الطوفان

part4

كاتبه: ليان احمد✍️

أذا دفنوني أسولفَ بيك للمَيتين.
دِيوان بمحَبتك أنصِب هنَاك
اسولف بيك اكولن ماخذلني بيوم؟
صوچ الموت أخذني وخيبت ضنك
------------------------------------------------------------
ساره...

اندفع الباب ودخل عليه واني جسمي يرجف كل الي بالي عبالي شارب بس عيوني احتلتها الصدمه من سمعت كلماته جانت مثل مي بارد نذب بوجهي

امير: سرو خب نرجع مثل قبل ولله فاركه مو هين عليه وعليچ ادري خل نرجع ادري بيج شايله على گلبچ عليه بس ولله راح اتوب من الشرب وداعت امي ارجعي مثل قبل مرغي الي راسي ولله بعدچ عني يوجع گلبي

هو يبچي واني ازيد شفته صادق بكلامه رحت اله كومنته ورحنه بغرفتي سويت اله مكان يمي حط راسه بحضني اخذ ايدي وحطها على شعره

امير: سرو ارجعي العبي بشعري مثل قبل مشتاق لهل ايام

كمت العب بشعره واني ابواع بعيونه الي واكفه بيها دموعه حجيت واني اجى حسره طويله

ساره: اجاك مو؟ حچت واني اداري دموعي الغصه الي اختلتني
هز راسه بمعنى اي

امير: اجاني وهو زعلان يگلي ظلمت عزيزه روحي شون اطاك گلبك تسوي بيها هيچ مافركت بيه شون ازعل اريدك تداري عزيزه گلبي وترجعها وردها مفتحه لا تعوفها ذبلانه تره ازعل عليك

دموعي بدت تنزل عبالك تتسابق ياهي تنزل اول وحده
ذبيت حسره ونسيت الي سواه بيه كلها وما همني شيء بكد حبي اله شكد ما اكول كرهته اشوف نفسي صايره وياه وينكسر خاطري عليه چان مغمض عيونه وانفاسه هادئه رجعت ذكرياتي ليوره يم الجروح الي چنت اخيط بيهن واسدهن واكول راح يطيبن بمرور الزمن

قبل4سنوات

امير: سرو حبيبتي راح يجي صاحبي سوي الضياف

ساره:تدلل اميري من عيوني الي جاي ايهم مو

امير: اي هو راح يجي علمود يساعدني نلگه ابوي الي عافنيه واحنه صغار حن گلب امي شنسوي لعد

اتهدت وگتله
راح تنفذ طلب امي وتدور عليه اخخ لو بس ار..
قاطعني وهو يگول

امير: ادري بيچ هو هذا مو ابونه بس بالاسم لو ما امي اخخ ولعباس فلا ادور عليه هل نذل ادري بيچ محتاچ تحد يداريچ ويشوفچ حنيه الاهل بس شنسوي هذا حظنه مو اسوء شيء مو دتشوفين صديقاتچ حالهن اسوء من حالنه
جر حسره وراد يطلع صحت وراه
-امير اوگف اندار واني احجي ما محتاجه منه شيء أنتَ صرت الي اب وام واخ وسند ما احتاج لا فلوس ولا حنيته ولا اهتمامه ما اريد اي شيء منه

اجه حضني وباسني من راسي وهو يكول ان شاء الله ما اكسر ثقتچ

وره اقل من ساعه دخل اخوي للديوان شفت حب طفولتي ومراهقتي وهو يدخل للبيت اباوع عليه لو بين الف خطوه وخطوه ضليت مقرب نفسي من شباك المطبخ واني تعتلوني ابتسامه واني اشوف طوله وهيبته بعيونه چنهن سماء صافيه وهو وضحكته الي ترد العافيه اني مبتسمه شفته يباوع على شباك المطبخ الي اني بيه بساع وخرت وجهي صار احمر من المستحه
خلصت تجهيز ظيافه دكيت على امير واجه اخذهن