2020/3/12
بأحدى مناطق النجف الأشرف
طلع اول اصابه بـ فايرؤس ڪارونا ڪُلها خافت لاينتشر الوباء بالعراق
ام حسين: دخيلك ياداحي باب خيبر تحمينا تحمي اُمة مُحمد
عدلت ڪعدتي وباوعت الها واردفت
حسين: يمه ڪولي يالله ان شاء الله ماڪو شيء هاي مُجرد اخبار
وحاله وحده وحجزوا ما اعتقد ينتشر بسرعه
ام حسين: حسين يمه عوف الأخبار گعد ابوك صار دُنيا مغرب خلي يصلي
هسه اڪليلكم ڪُبه تتعشون
حسين: صار يوم بس تدرين مو قوي بالڪبه ليش تسويها؟
ام حسين ياا ماادري بيك ماتحبها
حسين: هيَ مال كلاوات يُمه ڪُل مره نفس الحجي ضحكت وبست راسها ڪعدت الحجي
ابو حسين: ها حجيه هو احنه ثلاث نفرات شسوين هلگد كبه مسويه؟
ام حسين: يا ابو حسين غير كالوا بـ الاخبار الوباء منتشر ابو حسين: الوباء منتشر مو شحه مال كبه
ابو حسين: علمودچ حجيه مفاصلج موزين عليچ
ام حسين: يا ابو حسين ادري بيك تحب طبخ ايدي واسويلك
نرجع فلاش باك للماضي قبل 35سَــنه:
حسين: ابويه تزوج امي عن طريق اخته جيران اُمي صارت القسمه وابوي يحب اُمي بشڪل مو طبيعي اول حب بحياته اخذها صغيره رباها على ايده خلفت امي 7بنات وولد اللي هوَ اني
اختي الجبيره اتوفت من استلمت شهادتها فرحانه بيها
وطارت الشهاده بالهوى ترڪت ايد امي رڪضت تاخذها وندعمت
وراحت الدار حقها
من حزن امي وابويه عليها الله رزقه بـ6وراها
شڪد رادوا ابويه يتزوج على امي بحجة يجيج ولد يشيل اسمك
بس ابويه رفض لان جانت امي عنده النفس مالته اللڪمه قبل لاتدخل حلك ابوي تدخل حلڪها اني اصغر اخواتي
عُمري23 ترڪت الدراسه اعتمدت على نفسي
الوضع الحالي:
ام حسين: يلا يمه حسين صلوا لما احضر العشه
تعشينه
حسين؛ لزمت تلفوني صرت اڪلب بـ اليوتيوب اشوف صدك خبر الوباء لولا واني اتصفح بـ الموبايل لفت انتباهي بث بـ اليوتيوب دخلت عليَ جان اڪو ناس تحچي ويعرفون بعض دخلت وياهم حچينه تعرفت عليهم جان صاحب البث مخلي صورة بنيه موحلوه
ويحشش على البنات الموجودات يكول الهن ڪلجن تشبهنها كتله
ماحچيت اله الحق ردت عليه وحده لا اله اني مومثلها والله حلوه
حسين: ڪلت الها مُستحيل ڪله لبخ كالت لا والله مستحيل استفزيتها ڪتلها ماصدك اله اشوف بعيوني كالت دز يوزرك دزيته ضافتني دزتلي صورة بنيه لابسه حجاب لازمته بيدها وعيونها حلوه ردت هاي اني
حسين: الله شهل جمال عمي صدك حلوه
ضحڪنه سولفنا تعرفنا طالبة تحليلات مرحلى اولى اسمها سَما
سما: انتَ شنو مخلص دراسه؟
حسين: للثالث وترگت ماحب الدراسه بلدفرات جنت انجح ترڪتها اعتمدت على نفسي فتحت محل ملابس رجاليه
سما: ليش مو محل نسائيه؟
حسين: يضوجني وماعرف اتعامل وياهن
سما: لا بالعڪس احنه رقيقات
حسين: يمعوده الولد احسن اعرف احچي وياهن النسوان طبعهن صعب يوم يجر يوم وشهر يجر شهر وعلى تواصل واحد واحد يدز للثاني صرنا اصدقاء وتحولت الصداقه الى حب مو حُب مراهقه ولا حب ملعبين حُب صافي
حسين: صباح الخير ياوجه الخير
سما: صباح الورد حبيبي جاي سوي اسوي ريوك ريوك بـ2بالليل؟
حسين: شنسوي ننتضر الحلو يشبع نوم واحنه نجوع وعيونه تروح من النعاس
سما: فدوه لعيونك اروح اني
حسين: اسم الله عليج حبيبتي
سما: شڪد تحب تطبخ
حسين: هوايتي بعد تعرفينها
سما: الله من ازوج اڪل وانام
حسين: ليش منو كلج اخلي مرتي تطبخ؟ منو كلج هاي الادين الحلوه تلوح المواعين
سما: لالا اخجل تره
حسين: خجلي جعل محد غيرج يخجل
سما: حبيبي
حسين: عيون حبيبج ڪولي
سما: انت شنو متغار عليه من اروح للدوام؟
حسين: اني حبيبتي اخليها بوسط جيش مال زلم وما اخاف عليها
لان اعرف هنا شڪو اشرت على ڪلبي ههذه كلبي الاول مره بحياتي يدك ومادك غير الج
ام حسين: حسين يمه
حسين: ها يوم؟ سديت الڪاميرا رفعت تلفون من الڪاونتر حطيته بأيدي
ام حسين: شسوي حبيبي كاعد
حسين: اكل يمه جعت
ام حسين: جان ڪعدتني اسويلك
حسين: لاحبيبتي نامي انتِ اروح فدوه لهل الخدود هايَ بستها ورجعت امي نامت
حسين: امي من النساء القديمات مايمشي عدها سوالف الحب
جنت شايل هم شلون افاتحها بالموضوع رجعت الڪاميرا وكعدت اڪل ها سمسمتي
سما: ها حياتي
حسين: رراح افاتح امي بالموضوع اجي اخطبج شفت الفرحه بعيونها والحيره والخوف لان مسولف الها على امي شكد ما امي طيبه الله شاهد الكل يحبها ويقدرها على لسانها الحلو وتصرفاتها
وايدها مو الها تنطي ااي شي ينطلب منها
حسين: شبيج حبيبتي صفنتي؟
سما: خايفه حسين
حسين: ليش خايفه يروح حسين انتِ
سما: اخاف امك ماتقبل
حسين: لا ان شاء الله تقبل باجر افاتحها بالموضوع انتِ شسويتي اليوم؟
سما: مسويت شي بس جربت بأختي اسحب منها دم نوب ايدها زوركت اكلت رزاله من امي دكلي دكتوره من باب الشرجي
ححسين: هههههههههه يلا خيرها بغيرها سمسمتي دڪت ضرتج اشوفها واجيج
سما: اهو هم دك عليك اللزڪه
حسين: اشوفه شيريد خطيه مايدك هيج وڪت
سما: تمام حياتي
حسين: الو ها حيوان شكو؟
علي: ماكو شي بس ادري بيك جاي تحجي ويا سمسمتك كلت اخبث عليهم
حسين: ثول حسبالي عندك شي كلت الها خطيه مايدك هيج وكت سديته منها تره مسميتك ضرتها على فكره هههههههههه يلا دعبل خل اشوف سمسم
حسين: ها حبيبتي
سما: حبيبي روح نام وراك كعده صبح راح تصير بـ4عيونك راحت
حسين: يروحلچ فدوه عيوني وصاحبهن
سما: حبيبي ناملك شويه
حسين: تمام كلبي تصبحين على خير
اليوم الثاني: رجعت من الشغل تغديت سبحت اخذت ريست تفكير شلون افاتح امي بالموضوع نمت كعدت العصر لكيتها تحجي ويا اختي الاكبر مني فاطمه سدته
حسين: ها يوم شبيها فطوم
ام حسين: مابيها راح تجي علينه اليوم كتلها مشتاقتلج كالت هسه اجيج
حسين: هلا بيها يمه لاتسوين عشه اجيب من بره ارتاحي لزمت ايدها كعدت كبالها حسين: يمه حطت ايدها على راسي
ام حسين: شبيك يمه هيج كعدت؟
حسين: ييمه اريد اتزوج
ام حسين ياصلوات واخيراً قبلت اخطبك بنت خالك
حسين: لا يمه مو بنت خالي اني احب بنيه من غير محافضه واريدها جان جواب امي الرفض ومو رفض عادي لا
ام حسين: مستحيل تاخذ غريبه لو على كص ركبتي ابني وحيدي
اخذله غريبه ماعرف اصلها من فصلها
حسين: يمه وعيونچ الماعندي اعز منهن خوش بنيه واهلها ناس طيبين جان جوابها الرفض لو اني لو هيه لورضا امك لوغضبها عفتها كلت بعدين هم افاتحها بالموضوع اجتي اختي الاكبر مني عدها ولد وبنيه وياها بنت اختي الجبيره لان خواتي متزوجات اخوان تعشينا ڪعدنه
حسين: ها بنين؟ شلونه خالد
رفعت راسها امي واختي وبنت اختي بنين وجها صار احمر
فاطمه: ياخالد ولڪم؟
بنين: منو خالد؟
حسين: شبيكم منو كال خالد؟
فاطمه: انت كلت حسين شلونه خالد
حسين: لا ماكلت متوهمات
فاطمه: لا كلت
حسين: اي كلت اسرار دوله بيني وبين بنت اختي عزيزتي خطيه حتى ماتعشت
حسين: رحت للمطبخ ولج ليش ماكلتي
بنين: ليش خالو يمعود هسه خالتي تسولف لأمي
حسين: ديلا ولج هوَ انتِ اليه سولفتي ماستحيتي تستحي من امها
بنين: هههههههه خالو والله احبه كال راح اجي اخطبج
حسين: خلي يجي هلابي والله كبرت بنين وكامت تحب
بنين بنت اختي عمرها18سنه اني وياها اصدقاء سرنا واحد
بنين: فاتحت امي بموضوعك؟
حسين: اي وماقبلت
بنين: يلا هسه تقتنع
حسين: الله كريم
يوم يجر يوم وامي قافله ادخلن خواتي رادن بس يقنعنها لاگن امي قافله لوبنت خالي لو ماتقبل اسودت الدنيا بعيني
ماعندي غير علي صاحبي رحت اله سولفت اله صفن وڪال
علي: حسين ماعرف شكلك والله صاير انتَ بين نارين لو امك لو سما
حسين: انت شدكول علي؟
علي؛ والله ماعرف حيره
حسين: امي كالت اذا ماكلت الها اليوم ونهيت كلشي اتبره منك رفعت راسي علي عيوني حمره
علي: ولك حسين تبجي؟
حسين: اخ ياعلي ولك اخ هاي سمسم شلون اعوفها؟ وامي هاي الربتني شلون اعوفها؟ الله ياخذني ولايحطني بهيج موقف
علي: اسم الله عليك حسين شهل حجي كول يالله يجوز موقسمتك يعني وكفت الدنيا؟
حسين: اي توكف الدنيا بس قسم بالله اعوف سمسم بس مستحيل اخذ غيرها لو اموت
علي: حسين شوف انت صاحبي محد يعرفك بكدي ولاواحد يعرف حبك السمسم بكدي بس جوز موقسمتك لاتعلك البنيه بيك صارحها
حسين: رجعت للبيت خابرت سما عرفت جواب امي من صوتي ماريد اذكر تفاصيل لان كلبي يوجعني من اتذكر بس انفصلنا اي انفصلنا ومات حبنا بسبب شي اسمه عادات وتقاليد انقطع تواصلي ويا سما بس جنت اتواصل ويا اختها اسأل عنها جانت تكول سما ماتت من عفتها جسد بلا روح
لاتاكل ولاتكعد ويانه كلها انتبهت عليها من سما الفرفوشه الى سما المتوحده صارت متوحده دست على ڪلبي بنهاية2023تواصلت ويا اختها كالت انخطبت اخ ياڪلبي
فرحت الها لان تخطت ودعيت الها من كل كلبي صرت اصلي ملتزم مثلها علمود اشوفها بالجنه صار علي يجي عليه نطلع بس جكاره بأيدي اني اللي بفواتح اعز ناسي مابجيت
صرت ابجي ليل ونهار علمودها لحد الان مامتخطي ولا راح اتخطى
