( بسم الله الرحمٰن الرحيم )
حوراء كعدت ب4 ونص العصر سبحت وسويت شعري ويڤي لبست فستان بسيط لون ازرق فاتح وطوخ هوَ قصير لحد الركبه منفوش بس يعني حلو ومفتوح من الجانب وبي كسرات مدرجه كُلش حلو
خليت مكياج بسيط ويجنن كعد صكر دخل للحمام وطلع ضل واكف وفاتح حلكه وكفت كدامه وفتريت ولزمت فستاني مثل الاميرات وكتبه شنو رأيك
صكر : أطلعين ببره بهذا لبسج؟
حوراء : حبيبي وين اطلع غير بالبيت
صكر : منو كلج راح اعوفج تطلعين بهيج شي
حوراء: ليش مو حلوه!!
صكر : مو بس حلوه تموتين لاعيني ماخليج تطلعين هيج
حوراء: حبيبي تره بس نسوان
صكر : واذا يعني بس نسوان مراح يشوفوج يعني
حوراء: لعد شعدهم جايين غير علمود يشوفوني
صكر : اي متطلعين هيج
حوراء: شنو مااطلع
صكر : ماتنزلين جوه بهل شكل بويه اخاف عليج اني
حوراء: حبيبي شبيك تره ماكو شي
صكر تقربت عليه وحضنتهه من وره: اخاف على حبيبي يحسدون طالع يخببل .. بستها من ركبتها..
حوراء: لاحبيبي مو هسه خل انزل تأخرتتت شوف شوف تليفونك
صكر : امي جاي تخابر
حوراء: اي شوف تأخرنه
صكر : الو .. هلا بيج يمه ... اي اي .. تعالي شوفيهه اني مااقبل هيج تنزل ... يمه شنو بس نسوان اعرف بس نسوان اخاف عليها والله... تمام تمام جايين .. الله وياج...
حوراء هوَ يحجي وي أمه واني حضرت ملابسه وخليت عطر حضرتله دشداشة بيضه وغتره هم بيضه ومطرزه بنهايه لون ازرق وخليتله ساعه زرقه وهم محبس رجالي ازرق كُلش حلو اني ويا ماچي ماچي 😁🤭❤️ كملنه كُلشي لبست صايه وخليت الشال على راسي خاف اخوانه موجودين ونزلنه جانو النسوان بالستقبال رحت للمطبخ جانت خاله موجوده
حوراء: هلا خاله
خاله : هلا بيج بعد روحي شهل جمال عيوني
صكر : واني شنو هنا!
خاله : انتَ الأصل يمه هلا بيكم يلا حبيبتي تعالي وياي ونزعي ذني
صكر : يمه ديري بالج عليها
خاله : لاتوصي حريص يبعد امك توكل
صكر: في أمان الله
حوراء،خاله: الله وياك
حوراء نزعت الصايه والشال رتبت شعري الولد طالعين اخذت العصير ودخلت وزعت والي تصلس على النبي والي تهمس وي الثانيه وهنه يسلمن واني اسلم بدون ماعرفهم توترت لانو كل الانضار عليه كملت ورحت كعدت يم خاله وتباع الي تصير عيني عليه ابتسملهه اكو بنيه تقريباً بالعشرينات عدهه بنيه صغيره بس تجبي خطيه اني عندي تواصل وي الصغار اموت عليهم كتله عادي اخذهه كالت اي اخذتهه وخليته بحضني سكتت وتضحك فدوه متت عليه اخذت صوره وياهه رجعته الله يحفضهه تموت من رجعتهه تبتسملي اريد اكلهه كامو يرحون الناس صارت ب7 ونص بليل كلت خلاله اروح لو ابقى كالت روحي كمت رحت سبحت وتوضيت وصليت لبست تراكسود وصايه ولفيت الشال ونزلت جان محد باقي الكل رايح وخاله كاعده تقره قرأن والبنات يسون اكل رحت يمهم سوالف وضحك ومساعدتهم بالعشى شويه واجو الولد وعمو وصكر وصبينه عشه وكعدنه ناكل....
مريم كمت من حضن حسين
مريم : ضايجه
حسين: والمطلوب
مريم: شنو والمطلوب جاي اكولك ضايجههه
حسين : اي كولي شنو تدرين
مريم : باجر اعزم البنات يمي ونسوي سهره ف بلا مطرود انتَ اريدك تختفي
حسين : شنو واحنه ربنه وحد واني هم اعزم الولد باجر
مريم : اوكٍ هاي هيه وحده بوحده... رحت للبنات كتبهم كلهم باجر معزومين يمي على سهره والي متجي بعد مااعرفهه الي عنده شي يأجله ورحت لبيج بالأنستا وصيت بجايم على كدنه ومشابهات هم زين كالو ثاني يوم الطلب يمي
مريم : حبيبي
حسين: اممممم
باجر يتصلون عليك مال توصيل عود دليهم وعيفلي على الميز 50 الف
حسين طفرت من مكاني : شسوين بيهم ولج
مريم : لعد ماشفتني طلبت من موبايلك وباع باجر تجيب شنو اكو بمحل الحلويات ماوصيك تمام
حسين : ياربي احفضني واحفض فلوسي
مريم : حسسينننن
حسين : تدللين هاي هيه
مريم : عفيه حبيبي هيج اريدك دائماً راح اروح انام تجي وياي
حسين : اي اجي غير راسي مسطر من وره العزيمه مالتج
مريم رحت الغرفه وحسين وياي طفيت الضوء سديت البرده ونمت اجه حسين سحبني لحضنه وبعدهه ماحسيت على شي...
أنت تقرأ
فصليه الشيخ حسين
Ficção Geralحبايبي هاي تكملت الروايه ذاك الحساب الي ناشره بي الروايه راح الي هوً هذا 🤏🏻 farahzengy@ وهنا التكمله أن شاء الله 🫶🏻✨
