على مُرجى الشجر

"حُكايتنا الأولى"

اهلاً مُشرقات قلبي»
«الجُزء الأول من قصتنا»
بقلمي: هُند حسين ⚜️🦅 .

اذا حبَك ذنب
ياطـَيب الذنوب .
_

مابين الواقع والخيال مابين الوهم والحقيقية خفقان قوي معاً وجع في القلب وخنكة تعصر بيه فزيت مخروغة من الكابوس ألي يراودني بكُل نومة عميقة گعدت على حيلي ابچي:-اخخ بكل مرة نفس الكابوس ليش ميروح مني طلعت من الغرفة ماكو حس ولاصوت وصلت للمطبخ شفت رجاء بسرعة رحت حضنتها
رجاء:-في شي؟
سيروان:-نفس الكابوس عم يراودني شنو اسوي؟
رجاء:-هدي شوي قريتي المعوذات؟
سيروان:-مرات انسى .
رجاء:-قولي اتناسى .
سيروان:-مليت أني .
رجاء:-يا روحي الآن ركزي ع المعوذات وآية الكرسي .
_تمام
رجاء:-هلأ نحنا عدنا حفلة .
_شنو المناسبة؟
_أخي بدو يرجع من السفر بدك تجي .
_لا مو جوي ابداً
_عشاني طيب!!
سيروان:-يمتى الحفلة؟
_بكرا .
_انتم هاي اللهجة مشهورة عدكم يعني اهلچ هم يحچون هيج؟
_لا والله بس انا لو تشوفي عائلتي كلها عراقي اصيل بس انا
_هم حظي .
_شبيه حظج؟
_نار .
رجاء:- يا سيرو انا بروح مابطول كثير ب1 اطلع باخذ ألك اذن
_تمام .

جنان:-كعدت الصبح على صياح ازهر وهو يقول
ازهر:-يلا يا حنان كعدي عاد .
جنان: شكد الساعة هسه؟
ازهر:- الساعة هسه ب9
جنان:-يا عزة ما الحك اكمل التحضيرات كله من ورى ابنك هذا چان كال راح اجي
ازهر:-يا امرأة شنو راح يفيد هذا الكلام
جنان:-هسه انا گايمة خلي اكعد البنات يكعدن وياي چا بس انا
ازهر:-تمام بدون صياح
جنان:-باوعتله صفح وطلعت اكعد بالبنات هنا كلهن بغرفة وحدة بس الغرفة جبيرة:-يلا يابنات كعدن فدوة
نقاء:-شكو ماما ترا بعد وكت
_كعدي يا ماما ترا ورانا كومايات شغل يلا بناتي كعدن
مياسين:-صباحو انا كعدت على فكرة
جنان:-عفية بنتي
هجران:-اهو يعني انا اعوف نومتي علمود ابو الفيكات بس يتفيك موتنا
جنان:-شنو هذا نوب ابو الفيكات هجر؟
_اي والله عمة من صدك بس يتفيك علينه عود هو فد شي
جنان:يا والله لو يسمعج اكول كومن احسن ألجن
مياسين:-كمنا احنه البنات هجر كامت تسبح ونقاء نزلت تتريك وانا هم نزلت اعزل وي عمتي شويه واسمع صوت طكة كعب عالية وريحة عطر ملت المطبخ
نورس:-صباح الخير ميسو حبيبتي
_صباح النور خير وين؟
نورس:-والله اريد اروح اشوفلي فستان وكذا عندي هواي اشياء
مياسين:-تمام
نورس:-اوفف مركة بطاطا ما احبها
مياسين:-ليش جنتي عند اهلج تاكلين؟
نورس:-على عموم راح اكول لـ مهيمن يجي دلڤري
مياسين:-على راحتج، عافتني وطلعت شويه ونزل مهيمن صبح عليه وطلع هو الثاني متفاجأة لأن قبل يومين اجت الطلبية البيها فساتين نزلت هجران معصبة وكوة تتنفس: خير هجر بيج شي؟
_مابيه مابيه شي اريد ميي
مياسين:-رحت جبتلها ماي وچانت ملامحها مخطوفة ما تتفسر وترجف اديها كلتلها:-شبيج دادا بيج شي
_لا والله ماكو شي بس شويه تعبانة
مياسين:-خاف هاي جذبة علمود ما تشتغلين ها ولج
هجران:-لا والله ماكو هيج شي بس من صدك تعبانة
مياسين:-تمام راح اصبلج ريوك تاكلين
_لا ماريد .
_چا شتريد؟
_تايكر
_من صدك تحجين يا تايكر من الصبح صدك خبله
_والله يخبل!
_خلي اصيحلج انا فرقان افضل تايكر من الصبح
حچت بكل برود وعدم اهميه):
_وشنو تخوفيني؟
فرقان:-اي تخوفج بيه عندج مشكله
هجران:-لاحسبالك انا هجران الصغيرة التخاف من فرقان تمام
فرقان: ولا حسبالج هجران الجبيرة متخاف من فرقان
هجران:-عوفني هي ماعايزة علمود تزودها
فرقان:-هاي شبيها اختج ها
مياسين:-والله ماعرف هي نزلت معصبة وترجف وتريد تتريك تايكر وكتلها خلي اصيح ألج فرقان يحجي وياج وانتَ بعد شفتها
فرقان:-عادي احجي وياها بس اكيد تتطلع سالفة تعبانة
مياسين:-متأكدة هل مرة مو سالفة عادية اكو أنَّ .
هجران:-عفتهم وطلعت ورحت للحديقة كعدت صافنة من الخبر السمعته مكدرت اتخطى شويه وألمح فرقان جاي ناحيتي وكال:-ها ام عيون واسعة شبيها؟
_مبينة عيوني عاجباتك .
_عوفي عيونج انتِ شبيج؟
_مابيه شي سلامتك .
_معقولة مابيج شي منو چان يحجيلي كلشي يصير وياه؟
هجران:-رجاءً فرقان لاتفكرني بـ هجران الصغيرة حالياً انا جبيرة واعرف شنو اسوي وشنو اكول يعني ماكو داعي لهل حجي
_بعدج بنظري ذيج البنية الصغيرة التعاركني لمن انطيها ألف تريد اربع ارباع علمود يصيرن هواي .
_بس انا كبرت
_وين الكبر البيج ترا هو عمرج 19
_مابيه حيل اناقش صح انتَ الجبير وانا الصغيرة
_اذا هيج صح
هجران:-هو راح وانا اهمس بصوت ناصي):
_يمتى يجي ابو التفيك علمود يروح للواجب ويفكني!
فرقان:-سمعتج ترا بت الاوادم
فرقان: متوهم اصلاً ما حجيت
لمحته راح وهمست بداخلي(:
هجران: يويلي مو أذن ليگول اذانين الحُمار .
_شوية وگمت رحت للمطبخ اكمل شغل والموضوع ابداً ماراح عن بالي كملت ألي بيدي وفجأة لمحت ظُل شخص
اتنهدت بصَدمة وسعت عيوني (:
هجران:-يمهه يويلي شبيك صاير فوكاي خُفت!!!!
فُرقان: عمي عليمن فاكه عيونج عليه هنا ناقصهن كبره
_مبين عاجباتك سيد فُرقان؟
_مو موضوعي، اجيت احجي وياج بموضوع
_خير شرايود؟
_ماتعجبج كعدتي بالبيت؟؟؟؟
_يمهه احَس نفسي بمحكمة يمه شعندي غيرك انتَ السند ابن العم شلون ماتعجبني كعدتك بالبيت .
_خوب سديتي السَالفة!!
يويلي هِي نفتحت علمود تنسد يبعد روحي
باوعلي بنظرات تعجُب وطلع من المطبخ
_ماهتميت للسَالفة رحت اكمل صارت ب1 ونص دخلت رجاء ورضاء كلعادة ضحكت رضاء واصلة لسابع جار اساعدنا وصبينا الغدة .