مكاش لي يديك مني

_15_

.

سمحولي على الخطأ تاع لبارح نشاله مهوش حايتعاود

.
.

.
.
.
.

من جيهة يوسف لي راه سمع كللش

•تسما راكي خايفة مني عمري؟!!
هدر و هو حاكم تصويرتها
بينه و بين روحه راه نادم بسك هي هربت منه هو يعني ماقدرش يوفرلها لامان مكانش حاب تشوفه فهاديك لحالة اوموان حتا توالفو و تعرف طبايعه لملاح كتر

•ماتخافيش مايصرالك والو معايا نمسهم ڨاع و لي يمسك مايعيش.......

بلااال

-نعم سي يوسف؟!

•مشي نروحو نفروها معا ذوك نقوشا

حاضر.
.
.
.
نولو واحد لوقت بكري:

بعد عليهم لازم تقعد وحدك نتا مرييض
راك كي لوحش لمنبوذ تعرف غير تضارب مراكش نورمال لازملك بسيكولوغ

هدرة بالنسبة لواحد صغير حا تأثر عليه بزااف هاذا واش كان يسمع يوسف كي يولي للدار يشكي لباباه كان يقابله بالضرب ماشي بيدو هو مريض كان باباه سادي فالتعامل معا و ليدو و حتا معا مرتو مالڨري مان يحبها يمووووت عليها
كل يوم يسمع عياط يماه مالشومبرة كي يكون باباه يعذب فيها

بصح يماه دايمن كانت تتبسم و تساعفهم

•ماما ماما راكي مليحة؟!

ني مليحة ولدي براو جروحك؟!

•نقصو بصح ماهمش يوجعوني

معليش راك راجل دك يقرا وليدي و يكبر يولي يحكم فڨااع الناس

•اييه و نروح للخارج

بيانسوغ تروح بصح ماتنساش يماك

•باينة ماما بصح علاه مانروحوش دك ياخي عندك دراهم نروحو نهربو خير مانضلو نتعدبو هك.....
.

هادي هي الهدرة لي كان يعاودها يوسف ليماه مدة 14 سنة كااملين و هي نفس لجواب تقلو ساعفه راهو بوك
بصح الصح هي كانت تحبو و ماقدرتش تخليه علاجال مرضو كانت هي لي تعاني معاه في مرضو بصح مام يوسف خدا نصيبو مهاد العلاقة السامة حتى لحق لعمر 15 سنة كان في فترة مراهقة صح بصح كي تشوفه نقول هادا رزين و يعرف صلاحه بلاك هادي هي لحاجة الوحيدة لي ستنفع بيها من باباه كان مرفه تسما كان يدير سبور و يلبس مليح من بكري تعلم يدافع على روحو و شاطر لحق 15 سنة خلااص كان انسان مثالي... خاريا برك.. داخليا كان معقد عندو بزاف مشاكل نفسية منها
ردات فعل عنيفة ضد اطرف الاخر و زيد نولات غضب سريعة انعدام الثقة و اهمها..... تجمد المشاعر بلاك.. ولا هاذا واش كانو يشوفوه