عشك الانباري

البارت العاشر

عصام: مو اني اللي ابن خالتج وانتي محسوبه عليا وهسه الوضع مو مال هيج شي دنيا انكلبت بداعش وناس بعدهي خايفه وانتي مخايفه ع روحج عذريني باللفظ مخايفه احد خطفج حلويتي بعين واحد قذر واغتصبج مفكرتي بهيج شي هااا

رغد بدموع: مالك حق تدخل ووخر ...دفعته مسحت دموعهه وفاتت ع غرفتهه بدون متكعد وياهم ...

عصام فكرك وجهه وفات جوة ...

ليث: هاي شبيه رغودة فاتت ركض

عصام: اتدمر فستانهه مي مدري طين وفاتت تبدل يمكن

ايمن: ترة اليوم اربعاء الاحد الجاي يبلش الدوام مو هم نرجع للانبار ونشوف جديتي لتاركتنه ومكضيتهه لطميات بالنجف ...

ليث: بعد وكت يمعود

سماح: ايباااه هاي منو ليحجي بالله متجيبولي ناظور منظار اي شي يكبر حته اشوف هذا ايمنه لو لا

مهدي: ههههه والله اني هم شاك شو صاير شاطر ولك وتدور دراسه

ايمن: صوجي اخاف ع مستقبلي ..وحط ايدة ورة شهرة فرك ركبته

ليث: يي بس مو كلتو باجر نطلع سفرة وتعزم احمد واخته هههه علمودك

عصام: سفرة شنو

مهدي: مو الاساتذة ضايجين وخالك وياهم قررو يطلعون سفرة والكل حيطلع

عصام : كلكم كلكم تطلعون

ايمن فهم قصد اخو: يي بس انته ورغد وخاله نغم متدرون لان جنت برة حضرتك وهم بالسوك جانو

يزن: واني وياهم هم مااعرف

مهدي: ههههه حبيب ابوك اللوتي ..ولك طالع تخبل

يزن: بابا من مشينه لكينه ناس تباوعلنه وكامو يكولون لعمه رغودة حلوة وعافوني اني بس اثنين مريات كالو منو الصاك

عصام بغيرة : راح اتعبكم بس رايح انام وايمن جهز نفسك ورة سفرتكم نرجع للانبار وجدي ويانه اكيد مو جدي

أيمن: يي وهم ناخذ رغودة لان دوام يبدي هالكم يوم

ليث: لا جدي رغد متصور تروح وياكم

عصام: ليش شنو ليمنع

ليث: مو مرحله اولى ودوامهم شهر ١١ واحنه شهر ١٠ بعد وكت ناسي اول مرحله ورة شهر يبلشون

عصام: هاا ييي صحيح ...يله فايت انام ...تصبحون على خير

الكل: وانته من اهل الخير...

الكل هم راح ينام ...

رغد منايمه لابسه تراك وكاعدة ع جربايه تفكر هذا شبي يحاسبني ع طالعه ع فوته ع لبس ع ضحكه والله خبل بس مو هيج اكول عيب ابن خالتي وميخالف اسكت اكبر مني بس ديتجاوز حيل ....هفف هسه ليش شاغله بالي خل يطير بس كلامه صح وضع العراق ورة داعش ميطمن ماكو ثقه بناس انتبه للبسي بس مخلي يحس اتأثرت بكلامه حته ميشوف نفسه هففف خل اروح اشرب مي شو عطشت نشف ريكَي ابن الاوادم ..نزلت ع اطراف اصابعي ..لان نايمين .
وصلت المطبخ اسمع صوت حركهه بالحوش غلست رحت شربت مي خلصت حته اسد باب الثلاجه انفتح الضوة وعصام شكله يخوف وشعرة منكوش ومخبوص...