عهد الأسود الجزء الثاني

البداية

خبي بناتك ولا اهرب بيهم الغول جاي وبيدور عليك يا صواف عارف لو شاف البنات ايه الي هيحصل

الصواف اترعب ونادى وقال بخوف...علا..علا

جات بنت جميله في العشرين وقالت نعم يا بابا فيه حاجه
الصواف قال برعب..البسي اي حاجه انتي وحنين اختك ويلا هنمشي من هنا بسرعه

حنين قالت بدموع..هنهرب تاني يا بابا

الصواف قال بخوف ..مش وقتو يا بنتي ده قرب يوصل يلا لسرعه

طلعت بنت اصغر منها في سن ال١٨ نحيفه وملامحها رقيقه جدا دي بنتو التانيه حنين قالت ..فيه ايه

الصواف قال.. مش وقتو يا بنات يلاهنمشي
وفعلا اخدو شويه حاجات مهمه وطلعو رايحين ناحيه العربيه بس اتجمعو حواليهم رجاله كتير بسلاح وعربيات

الصواف حضن بناتو الاتنين وبقى يرجع لورا برعب

نزل شاب في التلاتين بطله قويه وهيبه وعيون حاده وملامح قاسيه قلع نضارتو وقرب من الصواف وقال بسخريه...كده برضو يا صواف..لا تتكسف ولا تخاف..تخليني ادور عليك كل ده..ده روتين شعري باظ يا راجل عيب عليك

الصواف لسه هينطق الشاب قال بسرعه..وكل ده ليه...علشان كام مليون عمي..يا اخي عليك ده انا كنت بعتبرك قدوتي في الاجرام واكل الحرام..خيبت املي فيك

الصواف بلع ريقه برعب وقال..انا..انا قولتلك قبل كده يا جبران بيه..الفلوس اتسرقت مني والله اتسرقت

جبران قال بسخريه..انا مصدقك..بس هما مش مصدقين وانت عارف..انا مقدرش على زعلهم..يمكن انت تقدر

الصواف هز راسو بالرفض بخوف.. وجبران ابتسم بطريقه تخوف و قال بغضب رهيب..انجز خبيت الفلوس فين مش هنقعد نتساير

الصواف قال بخوف... مش معايا اتسرقت والله اتسرقت

جبران قال بغضب مكبوت ..امم..عايز تتعبني وانا تعبان خلقه... وبص للبنات الي ماسكين فيه برعب وقال للجارد...هاتلي واحده من الموزتين بتوعو..يمكن يخلي عندو دم ويدفع علشانها.. وان مدفعش هو جس٨مها يدفع
بقلم....زهرة الربيع
في قصر عيلة الثابت كان واقف ضرغام وبيتكلم مع شاب في العشرينات وسيم وجذاب ده غالب ابنه وكان واقف بيستمع كلام ضرغام بملل

ضرغام كان هيتجنن من الغضب وبيقول..انا مش نبهت عليك قبل كده..مش قولتلك الي اسمو جبران ده متتكلمش معاه مبتسمعش الكلام ليه ولا لازم يجر رجلك معاه علشان ترتاح

غالب قال بضيق...يا بابا مش كل يوم الموضوع ده..انا قولتلك قبل كده ده مجرد صديق انا مش بشتغل معاه علشان تبهدلني كده كل ما تعرف اننا اتقابلنا

ضرغام قال بغضب...نفس طريقه عمك المستفزه..نفس برودو..طالعلو في كل حاجه..لو اعرف اني هخلف ولد يبقى صوره منو كده مكنتش اتجوزت ولا اتنيلت