أرى الجن

البارت الخامس الختام

اللهم صل على محمد وآل محمد

___________//_________//____________

بسم الله الرحمن الرحيم
..........................

_ رحت اني حتى انتقم من سارة

_ اني ثاني يوم بالمدرسة بيوم عصر قبل الحلة أو الخروج من المدرسة

_سارة  طلعت من الصف

_اني باوعت شفت بطلها مالت المي اللي دائمآ تجيبة هالمرة هم جايبته

_ سارة تروح وترجع

_ اني حيل توترت اريد احط سم الفيران بالمي

_ ما صارتلي فرصه يمكن الله حابها

_ اني رحت للبيت وعيوني يطفر منهن شرار لان ما نتقمت
اختي _ ها ايلين؟ شبيج

اني _ مابيه شي صارت تلح عليه وتأكد وحجيت كل السالفه

اختي _ يا عزه ولج همزين ماصار شي للبنية وصارت تنصح بيه وتخوف بيه وعرفت غلطتي سبحان الله صرت احب سارة بشكل عفوي ومفرط

بعد مرور كم يوم

صارت مشكلة في العائلة وصراخ وتكسير

_ اني خفت حيل ركضت اختل جوا الدرج

_ جان اباوع واشوف قط ايدها ايد انسان بس وبريه بيها شعر وبري لزمت أيدي

_اني التفتت باوعت هي قط نفس الشكل وهم تباوع بوجهي حيل قريبه مني بصفي

_ رجعت ركض يمهم حتاريت اخاف من الصريخ لو من المختل م كدرت احجي نوب هم معصبين بالزايد

ااااوف معاناة مايعرفها الا المسحور

صحت ملييت
ماما _ شكو

اني _ نفس الشي ما راح يخلص الكابوس اللي عايشته

ماما _ لازم نروح للعارفه لان المرقي الشرعي مجاب نتيجة

اني _ تمام ماما موافقه بعد ما منها لازم نشوف صورة حل

كنت حيل مأيسه من الشفاء

العارفه( ام الخيرة ) وصلتوا يم الله ويمي الحل اللي أكدر عليه

اخذت تنطيني بخورات وايات قرآنية وأذكار وغيرها تحسنت حالتي وفرق شفت زاد إيماني صرت افوت بالضلام واني مطمأنه

بشرتني العافة بزواج

اني _ ختلطت مشاعر الفرح وهم نفس الوقت كلت اللي كاتبة الله يصير

ماما _ فدوا لعينج يعني ترتاح اذا تتزوج ايلين من يتغير البيت

العارفه _ اي ان شاءالله ترتاح وتذكريني

بعد مرور شهرين على كلام العارفه وصدك تزوجت

اني _ مثل أطباع الطفلة اخاف وإذ طفت الكهرباء كلها تعرف اخاف ويشغلون الضوء بسرعه أحلامي مزعجه

اني _ صار عقلي بالحيوانات أحلامي كلها بيهن

هم رجعت لغير عارف مرقي شرعي عن طريق زوجي

العارف _ عدها جن عاشق أو (تابعه) 

زوجي _ سهلة ماكو أسهل منها

قطعت التابعه بحرز

ولله الحمد صرت احسن انسانه بالعالم

الشفاء تام والعارف كان من أفضل العارفين بالعلم الروحاني وجاب نتيجة تبشر بخير

اني الكل تفاجئ مني صرت ما اخاف ابقى لوحدي بالبيت وحتى لو ضلام صرت افتر بالبيت والسطح والساحه بالضلام

اقرا ايات قرآنية واردد الصلاة على النبي  ما احس بشي

زوجات حمويني _ ايلين متخافين كاعدة وحدج بالغرفه موو طافية الكهرباء

اني _ لاعيني الله موجود من شنو اخاف

حسيت بأحساس غريب وجميل بعدها صارت عندي طاقة روحانية عاليه

صرت احس با الأشياء قبل حدوثها يا اما احساس أو في منام احلم ويتحقق خير ام شر

تجيني افكار راح يصير كذا وكذا ويتحقق وانصدم

مرات اكول لزوجي أشياء وتتحقق هو حيل متفاجئ

صرت عارفه في الاستخاره واشوف كل شي يصيرلي

حتى وان تجدد علي عمل شيطاني اعرف الوقت اللي سونه وكم مرة مسحورة وسنو غايتها من سحري

الحمد الله نعمة تستحق الشكران

تنويه !!!!!!!

الإنسان بطبيعته عدنا عقل واعي وعقل اللاواعي

اللاواعي من تفكر بشي بشده راح يستجاب

الرسالة من كلامي اني حاليآ واني اتذكر كل معاناتي ودا الاحظ شي غريب ان عقل يستجاب ودا تصادفني أمور اللي صادفتني سابقا لان تذكرتها واكتبها

المفروض الأشياء السلبيه نعوفها وونساها خص اذا كانت أليمه

واني اكتب في حين التذكر احس احساس جدا مزعج ورجعتلي الخوفه من الليل والضلام أو البقاء لوحدي

من ختمتها ان شاءالله راح ارجع على الاذكارات حتى اتخطى بشكل كامل

دمتم سالمين غانمين
مع الف سلامه

راح نلتقيكم في رواية أخرى وجديده تنال اعجابكم ان شاءالله

رددوا معي

استغفر الله
الحمد الله
لا اله إلا الله