غـرور الشـهـم

بـــــــ15

"رغَمَ بُشاعِة أغَلبِ المُواقّفِ ألا أنني شاهَدتُ بَكل ثَبِاتٍ طريَقةّ تحوُّل الأشَخِاصّ المفَضِليًنَ إلى غُرباء".
..
.
.
.

غࢪور: بعض الاحيان من يعصب الانسان ويوصل
لمرحلة الاعصااب بحيث يفقد حواسه عن محيطه
يركز فقط ؏" "المسبب او المفتعل" "وهيج صار
بيه اني اعصاب ماتحمل من أعصب افقد السيطرة
؏ لساني وايدي الي تلزمة ترگعه بلـ الارض محاوله
عقيمة وفاشله لـدروس ضبط النفس والاعصاب
هاي البنت بلـذات" تـماࢪة'' حاولت تورطني بهواي
أشياء منها الممنوعات والعلاقات رغم مجنت انطيها
وجهه ولا أهتم الها وجنت اعرف اسحب ࢪوحي
واطلع نفسي من المشكله بكل مرة حـذࢪتها مرة
وكررت الفعل ابسط شي جانت تسࢪق من البناات
وتطلعني أني السـاࢪقه وبكل مرة تتـرك دليـل وࢪاها
يثبـت برآئـتي وجنت اطلع منـها أحد أهم اسباب
الي يدفع بـنت تشوه صـوࢪة بنـت هـو "الغيـࢪة "
بڪل مࢪة اڪول طز وما أهتم بـس وصلت حـدها
وجنـت أريـدها تغلط ويـاي حتـى اطلـع منها
الـقضى والمضـى تعـارگت ويـاها ضـربتها سحـلتها
ﺣتـى ملابسـها ماسـلمت مني لأن فقـدت أعصابي
وجـانت مسـتاهلـتها
بلـحظة الي أجت المديرة مجنـت حاسة أصلاً..
نسحـبت مـن أيدي وما أنتبهت منو الي ديـجرني
فجـأه وحتـى يسيطـر ؏ حرڪتي شـالني مـن خصري وأنـي أدافر وحالتـي حالـة وأزرار قميصـي
مفتـوحه أول ثنين وبـدون شـال مـاعرف منو الـي قيـدني
بـس.....!
ضربـت أنفاسـة نـحري وهـمس بهـدوء: هـدي يـابة لايوڪف گلبـج تـࢪا شعلـتي عشيـࢪتي.....
ڪلامه جـان ڪافي يخليـني أجمـد بمڪاني..؟
وتسـاؤلات عديدة...
مـنو هذ..؟
وليش مقيدني..؟؟
سڪن جسمـي عن الحـركة دليل ؏ هدوئي وصدمتـي
رخـت أيدة بسـࢪعه دفعـته عـــني وألتفت علـي
شخـص طويـل ولابـس بدلـة عسڪرية ثلاث نجـمات مزينـة ڪتفه
عيـونه حـادة
صاحب بشرة حنطاويـة
شـوارب بحڪم عمله
خـشم حـاد دليل ؏ اطبا؏ صاحبـة
ڪلشـي بـي يوحـي هلـشخص متـعجرف
غـࢪور: أنت منو وشلون تسمح لنفسك تلـمسني..؟
باوع ؏ وجهـي مـركز بيـة صـارت عيـونه تتجرأ
تباوعلـي بكل دقة وتـركيـز عـيونـه أڪلتني أكل
رد بصيـغة نـتر: أستـري روحج أول يـ بنية
أنتبهت لنفـسي شهگت حطيت أيدي ؏ قميصي
وسحبـت الشال من الارض وأحاول أستر نفـسي
وادردم ؏ موقف الفاشل فـززنـي صوت المديـره
طالـبنه للادارة
غـرور: ست بس أعدل شال وأجي ممڪن
هزت راسها بـ رضى التفـتت شفـت العـسكري
مرڪز بيه باوعتـلة بنظـرة معـاجبني
رحت للحمامات غسلت عدلت شالي ورحت للادراة
رحت واني متحضـࢪة للـرزالـة دخلـت للأداࢪة
وشفـت العسـڪري ڪاعد بڪل ثڪل وطبلـة
الـي مقابيـله بيـها سـلاح وڪاسـة مـي وڪوب چاي
شحيـت بنظـࢪي عنـة مو وڪت تركيـزي
باوعـت للمديـࢪة مدخـنه من العصبيـة
وتمـاࢪو حالـها حـاله حصرتني الضحڪه
غـروࢪ: نـعم سـت...
المديـرة: شصـاير بينـج وبين زميلتج أول وتالي تتعاࢪڪين أنتي عنـدج شـي وياها تڪدرين تتفضلين للأداࢪة شنـو جهال تتعـارڪون؟
غـروࢪ: سـت أني شدخلنـي تعرفيـن بيه هادئة
وما أحب اتعاࢪك بس هـي مرتين دفعتـني بلسـاحه
عدا ذالـك اڪثر. من مࢪة تسـوي مصايب وتشـمر بࢪاسـي سئليها ڪم مرة حذࢪتها ومافاد وياها
المديرة بنتـࢪ: وتضربيـــها غࢪور خلصـت الحلول شنو شغـلنا أحنه لعد ...؟؟؟
غـࢪور: سـت تلـح تلـح ولعبـاس
وأحنـة واڪفين نـدك باب الادارة التفت
دخـل نقـيب أحمد الـي أجانه أول مࢪة
صـرنه فـرچة لليسـوى والمايسـوى
نقيب احمد: سلام عليكم حياكم الله يابة هاي شكو مسطريهن مثل الجـهال الابتدائية
خزرة نقيب : تفضل أحمد
نطت تماࢪة: جذابـة والله هـاي بواگه تاخذ من البنات
شهگت مصدومه: أني أبوگ؟ وأني شنو أهلي مقصـرين علـي وأمد أيدي للغࢪيب شو متعرفيـن تحجين يولي؟
شنو ناقصـني حتى أسرق من البنات؟ اهلـي شايليـني بلصـلوات وممغـلين علـي بـشي والحمدالله شهـل أتهام هـذا؟ ست ترضـيها؟
باوعت المديرة بنظرت غضب عليها: لتجاوزين تمارة صديقتج هاي شلون تتهميها هيج عيب ماما شهل قلة أحترامات
رديت بهمس: ميشرفني هـيج صديقـة
رد العسڪري: تسمحيلـي ست أتدخل؟
المديرة: تفضل سيادة النقيب شـه‍م..
نقيـب شهم: اول شي أنتو مو جـهال ثانـي شي انتـي أم عيـون الخضـر ميصير تضربيـها وتسوين بيها هيـج شوفـي حالتـها وملابسـها والمفروض منج
قاطعـت كلامة بنـتر لان حسيت راح ينگلب ڪلشي ضدي: وانت شدخلك بينا
نطت عيونه من الصدمه خزرني حيـل ارتبكت
نقيب شهـم: خلي اسلوبج حـلو وتقبـلي أغلاطـج
أني دأنصحج بس
غـࢪور: أعرف بـنفسي شـنو ماحتـاج نصـيحتك
اشتدت نظراته علـي نزلـت.نظـࢪاتـي ؏ حـࢪڪه أيدة يسـد ويفـتح بيـها لـو بيده يضـربني
وصديـقة صافـن بيـنه وڪاتم ضحڪته
المـديرة: غـرور لتخلـيني اڪتب بيج فصل هسه
غـࢪور: ست لتحاسبيني . التفتت ؏ تمارة وڪملت ڪل البلا منج دتعاي جاي جانت بصفي جريتها من عطوبها بسرعه
اكتل بيها لأن أول مـࢪة اتهدد بفصـل نوب أسمـع
ألـي أسمه نقـيب احمد يشـجعني : بعد أيدي ولك هاي النسـوان المعدلة الي ماينڪدرر ألها
دفعت المديرة الگرسي ووڪفت تحاجز بيـنه وسط صـرخاتها الغاضبة ومحاولات الـي أسمه شــــهم
حتـى يفڪوني عنـها
فلـتوها من ايدي شو أباوع ؏ هاي سـوت روحها دايـخه وراحت ؏ الـي أسمة شهـم لزمتـة من قميصه تسند بـروحها وسوت نفـسها مغمي عليـها
نتـرت: صلـفة ومتصيـرلج چارة بطـلي تمثيل
فززنـي صوت المديـرة: غـرور أخذي جنطتج واطلعي أياج توصلين فصل 3 أيام ويجي ولي أمرج ياصلـفه
باوعت للمديرة وهزيت ࢪاسي: راح أجيب ولـي أمري وأحجـيلة ڪلشي وأريد أشوفـة يرضى
الأذيـة ألي وللمـعلومه ست لـو احجيله واڪله شنو سويت بيها بسبب أفعالها الله وڪيلج يبوسني من راسي....
عفتهم مخبوصيـن بيها رتبـت شالي وملابسي أخذت جنطتي وطلعت للبـيت
رفعـت أيدي للسـاعه جـانت السـاعه حـوالي ٣ونـص الظهـر بقيت أتمشـى سمعت شخـص يردد بـ أسمي بقيت أمشي متجاهلتـة لحد ماصار قـريب مني
شهـم: اني مو اصيحلج شنو هلـ راس اليابس
نظراتي ڪفيله يعرف مطايـقته: عمي شࢪايـد؟
صـرت حاجوز بينه كثـر الله خيـࢪك ملحـة هـي؟
رفع راسـة يستغفـر بصـوت عالي رد علـية: انتـي ليش ماعندج أسلوب بلڪلام؟
بـ استفزاز رديت: نتعلم منك نقيـب شهم
ابتـسم بهدوء مكمل ڪلامه: بنتـي غلط المفࢪوض تتلافيـن الموقف مو هيج تصـرفين بطيش
جنتـي تڪدرين تستغلين الموقف لصالحـج
وبدال متنفصلين أنتي هـي تنفصل وتتعاقب
بس تسرعج خـرب ڪلشي
قاطعتة لان أعرف ڪلامه صح بس مـاريد أسمع منه: خلصت؟ هاهي شڪراً ؏ نصيحتك أستخدمها بلأيام الجاية...
عفته ومشيت ڪم خطوة وصـاح بصوت: رعـنة متصيـرلج چارة
رديتلة واني مكمله طريقـي: لعد لتتناقش وياي
وصلت للبيت وحايـرة شحجي وأبرر نـوب أمي من النوع ألي تڪبرها وتأول سميت بـ أسم الله ودخلـت البيـت هدوء ونايـمين صعـدت سبحت وبدلت ونمت صحتنـي أمي سـاعه بـ 7المغـرب مستغـربة
أم أيسر: شوڪت أجيتي؟ مشفناج
غـروࢪ: بـ 4ونص وجنتـوا نايمين
ردت: كملي ونزلي وراي راح اسوي عشه
هزيت راسي موافقة فتحـت فونـي أشعارات تتراگع
أجـاني اتصـال من رقم غريب رديت
غـروࢪ: الـو منو وياي؟
المتصل: أشتاقييييت لهل صوت
غـࢪور بقࢪف: أيـــع عمـر
عـمر: شتاقيتلج غـروࢪي ما الله يهـديج ونـرجع
غـرور: أيع أرجعلك الله لايهديني أن شاءالله هو أني ماصدڪت خلصت منك ومن قرفك
عمـر بهمـس: طعم شفايفج لسـة بالي ماكـدر أنسى الي صار بينه
دمي صار يغلي ﻏرور: الله ياخذك ياحيوان اكرهك
سديت الخط وحظرته
نزلت يم اهلي حضرت العشا ويا امي وأثناء الاكل حايـرة شلـون افتـح الموضوع الفصل ويـاهم
غـرور: أحم اي يابة شعندك باجـر شغل
جان مدنك وياڪل من حجيت هيج رفع راسـة شافني متوترة باوعلي بنظرة متأكد أني مسويه مصيبه
أبو أيسر: شمصخمه بنتي صدميني؟
حجيت الگلام دفعه وحدة: تعارڪت ويا بنت وياي بلصف وسحلتها واتهمتني أني أسرق من البنات بلأدارة وحطيتها وسحلتها مرة ثانيه
وووفصلوني 3أيام
شهگت أمي وضربت ؏ صدرها: فصلـــوج؟
هزيت راسـي أيسـر وسليم مدنگين يضحكون
أبو أيسر: دام كتلتيها مرتين يعني غاثتج حيل
شمسويتلج بعد احجي...!
ترددت احجي كلشي بس حجيت وخفيت بعض الحقائق مثل المخدرات والشباب
هز راسة وهو يستمع ألي: دللي باجر لداومين وثاني يوم اخذج واروح وياج فتهمتي؟
هزيت راسي: موافقه هاهي لعد
أبو أيسر: بس هم الج حصة من الرزايل بس مو هسه من اتفرغلج
عضيت شفتي كاتمه ضحگتي: تمام
خلصت وغسلت المواعين وصبيت الچاي ڪعدت وياهم حجه أبويـة: أن شاءالله الخميس اروح للأنبار انتو مرتبطين بدوامكم ماڪدر اخذكم بلنسبة الي اني قدمت طلب أجازة حتى أشوف
امي والولد شلونهم وراح أبقى أسبوع
ردت أمي: مابيها شي روح وأني يمكن أخذ الجهال واروح لبيت اختـي أم ڪرم نبقى كم يوم نتفضى الخميس والجمعه
عفتهم وصعدت خلص الوقت واني أگلب بـ البـرامج

سـاعه 12:00 ليلاً
وصلنـي مسچ شخص غريـب: ڪوني ؏ استعداد للي راح يصير بيج دقت الساعه.....

.........................................................

‏-"الْبَاقِيَاتِ الصَّالِحَاتِ :

‏سُبْحَانَ اللَّهِ ، وَالْحَمْدُ لِلَّهِ

‏وَلَا إِلَهَ إِلَّا اللَّهُ ، وَاللَّهُ أَكْبَرُ

‏وَلَا حَوْلَ وَلَا قُوَّةَ إِلَّا بِاللَّهِ"🌱

حسـاب الانسـتا: my.S7m