"من يوم شفتك وقلبي مد لك يده والعين ذابت في روعة حسنك وزينك"

p16

باليوم الثاني:
عند لمياء دخل عليها سعود يصحيها
لمياء: خلاص انقلع ما ابي اداوم
سعود:مب على كيفك قمي يلا ترا شروق بعدها نايمه اذا ماقمتي ذلحين ماني موديك
لمياء:خلاص طيب انقلع قمت بس اصبر العنود فييه انقلععع
سعود:حبيبتي العنود عند شروق قمي
لمياء:كويس يلا قمت
قامت ودخلت الحمام وانتوا بكرامه بعد فتره طلعت صلت الفجر ولبست مريولها راحت للتسريحه ربطت شعرها بشكل عشوائي اكتفت بالروج والقلوس اخذت عبايتها بيدها وشنطتها بكتف جات بتنزل بس تذكرت ان عبدالله فيه تأففت ولبست عبايتها وطرحتها واخذت الشنطه على كتف واحد وهي تنزل من الدرج طلعت من شنطتها علك واكلته
راحت الصاله ونطقت بصوت جمهوري: السلام عليكم
ام سعود: وعليكم السلام تعالي كلي
لمياء:لا مالي نفس ناظرت سعود:يلا ودني
سعود:وجع مافي ادب
لمياء:ياربي سعود مالي خلق اتهاوش
سعود:قولي ودني بادب بعدين يصير خير
لمياء وهي منفسه:سعود حبيبي ودني المدرسه لانتاخر كذا زين؟
سعود:يلا مشينا ترا عبدالله بيروح معنا
هزت براسها وطلعوا
وقفت ام سعود سعود مع يده فز ولف جهتها ونطق:سمي امريني وش بغيتي
ام سعود:بالله سعود مر اي بوفيه لو بقاله جيب للمياء اكل من امس وهي ماتاكل مدري شفيها
هز براسه:ابشري ماطلبتي شي
ام سعود:تبشر بالجنه الله يخليك لي ويوفقك ويسعدك
سعود حب راس امه بابتسامه:امين ويخليك لنا
ابتسمت وركبوا السياره شاف سعود بقاله على طريقهم وقف استغربت لمياء ونطقت:ليه موقف هنا؟
سعود:بجيب لي شي اجيب لك شي معي؟
لمياء:اي جيب لي علك وكودرد
سعود:بكل ثقه تقولينها!!
لمياء:وشو؟
سعود: تخسين والله اجيب لك كودرد وانتي اخت سعود وبنت عايض
لمياء:كلزق لاتسوي فيها انا القوي ذلحين
سعود: اي انا القوي عندك شي
كان عبدالله يسمعهم وساكت بس شاف المشكله كبرت ونطق:خلاص ياسعود كبر عقلك يمديك تنزل وماتجيب لها ان اسالتك قل لها مالقيت
سعود:عشان تحسب انه عادي عندي! على جثتي
عبدالله:طيب انزل خلاص
نزل سعود وقفل الباب بقوه
غمضت لمياء عيونها من قوة قفلت الباب
عبدالله:لاتزعلين ترا اخوك كذا منفعل بس ترا والله انه يحبك
لمياء:اخوي واعرف انه يحبني وانت باقي ماعرفت
عبدالله:انا وش؟
لمياء: عبدالله صارحني تحبني؟
سكت عبدالله شوي
لمياء:اذا كنت ماتحبني ليه خليتني احبك واتعلق فيك كذا؟
عبدالله مارد
نزلت دمعه من لمياء بدون ماتحس
لمياء:ليه ماتبي ترد ترا عادي قول انك ماتحبني
عند شروق:
صحت الصباح وهي تفرك عيونها تتلفت يمين يسار تتذكر الي امس صار دفنت راسها بالمخده بابتسامه
فزت وهي تتذكر ان اليوم لازم تودي لمياء المدرسه نزلت تحت وهي مستعلجه
شروق:يمه لمياء ويين نمت ونسيت اوديها
ام سعود:حبيبتي شروق ترا سعود وعبدالله ودوها
شروق:كويس قلبي وقف