غـرور الشـهـم

بـــ17

غلطة وأبد مَاتنغفر چانَت مَحّبتك
ولليُوم جاي أدفَع ثَمن يوم العِرفتك .
.
.
.
.
.
.
.
غـرور:
ڪعدت الصبح سـاعه ١١ ونص سبـحت وشربـت ڪهوتي بلشت أقرا عنـدي امتحان رياضيات
المدرسـات شادات عليـنه ڪلش ديأهلـونا للسـادس
وأمتحانـات دگ طولـت 3 سـاعات بلـمادة خلـصت فتـحت فـوني اشـوف صديقـتي دازتـلي الـتحـاضير

اخـذت التحـضير ورجعت غلقـت موبايلـي أقرا ندمجـت أقرا لحـد أذان المغـرب وباجـر عنـدي دوام حضـرت ملابـسي ورتـبتهن لـميت ڪتبي فـد راحـة نفسيـة من اخلـص التحـاضيـر ڪلهن وأسد الڪتب
لحـد ثاني يـوم أكـعد بـ 5الفجـر أراجع أذا دوامي صبـاحي
واذا ظهـري أڪعد بـ8 وهيـج موازنـة بين نفـسي ودراستـي بطنـي تقرقر من الجـوع نزلـت البيت فـارغ مـاعرف ويـن طالعيـن اهـلي. صفنـت حايـرة شنو أسـوي أڪل
فتـحت موبـايلـي الاشعارات تتࢪاڪع  و3 اتصالات ومسـچ من رقـم غريـب فتحـته
__سلام عليكم أني المندوب عدكم طلبـية
__ممڪن الرد؟
أستغربـت اني مموصـية شـي توقعـت أمي لان دوم توصـي وتنطي رقمـي اتصلـت علي
__ سلام عليكم
__ وعليكم سلام خوية
__ عدكم طلبيـة مدفوع حسابها
__ مدفوع حسابهـا...؟؟
__ اي نعم انـي بمنطقتڪم حالياً بس يافرع وأي بيت؟
__ زين من منو اسم الشخص؟
__والله خيتي ماعرف اني مجࢪد منـدوب توصـيل أستلم الطلـب من الشـرڪه  وأوصلـه للمڪان المطلوب
__تمام خـوية العنوان....  بيت..
__دقايـق ويوصلـج الطلب خلـي موبايل مفتـوح
__تمام ان شاءالله
سديته وصفنت هـدية؟  زين من منو  وليـش
شنـو مناسبـة
أني مـن نوع ماحـب أستلم أي هـدية  ولا أخذ شـي
من أي شخـص
مـرات جان عمـر يحاول يهديـني ورد او شـي ارفض رفـض قاطع أحسـة نوع من الاستـغلال بعـض الاحيان
حتـى صديقـاتي ماخـذ منهم هدايـا أبد 
نـدك البـاب لبـست شـالي وطلـعت  شفـت المندوب
شڪد حلو دخيـل الله
__سلام عليـڪم بيت غـرور الماجـد صح
__وعليكم السلام أي نعم..
__تفضلي هاي الج
سلمنـي بوڪي ورد جـوري أحمر  ريحـته تجـننننن وبلـوسط ڪندر وڪارت  وبوڪس مغلـف بترتيـب
بلـون الاحـمر
غـرور:  زين خويـة شلمنـاسبـة حتى عيـد ميلادي بعـدلة شهرين  وهـاي مال حبچية
ضحك ورد: والله ماعرف بس أجور التوصيل مدفوعه وتڪاليف الهدية هم تتهنين بيـهم
__ ممنونه
سديت الباب صـفنت هـاي ويـن اروح بيـها أذا شافتـهن أمي ورطـة الحمـدالله مموجودين اهلي
جـان نلاصت عـلي صـعدتهن فووڪ لغرفتـي
وتحمـست أفتحهن
صـورتهن أول صـور مرتـبة فتـحت الڪارت
__(وإذا رأيت حُسنها وهي تبتسم
‏قلت ربِّ إغفر لعيناي إن ثمُلت)
عضيـت شفتـي وابتسـمت 
فتحـت البوڪس بڪج مڪياج ڪامل ومن ضمـنها عطـوري المفضـله ووماسڪات الوجهه وسنفـرة
يـربي الي دازهـن مختـار ڪل الاشياء الـي احبـهن وڪأنو يعررفنـي
شفـت ڪارت ثاني فتحـته
__معليـج بلعدسات.بلـ غلط  أنتـي عيـونج وحدهـن عدسـاات
لالا جـد الي دازهـن يعرفني وشايـفني رجهـت للورد
شميـت ريحتـة ترد الروح طبيعـي
الـي داز هل هـديه يعـرفني نقطـة ضعـفي الورد الجوري والڪندر  حتـى اختيـار المكيـاج والماسڪات والعطـور من مفضـلاتي والبـراند الـي أحبة ضـميـت الهدية وسـويت معڪرونه أكلـت
ومشغـول بـالي
فـزيت من تفڪيري ؏ صـوت الموبايـل أستغـفرت ربـي هـذا عمر ماڪو غيرة دام رقم غريـب
ظـل يتصل وأني مطنشه غسلت مواعين اجو أهلي
جانوا متعشـين برا حجـيت ويا بابا علـمود الفصل وتأكدت منه حتـى يروح وياي باجـر
صعـدت لغـرفتـي
سـاعه 11 ونص وقـتت الـتلفون ونـمت 
فزيـت ؏ صـوت رنين التلفون سـاعه بـ2
أستغربـت رقـم غريـب بسـرعه عـرفته عمـر
رفضـه وخلـيته صـامت
دز مسـج
__ردي لا أجي لبيتڪم والله
رديـت علـي بڪل برود
__انت بـوخه بس سوالف
مـارد علـي
طـارت النـومه فتـحت البـرامج رديـت ؏ صديقـاتي وصـلني مسـج من عـمر
__أني واڪف بلـباب مال بيتڪم عندج خيـارين تنزليـن ألـي لـو اصعدلـج للغـرفه
وڪع ڪلبي من الخوف نزلت من الجـربايـة وتعثـرت ووڪعت بلڪاع وأنـي أسب بي
فتـحت، الشبـاك وأشوفـة ڪدامي لابـس تراك أسود ويبـاوع ؏ شباك غـرفتي
اتصلت بـي وأشوفه يبـتسم بخـباثه  ويبـاوعلي رد علـي
__انت وتـالي وياك فهمني أنتحـر واخلص لـو شنو
__خليـج ريلاڪس حبيبي مـوزين عليج العصبيـة
__لتخبلنيييي عمررر شرايدددد
__مو ڪلتي أني بـوخه وبس حـجي حبيـت أثبتلـج العڪس
__جذب داقصد. اني بـوخه والله بس روح راح يذبحـوني أهلي من وراك ناوي ؏ موتي أنت
__شحدة الـي يمد أيدة علـيج أڪسرها والله
__دنچب صـاير زلـمه براسـي
نسيت نفسي ماعرف شلـون حجيت هيـج
خـزرني حـيل ورد علـي وهو گوة لازم نفـسة
__اذا تحبـين اجي لغـرفتج وأثبتلـج رجولـتي
شهڪت من وقاحتـة وبنـفس الوڪت خفت هذا مخبـل ميـتفاهم يسـويـها ويجـي لغـرفتي
__عـمر شبيك. موقصدي والله بس شسمه بلغلط حجيـت وبعدين تـرا ميصير هـيج تجبـرني وتغصـبني لتـحاول والله ما أرجعلك بعد انتهت وياك عـوفنـي بحـالي والله تعبـت هـواي منك أذيتنـي ضعف ما حبيتني شوڪت تفهم الحـب سعادة مو أذية وانت أحتاريـت بشـنو تأذيني ومن أي جهه
ڪافي والله دتأثـر ؏ دراسـتي ونفـسيتي