عصام: ابو مهدي اريد اطلب طلب ومحتاجك
بابا قبل ليرد اباوعله يباوعلي ابتسم بخباثه واهز براسي بمعنى لا لتكول ومن حجه يمكن لو تذبحوني ماكو قطرة دم اعرف بابا يحب عصام بس اني ممستعدة لا للرفض كدام الكل ولا للقبول كدامهم حاسه مخربطه فكريا ومعوقه شي شال مخي شبيا اني فزيت عليهم
بابا: تدلل اطلب التريده
ايمن: اشتغلت المصااالح واني المكرود مالي احد
بيبي: شقصدك ياا مصالح خاايب مكرود انته كل البله بيك
عصام: مو هسه بس تطيب رجلي بس حجزتك من هسه اعرف مشاغلك ماخذة وقتك والله يعينك
يمه مي بارد وانصب ع كلبي احس من جان يحجي عصام مو بس جسمي تشنج حته نفس كطعته بس ورة ما حجه اتنفست باريحيه رفعت راسي باوعتله ابتسم وكانو ديهدد ويكول اكدر اخليج بموقف محرج
بابا: تدلل وان ماواجهتني وجنت مشغول مو بيتي خابرني وتؤمر امر
عصام: مايؤمل عليك ظالم بارك الله بيك متقصر
ايمن: اسمهه مايؤمر عليك اجكم اجلح مثلك ماكو لان كلهه ظلام موو لو موو مو
رغد وليث بضحكه؛ مو موو هههههه
ورجعنه نشاقه لما ساعه وكلمن راح ينام لان راح ارجع وياهم ورة اسبوعين اداوم هوة ورة اسبوع لان احنه بنهايه العاشر بعد اسبوع ندخل بشهر ال ١١ يمكن ورة اسبوع ارجع لو اسبوعين كلمن راح لغرفته وصلت للفراش والحاله المعتادة كلمن تراسل الحوب سماح واحمد لعرفت حاظر الخطوبه ساعتين وراجع لبغداد وشهد ويه ليث تتراسل سماح حظرت الجنط حته مالتي ماما وبابا ومهند وزوجته يباتون بيت يونس البيت ميكفي ورنا اهنا بنتهه تخبل اسمهه وديان ثاني ابتدائي بس شنو لهجتهه مو افهمهه حيل تحبني اكثر مما امهه تحبه وهم خاله مديحه باتت اريد انام واجاني مسج منه
عصام🗨: رغد بسررعه عفيه اذا كاعدة انطيني علاجي نسيت مخذته وماكو مي
قريته وافكر اكيد مقلب من سوالفه البايخه ناسي شسوة خلاني ابدل فستاني وشلون خربط وجهي غلست ٣ دقايق ورجع رسل
🗨: مو كلت مماخذ علاجي لو يرضيج اموت ..هسه هيج صارت تثولين سالفتي ليشوف تغليسج ميكول هيه هاي الونهه انخطف وكامت تنطي الوان من حجيت ويه ابوج تنزلين لا اسوييه صدك واطلب كدامهم حد للعشرة ..داقرا ومحس غير اندك تلفون فتحته
رغد: الوو شتريد عصام نايم......ممكمله رد
عصام : حدج للعشرة وافاتحهم الصبح ..ا ...
رغد: عصام بطل شقه اريد انام وراي كعد.....
عصام قاطعهه: ٢ ..٣
كمزت ركض نزلت اسمع شهد تكولي وين عفتهه ونزلت وتلفون ع اذني ونفسي يصعد وينزل
عصام: ٨ ..٩ ..٩ ونص عش....
أنت تقرأ
عشك الانباري
Romanceلو لا المواقف لضَننتَ أن الجَميع أحبابِي. لو بيدِي أسافِر لِلغُرب ديرة هَلي يغثون . احداث عشناها وشخصيات اغرمنا بها واخرى ابغضناها حكايتي مستمرة الجزء الاول والثاني مِــِْن عشك الانباري موجود بحساباتي وحتى ماتتخربط القصه حانزل الجزأين هنا وبعدها...
