#عهد_الأسود_الجزء_الثاني_14
تتجوزني يا فارس ارجوك اتجوزني ان شاله حتى تبقى تطلقني بعد فتره
فارس اتصدم صدمة عمره مكانش مصدق الي بتقوله بصلها بزهول وقال بتلعثم..انتي ان انتي بتت..بتقولي..انا..انا وانت..انتي..
بس قاطعتو وقالت بغضب..انت لسه هتأتأ.. انا سألتك سؤال رد باه او لا وخلصني لو سمحت
قال بسرعه من غير اي تفكير..موافق..موافق...ام..امتى
تاره انهارت بالدموع اول ما قال كده
فارس استغرب وقال بحزن..تاره مالك
قالت ببكا سبني لوحدي لو سمحت سبني
فارس اتنهد ونزلت دموعه وخرج بالم شديد جواه لانو عارف دموعها دي ليه وايه سبب طلبها ده كمان
عند وعد كانت بتبصلهم بدموع وقالت بصوت بالعافيه طالع..بابا..بابا فين
عهد قالت بدموع..بره يا قلبي اناديلو
وعد لسه هترد سمعو صوت اسامه بيزعق جامد
جريت شوق وليالي لقوه بيتكلم في التليفون وبيقول..الفديوهات دي كلها تتحذف والا هقفلكم الصفحه دي..واهقفلكم الجرنال كلو سمعت..وقفل معاه وضرب التليفون في الارض كسره وبص لاسد الي كان محطم حرفيا وقال بغضب...مبسوط كده شايف وصلتنا لفين..مفيش مكان مش ناشر الي حصل في الحفله خلتني ضربت ابني الوحيد قدام كل الناس وانت كمان مديت ايدك عليه..شايف وصلت لايه بسبب جنانك..وادي التانيه خسرتها على الاخر بسبب غبائك يارب تنبسط
ضرغام بصلو بغضب وقال بزعيق..اسامه..خد بالك لكلامك بقى
اسامه حس على نفسو وكلامو الي فعلا مش وقتو .. بص لاسد ولقى دموعه بتنزل بصمت وباصص للفراغ ومش بيرد عليه اصلا..اتنهد وقال بدموع..اسد..انا...انا اسف...انا
بس قطع جملتو لما اسد وقف وبص لشوق وقال..وعد صحيت
شوق قالت بدموع..صحيت وبتسأل عليك
اسد دخل عندها واسامه جذب شعره لورا بحزن وغضب من نفسو وضرغام بصلو بغضب ومشي
عند جبران كان قاعد مبسوط بالي عملو ونفسو قوي يشوف وش اسامه وفي نفس الوقت قلقان على غالب ونفسو يرد عليه
جات حنين وقالت بحرج...احم..انا..انا عايزه حاجه انام بيها..الفستان ضيق ومش هعرف انام بيه
جبران ابتسم بسخريه وقال...والله كان نفسي اديكي قميص من عندي وتلبسيه ويبقى قصير ورجليكي تبان وانبهر بيكي وابصبصلك وكل الكلاك ده بس للاسف مفيش هنا اي قمصان ليا
حنين بصتلو بغيظ وقالت....هو انت مينفعش ترد رد مختصر وتتكلم جد مره واحده في حياتك
جبران قال بضيق..هعملك ايه اسالتك بايخه هجبلك لبس منين دلوقتي ده مفيش حاجه ناكلها وانتي بتفكري في اللبس..انا اهو قدامك هدومي كلها تراب ورجعت عليها كمان
أنت تقرأ
عهد الأسود الجزء الثاني
Fanficالروايه الأروع عهد الأسود عادت إليكم بجزئها الثاني هنرجع نشوف اسامه الثابت وجميع الابطال واولادهم وقصص خطيره ومثيره في الجزء ده من روعه لأروع
