مكاش لي يديك مني

_7_

السلام عليكم كيلعادة اي حاجة بغيتوها خلوها فالكمنت

قراءة ممتعة

.
.
.
.
.
.
.
.
.
.
.
.
.
.
...
.
.
.......................

خرجنا ملاديرة و مشينا فهاداك لكولوار ساكتين  برك انا نشهق و نمسح فدموعي  حتا شت مبعيد ملاك راها مقابلتني كانز فالمرحاض ماحدرت والو رحت لعنها معنقتها و نبكي علاه ماعلاباليش بصح هي كانت نورمال

بعت عايها و خزرت فيا شويا من بعد حسيت روحي هديت و وليت انا تكالميت و رجعت عادي هي قاتلي بلي حكاولها لي هربو من لكلاصة يوسف راه غير يشوف من بعيد يشوف و متكي على لحيط يتكيف

_صاي بردتي غشك فيها نستعرف بيك ميلي

_واه بصح ملاك اني باغيتها تتبهدل كتر كيما دارتلي هاداك نهار فالساحة

خليها عليا اياي معيا للبيرو تاع النشيد

هو مكتب جاي فالنهاية تاع الكولوار فيه لي باف لي يديرو فيهم النشيد  و الصونات تاع السوايع من بعد تخرج ملكولوار يقابلك البورطاي ديراكت الخرجة

دخلنا و عكيتلها تيليفوني برونشاتو لتم و طلقنا صوتها و زدنالو ڨااع  هي تحلل في فاتح يزيدلها..... و هي توحوح و... الى آخره  غير سمعنا صوتهم يخوسو على لي ظار الصوت ديكونيكتينا و خرجنا ملتم شفت الشيخة تجري تبكي خارجة من لمسيد جينا حانقلعو حتا حكمني يوسف رفدني و ملاك قلعت هو راه يمشي و انا دايرة زقوللها باييييي
خلاص دروك فطنت راني انا و جاتني لحضة ادراك راه رافدني و هوما يحوسو عليا ولييت حممرة و خشمت كتر بصح غير شتهم بداو يقربو  عاودت خزرت فيه و فيهم و نطقت

_يوسف غاول دروك يلحقونا تتزاڨا علينا علابالك

هو زير عليا معا ملامحو تعقدت و عروق رقبته حسيتهم يزغدو فهمتوني

درت لقيتم يخزرو فيا قعدت غير نتنهت و زيرت على رقبته كتر

•ماتخافيش مايقيسوكش

هو نطق و انا رتحت صراحة صاي و لينا برا  و رتحت تنهدت

_خلاص حطني نقدر نمشي

ماردش عليا و حطني فالطوموبيل تاني واش بي ربو هادا ماشي خلاص واش يسحق عندي مزال؟؟ 

ركب من جيهته و قلع هاد لخطرة حكم طريڨ وهران يعني كيما نڨولو راح لسونطرفيل و انا غير نشوف  و ساكتة مالفة نجي بصح ماشي لهنا نجي نشري انا و ملاك و نروحو ببرررك   لحقنا ل بلاصة فارغة بصح كيوت طحطاحة نقية و فيها شجر فيهم ورد  زرق شبااااب بصح كي خالية تخوف المهم هو ڨارا و جبد حاجا معاه و هبط انا ماهبطتش ماقاليش و زيد راني خايفة صاي عييت ليوم نروح ندربها برقدة تاع كلاب  لمهم بعد على الطوموبيل و وقف كشغل وين كان واقف موراها يا درجة و لا حافة ولا هبطة ماعلاباليش مانيش نشوف هو خزر قبالة و شرب حبة دوا قلت سسووور عييته ليوم راسه وجعه درب باراسي طامول بصح ماشربش لما قعدت غير نهدر وحدي و نشوف فالورد هاداك عجبني. تفككررررررت
حكتية هبة تاع مكراشي فيها و هدر معاها و ماعلاباليش حلااب هاداك لخامج حتا لدوك باش تفكرتها و عاودت قلبت هليقتي و قاعدة نضارب معا روحي وحدي فالطوموبيل كيفاش يدير هكا مايحشمش خاين