"من يوم شفتك وقلبي مد لك يده والعين ذابت في روعة حسنك وزينك"

p8

ارسلت الصوره ستريك لرغد ومروان رجعت المجلس وكانوا مشغلين اغاني وشروق كانت ترقص شافت شروق انجود الي دخلت سحبتها وخلتها ترقص معها غصب انبهروا من رقصها الناعم وكانت ماريا تصورهم بدون مايدرون شافتها لمياء وهي تصور تقدمت عندها سحبت منها الجوال
ماريا بصراخ:خير جيبي جوالييي!!!!
لمياء:واو تصويرك حلو
سمعوا الامهات صراخ ماريا وطفوا الاغاني تقدمت ام خالد عند لمياء
ام خالد:خير ان شاء الله جيبي جوال بنتي
لمياء:ماراح اعطيكم الجوال غير لما امسح الفيديو والصور الي بتخلص مساحة التخزين عليها
ام خالد باستغراب:صور ايش
سحبت ماريا الجوال من لمياء وبحركه سريعه بدون ما احد ينتبه نشرت صورة شروق الي كانت ترقص وهي مبتسمه وصدرها طالع
رجعت لمياء واخذت الجوال مسكت شعر ماريا بقوه
لمياء:والله وبالله وتالله ياماريا ان ماعقلتي بتشوفين وجهي الثاني مين انتي عشان تصورين شرقوه بدون أذنها؟؟؟
ماريا بدلع:سوري نسيت أخذ اذنها تقدمت عند شروق وسحبت اذنها
شروق:وجع اذني فكي
شافتهم انجود وبعدت ماريا عن شروق وطاحت ماريا وبدات تبكي
مسكت العنود كتف انجود
العنود:كفو عليك
انجود:ماراح يصير شي
العنود:معليك
ام خالد:خير ان شاء الله وش ذي الحركات؟
لمياء:اضن الكلام ذا موجه لمارياصح 🙂؟
ام خالد بعصبيه:لكم كلكم حركات مبزره صدق تراكم كبار بكرا تتزوجون وتجيبون عيال ويشوفون تصرفاتكم كيف ويقلدونها
لمياء بينها وبين نفسها:اف كالعاده جابت طاري الزواج والعيال طيب شدخل ذا بذا
انجود بنفس الهمس بتساؤل:هي دايم كذا؟
هزت راسها وميلت شفايفها بمعنى: شنسوي عاد
ام سعود:هلاص انتي وياها اذا بس تتمشكلون مع بعض لاعاد تكلمون بعض
شروق:معليكم منها بنات امشوا نكمل رقص
لمياء:مالي خلق اي صح سعود كلمني يبغاك
شروق:وينه؟
لمياء:ينتظرس بالحوش
شروق:اي بروح له هالحين
سمعتهم ماريا ولحقت شروق
ماريا بينها وبين نفسها:اوف اخيرا بشوف سعود اكيد مشتاقلي مثل ما انا مشتاقه له
لحقتها بدون ما احد ينتبه
عند شروق الي راحت عند سعود ووراها ماريا
شروق:سم ياخوي وش بغيت؟
سعود:سم الله عدوك بالله نادي لي انجود عمي وليد يبيها
شروق:ابشر بروح اناديها
سعود:تبشرين بالجنه
راحت شروق للمجلس
عند ماريا الي تاكدت انها الفرصه المناسبه تروح عند سعود راحت عنده بدون عبايه وفستانها مفتوح وبكامل زينتها
ناظرها بصدمه وعطاها ظهره
سعود:عيب ياماريا ادخلي داخل تراك بحسبة اختي
ماريا:ليه عيب وحنا صغار كنا نلعب زوج وزوجه؟
سعود:قلتيها كنا صغار بس ذحين كبار يلا داخلللل
عند شروق توجهت عند انجود
شروق:نجوده سعود يقول عمي وليد يبيك شوفيه بالحوش
ضحكت انجود من نجوده وهزت براسها طلعت الحوش وفتحت عيونها بصدمه من ماريا الي كانت تدلع على سعود وهو صاد مايبي ياخذ ذنب ويايبيها تاخذ ذنب تقدمت انجود عند ماريا
انجود:ماريا وش الحركات الوصخه ذي ماتوقعتك كذا!!!!!
ماريا:وش تبين انتي؟؟
انجود:ما ابي شي بس صدق عيب مو بس عيب حرام تراك كبيره
ماريا:ولد خالتي وبكيفي
انجود:ولد خالتك صح بس يضل رجال غريب ومو محرمك عشان تطلعين له بذا الشكل
ماريا:اومايقاد شوفوا الغيوره
انجود:لا حبيبتي على وش بغار على خشتك؟؟؟
ماريا:سعود شوفها
سعود وهو صاد:خلاص انتي وياها وبسرعه ماريا ادخلي داخل
ماريا بعصبيه:وهي ليه ماتدخل داخل؟؟
سعود بحده:خالها يبيها يلا بسرعه
دخلت ماريا داخل ونيران الغيره بعيونها
ضحك سعود بقوه ناظرته انجود
انجود:على وش تضحك؟
سعود:ها لا ولا شي سلامتك
ابتسمت انجود لانها اول مره تشوف ابتسامته
طلعوا وكان ابو ياسر يكلم ابو خالد
ناظرته بعيون تلمع ويجيها فلاش باك على الي سواه معها وكيف وقتها ماكانت تعرف كيف تشكره كانها ماتعرف تتكلم وقد ايش تغير بعد 6 سنين ابتسمت بخفه شافها ابو ياسر حط يده على كتفها وقدمها لابو خالد بينما سعود دخل عند الرجال بالمجلس
ابو ياسر:اقدم لك بنتي انجود بنت خلود
ابو خالد:حي الله بنت خلود شلونك؟
انصدمت انجود لانه ماعرفها وهي عرفته ما أعطت الموضوع اهميه
انجود:والله الحمدلله بخير
ابو خالد:ياجعله دوم
انجود:تدوم ايامك
قالها ابو ياسر الي يبيه هزت براسها وتقدما تدخل داخل وكانوا حاطين العشا راحت عند سهم وأخذته عشان يتعشى جلسته جنبها وبدات تلقمه
ناظرتها شروق وابتستمت بخفه
شافتها العنود وضربتها بخفه على كتفها
العنود:وش فيك تتبسمين؟
ناظرتها شروق ورجعت انظارها لانجود الي كانت تمسح الرز الي كان على وجه سهم
شروق:شوفي انجود
ناظرتها العنود ورجعت انظارها لشروق
العنود: وش فيها؟
شروق: شوفي كيف أحسها ام
العنود:صدق والله شكلي بحجزها لعبدالله سمعتهم لمياء وتضايقت لانها تحب عبدالله من الطفوله
لمياء: بنات احس وراها سر لازم اعرفه
شروق:وش تبين فيها خليها اذا تبي تقولك قالت لك
بعد فتره خلصوا اكل راحا انجود وسهم مع خالها وزوجة خالها وضاري للبيت بينما ياسر والهنوف واحمد رجعوا بيتهم
دخلت انجود الغرفه بدلت وخلصت توجهت للتسريحه ترطب بشرتها ربطت شعرها على فوق
وراحت تنسدح عند سهم جاها اتصال من رقم غريب
مجهول: السلام عليكم
انجود: وعليكم السلام مين؟
مجهول:سعود
انجود:وش بغيت ومن وين جبت رقمي؟
سعود:من عبدالله
انجود:ومن وين جابه عبدالله؟
سعود:من سجل الجامعه
انجود:اي وش بغيت؟
سعوظ:بكرا رحلتنا للندن خليك جاهزه
سهم:انجود غني لي
هزت براسها
انجود:خلاص تمام سلام
قفلت الخط وبدات تغني لسهم

لما الشمس تروح وتيجي بدالها نجوم
يبقى الوقت ده ايه يبقى ده وقت النوم
نامي يا عصفوره نام يا عصفور
يالله بينا يالله....يالله نطفي النور
يالله بينا يالله....يالله نطفي النور
نامي يا عصفوره نام يا عصفور

سهم:انجود عجزت انام
انجود:حاول يروحي بكرا بنروح عند خاله منى ورغد ومروان
نام سهم الساعه 2:30
وكان وقت متاخر
صحت انجود الساعه 5:00 عشان تلحق تجهز الشنط دخلت الحمام وانتوا بكرامه تتروش خلصت ولبست تيشرت رمادي مع جينز ازرق فاتح حطت كريم على شعرها ونشفته بالاستشوار لمته على فوق بشباصه وبدأت تجهز الشنط على الساعه 6:30 خلصت وكانت طيارتهم 7:30 صحت سهم وهو فيه نوم
انجود:يلا قوم وكمل نومك بالطياره نزلت تحت وودعت خالها وزوجته وضاري طلعت وكان سعود يستناهم اخذ الشنط وحطها بشنطة السياره وركب قدام وانجود ورا
انجود بتساؤل:وين عبدالله ماراح يروح؟
سعود:بالقصيم عند اهله بكرا بيجي
هزت براسها وكانوا كول الطريق ساكتين
وبعد فتره وصلوا المطار تأكد سعود من رحلتهم وبعد فتره جا وقت الاقلاع ركبت انجود وبجنبها سهم ووراها سعود وبجنبه شايب مايعرفه
حطوا شنطهم وجلست
حط سهم راسه بحضن انجود مسحت على راسه وبدات تغني له

لما الشمس تروح وتيجي بدالها نجوم
يبقى الوقت ده ايه يبقى ده وقت النوم
نامي يا عصفوره نام يا عصفور
يالله بينا يالله....يالله نطفي النور
يالله بينا يالله....يالله نطفي النور
نامي يا عصفوره نام يا عصفور

انصدم سعود من الصوت الي سمعه ورجعت له ذكريات الماضي قام من كرسيه وناظر انجود وهي تمسح على راس سهم وتغني له ناظره الشايب باستغراب ورجع يحلي مكانه وهو مبسوط
سعود بينه وبين نفسه:يا الله كيف ماكنت ملاحظ انها هي انجود نفسها الي شفتها ببيت زوج خالتي ياربي اخيرا يا انجود اخيرا لقيتك بس باقي اخليك تحبيني ونتزوج ونجيب عيال نسمي الولد ساري والبنت تهاني ويقولون لي ابو ساري او ابو تهاني وكان يرسم احلامه معها بعد فتره وصلوا لندن قامت انجود مع سهم تقدمت بتاخذ الشنط وقف قدامها سعود
سعود: ليه تتعبين نفسك انا موجود
استغربت من اسلوبه الي تغير معها
اخذت منه الشنط وطلعت ابتسم بخفه واخذ شنطته ولحقها وقف تاكسي ووصلها بيت ام مروان
_______________________________________

ادري قصير مشغوله بس بكرا بعوضكم🫡