بسم لله الرحمن الرحيم
آيَنِ آلَمِــــــــفــــــر
للكاتبه نون
حساب الانستغرام
حneiran.seokjin
حساب التلگرام
ح
neiranseokjin
من كثر حبي لضحكتج
الله ياخذ كلشي يخفيها
وأولهم اني
ل"حسان جسار"
______________________
كمت من بعد تفكير طويل
جريت الكرسي وكعدت على الميز
التوتر يقره عندي الف راح ادخل بطريق جان حلمي من زمان واكو خوف بقلبي مو طبيعي
جريت القلم وبديت اكتب قصتي
جنت محتاره من وين ابدي
***
رجعت بذاكرتي الى الوراء بيوم 9\11\2010
جنت طفلة بعمر ال5سنوات
هستونا خلصنا عشه اني وبنات عمامي وولاد عمامي
جنه كلنه تقريبا بعمر واحد طلعنا للحوش نلعب العبنا الجميله الجنا من صدك نتونس بيها وتسعدنا
جان الولاد يطلعون على الشارع يلعبون
واحنى البنات نلعب بالحوش الكبار منا يكعدن يدردشن بينهن واحنى الصغار نلعب
ورد اختي الجبيره-:بُنياتي بُنياتي
البنات-:نعم ماما نعم ماما
ورد-:حكوزكم حكوزكم
البنات-:لمن ماما لم
فززنا صوت الباب يندك بقوة طلع عمي الصغير يفتحو
احنى وكفنا على صفحه وفات خالي الكبير معصب
ووجه يخوف دفع عمي الصغير وفات على الديون ولحقه خالي اللخه هم معصب
جو عمام امي واخوتها فاتو
جوه وشتغلت الصياحات ماجنه نعرف اشنو السالفه
فتت جوه ركض ولمحت بابا ينزل من الدرج وهوا يعدل دشداشتو ومغضب ملامحو اشوف جده تضرب على رجليها لايبه روحها تريد تفوت جوه وتفاكك اخوتها وولدها
بالاخير متحملت وفاتت والصياحات جكد جالها تعله اكثر واكثر
ادحك على نسوان عمامي وجهن اصفر كذالك بناتهم هم
خواتي بس يبجن وماعرف شنو السالفه
ادور بعيوني على ماما اريد اشوفها ويني اختفت هي وخاله فتت على غرفه الكعده ولكيتها كاعده حاضنه اختي الصغيره قطر الندى وتبجي هي وخاله رحت على اختي امينه وجها اصفر حضنتها اطمنها
نفتح الباب وفات بابا وجه احمر دم ومعصب كلش
ماما كامت راسا
حجه وعاتها من عكس ايدها -:تختاريهم لو تختارين بناتج
ردد ماما وهي مافهمه شي-:اشبيك صلاح اش اكو
بابا كرر السوأل مره ثانيه -:تختارين تروحين مع اهلج لو تضلين مع بناتج
ماما-:اكيد اض
بعدها مامكمله وفات خالى الوسطاني وجرها وطلع بابا يصيح وره وهوا ولا كأنو احد يحاجي
ماما تريد تفلت ايدها منو بس ماتكدر جان موقف مرعب بالنسبه اليه وخواتي
طلعت ماما تلم اهدمها وتحاجي غدير اختي الجبيره الي غاصه بالبجي -:حبيبتي غدير ماما انتبهي لخواتج زين واخوج اني ماطول يومين وارجع هاا؟
غدير بس تهز براسها
فترت علينا وحضنتنا وبوستنا وهي مستمره تبجي وتوصي بينا طلعت هي وخاله وراحو ما جنت اعرف هاي اخر مره اشوف ماما بيها
________________
