معذب طفولتي

البارت التاسع

اعتذر لاني افتقدك ولا أخبرك بذلك، لكنك خيبت ظني ذات حين .. أوجعتني وأنا كنت بكامل الشوق بين يديك وأفتقدك

اعتذر لك لأني قيدت نفسي لك بعد ان كنت دونك حره اعتذر لك لأني ما خنتك في حياتي وانت خنتني الف مرة” ومره اعتذر لك لأني احببتك وانت حرقت هذا الحب وجعلته جمره اعتذر لك عن كثرة اهتمامي لن يتكرر مرة اخرى. عذرا منك ايها الحبيب فمازلت سلاحي بهذه الحياه اتسلح بك دوما فاعذرني.

*****************
عاصي : الوقت دا مناسب جدا ي فرح
فرح : يعني ايه الفرح كمان اسبوعين لا طبعا
عاصي : افهم ليه عاوزه تأخري الفرح ..... ما تقول حاجه ي عمي
حسين بحزن : والله ما عارف اقول ايه ...... ي بنتي نفسي افرح بيكي قبل ما اموت
فرح : ليه ي بابا بتقول كدا بعد الشر عنك بس يعني احنا مكتوب كتابنا يعني متجوزين خلاص يصبر شويه علي الفرح لأن انا اني لسه مش مستعده
عاصي : ما تقول حاجه ي كريم
كريم ببرود : والله انا شايف ان انتو كدا كدا اتجوزتوا فا مش فيها حاجه لو عملنا الفرح وفرحنا نفسنا
فرح بغيظ وعفويه : وانت تفرح علي حسابي ليه
كريم : طب ي عم حسين استأذن ..... عاوز حاجه ي عاصي لازم اروح الشركه انت عارف
عاصي : تمام بس انت مش هتحضر اجتماع سالم وابنه
كريم : خلاص اتفاقنا يلا بعد اذنكم
حسين بضيق : انا مش عارف ليه اسلوبك دا
عاصي : كريم انا إلى طلبت رأيه وجنابك لو قليتي من صاحبي اكنك قليتي مني .... بعد اذنك ي عمي
حسين بحزن  : مش هتتغدا معانا
عاصي : والله ي عمي من يوم كتب الكتاب مش كلت مع فيروز فأنا ناوي نتغدا انهارده مع بعض
حسين  : إلى تشوفه ي ابني
خرج عاصي
حسين بعصبيه  : ي بنتي حافظي علي جوزك اي بنت تتمني واحد زيه ...... خليه يتعلق بيكي لدرجه ان هو مش يلاقي وقت ل فيروز ......  انا مش بكرها بس المفروض اي واحده غيرك تغار علي جوزها
فرح : حاضر ي بابا

******************
فيروز : نهي جهزي الملفات بس مش عاوزه ياسمين تعرف حاجه عن الملفات دي مفهوم
نهي : تمام
فيروز : ونبي ي نهي عاوزه قهوه اصلي مصدعه
نهي  : حضرتك دا خامس مره تشربي قهوه
فيروز : يلا ي نهي بلاش منهده
كريم من خلفهم : روحي ي نهي اعملي ليها عصير فرش
نهي : تمام ي باشا مهندس بعد اذنكم
فيروز : انت مش كنت بتقول رايح عند فرح مع عاصي
كريم ببرود : تقدري تقولي القاعده مش كانت علي هوايا
فيروز بضحك : مش كانت علي هواك مره واحده
كريم بنظره ذات مغزي : عاصي قرر الفرح كمان اسبوعين
فيروز بلامبالاه : هو حر في حياته انشالله يتجوز دلوقتي مش فارقه
كريم : هي دي فيروز الي عاوزها
فيروز : شكرا ي كريم علي كل حاجه من يوم ما اتكلمت معك وحكيت علي حبي ل عاصي وانت واقف جمبي
كريم بحب : انا اعتبرتك اختي من يوم ما وقفتي جمبي
عاصي : السلام عليكم
كريم وفيروز : وعليكم السلام
عاصي  : انت اكيد مش زعلت من فرح
كريم : لا انا تمام ايه الي هيزعلني
عاصي : كويس  ...... فيروز عملتي ايه في موضوع سالم وابنه
فيروز : المفروض نتقابل انهارده وزي ما احنا اتفقنا كريم مش هيظهر دلوقتي هنخليه مفاجئه ليهم
عاصي : وانا ماشي في موضوع اخوك دا ان كان موجود اصلا
كريم : انشالله موجود ....... هاا الفرح كمان اسبوعين
عاصي : ااه وانا قولت ل عمي يهديها شويه انا مش عارف فرح مالها الفتره دي شويه خناق معايا واشويه مع فيروز وانهارده الدور كان عليك
فيروز  : اكيد متوتره راعي ان دي اول تحس بالاحساس دة وانها ملزومه مش شخص غير ابوها
عاصي : اهو احنا معاها للأخر لما نشوف
فيروز : طب ي شباب هقوم انا اتغدا علشان جعانه في حد عاوز ياكل
عاصي بأستغراب  : كأنك اتعودتي علي إنك تاكلي لنفسك  ........ غريبه انا لما اكون مش موجود كنتي مش تاكلي غير لما ارجع ايه إلى حصل
فيروز بسخريه : يعني كل حاجه بتتغير وكل الناس بتتغير الزعل هيجي عندي انا ومش هتغير ...... يلا ي عم انا عزماك علي الغدا
عاصي بغيظ : قصدك ايه بكل الناس بتتغير
فيروز : عاصي انا جعانه هتاكل ولا امشي
عاصي وهو يمسك يدها  : عاوز اعرف قصدك ايه
فيروز بلامبالاه : قصدي انك اتغيرت قبل ما انا اتغير وقبل ما تتكلم وتعترض اول مثال بقيت لما بترجع من اشغل اي مشوار مش تدخل اوضتي تتطمن عليا زي الاول وعلي الاكل انت الي مش بتسأل حتي اذا كنت كلت ولا لا وانا بصراحه مش هضحي بنفسي وانت عايش حياتك فرحان ........ من يومين انا اغمي عليا اكتر من تلت سعات وفي الاخر إلى حس بغيابي كريم الي اعرفه من فتره واهم حاجه الشركه كنا دايما بنحتفل سوا في اليوم الي بدأنا فيه بنايتها دي كمان نسيتها ....... عاصي انت نسيت كل حاجه انت نسيت نفسك وانا وانت وكريم متفقين نكشف سالم وابنه ونرجع املاك كريم بس حضرتك الموضوع طالع من دماغك لعند ما اتكلمت معاك امبارح في الموضوع يعني العيب مش مني ولا انا إلى اتغيرت
فرح من خلفهم : ما اي حد خطب اكيد هيتغير ولا انتي عاوزاه يكون خطبني ويفضل يحبك انتي اااه اكيد عاوزه كل لما يعزمني يتكلم عن جنابك وبدل ما ياكل معايا انا ياكل مع حتت بنت قعدها معاه شفقه مش اكتر
عاصي بصوت عالى وعصبيه  : فرررررررررررح
فيروز بمقاطعه تاركه قلبها الذي كسر : لا ي فرح دي مش شفقه تعرفي ليه هقولك علشان انا ليا زيه بالظبط في كل حاجه في الشركه والفيلا وكلوا ولو عاصي مش واثق فيكي لدرجه ان هو مش قايلك فا دا مش زنبي انا ..... واه خطيبك زي ما انتي بتقولي انا مش قولت ليه يسيبك ويجيلي انا .... بس احب اقولك مش من احترام البنت انها تسيب شغلها وقاعده طول اليوم في شغل خطيبها او جوزها بحجه خايبه هو انك بتحبي تاكلي معاه ...... ومش تقلقي عاصي مش نوعي المفضل
( لم تشعر بنفسها إلا ويد عاصي تنزل علي خدها نظرت له نظرات ألم ووجع من تصرفه ومن عدم دفاعه عنها من قبل )
فيروز بضحك جعلت الجميع ينظر لها بصدمه  : انت زعلت علشان كلمت حبيبه القلب كدا لا بجد برافواا ( وأكملت بهستيريا ) لا طلعت بتحبها ..... انت كداب ي عاصي كنت دايما تقول انت اغلي حد في حياتي ودلوقتي ايه كل وعودك ليا كدب انا بكرهك علي قد ما كنت بحبك علي قد ما انا بكرهك دلوقتي ..... واااه انا اسفه ي فرح ولا تحبي اقولك ي خطيبه عاصي مع انك خلاص مراته مكتوب كتابكم
(اقترب عاصي منها بحزن كي يحتضنها اوقفته فيروز )
فيروز بهدوء : انا تمام مش محتاجه حد يقف جمبي واه نسيت اقولك من انهارده مش مسموح ليك تلمسني علشان حرام
عاصي بعدم تصديق  : نعم مش مسموح ايه
فيروز : مالك مستغرب كدا ليه هو انت كنت اخويا او ابويا لا طبعا ..... وانت اصلا تحل ليا فا كدا حرام وممنوع تتدخل اوضتي من غير استئذان مفهوم
(وتركتهم وذهبت )
عاصي بزعيق : انتي ايه ي شيخه ...  انتي عدوه نفسك
فرح : كل دا ليه علشان بغار عليك
(تركها عاصي وخرج)
كريم بهدوء : انتي مش غيرانه ي فرح انتي حاسه ان فيروز واخده منك عاصي ودي مش غيره وكمان انا متأكد ان دا كلام باباكي مش كلامك نصيحه ليكي من أخ ارجعي فرح القديمه بلاش فرح المؤذيه
(وتركها هو الاخر وخرج ) 
فرح بدموع : انا عملت دا كله ناتج غيرتي عليك انت ي كريم اه عارفه ان انا دلوقتي متجوزه وكدا غلط وحرام بس انا بحبك عمري ما نسيتك انا كل يوم بموت وانا شايفه فيروز يتاخد مكاني في قلبك
(كان يقف هو في الخارج ويسمعها)
كريم بحزن : انتي إلى عملتي فينا كدا وانا مستحيل ابص لمرات واحد بعتبره اخويا

البارت النهارده خلص عاوزه اقول ان التفاعل زفت بجد