بسم لله الرحمن الرحيم
***
آيَنِ آلَمِــــــــفــــــر
للكاتبه نون
حساب الأنستغرام neiran.seokjin
حساب التلگرام neiranseokjin
سأختلـِس رآئـِحتك
وَ أخبئهآ فـِي رِئتيّ
لأتنفسـَك كـُلما رآودنـِي الشـَوق اليك ...!
_________________
غدير-: مر على الصار اسبوعين واحنى ما شفنا ماما
ولا تواصلنه معها
ولازالت تمر الايام وتمشي واحنى واكفين منتظرينها ترجع
بابا انشغل عنا جثير وصار مايتواجد بالبيت جثير حد النومه ويطلع من الصبح
جده عتسوي التكدر عليه وتهتم بينا احيناً تعلمني واني اسوي نسوان عمامي مابطلن حجي على ابو هن يهتمن بينا وهن عدهن عجايه واحنى ثگال عليهن وليش مانروح على ماما
بس والقران ماخلي خواتي يروحن على احد كلُ اني اسوي بمساعدة جده بس هن حقودات
المهم جدو عيسوي الي يكدر عليه حتى يرجع ماما وخاله ومرت عمي اللخ
بس بيت جدي معندين ومايقبلون
هاي ثاني مشيا تروح عليهم ويرفضوهم
مدري شنو السالفه الصايره بينهم عمامي يقرون براس جدو حتى يبطل ويسد السالفه بس جدو مايقبل
جه اسبوع ثالث ولحكو الرابع
وهاي مر شهر وماما مارجعت الاسبوعين الفاتت جانن
جثير صعبات جثير ماجنت اعرف اتصرف ولاجنت اعرف اشون اداري خواتي
بس الحمدلله هسه نگول تعودت
خلصنا الغده خواتي راحن يلعبن واني ورتين نساعدهم بالمواعين حتى لا يصير حجي
سمعت عمو غزوان يصيحني رحت عليه
غزوان-: يلا غدير تحضري وحضري خواتج
رديت واني مستغربه-: ويصب عمو غزوان
غزوان-: على امج يلا بساع تحضري
نصدمت ورديت وأني اتءتء-: بابا يعرف
-: يعرف يلا عااد وي ويينج رتين ررتين
رتين-: هاا ها عمو غزوان
-: تعاي جيبي سويج السياره من فوك
-:صاار
طلعت رتين واني رحت على خواتي بدلتلهم وحضرتهم
جت رتين بدلت واني بدلت نزلنا جوه على عمو غزوان جان كاعد يم جده رحت على جده وكتلها انطيها خبر
-: جده احنى دنروح مع عمو غزوان على ماما
هزت راسها وكالت-: يي امي اعرف انتبهي لخواتج زين ها بنيتي
هزيت راسي وبست ايدها
كام عمو غزوان طلع واحنى وراه انطى خبر لجدو وطلعنا بالسياره جنت متوتره وخايفه من شي بس معرف اشنو
من بعد نص ساعة وصلنا لبيت جدو صف عمو غزوان السياره وندار عليا يكول
-: دحكي غدير اني راح اظل بالسياره وباليل اجي عليكم خووش
غدير-: أي عمو غزوان
نزلنا من السياره راحت زينب دكت الباب واني شايله قطوره ورتين ماسكه امينه وورد واكفه بصفي
نفتح الباب نداريت على عمو غزوان مشى
سلمت على مرت خالي وفتت
تلكتنا ماما بباب المطبخ وهي تحضن وتبوس بينا وتسأل عن احوالنا سألت على عمر كتلها
-: هوا مع بابا بالشغل ماجى
هزت راسه ورجعت حضنت قطورة وشمتها
فوتتنا على الغرفه وهي تحجي معانه
ماما-: خومه احد يأذيكم يحاجيكم احجو ماما لا تخافون
ردت عليها رتين-: لا لا ماما الحمدلله محد يجي يمنا نضل كاعدين لو يم جده لو بالغرفه وغدير مامقصره معانه تره
ندارت عليا وهي تمسح براسي-: حبيبتي عتتعبين
غدير-: الحمد لله ماما بس بالبدايه تعبت الا هسه تعودت
حضنتني وهي تكول-: حسبي الله ونعم الوكيل عليهم بس
زينب وورد بعد ماشفتهم طلعن يلعبن مع بنات المزرعه
اني ورتين ضلينا يم ماما وهي تحير شنو اسوي
كلساعه جايبه شي
قطورة ابد ماوكعت من ايدها كلساعه تبوسها وتشمها
مرت الوكت بسرعه ماحسينه بي
فات ابن خالو صايل
مصطفى-: عمه ترا جو على البنات
فزت ماما وكامت بسرعه
-: ليش ليش مايباتون وينو ابوك صيحلي هوا
غدير-: ماما تره. مانبات عمو غزوان كلي
ماما-: اصبري هسه احاجي خالج شنو هوا بكيفهم
فات خالو وماما راحت عليه
-: ابو مصطفى اشنو ما على اساس يباتون البنات ليش جو
صايل-: يي بس هذن ال3الصغار والكبار يرجعون
-: ليش
مارد عليها خالو وعافه ومشى
من عندي اتنرفزت ماما ظلت تصيح وره وهوا ماكو
جت علينا ماما تبجي واني اطمنها
-: ماما حبيبتي مايخالف عود كل اسبوع اخلي عمو غزوان يجيبنا عليكم
هي مستمره تبجي
رجع فات مصطفى صاحنه ودعناه وطلعنا جت زينب عليا
-: ها نروح
رديت واني انزل لمستوها-: يي احنى دنروح بس انتي وامينه وقطوره راح ضلن مع ماما
-: وليش احنى مانجي معاكم
-: ماما تريدج يمها زنوب
-: ديلا مايخالف بس انتبهي على خواتج زين
-: دنجبي وولي جوه عابتلج
مشت و ضحكت رجعت جريتها اوصيها
-: زينب لا تعبين ماما واسمعي كلامها وبره لا طلعين خووش
-: يي يي فهمت اني ماصغيره حتى توصيني
سمعت صوت هورن السياره فاتت زينب يم ماما الي واكفه بباب المطبخ وعيونها ما بطلن بجي اشرتلها بايدي بمعنى مع السلامه وطلعت سديت الباب وراي
ركبت بالسياره دحكت على رتين تجبي بصمت
جريتها وضميتها
محد حجه طول الطريق نزلنا من السياره دخلها عمو غزوان للكراج واحنى فتنا للبيت رحت سلمت على جده وجدو كعدت شويه بعدين اخذت خواتي وطلعت فوك
فتت للغرفه وجان بابا كاعد على الحاسبه رفع راسو
وكال-: هلا بناتي
رديت واني افرش فراش ل ورد
-: هلا بابا
حطيت ورد على الفراش نامت ورحت بست ايدو
مسد على راسي وابتسم
بادلتو الابتسامه ورحت على فراشي نمت بصف رتين
________________
اليوم التالي
كعدت الصبح دحكت على فراش بابا ماكو هوا وعمر
اكيد راح على الشغل درت انظاري على الساعة بال10
كمت لفيت شعري ونزلت جوه جانت جده كاعده هي وجدو واحد من عمامي
صبحت عليهم وكعدت يم جده صبتلي جاي ونطتني خبزه اكلت وكملت وطلعت كعدت رتين و ورد حتى يتريكن كملن وكل وحده راحن بمكان
افتقدت زينب وقطورة وامينه جنت اتونس معاهن
مشى الوكت بسرعه بين الشغل والسوالف مع بنات عمامي
باليل جه بابا حضرتلو الحمام بين مافات سبح سويتلو العشه طلع اكل هوا وعمر وبعدها راح كعد على الحاسبه
وعمر طلع للشارع
رحت صحت ورد ورتين حتى ننام لان الساعه صارت بال11 فوتتهن على الغرفه وطلعت اصيح عمر
وكفت بالباب حتى اصيحو لان تأخر الوكت مديت راسي ولمحت شاب صارت عيني بعينو رأسا فوتت راسي گلبي يدك حيل تلفتت بالحوش عبالي احد شافني
دكيت الباب من جوه حتى يجي
فات عمر:-هاا
:-يلا تعال بابا يكول كافي خلي يفوت
:-يي هيان جيت فوتي انتي واني الحكج
فتت وسمعتو سلم على اصديقائو وفات فتت على البيت لكتني نانا مياده سألتني وهي دحكلي بشك
:-وين جنتي اش طلعج بره بهذا الوكت
عيني بعينها وجاوبت:-طلعت اصيح عمر
رادت تحجي وفات عمر عبرتها ومشيت فتت على الغرفه دحكت رتين نايمه و ورد يم بابا حاضنتو راح عمر على فراشو وكذالك اني
مرت ايام وصرنا كل اسبوع نروح على ماما زينب وقطورة وامينه صارن كل نهاية اسبوع يجن عدنا ويرجعن سالفة ماما نسدت وفقدنا الامل انو ترجع بعد
عرفت سبب السالفه هي طليقه عمي الي هي نفسها بنت عم ماما وبسببها صارت المشكله
صارت مشاكل بينها وبين عمي وزعلت جو بيت جدي حتى يصالحوها بس عمي مارادها وبيت جدي اهل امي سحبو ماما وخاله ومرت عمي اللخ
حضي المصخم يگولون لو ترجعون ازهار لو ناخذ بناتنه كلهن
يعني كلهن بالهوى سوى
وعمي ركب راسو مايريد نانا ازهار واحنى وكعنا بيها
بس هذا الي سمعتو من جده جانت تحجي لعمتي
جنت كاعده يم جده العصر وجت ورد شاورتني
:-رتين عصيحج فوك
:-ليش اشبيها
:-معرف بس عتبجي
طلعت عليها جانت بالغرفه وكع كلبي لمن شفتها وجها احمر وترجف رجف
رحت ملهوفا عليها اسألها
:-رتيني عمري اشبيج بس دحكي عليا
هي ماترد بس ترجف وتبجي
رجعت احجي وامسح وجها:- احد حجاج احد سوالج شي بس كولي حبيبتي ريري
همست بصوت يرجف:-عينزل مني دم
فريت عيوني على جسمها اشوف من وين ينزل الدم
رفعت ايدها الترجف واشرتلي على المكان
غمضت عيوني وعضيت شفتي من عرفت جتها الشهريا معرفت اشون اتصرف معها
حضنتها اطمنها:-عادي حبيبي مايخالف
ردت عليا وهي بعدها ترجف
:-خاف بيا شي
:-يعمري ماكو شي تعاي معاي
اخذتها للحمام وعلمتها شنو اسوي طلعت ومددتها بالفراش خليت ورد يمها ونزلت على جده
كتلها طلعت جده عليها وفهمتها شنو هاي شنو لازم تسوي وعلمتها لان اني معرف بهيجي شغلات
احتاجيت ماما بهذا الوكت واكيد رتين اكثر من تحتاجها
بس الحمدلله على كل حال
وحسبي الله ونعم الوكيل
______________________
الحكايه مستمره
لاتنسون التصويت ب ☆
انطوني رأيكم هين ←
نراكم قريبا
****
اعرف البارتات قصيرات
ومُملات بس لأني بعدني مبتدئه
ف أعذروني
