العراق بغداد
ساعه 7 صبح
طلعت لشمس و نورت ظلمة ليل تدخل خيوطها لذهبيه من شباك تخلي ذاك لنايم بكل لطافه و راحه على جربايه يكشر ملامحه بأنزعاج
دخلت امه للغرفه تكعد بي و تفتح لبرده
جنان
أسري أسوري حبيب مامي انت كوم حبيبي
أسر
مامي عوفيني بعدني نعسان تعبان من لبارحه
تنهدت جنات و تقربت كعدت على طرف لجربايه تمسح على شعر ابنه و تكعده
جنان
حبيبي كوم لان اذا ما تكوم تعرف نعالي شراح يسوي
كالت جنان كلامها يلي جان تهديد لأسر بكل لطف و هي تمسح على شعره
أتافف أسر و كام شعره جان مبعثر لتيشيرت نازل طالع شويه من چتفه و ملامحه يحتلها لعبوس
كام من جربايه و دخل للحمام يغسل وجه و يفرش اسنانه
طلع من لحمام و جان لابس روب ابيض قصير وكف كدام لكنتور يختار ملابس
اخذ شورت كصير اسود و تيشيرت ابيض لبسهم و حط مرطب على شفته و رش شويه من عطره
نزل جوه و راح لصاله شاف محد اكو رجع راح للمطبخ شاف ابوه كاعد و امه جاي تحط لريوك على لميز
راح أسر باس راس ابوه و كعد و امه كعدت ياكلون و ما خلت كعدتهم من سوالف اسر و ضحكاتهم
بغير صفحه
جان كاعد على لكرسي مال مكتبه و كدامه مجموعه من الاوراق
لابس مناظره لطبيه و كاف قميصه مخلي عروق ايده بارزه مركز على الاوراق لكدامهم و يتنهد من تعب و كميه لشغل لهواي
اجاه اتصال رفع تلفونه يشوف اسم لمتصل رد
حنان
ها ابني لحلو شلونك
امير
هلا يروحيتي هلا بأمي لحلوه
حنان
حبيب امك شوكت تكمل شغل؟
امير
فدشويه؟ ليش صاير شي؟!
حنان
لا ابني مصاير شي بس ليوم عزمت بيت خالتك على لعشاء قبل يومين رجعو من سفر و اشتاقيت لاختي
امير
حاضر يروحيتي اعوف لشغل و اجيج هسه طيران
حنان
حبيبي كمل شغلك و ارجع و انتبه لنفسك
