جــــكاره22تموز

هواجـــيس||بارت 16

:مثل الذي اغمض عينه ليرتاح فتذكر كلشيء!

الكاتبه:ارام الطائي

____________________________________

____________________________________

____________________________________

جي عمار:سلام عليكم

الكل:وعليكم السلام

........................بعد الكلام الطويل و الرمزيات الي نعرفهن بكل كعده فراح ادخل بصلب الموضوع.........

ابو جواد:هسه شكلت

حجي عمار:ما كلت شي البنت ما انطيها بعيد و جيتكم على عيني و راسي و ابوها ان جان زين او شين هوه خلاها يمي و اني المسؤل عليها و البنيه منطيها و كتلكم ما متعاجز من عيشتها هيه و اخوها و اصلا رايدها من زمان بس ابوها ما يقبل

ابو جواد:حجي بعيد شنو احنه عمامها و اوله من الغريب و انت من بعد عمر طويل و ان شاء الله يومك طويل اذا رحت وين تروح و ما عدها خوال و وعد مني انحطها بعينه

صعب:شو ما تعرف تحجي شنو قابل انذبهم بالشارع مثل ما سوه الكوا** جسار

ابو جواد:لا تغلط لا اكص السانك انت منو اصلا و منو كلك احجي

صعب: شنو منو كلي احجي اني احجي و غصبا عن الكل
و البنيه ما تطلع منا على كص ركبتي

ابو جواد: ليش ياهو انت

حجي عمار:صعب بابا كافي الموضوع يمي صار

ابو جواد: لا حجي ما توقعنه منك هيج ربات هذا ما مربوط بديوان قبل

صعب:شنو اني هايشه و انربط

ابو جواد:لك انت تطاول على دواوينه عرفتك ناقص من الشخبط على جسمك

صعب:ولك اني ناقص

حجي عمار: صعببب كافي بابا

صعب: بس

حجي عمار: لا بس ولا ابد كافي ......ابو جواد حكك علينه و اعذره هذا ما شايف ديوان قبل شهر اجه من الخارج و مستغرب

ابو جواد:هل مره نسكت الخاطرك بس والعباس لكسر خشمه

حجي عمار: المهم عمي انت تريد تموتني و اني عايش منا لذاك اليوم الله كريم و كتلك ناس منطيها كلمه و الرجال بكلمته و جيتكم على عيني و راسي

ابو جواد: افاا حجي تردنه

حجي عمار: لا حجي ما اردكم بس غلطت مره وحده و جانت مو بيدي و انت تدري و انطيت سهى بس ما اعيدها و انطي نزاكه

ابو جواد:حجي هسه صرنه غلطه

حجي عمار: ليس الي سوا جسار وين صاير لو بنتكم تقبلوها

ابو جواد: واحد ما يعم على الكل

صعب:بس الوراثه تلعب دور

ابو جواد: اي واضح من حجيك