عندما رأت طارق هتفت
تاليا ٠٠ نعم يا طارق
طارق ٠٠ ممكن تنزلى تتغدى .
تاليا ٠٠ متشكرة مش عايزه
طارق ٠٠ تاليا انتى مأكلتيش حاجة من امبارح .. كمان المفروض انك بترضعى
تاليا ٠٠ معلش انا بجد مش جعانه
طارق ٠٠( بخجل) انا اسف يا تاليا انى مقدرتش احميكى من ماما و سلمى ولا حتى من مروان
تاليا ٠٠ يعنى كنت هتعمل يلا انسى ده قدرى مكتوبى .. روح يا طارق هتتأخر على الغدا
قالت جملتها ثم أغلقت الباب
هنا هتف طارق بحزن بعد ما تاليا أغلقت الباب
طارق ٠٠ لو تعرفى ان حالتك دى بتموتنى بالبطيئ يا أول حب فى حياتى
هنا سمع صوت يأتى من خلفه بغضب
ثريا ٠٠ طارق انت ايه إللى بتقوله ده ٠٠ أنت اتجننت
طارق ٠٠ ( بأرتباك) انا بتكلم مع نفسى . حتى دى ممنوعه
ثريا ٠٠ ولا حتى مع نفسك . أوعى تنسى ان دى تبقى مرات اخوك
طارق ٠٠ مش ناسى ...واللهى ما انا ناسى . بس اعمل ايه فى قلبى هو إللى مش قادر ينساها
ثريا ٠٠ الله يخربيتك أسكت لحد يسمعك
طارق ٠٠ هسكت .. بس اعملى فى حسابك
انا مش هقدر أسكت كتير بعد كده ..
انا هقف فى وش ابنك لو عمل معاها حاجة تانى
ثريا ٠٠ طارق انت مالكش دعوة نهائى بمروان و تاليا ده واحد و مراته همآ حرين فى بعض فاهم
طارق ٠٠ يعنى انتى عجبك إللى بيعمله مروان فيها .. الأول يتجوز عليها سلمى و دلوقتى عايز يتجوز سلين يا ماما تاليا متستهلش يتعمل فيها كده .. تاليا كانت المفروض تكون مع واحد يقدرها و يعرف قيمتها
ثريا ٠٠ و الواحد ده انت مش كده
طارق ٠٠ أنتو كلكم عارفين انى كنت عايز تاليا من الأول بس انتو إللى استخسرتوها فيا .. وقولتوا مروان أحق بيها
أنت تقرأ
عندما تغضب النعاج تصبح أشد افتراسآ من الذئاب
ChickLitهى تاليا تعيش فى منزل عمها بعد موت والدها تاليا الاسم زوجه انما فى الحقيقة هى ليست إلا خادمة *من أجل أن تظل تخدمها هى وأبنائها قررت زوجة العم تزوجها لأحد ابنها لذلك اختارت الابن الأكثر قسوة لم تراعى انها مازالت طفله لم تتجاوز ١٨ عام هو مروان...
