صرخت المهـا و ركض الكل على صراخها و يلقونها متسبحه من الماي ركض سياف عليها و طاح عليه سطل الطحين و طلعوا ايـان و ليــنا بالباخاخات و بدوا يجرون وراهم و يرشونهم و مسـك عناد ايـان و هي تركض وراهم و اخذ البخاخ من يـدها و غرقها فيه
ايــان: اهخخ يا كلــب بوريـك
عنــاد:انطمي بس عجبكم الحين الكل صحى على مقلبكم التافهه الــي زيكــم
ايــان: وربي انتوا نفسيه
جات عليها ليــنا وهي تجمع انفاسها من الركض
لينــا وهي تشوف ايــان على الارض و هي متغرقه من البخــاخ و تتهاوش مع عناد
ليــنا: انتِ حماره والله كنت عارفه ا.. ما كملت الا و تشوف مويه تنكب عليها من ورا
المها بضحك: وحده وحده
لــينا: هذا وانا بنت عمك وين راحت العشره الي بيننا
المــها: اقول انطمي مغرفتني بالماي هذا وانا جايه ادوركم
لـــينا بضحك: بس بالله عليك كيف المقلب مشي عليكم😭😭
كانت المها بتكمل وجات الجازي تركض عليهم و هي ترش الماي علــى ايان الي بالارض
ايــان: خلاص خلاص كتمتيني
الــجازي: حبيبي انتِ الي كتمتينا بالبخاخ
ايــان وهي تضرب كفها بكف لــينا: اهم شي مشي المقلب عليكم بس ي حرام محد ما كلها الا سياف والمها
المهــا: والله انكم ما تستحون
طلع الجد وهو يشوف الحوش غرقان بالماي
الجد: مين الي مسوي كل ذا
كلهم وقفوا جمب بعض وراحت أنظارهم على لينا و ايان
الجد: والله اني عارف حركات الورعان ذي ما يسويها الا هم
ايــان: شدعوه يا جدو كله مقلب
الجد: بس يا بنتي ما تشوفين كمية الماي الي لاعبين فيها
لــينا: اسفين يا جدي مارح نعيدها
الجد: كل اسبوع على ذا الحال
المهــا وهي تفزع لـ ايان و لينا: خلاص توبه معد بيسوونها
الجد: نظفوا الي سويتوه و كل واحد على فراشه بسرعه
كلهم بصوت واحد: ابشر
دخل الجد غرفته و طاحوا البنات جمب بعض يضحكون
سياف و هو متغرق بالطحين: حسبي الله عليكم
عنــاد بضحك: بالله كيف علقتوا السطل فوق الباب
ايــان: مهارات وش عرفك انت
عنــاد: لا لا يبغى لي اخذ دورات عندكم
سيــاف: وتاخذ دورات ليه مو انت اخوهم المهارات عندكم وراثه
عنــاد: اقول لا تنسى انك ولد عمهم تراك من العايله اخاف بكرا القى المقلب منك انت
المهــا: بس بس انت وياه
ســـلطان: وربي رجلي تكسرت من الركض
الجــازي: لا صدق لــينا كيف جبتي السلم و علقتي السطل على الباب
لــينا: مجنونه انا اجيب سلم لو جبته كان شفتوني
الــمها: اجل كيف علقتوه
ايــان بغمزه لـ ليــنا: ابد والله شلت لينا فوق كتفي و علقته
سيــاف: يمه منكم كيف شلتيها كذا
ليــنا: يمه من عينك قل بسم الله على اختي لا تكسر كتفها بس
ايــان: وهي صادقه اخاف اصحى القى يدي مكسوره
ســياف: شفيكم اكلتوني خلاص ماشاءالله عليها
الــمها: المهم يلا ننظف
قاموا كلهم ينظفون الماي و عند المهـا و الجازي الي كانوا يمسحون فـ مكان واحد
الجـازي: اهخخ يا ظهري وربي خلاص تعبت
المــها : وانا بعد يسوون عملتهم و احنا الي ناكلها
ايــان وهي تسمعهم: اقول اسكتي بس تراك انتِ بعد كابه سطل ماي على ليــنا
لــينا : خلاص انطموا خلصنا يلا بنام وربي اليوم فل تعب
المهــا: تمام انتوا روحوا ساعه و اجيكم
الجـازي: ليه وين رايحه
المهــا: مشغوله شوي
راحوا البنات ينامون و كلمت المها سياف ان يقابلها بالحوش عشان تتكلم معه زي ما قالت له و بعدها بدقايق رد سياف و هو مصدوم انها كلمته
سياف: تمام دقايق و جاي
قام سياف من فراشه و سأله عناد : على وين بنص الليل
سياف: ابد مخنوق بشم هواء
عناد: اخاويك؟
سياف: لا لا م يحتاج ساعه و جاي
عناد: براحتك
خرج سياف و تقابل مع المها الي كانت شال على كتفها و شعرها يطير من الهواء وكان شكلها يسحر
سرح سياف فيها و فاق من سرحانه على صوتها: وين رحت اكلمك انا
سياف: ابد معك ، اي سمي وش بغيتي
المهــا: سياف انت الحين بتنام ولا اكلمك واضح فيك النوم
سياف وهو النوم بعيونه حتى جالس يخربط بالكلام: لا لا ما فيني النوم امري وش بغيتي
المهـــا: شوف سياف انت تدري ان زواجنا مجرد فتره و ينتهي وانت عارف ان ما بقى لي الا سنه و اتخرج فـ ابي سكتت المها تناظر سياف الي بينام على نفسه
سياف: اي كملي شفيك سكتي
المهـا: فـ ابي نتزوج بسرعه عشان تطلقني واشوف حياتي وانت تشوف حياتك لان انا عارفه وانت عارف ان محد يبي الثاني
سيــاف و هو يناظر ملامحها المتوتره: طيب تبين الزواج
المــها: فالوقت الي انت تبيه المهم حاول يكون بدري
سيــاف: تمام بس كيف بتمشي عليهم الخطه و هم يدرون ان كلنا مجبورين
المـــها: مدري سياف انت تصرف
سيـــاف: شوفي بنتقابل كثير بالحوش و نسوي مواقف و هميه قدامهم وانتِ بتقولين انك حبيتيني وانا بعد بقول اني حبيتك و بعدها نقول بنتزوج و وقتها انتِ تخلصين دراستك و انا بعد بكون تخرجت و اطلقك و تروحين بطريقك ها شقلتي؟
المهــا: تشوف ان ذا انسب حل م عندك غـ..
سكتت المها و هي تشوف قطوه ورا سياف وهي تخاف منهم
سيــاف: اي كملي
المهــا بخوف و هي تقرب منه: ااا سياف تعال وصلني الغرفه نكمل بعدين
سياف: شفيك طيب كملي
المهــا و هي تتعلق بجلابيته: لا تكفى نكمل بعدين
سيــاف وهو الحين فهم وش فيها: لا بتكملين ولا ما رح اوصلك
المهــا وهي تحضنه: سيــاف حرام عليك وربي جالسه تخوفني
سيــاف وهي يستغبي: مين الي جالسه تخوفك
المهــا: سياف شوفها جالسه تقرب بعدها تكفى
نزل سياف لمستوى القطوه و شالها و قربها من المها
المها: سياف يا كلب و خرها عني
ســياف: ايش من الكلب الحين بحطها بحضنك
المها: خلاص انا الكلبه بس وخرها عني
رمى سياف القطوه على المها و المها ركضت تحضن سياف و غمضت عيونها و هي بحضنه وجالسه ترجف من الخوف و الدمعه بعينها…اما سياف انصدم من حضن المها المفاجئ وجاته مشاعر اول مرا يحس فيها وكانت المها نفس الشعور الي ماتعرف كيف توصفه جلسوا كذا خمسه دقايق و بعدها مسك سياف راس المها و ناظر عيونها الي تناظره و ناظر يدها الراجفه وقال: شفيك طلعتي تخافين من القطوه
المهـا بتوتر من قربه: قلت لك وخرها عني م استحمل اشوفها قريبه كذا و تقوم ترميها علي ليه
سياف: استهبل معك شفيك بتبكين
المها وهي تبعد يده: ابعد عني ترمي القطوه علي و قلت لك و خرها بس انت نذل انقلع اكرهك
سياف وهو يسحب يدها و قربها له: طيب اسف لا تزعلين م كنت ادري انك تخافين هالكثر
المها وهي ما كانت متوقعه ابد انه بيتأسف: طيب خلاص بروح انام
سياف وهو يناظر توترها: طيب شفيك ترجفين
المهــا: خلاص سياف اتركني لا يشوفنا احد كذا
سيــاف: كذا! ليه مو انا زوجك
المهــا: لا تنسى اننا مغصوبين على بعض
سيــاف: لا موب ناسي بس برضو انا زوجك و عادي اذا شافونا كذا مو قلنا بنمثل الحب!
المــها: سياف حبيبي اصحى قلنا نمثله عليهم مو علينا
سيــاف وهو مبتسم من كلمة حبيبي: اما عاد حبيبك😉
المـــها بصدمه: وع انقلع قليل ادب و بعدين ترا كلمه عاديه اقولها لاي احد
ســياف: سلاماتتتت! تقولينها لاي شخص!!
المهــا: اي عادي ترا كلمه عاديه
ســياف وهو يقرب منها و يمسك يدها بقوه: لا اسمعك تقولينها لاحد فاهمه
المـــها باستغراب من عصبيته: وخر يدك عورتني
ســياف: فاهمه ولا لا!!
المهــا وهي تدفه: لا مني فاهمه وش بتسوي
سيــاف: اهــا اجل افهمك بطريقتي!
المـــها وهي تركض داخل: وريني وش بتسوي
ســياف: نشوف يا بنت عبدالله
دخلت المهــا للبنات و هي مصدومه من الي صار و قلبها يدق من قرب سيــاف التفتت تشوف البنات نايمين و راحت نامت جمب الجــازي وعنـد سياف الي استغرب من خوفها منه و دخل عند العيال و شاف الكل نايم ما عاد فهد ولد بندر
سيــاف: شعندك صاحي تالي الليول
فهــد: ما فيني نوم
ســياف: اقول ارقد لا جاء الصبح تنام للظهر
فهــد: اوفف طيب م ابي انام
ســياف: خلاص اجل دام ما فيك نوم مثلي امش برا للحوش
فهــد: تمتم
طلع سياف و معه فهد و بعد ساعه عند البنات صحت الجازي و هي تحس بعطش قامت وهي بتروح المطبخ تشرب ماي طلعت من الغرفه وهي بطريقها صقعت بواحد هيأته مثل سياف
الجــازي: سلامات ما تشوف انت اعمى غبي سياف اذلف عن وجهي ترا مالي خلقكك
عنـــاد باستغراب من البنت الي ما يشوف شي غير شعرها الطاير: انتِ الي ما تشوفين تبين كف غبيه
الجــازي وهي تحس في شي غلط و تحس ان ذا موب سياف: دقيقه انت سياف ولا جالس تستهبل ولا تسوي مقلب ولا وش بالضبط
عنــاد: وش سيــاف انا عنــاد
الجــازي بصدمه:وانت جالس تناضرني ليه صد الله ياخذك
عــناد وهو توه ينتبه على شعرها: اسف م كنت ادري
الجــازي: حصل خير
راحت الجازي وهي متفشله من الموقف وعناد الي كان مصدوم من جمال شعرها و خصرها المنحوت
وعند المهــا قامت من النوم وشافت الجازي واقفه
المهــا: بسم الله شفيك
الجــازي: اهخخ لو تدرين وش صار
المــها: وش صار و وين كنتي
الجــازي بدت تقول لها الي صار وهي للحين متفشله
المهــا بضحك: اوف اوف كل ذا صار شكله خق عليك حتى ما قدر يصد
الجــازي: كلي تبن بس وربي خرشني الله يخرشه
المــها: يلا عادي حصل خير بتنامين ولا لا
الجـازي: لا مافيني نوم
المــها: طيب امشي ناكل ترا الجوع واصل لخشمي
الجــازي يلا
طلعوا المها و الجازي وراحوا للمطبخ يسوون نودلز
ودخل سياف عليهم وقال: وش تسوون اخر الليل
المهــا بصراخ: يمه بسم الله خير ما تعرف تدق الباب انت
سيــاف: وجع ان شاء الله ليه تصارخين و بعدين داخلين المطبخ اخر الليل زي الحراميه و تقولين ما تعرف تدق الباب
الجــازي: وهي صادقه خرشتنا الله يخرشك
سيــاف: انطمي بس، وبعدين وش تسوون
المــها: مو شغلك
سيــاف قرب منها وهو يهمس: ترا للحين ما نسيت
المهــا بصدمه من قربه: سياف وخر ما تشوف الجازي انت
سياف: وش فيها تراك زوجتي لا اخذك برا اعلمك ان الله حق
المها وهي مستحيه: وخر اقولك ما تشوف نضراتها
الجــازي: هي انت وهي يا عصافير الحب اذلفوا برا و بعدين من متى ظهر الحب
سياف وهو يبوس خد المها: شدخلك وحده و زوجها
الجازي: يع الله يقرفك انت وهي
المها: هي انا شدخلني ذا اخوك المقرف وخر بس
سياف: انا مقرف وربي بوريك قرب منها وباسها مرا ثانيه
المها: سياف وخر لا يجيك كف يعلمك الادب
سياف: تهددين يعني ولا وش
المها: افهمها مثل ما تبي ترا سكت لك كثير
الجازي: هي هي انطموا انتو الاثنين وجع وانت جاي وش تبي اطلع برا
سياف: جازي انكتمي لا ادفنك
الجازي: قرب وشوف وش بيصير لك
قرب منها سياف و هو وجهه احمر من العصبيه و صفقها كف
الجازي بصدمه وهي ترد له الكف: يدك ما تمدها علي فاهم والله لا اكسر يدك يا كلب
سياف: وربي لو ما سكتي بيجيك كف ثاني يعلمك الله حق ويدك ذي ما تمدينها علي سامعه
الجازي ببكي: الله ياخذك وربي م اسامحك
طلعت الجازي من المطبخ و ناظرت المها سياف وهي اول مرا تشوفه يمد يده على الجازي
المها: ليه تضربها كيف تمد يدك على اختك و هذا وهي اختك الوحيده و تمد يدك عليها ما شفت دموعها لا كمان بدال ما تعتذر تصارخ زياده ما في بقلبك رحمه انت والحين بتخليها تنام و دموعها ع خدها
سياف وهو مصدوم من الي سواه و اول مرا يمد يده على بنت ولا كمان الجازي الجازي الي اقرب له من نفسه خرج سياف من المطبخ وهو تأنيب الضمير ياكله وعند الجازي وهي تبكي و تشاهق و اول مرا تحس بكره تجاه سياف وكيف انت مد يده عليها
دخلت المها عندها وهي مصدومه من حركة سياف
المها: لا تبكين يا عيوني انتِ ترا سياف حنون والحين بيجي يعتذر لك وانا عارفه انه اول مرا يده تنمد عليك وانتِ و سياف علاقتكم يا حلوها بس صدقيني هو شكله معصب من شي و حطها فيك لا تبكين محد يستاهل دموعك تنزل عشانه
الجازي ببكي: كيف قدر يمد يده علي كيف وانا اخته الوحيده كيف قدر يصارخ علي انا اول مرا اكره سياف و اول مرا اخاف منه كذا عمري ما شفته بذي الحالـ و قبل تكمل دق باب الغرفه قامت المها تفتح الباب وكان سياف
سياف: المها نادي لي الجازي
المها: سياف ترا البنت مو ناقصه جالسه تبكي و مصدومه من حركتك و انت ما قصرت وش تبي جاي
سياف: انتِ شدخلك الحين ناديها لي و انطمي و لا تتدخلين بشي ما يخصك فاهمه
المها بزعل من كلامه: تمام
سياف وهو كان متوقع انها بترد عليه و استغرب من ردها لكن ما همه همه الوحيد الحين انه يعتذر من الجازي و داخل الغرفه كانت الجازي جالسه تبكي جات لها المها: سياف يبيك برا
الجازي: وش يبي قولي له ينقلع ولا اشوف وجهه
المها: قومي انتِ قولي له مستحيل اتكلم مع انسان زيه مريض
الجازي : ليه قال لك شي
المها: مو مهم بتطلعين ولا لا
الجــازي: لا
المها : اجل خليه واقف عند الباب
الجــازي : تعالي بننام
المها: يلا حتى نفسي انسدت منه
وعند سياف برا وهو عرف ان محد منهم بيطلع وهو بيدخل لكن ايان ولينا موجودين
دق الباب مرا ثانيه و قامت المها : خير وش تبي
سياف: المها نادي الجازي لا وربي ادخل اسحبها مع ملابسها
الجازي من جوا: وربي يا سياف اذا ما انقلعت من وجهي لا اعلم جدي الي سويته وانت عارف وش بيجيك
سياف: الجازي قومي تعالي لي و لا تهددين من ورا الباب
الجازي وهي تعبت من كلامه قامت وطلعت معه للحوش و وقفت قدامه وقالت: خير وش تبي تبي تكمل علي كمل يلا تبي تضرب اضرب يلا سوي الي تبيه هذا انا قدامك وش تبي اجيب اجيب لك الحزام تجلدني فيه ولا وش تبي فهمني ما كفاك الي سويته
سياف وهو يشوف عينها الي ذبلت من كثر الدموع: اسف وربي اسف مو قصدي والله ما ادري كيف مديت يدي عساها الكسر عساني بالشلل قبل امدها عليك ما حسيت بنفسي تكفين وربي مو بقصدي اسف لو تبين روحي اعطيك بس لا اشوف دموعك انتِ تعرفين قيمتك عندي و محبتك بقلبي
الجازي: قيمتي عرفتها اليوم كويس و ما يحتاج تبرر يكفي الي سويته يا استاذ سياف
سياف ضمها وقال: تكفين وربي اسف سامحيني تكفين
الجازي وهي دموعها بدت تنزل: سياف وخر ترا خلاص يكفي الي جاني منك لا تزيدها علي
سياف وهو ماسك وجهها و يمسح دموعها: طيب يا روح اخوك انتِ لا تبكين لا تبكين عساني بشلل قبل اضربك او افكر امد يدي حتى
الجازي: وانت مديت يدك و خلصت وش تبي الحين
سياف: اهخخ يالجازي تكفين سامحيني وربي مقدر على زعلك
تنهدت الجازي و طالعت فيه و سكتت ضمها سيـاف وقال: سامحيني تكفين
بادلته الجازي الحضن وهي ساكته وبعد مده بعد عنها سياف وباس خدها: طاح الحطب؟!
الجازي: شوي
سياف: اوف خلاص دلع زايد
الجازي: لا عاد انت كذا زودتها صدق
سياف بضحك: لا خلاص امزح بس صدق طلع زعلك شين
الجازي: اي عشان مرا ثانيه تتأدب
سياف: المهم راضيه
الجازي: اممم
سياف: تعالي بنطلع
الجازي: احلف نطلع وين
سياف: اي مكان وربي طفش
الجــازي: انادي المها؟
سياف: هي صاحيه
الجــازي: صاحيه و ترا شكلها زعلت منك
سياف باستغراب: زعلت ليه وش سويت انا
الجازي: لما دقيت الباب و فتحت هي انت وش قلت لها
سياف: ما قلت لها شي بس قلت لها لا تتدخلين و ما يخصك و الشي ذا بيني و بينك هي مالها دخل
الجازي : ذا كله قلته لها و تقول ما قلت شي سياف حتى لو انت متزوجها غصب ما ينفع الي تسويه حرام عليك وانت تصرفاتك معاها م تنفع
سياف: والله م توقعت تزعل ترا كلامي عادي
الجازي: سياف كلامك انا متعوده عليه بس هي لا يعني هي مو قريبه من اخوانها مثلي انا وانت انت ما تشوف هي كم عمرها و هم كم اعمارهم يعني ابدا موب متعوده كذا
سياف: ناديها لي وروحي البسي عباتك……….
اهلين يا حلوين اسفه ع القطعه لكن ان شاء الله اعوضكم واسفه ع القصور بس كنت مشغوله و استمتعوا بالبارت واعطوني رايكم بالبارت والقادم اجمل ان شاء الله ❤️❤️❤️
