#لعنه_دنهش
#الجزء_الاول
اللعنه ، اللعنه عليكم ، ستموتون جميعا ، لن ارحمكم
_ ادم !! ادم ، اصحي بسرعه
_ مالك ي وعد في ايه حد بيخبط ! اساعه 3 الفجر بتصحيني ليه ؟
_ انا سامعه صوت غريب في البيت صوت حد معانا ، وبيعيط ، انا متأكده اني سمعته
قومت عشان اشوف في ايه وبصيت ف الاوضه وطلعت برا بس مكنش فيه شئ
رجعتلها تاني ،
_ يا وعد اكيد كنتي بتحلمي انا ملقتش حاجه وبعدين تفتكري هيكون مين يعني !
انتي بتقولي صوت بيعيط ، الحرامي هيجي يعيط عندنا يعني !
_ ادم انا خايفه.
_ متخافيش يست البنات انتي فحضني اهو مفيش حاجه تقدر تخوفك وانتي معايا .
انا ادم عماد عندي 26 سنه خريج كلية تربيه جامعه عين شمس
متجوز وعد بقالي 3 سنين بحسها بنتي وامي بحبها اكتر من اي شئ في الدنيا هي كل اللي ليا اصلا .
1/1/1990 شقه رقم 5 المعادي ،
اليوم دا كان اول عيد جواز لينا وحبيت اعملها مفاجأه بالشقه الجديده كانت اكبر واجمل بكتير من اللي كنا عايشين فيها ، والحقيقه هي فرحت بيها جدا
تاني يوم كنا بدأنا ننقل حاجتنا الشقه عشان نسكن فيها ، وعد وهي بتنقل الحاجه وبتجهز في الشقه لقت شنطه فيها مجموعه كتب في مكتبي ورق اصفر قديم وفيهم اللي مقطع كانت هترميهم بس الحمد لله لحقتها ، الكتب دي وعد مش لازم تعرف هي تخص ايه او ايه المحتوي اللي فيها عشان هي بتخاف ، في يوم نزلت ازور جدتي واسلم عليها وبالصدفه دخلت المكتبه بتاعه جدو الله يرحمه مع ان جدتي مانعه اي شخص يدخلها ، جدو كان ليه في تسخير الجن وبيعرف يتعامل معاهم وكانت المكتبه دي مليانه بالكتب القديمه اللي تخص التسخير والتعويذات وكل شئ ، انا بصراحه شخص فضولي وكنت بحب اسمع بابا اوي وهو ييتكلم علي ازاي جدو كان بيتعامل مع الجن وبيعرف يسخرهم وكنت نفسي ابقي في يوم زيه او حتي اقرأ الحاجات اللي كان بيقرأها واخد جزء بسيط من علمه ، فـ اول م جتلي الفرصه اني ادخل المكتبه بتاعته اخدت اي كتب قابلتني من غير م اعرف هي بتاعه ايه وقولت هبدأ اقرأها لما افضي وننقل للشقه الجديده ، طبعا وعد لو عرفت عن موضوع الكتب دا هتمسكهم تحرقهم ومش هتخليني اقرأ حاجه نهائي فـ انا قررت اني مش هقولها دي كتب ايه ،
نقلنا حاجتنا الشقه الجديده وبدأنا نستقر فيها
_ وعد نامت وانا قومت عشان اقرأ في اي كتاب ؛ فتحت الشنطه لقيت كتاب ف البدايه اسمه لعنه دانهش ، الكتاب شدني ولقيت عليه رسمه مثلثات كتير داخله في بعض وجواها ارقام ومكتوب دنهش علي كل اجزاء الكتاب
فتحت اول صفحه لقيت مكتوب عليها ،
لا تفتح لا تفتح ، الصفحه اللي بعدها مكتوب عليها ستفتح الباب ولن تُنجي ابدا ، انا بصراحه الفضول زاد عندي اكتر ، فتحت الصفحه اللي بعدها لقيت مكتوب بالدم اذن عليك بلعنه دنهش ايها البشري فُتح الباب.
بدأ الكتاب يتحرك ببطء من علي المكتب لحد م وقع علي الارض والصفحات فضلت تتقلب بسرعه جامده لحد م وقفت عند صفحه فيها صوره مسخ اسود اوي وفـ ايده الشمال صليب انا بصراحه خوفت اوي بس حاجه خليتني اجيب الكتاب من علي الارض ولسه هقفله عشان اشيله وادخل انام حسيت زي وخذه في صباعي ببص لقيت ابره موجوده ف الكتاب وصباعي بدأ ينزل دم علي الكتاب وفجأه الدم اللي بينزل لقيته بيتحول لـ اسود اوي والكتاب اتقفل وسمعت صوت ضحكه عاليه بصوت مرعب ف المكتب بصيت ورايه لقيت ...
يتبع ...
انزلكم الجزء التاني لما الاقي تصوت وتفاعل
لعنه دنهش
