تفرك بأديه وايهاب منتجي ع الباب ..
ايهاب :- ريام خليهة تشرب علاجه وسويله عصاير
ريام :- ان شاء لله خويه
ايهاب :- تره هيه نزفت وتحتاج مشويات فـ راح ادز زياد وبيده اكل
ريام :- خوش خويه
ايهاب :- ليار بابا اكلي
درت وجهي عنه .. طلع وطبك الباب كلتلي بصوت ناصي ..
ريام :- حبيبتي شبيج
ليار :- اخوج
ريام :- شبي ؟
ليار :- خطفني
دكت ع خدهة ..
- لا لا ماصدك ؟ شنو خطفني
ليار :- والله
كامت عني ..
ريام :- اشش والله يگتلج لتحجين شي
عافتني وطلعت .. شوي ودخلت بيدهة صينيه صحن كباب وصحن فواكة وعصير ..
- كعدي اكلي واشربي علاجج
ليار :- ستوني اكلت ماريد
ريام :- حبيبتي هسه ضهر اكيد جعتي اكلي
ليار :- لا ماريد
عافت الصينيه .. وصلت يم الباب ندارت عَليه كالت ..
- راح اسد باب الغرفة حتى يطبون الحراس ينقلون غراض ابو علي
هزيت راسي بـ اي .. طلعت واني سحبت كلاص العصير شربته .. سمعت هوسة بره ..
سحبت الغطه تغطيت ونمت ..
..
ريام ..
ام ايهاب :- شوفي شلون فرت عقله خلته يعقد عليهة بسرعه
ريام :- لا تحجين كلام متعرفين شنو بدايته ، خليهم ع راحتهم
ام ايهاب :- شعبالج اسكت لا والله ماسكت انه امه ومن حگي اشوفنه عريس بقاطه .
ريام :- يمه ليش تلحين ع ابو علي وانتي تعرفينه من يعصب لا يعرفج امه ولا شي .
ام ايهاب :- عوفيج من هلسالفه ، زين ليش ماخذاها لبيته لو لأن بي متعته
ريام :- صخام الصخمني متعته شنو
ام ايهاب :- متزوج متعه جا شعبالج رجال يريد نوم وكعدة يضل ۿِيج بدون وحيده
ريام :- ياا فلك معبالي ابو علي يسويهة
أنت تقرأ
احبيني ان تجرأتِ
Aventuraرجل ثلاثيني لا يهاب الموت ولا أي شيء استاذ جامعي، لكن ليس استاذ كما نتوقعه؟ يقتل.. يقع بحب تلك الفتاة، تسلب قلبه منه! ليجبرها على الزواج به، لتنصدم بأنه قاتل ويمكن أن يقتلها بلحضه دون تردد وخوف .. كل هذا تحت اسم - الأنتقام -
