مهدي : سد تلفون وباوع النه وكال ...عصام مجاي هسه بعد كم ساعه وياه صديقه جهزو الكعدة ورتبو البيت
ليث: اهم شي رد ومابي شي والله هبطنه
شهلاء ام مهدي: يي والله موتنه بهبطتنه
في الانبار ...
وئام: عمه لحكيلي ديطلع دود من هاي زاويه والله اخاف فدوة
شهد : هسه اجيب فليت وارش
رقيه: اووي شدعوة بنت المنصور متتحمل دود ترة مردنه اله 😒
شهد ترش فليت: والله يا رقيه اكو كائنات ومخلوقات حساسه يسموهه بنات من كد الانوثه مو متعودة يكول جبار ابو البلبي 😂
منتهى ووئام: ههههههههه
رقيه: ولج منتهى هاي تحجي عليا وانتي تتمضحكين لاغزر بيج الملح
منتهى: ههه مو قصفتج الكالته يضحك والله
وئام: فدوة شهودة كوميني للغرفه شو بلكوة اتحرك وظهري يوجعني
رقيه: مطلع طفل يكول ملزكي بصمغ
شهد راحت تكوم وئام: تدللين وئومه كومي اوديج للغرفه ترتااحين حقج اليوم دوخه مو طبيعيه
منتهى تتخوصر: هاي احنه صرنه دوخه وانتو بيت عمنه
شهد وهيه تتجهه لغرفه وئام : ها نسيت اكوللكم ليوثي يكول طلع قبول رغودة اهنانه بالانبار
منتهى ورقيه: شنووو
منتهى: جذذب بربج تحجين ..
شهد: يي والله اصلا احله خبر سمعته هاليومين
رقيه تعوج حلكهه: ييي عمرت الشغله والله ..وكعد حظ البغداديه وتعاي ياحيلي انهد
شهد: ع شنو ينهد بالله ماكله شاربه من كيسج ..اشو بخير الله وولد خالتهه
رقيه: مو العله اهنا ولد خالتهه
شهد: شتقصدين فهميني
منتهى: اكولج شهود مو تريدين تشوفين وئام خاف محتاجه شي اشو اسمع ونين دتون شكلهه
شهد: رايحه بدون متطردين عشتو البيت بيت ابونه و ...راحت لوئام
رقيه: ولج شحنصخم ضاع الولد من ايدج دام راح تكرك هالرغد اهنا
منتهى: شفتي ام اعطوب تكول البيت بيت ابونه
رقيه: والله براجدي اعدل خلقتج وين احجي اني وانتي وين هاي عوفج منهه خليج بالعله والضرة الجايتج يثوله
منتهى: شسوي متكوليلي اشو لو حظهه مجنص ولعب وياهه لو حظي مفحم وخلاهه تيجينه
رقيه: ووالله الايام لتثبتلج لما طلع بينها هيه وهالعصيم لمسوي نفسه ميدور زواج بينهم شي ..
منتهى : شلوون ولج غير اتخبل
رقيه: شكد ثوله ترة مبين من تيجي برغم ما ابقه يمهم حيل مثلج مكركه بس ترة نظرات عصام لرغد مبينه بياض الغيم بسمه
أنت تقرأ
عشك الانباري
Roman d'amourلو لا المواقف لضَننتَ أن الجَميع أحبابِي. لو بيدِي أسافِر لِلغُرب ديرة هَلي يغثون . احداث عشناها وشخصيات اغرمنا بها واخرى ابغضناها حكايتي مستمرة الجزء الاول والثاني مِــِْن عشك الانباري موجود بحساباتي وحتى ماتتخربط القصه حانزل الجزأين هنا وبعدها...
