و من بكرا الكل صحى و بدو يجهزون كل شي ومحد مستانس لكن الكل ساكت و في المطبخ عند البنات كانو لينا و الجازي يسولفون و ايان جالسه تسمع سوالفهم لكن المها ساكته و مو من عوايدها لكن محد قال لها شي
دخل الجد المطبخ و قال: المها تعالي ابيك
ناظرته المها باستغراب بس راحت وراه و دخلت المجلس وناظرت الكنبه الي جالس فيها سياف و انصدمت انو ليه الجد مناديها مع سياف و يقول بيكلمهم
الجد: اجلسي شفيك واقفه
جلست المها و ناظرت سياف الي يناظرها باستغراب وبعد مده من السكوت تكلم الجد: انا ما كان ودي اغصبكم على ذا الشي لكن شي مو بيدي و انتوا عارفين انها وصية جدتكم ولازم جدتكم ترتاح بقبرها ولازم تتنفذ الوصيه
سكت الجد و ناظر المها الي تناظره بتوتر و اخيرا نطق سياف: ان شاء الله بحطها بعيوني
الجد: ادري فيك يا وليدي رجال وينشد فيك الظهر
ناظر الجد المها الي ساكته:شفيك ساكته تكلمي
المها: وش اقول الرأي الاول والاخير لك يا جدي بالنهايه تكلمت ولا سكت ما رح يتغير شي، انا استأذن..
طلعت المها و ماظر الجد سياف و قال:هي الحين متضايقه لكن يا وليدي انا اعتذر تكلم سياف قبل يكمل الجد: لا يا جدي و تعتذر على وش انا الي بعتذر على الي قلته امس والكلام الي طلع مني والعذر والسموحه و حقك علي.
الجد: حصل خير لكن ابيك تحطها بعيونك ذي الغاليه بنت الغالي ولدي البكر ولا اسمع بس انك مضايقها
سياف: ابشر في عيوني
خرج سياف من المجلس وهو فيه الضيقه
و في الليل بعد م خلصوا من كل شي كانوا البنات بالغرفه يجهزون و كانت الجازي تمكيج البنات
ايان: جوجو ليه ما تفتحين مشغل حرفيا بتكونين احلى ميكب ارتست بالرياض
ابتسمت الجازي: عاد لا تخليني احط الفكره براسي من زمان وانا افكر
ليــنا: وليه م تسوين عاد مكياجك يجنن
الجازي: يروحي انتِ الي تهبلين
دخلت المها و في ملامحها تبين الضيق جلست على السرير و ناظروها البنات
الجازي: وش قال لك؟!
المها: وش بيقول يعني جالس يتعذر و ان لو مو وصية جدتي ما كان رح ينفذها و جالس يوصي سياف علي
ايان:لحظة لحظة سياف كان معك بالمجلس
المها: اي كان موجود وطول الوقت وهو يناظرني ياخي وترني ما عرفت اتكلم
الجازي: فكك منه ترا سياف كذا اذا ناظر احد يفهي
المها: لا و جالس يقول بحطها بعيوني و عايش الدور انه زوجي ما يدري انه بيكون على الورق وبس
ليــنا: والله احس انتِ وسياف مناسبين بعض مرا كيوت سوا معني ما كنت حاطتكم سوا لكن الحين احس انكم مناسبين
المها: لا وع انا و سيــاف حتى بالحلم ما نركب
الجازي: لا عاد حرام عليك والله سياف يجنن ما امدحه لانه اخوي لكن والله يجنن و فلهه نفس جوكك اسأليني انا
المها: والله مدري بنات احس خايفه
ايــان: يا بنت عادي واذا ما حبيتو بعض شهر شهرين و انفصلوا
لينـا:انكتمي انتِ مريضه ماعليك منها قومي صلي ركعتين و بعدين تعالي لجوجو تجهزك
ابتسمت المها و هي تناظر بنات عمها الي اكثر من خواتها و كيف يطمنونها و تدري لو كان عندها خوات م طمونها قد كذا قامت المها وراحت لهم و ضمتهم وقالت: الله لا يحرمني منكم
الجازي: ولا منـك يروحي انتِ
راحت المها تصلي ركعتين فالغرفه الثانيه صلت و جلست تدعي و فجأة وهي تدعي سمعت صوت الباب يفتح وهي كانت تصلي بالضلمه دخل شخص و قفل الباب وراه وهي انخرشت و وقفت الا فجأة تصدم فـ شخص و تصرخ و هو انخرش و قال : يمه مين انتِ
المها: انت الي مين
سياف: انا سياف وسياف عرفها من صوتها
انصدمت المها وقالت: شتبي هنا ليه جاي
سياف: انتِ الي وش تسوين هنا
المها بتوتر: كنت اصلي
سيـاف: تصلين بالضلمه! مهبوله انتِ
المها: اي شدخلك انت اصلي بالمكان الي ابيه
سياف: المهم تقبل الله
المها: منا و منك و بعدين انت ليه جاي هنا شتبي!
سياف: ابد جاي اشوف زوجتي المستقبليه
المها بصدمه: ومين قال اني زوجتك مكذب الكذبه و مصدقها ترا زوجتك ع الورق بس
سياف بابتسامه: شفيك معصبه طيب هدي
المها: اذلف بس قال زوجتي لفت المها بتخرج و مسكها سياف و سحبها له وصارت تسمع انفاسه
المها: فك يدي مريض انت
سياف: واذا ما فكيتها وش بتسوين
المها بصراخ: اقول فكك يدي لا اجمع كل الي بالبيت هنا
سيــاف: صارخي وش بتقولين زوجي ماسكني ولا وش
المها: صحصح يا بابا ترا للحين ما صرت زوجي
سياف استوعب وبعدها عنه وطلعت المها من الغرفه وهي بالقوه تتنفس دخلت للبنات وهي تجمع انفاسها و وجهها محمر من الخجل
الجازي: يمه شفيه وجهك كذا وش صار
المها : يمه يبنات تخيلوا وش صار وقالت لهم السالفه
ايـان بضحك: اهخخ يربي تكفين نفسي اشوف وجهه لما قلتي له للحين ما صرت زوجتك
الجازي:م اصدق ذا سيــاف
ليــنا: وانتِ شفيك مشخصنتها كذا!
المها: تكفين من التوتر ما كنت عارفه وش اسوي
ايــان: يلا عادي حصل خير
المها: يبنات انتوا او تشوفون وجهه لما عرف ان انا المها الي بالغرفه بغى يطيح علي وكمان كانت الغرفه مظلمه ولما فتح الانوار وجهه مصدوم
الجازي: اصبري بروح اشوف وجهه مستحيل افوت الفرصه سيـاف مستحي م اصدق
ايـان: اهخخ يا نذلة تقدرين تشوفينه لانه اخوك تكفين صوري وجهه
الجازي: من عيونيي
ركضت الجازي تدور سيـاف وعند سيـاف الي كان عند المدخل و وجهه منصفق و محمر جات الجازي
الجازي: اخيرا لقيتك
سياف: تكفين انتِ كمان انقلعي عن وجهي مو فاضي لك
الجازي: اكيد مو فاضي لي اتاريك غرقان بالعسل و مسوي موب راضي على الزواج وانت بتموت على ميمي
سيـاف: اي عسل و اي بصل وربي انخرشت بالبدايه بعدين تحمست و لعلها هجت معي
الجازي بضحك: تكفى سياف وهي توصف وجهك و هي بتموت من الخرشه و انت مبتسم وش جاك
سياف: اقولك بغيت اطيح عليها
الجازي:يلا عادي تتخطون انت وهي
سياف: هي بتتخطى لكن انا م اظن
الجازي: اقولك جدي وش قال لك
سياف:ابد والله جلس يعتذر و بعدين انا اعتذرت على الي قلته امس و جالس يوصي وقلت ابشر بعيوني
الجازي: اي وقتها دخلت المها و وجهها ضايق و قالت لنا وش صار و بعدين قلنا له صلي و عاد تصادفتو تكفى سياف وش قلت لها
سياف: قلت لها وكمل يقول لها وش صار
الجازي: ذا كله قلته و مسوي ما تبيها اعترف شكلك تحبها
سياف: وين احبها يبنت الحلال وبس برضو مو هي بتصير زوجتي ما قلت شي غلط
الجازي: ذا كله و ما تحبها الله وكيلك لو تحبها وش كنت بتسوي م كملت الجازي الا و دخل سلطان
سلطان: ها وش تسوون انتوا الاثنين
جات الجازي بتعلم سلطان الي صار وحط سياف يده على فمها عشان يسكتها
سياف: ابد والله نسولف وهمس بإذن الجازي اسكتي ولك الي تبين
انفجرت الجازي تضحك وسلطان مستغرب
الجازي: طيب اي شي بتجيب لي ولا اعلم عليك ترا
سياف: اي شي تبينه لو تبين بورش جبت لك
سلطان: الله وكيلك وش ذا السر الي تبي تجيب لها بورش عشان م تعلم
سياف: وانت شدخلك سالفه بين اخت و اخوها انت شكو!!
سلطان: لا يشيخ وانا وش انا اخو المها يعني!
سياف: سلامات يبوي لا تجيب سيرة زوجتي على لسانك
سلطان وهو يناظر الجازي:ذا عايش الدور
الجازي: انت بس لو تدري وش صاير و فضحته الجازي وهي تقول لسلطان وش صار انفجر سلطان يضحك و سياف يناظر الجازي الي طاحت على سلطان تضحك و سياف و جهه مصفوق: بوريك ي كلبه هذا وانا بجيب لك الي تبين
الجازي وهي بالقوة تتكلم من الضحك: والله اسفه مقدرت اسكت
سلطان: ذا كله مسويه و امس بغيت تموت و انت تصارخ و تقول م تبيها
سياف: شسوي وربي ردت فعل عاديه لكن انتوا مكبرين السالفه
الجازي: اقول لا ترقع لنفسك
سياف: انتِ بالذات انكتمي فضيحه محد يقول لك شي و المها ذي انا بوريها
الجازي: هي كل شي الا ميمي لا اسمع انك مقرب لها
سياف: توكلي بس
راحت الجازي عند البنات وهي تقول لهم وش صار و توصف شكل سياف و توريهم الفيد كانت المها تناظر شكل سياف و سرحانه
ايـان: هي هي انتِ وين رحتي
المها: لا ابد معكم، متى بتلبسون
ليـنا:شويات و نلبس خلاص ما في وقت
المها: يمه بنات احس توترررر
الجازي: عادي يشيخه ترا ملكه موب زواج
كانت بترد المها الا ودخلوا غزل و غزلان بنات سلمان وراحوا ركض يضمون المها لانهم ما كانوا موجودين امس
المها: وهه قلبي اشتقت لكم، كيفكم
غزل و غزلان بصوت واحد:طيبين
الجازي وهي تمثل الزعل: شدعوه وانا مالي حضن
ركضو غزلان و غزل يضمون الجازي وهي تضحك
و من بعدها بدو كلهم يجهزون للملكه بالليل
وعند سياف الي كان يحكي عناد وش صار
عناد: هههههههههههههههههههههههههه
سياف: ياخي شفيكم كلكم تضحكون وربي من الخرشه معرفت اتصرف
عناد بضحك: يلا عادي بتتخطى
قبل يرد سياف طلع الجد وقال: م ودكم تقومون تجهزون بيأذن العشاء وانتوا جالسين تسولفون
سياف: ان شاء الحين بنقوم
عناد:شويات ونقوم
الجد: اقول قوم تحرك الحين لسا تبون تسولفون
قاموا العيال و دخلوا كل واحد غرفة و لبسوا و طلعوا وعند البنات كانوا يحطون اخر لمساتهم الاخيره
الجازي: الا يبنات الحيه فجر وينها ما لها حس من امس
المها: اي والله شكل بدر هجدها وقال لها تنكتم لكن م اضن اتحدى اذا م سوت مصيبه
الجازي: الله يستر منها ،الا كيف شكلي حلو؟!
المها: يلبيه تجننين تحصني بسم الله عليك
الجازي: اهخخخ يقلبي وربي يلوموني بحبك
المها: احس الميكب حقي موب ضابط
الجازي: لا وربي بالعكس تهبلين
المها: طيب كيف الفستان احس مو لايق علي
كانت المها لابسه فستان احمر عاري الاكمام و ماسك على الجسم و الجازي كانت لابسه فستان ازرق عاري الاكمام لكن فيه شيله بنفس لون الفستان و يجي ماسك على على جسمها من فوق لكن من تحت مفتوح
الجازي: توسوسين ولا كل الانظار بتكون عليك
قامت المها وباست الجازي بخدها و طلعت من الغرفه تدور ايان و ليـنا و لفت تدورهم بكل البيت و طلعت الحوش و هي تدورهم الا وتسمع صوت ينادي و كان صوت سياف الي ينادي: يا ولد
انخرشت و انربط لسانها و نست انها بدون عبايه
سياف لما شافها انصدم وسرح فـ شكلها المغري فاق من سرحانه و تنحنح ونطق: وش مطلعك وانتِ كذا!؟
المها وهي ناسيه فستانها الي مبين اكثر من ماهو مغطي: جيت بدور ايان و لينا شفتهم؟
سياف وهو يطالعها من فوق لتحت:لا ما شفتهم بس انتِ وش مطلعت و انتِ كذا!؟
المها وهي توها تستوعب لبسها: يمه نسيت عبايتي وانتِ شفيك تناظر ورا م تصد
سياف: لا يشيخه طالعه بنص الحوش و تقولين شفيك تناظرني قبل يكمل الا وجاء عناد و هو ينادي: سياف سيافف يا ولد وينك
سياف وهو يحط المها ورا ظهره: عنادد اصبر لا تجي
عناد بإستغراب وهو يمشي بجهة سياف: وراك انت من ساعه وانا ادورك وش تسوي
المها و هي تشد على ظهر سياف بتوتر: انا موجودة يا عناد صد بدخل
سياف و هو نار الغيره بدت تشتعل بقلبه : يا عناد انا مو قلت لك دقايق
عناد بصدمه: السموحه والله ما دريت راح عناد وهو منحرج
سياف و هو يلف للمها الي شاده عليه: ادخلي سريع ولا اشوفك كذا مرا ثانيه برا
المها: خلاص طيب لا تنافخ ما كنت ادري
سياف: المها امسكي لسانك وانتبهي مرا ثانيه المرا ذي انا و عناد لكن المرا الجايه ما تدرين مين
المها و هي مستغربه عصبيته: خلاص اسفه لو كنت ادري ما طلعت
راحت المها و دخلت و سكرت الباب خلفها و هي تتنهد بصدمه مر الي صار وقالت انها بتسكت ولا بتعلم احد باللي صار
و مر الوقت و جاء الشيخ و عند الرجال كان الشيخ جالس بصدر المجلس وفي يمينه سياف و على يساره ابو بندر بدأ الشيخ بمراسم عقد القران مد الشيخ الايباد لأبو بندر وقال: خلي بنتك توقع
دخل ابو بندر داخل البيت و اعطى الايباد لـ ام بندر و قال خليها توقع وقعت و البنات يصورونها و اخذ الايباد و راح لمجلس الرجال و نطق الشيخ: بارك الله لكما و بارك عليكما و جمع بينكما على خير و قام الكل يبارك لـ سياف وراح سياف يسلم على عمه ابو بندر وهو يتصنع الابتسامة قدام الناس
ابو بندر: الف مبروك يوليدي
سياف: الله يبارك فيك
ومن بعدها دخلوا بندر و بدر يباركون للمها وسلموا عليها و خرجوا و من بعدها خرج الكل من الغرفة الا الجازي بناء على طلب المهـا
المهـا: تكفين وربي قلبي يدق
الجـازي:يشيخه ترا بيدخل و بتنزفون و يخرج لا تبالغين
المهـا: طيب شكلي كويس
الجـازي:خلاص وربي تهبلين شكلك يموت و بعدين اسمعي انا بخرج بشوف امي من زمان تبيني
المهـا: تمام
خرجت الجازي من الغرفه و بعد ربع ساعه سمعت المها اصوات الرجال برا و دخل سياف مع ابوها و ابو سلمان و بعد ما سلموا عليها طلعوا و ما بقى بالغرفه الا سياف و المـهاالمها: الله يبارك فيك
وبعد مده من السكوت سمعوا دقة الباب و دخلت الجازي و هي تحضن سياف: وهه سياف شكلك يهبل
سياف بضحك وهو يبادلها الحضن: و انتِ بعد تهبلين و ش هالزين م عرفتك طالعه قمر
الجازي: وي وي والله تعدلت بعد الزواج لو ادري كان زوجناك من زمان
سياف بضحك: لهدرجه انا طايح من عينك شدعوه ترا دايم امدحك
الجازي: يا كذبك يا شيخ
المها و هي تناظر كيف علاقتهم و مبتسمه ولفت لـ الجازي: اسمعي متى الزفه ترا طولنا
الجازي: مدري بروح اشوف عمتي
خرجت الجازي ولفت المها لـ سياف: في امور لازم تفهمها و لازم نقعد وانت تقول الي عندك و انا بقول الي عندي عشان نكون متفاهمين
لف لها سياف بإستغراب:وش الامور الي لازم افهمها؟!
المـها: امور كثيره لازم تفهمها
سكت سياف و هو يطالع الباب الي انفتح و دخلت منه الجازي
الجازي: يلا خلاص ترا الزفه الحين وكل الحريم تغطوا
المها: طيب شكلي كويس
الجازي: اي تهبلين يلا اوقفوا جمب بعض
وقفت المها و راحت توقف جمب سياف و ناظرتهم الجازي وهم واقفين جمب بعض و كل واحد متوتر قربت منهم الجازي ومسكت يدينهم وشبكتها ببعض و قالت : ابتسموا بصوركم
ناظر سياف المها و ابتسم للصورة وابتسمت المها
الجازي: وهه تهبلونن
استحت المها ودخلت عليهم ام بندر وقالت: يلا الزفه بدت
وخرجت الجازي و راحت توقف جمب ايان و لينا وقالت: انتوا وينكم من زمان ما لكم حس
ايان وهي تناظر لينا: ابد والله جالسين نجهز
لينا: ليه في شي
الجازي: لا والله بس اقول غريبه هاديين تكفون خلي الليله تعدي على خير
ايان: وهي تخفي ابتسامتها: لا ان شاء الله خير
وسكتوا لما دخلوا المها و سياف وهم ماسكين يدين بعض و المها ترجف لكن سياف كان شاد على يدها
لينا: يربي مرا يجننون صح ما كنت اتخيلهم سوا لكن الحين وربي لايقين على بعض مرا
ايان: مرا حتى شوفي سياف كيف مبتسم
الجازي وهي توريهم الصور الي صورتها وبعدها طلعوا البنات يباركون للـ المها و سياف و اشتغلت اغنية خطاك لـ خديجة معاذ :
يابو تدلل والحلا ما غيرك بعيني حلا
ياما حلا ياما حلا ان جابك الله من نصيب
تخطى واعدي لك خطاك وخطاي تمشي مع خطاك
قامت الجازي وهي تسحب المها معاها لوسط الكوشه وهي ترقص معاها و بدت المها تتمايل مع الجازي وكانت كل الانظار عليهم وكان سياف يناظر المها الي تتمايل مع الموسيقى و انتهت الاغنيه و راحت الجازي لـ سياف و هي تقول: اسمع بنشغل اغنيه و ارقص مع المها
سياف: لا لا تكفين فكينا شفيك عشتي الدور و كانه زواج حقيقي
الجازي:تكفى سيوف عشاني
سياف: اقول اجلسي بس
ناظرته الجازي وهي تمثل الزعل: تمام بكيفك
سياف: خلاص دقايق بس
راحت الجازي و هي تشغل اغنية تملي معاك لـ عمرو دياب وقرب سياف من المها وهو يمسك يدها و بيده الثانيه حاوط خصرها المها بصدمه من حركته: سلامات شفيك انت
سياف بهمس: ترا مو ميت عليك مشي الليلة قدام الناس
بدأت الاغنيه:
تملي حبيبي بشتاقلك
تملي عينيا تندهلك
ولو حوليا كل الكون
بكون يا حبيبي محتاجلك
ورقصوا {Slow} و انتهت الاغنيه و المها وجهها محمر من الخجل و ابتعدوا عن بعض و تنحنح سياف وهو يمسك يدها والجازي تصورهم من بعيد واشر سياف للجازي انها تقرب و قال: اسمعي ابي طريق بخرج
الجازي: لا لا انت اخوي سياف طلعت تعرف ترقص slow بعد
سياف: اقول الفيد الي مصورته لا ترسلينه لاحد
الجازي بضحك: ليه وربي انك تجنن
سياف: عارف اني اجنن و اموت و اخقق الكل لكن لا ترسلينه لاحد بس ارسليه لي
الجازي بغمزه: اي اعترف بدأت نار الغيره
سياف: اقول وخري بس
طلع سياف من الصالة وراح لمجلس الرجال و قربت المها من الجازي وهي تقول: سلامات جوجو ليه تخلينه يرقص معي
الجازي: والله تهبلون شوفي الفيد
المها : وين نهبل لا تتطبلين لاخوك
الجازي: شدعوه ميمي والله انه كيوت و فله نفس جوك
المها: خله يسري بس
قامت المها و هي تاخذ الجوال الي مشبوك بالسماعه و تقول للجازي قومي بنرقص و نادي البنات راحت الجازي لـ ايان و لينا وتقول لهم يجون يرقصون معهم
و رقصوا و مر الوقت و تعشوا المعازيم و فضى البيت و ما بقى الا اهل البيت وراحوا البنات يبدلون ملابسهم
و طلعوا الحوش يجلسون مع العيال زي دايم وعند العيال كانوا سياف و عناد يسولفون
سياف: وربي بلشه كل شي يهون الا لما رقصنا وربي اول مرا احس قلبي يرجف
عناد بضحك: يقولون بالقروب طلعت تعرف ارقص ترا الحين البنات جايين شكل الجازي بتفضح فيك
سياف: اسمع لا تجيب سيرة الملكه و لا الي صار
و دخلوا ايان و لينا بإرعاجهم المعتاد و وراهم الجازي والمها و جلسوا الاربعه جمب بعض
الجازي: اي كيفكم بعد الملكه
عناد وهو يناظر سياف : ابد والله بخير انتوا كيفكم
الجازي: بخير ، اي بس لو تدرون وش صار
سياف وهو يكتب للجازي بالسناب: الجازي تكفين انطمي
الجازي و هي تضحك من المسج الي جاها من سياف:
المهم تبون تعرفون وش صار
عناد: اي نبي نعرف ليتني بنت عشان اشوف الي صار على الواقع
ايان: وربي سياف رقص رقص جامددد
لينا: لو تشوفون الابتسامة كيف شاقه وجهه تقولون متزوج عن حب
سلطان بضحك وهو يناظر سياف: هذا كله يطلع منك
سياف وهو وده يذبح الجازي: وش صار يعني اسألوا الزفت الي هناك و اشر على الجازي
الجازي: لا يشيخ لا تسوي طالع منها و انت شوي تاكل المها
المها: لا لا اوڤر ترا كلها رقصه شفيك مكبره الموضوع
عناد: عشتو شوف كيف تدافع
المها بحيا: لا يحبيبي م ادافع بس جوجو مكبره الموضوع و هي الي طالبه من سياف يرقص
الجازي: وي شفيكم اكلتوني خلاص بسكت
المها: لا يعيوني لا تسكتين بس انتِ اوڤرتي شوي
الجازي بزعل: خلاص تمام
سياف و هو يشوف الزعل الي واضح على وجهها قام وراح جمبها و حط يده على كتفها: لا كل شي الا زعل جوجو لاحد يزعلها
الجازي: موب زعلانه اصلا عادي
سياف: طيب خلاص تكلمي براحتك ولا تزعلين
المها وهي تسحب الجازي لحضنها : جوجو شفيك زعلتي خلاص احبك
الجازي وهي تمثل الزعل: لا مارح ارضى راضوني زين
سياف رجع جمب عناد و هو يقول: توكلي بس دلع زايد
المها: لا عاد كل شي الا جوجو
سياف وهو يتجاهلها: الا وين ايان و لينا واضح وراهم بلا
المها بإستغراب من تجاهله لها: انا بروح ادورهم
قامت المها و هي تدورهم و فجأة قامت تصارخ من المويه الي طاحت عليها من فوق الباب………..
هذي مكافئتكم و اعذروني عـلى التأخير كنت مشغوله لكن الحين فضيت و ان شاء الله ينال اعجابكم ❤️❤️.
