أرى الجن

البارت الثالث

اللهم صل على محمد وآل محمد

بسم الله الرحمن الرحيم
_____________________
................................
___________^^^^^

عسولاتي 🍯 تصويت

...............

ردت اثبتلهم اني مبيه شي واكيد هم اهلي ملو مني اجيت اثبتلهم بس للاسف نفس كل مره
رفعت المندر كدامهم حتى اشوفهم الدم الي شفته نزل من كفوف اديه على المندر وجان ما الكى

اني _ رحت نمت وثاني يوم العصر اهلي قرروا يطلعون كلهم وجان ضجت وحدي بقيت رحت حتى اغسل مواعين

اني _ اغسل المواعين واقفه يم السنك وجان طافيه الكهرباء هي عصر طبعا اني احب العصر فترة حلوة حتى لو طفت الكهرباء اضيع وقت بالتنظيف وبعدها اطلع بالطرمه افرش فراش واغير جو المهم

اجيت اغسل مواعين قبل لا اخلص من المواعين بقى كم صحن واغسل السنك والا اسمع صوت خفيف يناديني أيلين ها أيلين ها واسمع شي يقلب اسمي ومرة يدلع اسمي صوت بعيد خفيف خفت رأسآ شمرت الصحون من أيدي وركضت للطارمه

اني _  بقيت بالطارمه لحد ما اجو اهلي خبرت امي وصار الموضوع عدها روتيني جدا طبيعي اعتادت ع هذا الشي

اجى الليل نمت وكعدت فزعت من الظلمه لكيتها طافيه الكهرباء وخفت ما اندل اني نايمه بغرفتي وأهلي با الاستقبال كل شي ما اشوف حتى أيدي ما اشوفها من شكدة الضلام

اعيط ماما وينج وابجي اكول اخاف بوقتها صاير عمري ١٨ سنة وماما جانت حيل نايمه محست بأي شي ومن اتلمس لمس بالحياطين وصلت الها جان تضل تعيط عليه شلون بله بيج قابل صغيرة انتي

بابا _ فزع ع الصوت وهم رجع يعيط عليه

اني _ رجعت لفراشي وجان اغطي حتى وجهي بالبطانية
من شدة الخوف

اشتغلت الكهرباء ونمت نومه عميقه من بعد الخوف

بعد فترة من الزمن صرت اشوف قناة زي الوان بيها فلم يطلع هندي جمعه وسبت رعب فير ذافالز اللي اتذكره

زاد رعبي فوك اللي اني بيه طبعا الفضول يقهر وحبيت اعرف ضفايا وأمور عنه

صرت اشوف حشرات أو أشياء قصيرة تركض من يمي واحلامي بالزواحف ابو بريص أو افاعي أو غيرها قطط

جنت طالبة وعرفت ان العمل الشيطاني مسوا ع دراستي

انام واحلم جنية يم المدرسه واني رايحه للمدرسه بالليل

وأريد ادخل للمدرسه وتفاجأ بيها وجان تركض وراي وأريد بس اخلص نفسي منها
والطريق عرج وعوائق واني ما أكدر اركض

فعلا بعد فترة تمرضت وتركت الدراسه وجان أصعب شعور اعيشه ذكرياتي وي صديقاتي وكل شي حلو خسرته

رحت لمرقي شرعي وهو يقرأ عليه وسولفتله باللي شفته وسمعته عن اللي يناديني بأسمي واني اغسل مواعين جان يكول
المرقي _  جن بعيد عنج ميأذيج هو مجنون وكلمته كال ما راح أأذيها ويضحك ويحكي كلام مخربط غير مفهوم مجنون
اني _ فرحت من اللي سمعته

اني _ صرت اخذ صور الاهل والأقارب واحتفظ بيهم بشكل غير مبرر ليش وشنو الفائده جنت حيل متعلقه بالماضي ما أكدر اطلع من قوقعتي

اني _ كلت لازم اشوف شنو بنفسي وشنو صاير وياي

اني _ رجت لصديقتي بالمدرسه متعرفه عليها هي تعرف بهيج أمور

رحت لصديقتي اسمها سارة

سارة _  بيضه طويلة ضعيفه حيل بشرتها صفره أو شقرة
بكل شي تعرف عندها معلومات بالطبخ وبالسياقه الدراجات الهوائيه كانت مميزه بينا عدها معرفه عامه بكل الأمور

اني _ هلو سارة

سارة _ هلو بيج عيني أيلين

اني _ سولفتلها كل شي صار وياي

سارة _ سهلة الحل يمي اكو نوع من الكتب بيه معلومات عن الجن والسحر وتحظير أرواح

اني _ فدوا كل شي انطيج بس خليني اعرف شنو بيه بشرتي حتى صارت شاحبة وسواد تحت عيوني بسبب السهر والارق الي صار وياي والخوف

بعد كم يوم
سارة _ اتصلت

سارة _ الو أيلين شلونج

اني _ هلو بيج عمري بشريني وفرحيني حصلتي الكتاب

سارة _ وبيج اكثر بس انطيني لحضه اشرحلج اعرف انتي قلقانه بس الكتاب حصلته وحاليا يمي شلون تاخذيه

اني _ فدوا جيبيه انتي م أكدر بعد اطلع اهلي ميقبلون ويضل بالهم يمي شلون يعني اطلع بهيج وظع

سارة _ مو مشكلة بس انطيني عنوان بيتكم تعرفين ما اندلكم اول مره اجيج

اني _ انطيتها العنوان

سارة _ اجت

اني _ اخذت الكتاب شكرا سارة ما انسى موقفج وياي

سديت الباب حطيت الكتاب بين ملابسي بخزانة الملابس
اليوم الثاني الكل نايمين الضهر ومنها صارت الكارثه

...... التكملة في البارت الاخر

لاتنسون قبل الختام الصلاة على النبي صلى الله عليه وسلم

رددي معي

استغفر الله

الحمد الله
لا اله إلا الله 

تصويتكم وتعليقكم الحلو يشجعني