تبـدأ روايتنا فـ بيت الجد و في المطبخ كانو المها و ايان و لينا يرتبون الاغراض الي شروها وكانت المها تسولف مع الجازي مكالمه
المها: يربي يـ جوجو وربي اشتقت لك
الجازي: وربي الشوق لك مليوننن
فجأة يدق الباب و تقول المها: امانه مو منجدك مسرع وصلتوا
الجازي بضحك: اي وصلنا تعالي للباب بس ترا معي سياف و سلطان
المها: تمام بجيب طرحتي و اجي باي
و تروح المها للباب و تجري لها الجازي و يضمون بعض بقوة و يقول سياف: يربي كل اسبوع على ذا الموال كانكم الاسبوع الي فات مو شايفين بعض
المها: مالك شغل انت انتو يا العيال تحسون اصلا
الجازي: صدق مالك دخل
المها: تعالي تعالي المطبخ هناك موجودين لينا و ايان
و في المطبخ كانو لينا و ايان يخططون لمقلبهم الجديد
ايان: لا لا ذا المقلب سويناه الاسبوع الي فات نبي مقلب جديد
لينا: يربي طيب ما عندي افكار
يجون المها و الجازي و الجازي تسلم على ايان و لينا
المها: شعندكم أنتوا الاثنين تتهامسون واضح وراكم بلا
الجازي:هو شي جديد م يجتمعون سوا الا و جايبين مصيبه
المها: وانتِ صادقه، اي صح نسيت اسلم على خالتي م شفتها معكم
قبل ترد الجازي الا و تدخل ام سلمان{جميله}:
كيفكم يبنات اخباركم
البنات: بخير يعمه انتِ كيفك و كيف عمي
ام سلمان: والله كلنا طيبين
المها: تعالو للمجلس نكمل هناك
و يروحون للمجلس و تروح الجازي مجلس الرجال تسلم على جدها و ترجع للبنات
و تدخل مجلس الحريم الا و تشوف فجر وتشمق
فجر: عمى يعميك م تعرفين تسلمين
المها: انتِ يا الحيه امسكي لسانك تونا م قلنا بسم الله
الجازي: ومين طالع فيك انتِ
فجر: اقول احترموا نفسكم محد رباكم أنتوا
المها: والله حنا متربين الدور والباقي على الي م تربى
ايان: هي هي انتِ امسكي لسانك متربين من قبل نشوف وجهك
فجر: لا واضح التربيه تنقط منكم
كانت الجازي بترد بس مسكتها المها
دخلت ام بندر وقامو البنات يسلمون عليها
وجلسوا كلهم يسولفون
وعند الرجال بالمجلس بعد م سلموا وجلسوا
الجد عبدالعزيز: ما شاء الله الله يديم هالجمعه
ابو بندر: امين يا يبه و يطول لنا بعمرك
الجد عبدالعزيز: انتو عارفين ان اليوم بنفتح وصية جدتكم الله يرحمها
الكل: الله يرحمها ويغفرلها يارب
الجد عبدالعزيز: عناد قوم جيب الصندوق من غرفتي تلقاه على السرير
عنـاد: ابشر
راح عناد و رجع بالصندوق و حطه قدام جده وفتح الجد الصندوق
الجد: بسم الله
و فتح الجد الوصيه و انصدم من الموجود فيها
شافوا العيال ان وجهه جدهم انقلب
سلطان: عسى م شر يا جدي
الجد: الوصيه تقول ان سياف يتزوج بنت عمه
الكل انصدم و كلهم يطالعون سياف
سياف: اي بس يا جدي اي وحده منهم
الجد: المها
انصدم سياف و طالع فـ بدر
ابو تركـي: اي بس يا يبـه
الجد: لا بس ولا غيره وصيت امك لازم تتنفذ
سياف: بس يا جدي انا م افكر بالزواج ولا موظف و لا مستعد ولا احبها
الجد: ذا كله لاحقين عليه بعد الزواج اهم شي انكم تملكون و بعدين موعد الزواج متى م تبون
وقف سياف و ضرب الطاوله بيده: زواج مني بمتزوج و انا حاليا مو مستعد و لا ابي البنت وانا متأكد انها م تبيني
الجد: بتتزوجها بالطيب و لا بالغصب ولا والله لا اعرفك ولا تعرفني يا ولد خالد
انصدموا العيال و كلهم يطالعون سياف الي وجهه محمر من العصبيه واول مرا يشوفونه كذا
ابو سلمان: ان شاء الله يا يبه بيتم اهم شي لا تضيق
سياف: وانا بداهيه صح! زواج ماني بمتزوج و اعلى ما بخيلكم اركبوه
وعند الحريم سمعوا صراخ الرجال
الجازي: عسى ما شر وش صاير
ناظرت المها ايان و لينا بشك: اكيد أنتوا صح وش مسويين
لينا: لا والله احنا من زمان جالسين معكم
اخذوا الحريم طرحهم و ركض لمجلس الرجال
و عند الرجال الجد: لا والله بتاخذها برضاك احسن ما تخذها غصب
دخلوا الحريم ام سلمان: عسى ما شر يا عمي وش صاير
ام بندر: صلوا على النبي يا جماعه
ناظروا البنات سياف الي واقف بغضب و نقلوا انظارهم للعيال الي جالسين و نظرات التوتر واضحه عليهم
المها: وش صاير تكلموا!
الجد: فتحنا وصية جدتك و الوصية تقول انك تتزوجين سياف
انصدمت المها و ناظرت سياف و نقلت نظرها ل اخوانها و ابوها وقالت: لا يا جدي مستحيل مستحيل
الجد: وليه مستحيل وش الي ناقصك او ناقص سياف
المها: ابد يا جدي مو ناقصني شي بس ياجدي انا م ابيه م ابيه! ولا كملت دراستي ولا تخرجت و لا جاهزه
تكلم يا يبه
ابو بندر: زي ما قال جدك بتاخذينه
ناظرت المها سياف و ناظرها و في عيونها الدموع و نقلت انظارها لـ الجازي وخرجت من المجلس
الجازي: بس ياجدي م ينفع كذا لا سياف يبيها ولا المها تبيه
الجد: وانتِ مين قال لك تكلمي
الجازي ناظرت سياف الي يناظرها ونطق سياف: ياجدي تكفى افهمني انا م ودي بذا الزواج على الاقل انتظر الى ما اتخرج و اتوظف و بعدين بتزوجها
الجد: كلامي يتنفذ و من بكرا بتملك عليها و انتهى
سياف خرج بعصبيه و لحقه عناد و عند المها الي كانت تصيح و تشاهق دخلت عليها الجازي و ضمتها
الجازي: تكفين لا تبكين انا بحاول بجدي و ان شاء الله يرضى
المها: انتِ سمعتي وش يقول دام ذي وصية جدتي اكيد بينفذها ولا بيسمع لاحد
الجازي: الله يسامحك يا جدتي شمعنى انتِ و سياف يعني
المها ببكي: والله مدري شمعنى انا
وعند سياف و عناد سياف الي كان وده يصفق جده كف و وجهه محمر و عروقه بارزه
عناد: يا ولد شفيك هدي
سياف: عناد تكفى انت ما سمعت وش يقول انا والمها م نركب بالحلم شلون بالواقع
عناد: انت عارف ان ذي وصية جدتك بتتنفد غصب عن الكل
سياف بعصبية: لا انت سامع وش يقول يقول بكرا بملك عليها على الاقل يصبر الى م اتخرج
عناد: الشكوى لله وش بتسوي عاد
و بمجلس الرجال كانوا كلهم موجودين الحريم و الرجال و كلهم ساكتين يناظرون الجد بصدمه
الجد: شفيكم تناظروني كذا ذي وصية امكم بتتنفد غصب عن الكل
فجر: واذا تزوجوا وش بيصير
بدر: فجر اسكتي
الجد: وليه تسكت و هي صادقه ما قالت شي غلط
سكتوا كلهم يناظرون فجر بحقد و بدر يناظرها بنظرات الي بوريك بالبيت…. قام الجد ونطق: جهزوا كل شي لبكرا و جهزوا البنت وانت يا خالد جهز مهر البنت و انتِ يا ام بندر جهزي بنتك لبكرا
ام بندر: ابشر
ام سلمان: وين رايح يا عمي تعشى و نام
الجد: لا ما قصرتي يا بنيتي
طلع الجد غرفته و دخلوا المها و الجازي و مع دخلتهم دخلوا عناد و سياف و ناظرت المها سياف وراحت لابوها وجلست عند رجله ونطقت ببكي: تكفى يا يبه انا م ابيه م ابي اتزوجه قام ابوها و ضمها و قال: تكفين يا بنتي لا تسوين فيني كذا لا تخليني اختار بينك و بين ابوي
المها: بس يا يبه انا م عندي مانع اتزوجه لكن مو الحين انا مو مستعده حاليا
سكت ابوها و هي جلست تبكي بحضن ابوها والكل يناظرها بنظرات حزن
و سياف م استحمل و خرج و قفل الباب وراه بكل قوته وجلست المها تصيح الى ما هدت و راحت مجلس الحريم لان البنات بنامون فيه والعيال بمجلس الرجال وبعدها كلهم راحوا ينامون
ذا اول بارت من روايتي ان شاء الله تنال اعجابكم💕
