جــــكاره22تموز

عقارب ||بارت7

:الخلاني ما ميزت
ابچي بـ محرم صدگ
لو گاعد ابچـيله.

الكاتبه:ارام الطائي

____________________________________
____________________________________
____________________________________

طبعا اسفه نسيت اعرفكم على الشخصيات الجديده
.
.
.مرحبا اني عزام عمري25 اني عيوني سود و شعري اسود و كثيف و العب رياضه و مدرب رياضي و طولي 187 اقارب نزاكه من امي بس كلش مبتعد و عايش اكثر شي ويه عمامي و ما اعرف احد من خوالي غير سهى ام نزاكه و الحجي بينه نزاكه كلش حلوه و سالت عنهه و كالو ما تنطي مجال و كلت خلي اجرب حضي،واذا صدك و حبيتهه اخطبهه و اكطع طريق و سوالف ساعه12بليل لان ما احبهن
.
.
.
.
مرحبا اني رونق بنيه اختلف عن نزاكه من السمه للكاع يعني عكس مواصفاتهه و الفرق بينه اقل من سنه و اضوج منهه مو لسبب تصرفاتهه لا بس بسبب مقارنة الناس منو تنجح منو اجيب معدل احسن منو تزوج واحد احسن و اني دائما جنت اتعب بالدراسه مو لمستقبلي لاااا بس حته اثبت انو اني احسن منها لا اكثر و بالنسبه لصعب سمعت مره قويدر يكول سبحان الله عبالك الله خالقك لنزاكه فخليته براسي انو لازم ما تاخذه حته اذا اني ما اخذته.
.
.
.
.
.
يلا نبدييي
.
.
.

نزاكه:بعد ما سمعت جدو يحجي ويه صعب ختنكت و لا اراديا كمت ابجي و ا ضم بدموعي

-شبيج بابا صاير شي

-لا ابويه انت ما بيه شي بس قطعت بصل و عيوني ملتهبه

-ماشي بويه غسلي و راح اصيح البنات بمكانج .... هاجر تعالي كملي بمكان نزاكه بويه
____________________________________

صعب:من سمعته هيج يحجي ويه نزاكه و عرفت بيها تبجي كلبي طك عليها و روحي طلعت و كلت والله اخر مره ابجيهه
____________________________________

صعب:ماشي حجي اني بس الم غراضي و اجي

عمار:ماشي ننتضرك على الغده

صعب:الله كريم
____________________________________

نزاكه:اجتي رونق تهز بروحه عود جسم و حركات و جان تجي يمي و تكول

-ها خطافت الزلم ما تبتي

-وليش اتوب اني ما سويت شي و شنو عندج دليل طلعي

-حبي حته اذا ماكو دليل اطلع من جوه الكاع بس اهم شي ما ياخذج و يتفل عليج

-و منو كلج بينه شي

-باوعي ولج لا تتمسكنين و مدري شنو اسوين السالفه بعدها بدايتها و لان نيتي زينه عرفت بس والي خلق جمالي لخليج تبجين دم و تبوسين ايده و ما يقبل بيج

- اهوووو خيتو على ما بخيلج اركبي دولييي

-يا ما تستحين شهل برود رعنه

-عادي بس كلهه ميته عليه

____________________________________

عفتهه و طلعت و استمو اليوم عادي و احداث كلش عاديه لحد ما بدينه نصب غدا طبعا انقسمنه اكثر من قسم القسم الاول يصب و الثاني يصفط و الثالث يودي يم باب الديوان وعزام و قويدر ياخذون منهم و الرابع يودي للصاله الجبيره للنسوان و اني من ضمنهن و معلومه انو المنور الجوه صاير طويل و بي كل الغرف فجنت امشي و شايله صينيه بيهه الخبز و فجئا انجريت من ايدي للغرفه و غمضت عيني من الخوف و سمعت صوت اعرفه
____________________________________