أرى الجن

البارت الاول

بسم الله الرحمن الرحيم

""""""""""""""""""""""""

السلام عليكم حبايب قلبي بنوتات

""""""""""""""""""""""

اليوم راح نحجي قصة حقيقية جدا بدون إضافات لبنت ثقه وصادقه

_ أيلين بنت عراقية الأصل من الأبوين

ايلين كانت آخر طفله لأهلها

ايلين متوسطة الطول والسمن شعرها اسود مايل للبني بشرتها حنطية عيونها دائريه مو مسحوبه وجها جدا بريئ

من هنا تبدأ القصه

ايلين _ مراهقه كانت تعاني من خوف بس ماكانت تنطي خبر لأهلها

أيلين _ تعرضت لصدمات كبيرة داخل لاسره سببتلها عقد نفسية وصارت تمر بضروف مايمر انسان طبيعي نفسها

ام ايلين _ ايلين وين رحتي نامي يم اخوانج

ايلين _ ماما اخاف

ام أيلين _ صرتي جبيرة لازم تنامين يم اخوانج عيب ماما

ايلين _ اوك ماما مثل مكلتي انام يم اخواني

ايلين _ نمت طفو اخواني الضوء وسدو الباب لان كان الجو شتاء جدا بارد الساعه ب ١٠ من الليل

أيلين _ نمت واحس شي يمشي يمي فتحت عيوني شفت الغرفه حيل ضلمه ابد ما اشوف شي

ايلين _ احس بأيد لزمتني لزمتها بيها شعر كثيف كان ضوء جدا خفيف من الصاله يجي من جوا باب الغرفه شفت الايد شوي نفس ايد البشر بس شعر القطه نفس بشرة القطه

ايلين _ صرخت بجيت كعد اخوي الجبير كان جدا حنون عليه نومني بحضنه لان يعرف اخاف

نمت ونفس الأمر تكرر صرت افتح عين حتى اشوف فضول من الخوف والعين الثانية سادتها غلب عليه النعاس

تعرفون الطفل ينام وبايده شي كان بأيدي برتقاله لازمتها ونمت كعدت مالكيتها مع ان الكل نايم

رحت ركض بكل رعب وبكاء وهلع ركض لغرفه ماما وبابا

ايلين _ ماما اكعدي اني خايفه فدوا اخاف اشوف أشياء تخوف ما اعرف شنو هي

ام ايلين _ تعالي نامي بينا اني وابوج

ايلين _ حيل فرحت ونمت نومه مريحه يم اهلي وغفت عيني وحسيت بالطمأنينه والسعادة

صار شي ماكان بالحسبان

أيلين _ وكان شخص كعدني بدون سبب حسيت كعدت من شده الخوف كعدت كعده اباوع لماما وبابا نايمين

باوعت على الباب مالت الغرفه كان شوي مفتوح فتحه صغيرة بس شفت أشياء تشبه القطط بس هواي وجوه بنفس الفتحه تباوعلي

ايلين _  صرخت كعدت ابجي حيل كلت بعد للصبح اضل كاعده بالنهار انام لان الليل صار كابوس عليه

ام ايلين _ ثاني يوم الصبح سولفت كل شي لأهلها والعصر جابت المرقي الشرعي يرقي ايلين

المرقي الشرعي كال هاي البنت تصاب بالجنون بس تبقى هيج

ام ايلين _  خافت كلش على بنتها

ايلين _ تباوع صفح على المرقي وحاطة اذنها يمه جان عدها فضول حتى تعرف لان هي نفسها تريد تفهم شنو يصير وياها

ايلين _ تحجي وي نفسها وتقول لازم اعرف واسمع المرقي شنو يكول خاف ماما متحجيلي شي تخاف على مشاعري

ام ايلين _ بعد ماسمعت هيج للأسف صارت تتنمر على بنتها وكل ماتغلط بشي ايلين امها تكولها المخبله( المسودنه) با اللهجه العراقية

ايلين _حيل تنقهر الا ان صارو الكل ينادوها بهذا اللقب

ايلين _ صارت تكره الكل وصارت تتصرف بطيش وعدوانية

نامت ايلين _ ايلين شافت شي ب ١٢ من الليل يفتر يمها خافت تشوف وتفتح عينها لان نفس الشغلة

لا اب لا ام تحس بيها وبضرفها الي تمر بيه وبهيج عمر

ايلين صار عدها فضول لان كانت طفله مشاغبة وتحب تستكشف وباوعت شافت شي صغير كلش على شكل فيل وطار بعدها شافت خفاش يطير بذيل حيل طويل هو نفس الشي بس يتحول بسرعه جدا سريعه صار على شكل قطة

القطه فوك النضيده مالت الفراشات

بعدها نزلت غمضت عينها ايلين والا شافت كدر خاص بالخبز قريب منها وهم ماعدهم بوقتها هيج كدر ( قدر )

الي يسأل ويكول ليش كل هذا تشوفه ومستمرة لان كانت تعاني بشكل مفرط من هيج شغلات وتعودت على الوضع

ايلين _ ثاني يوم حجت كل شي صار وياها وكالت لأمها بااللي صار

ام ايلين _ اي وشنو بعد شفتي ليش ما اجيتي يمنا

ايلين _ لا ماما اخاف اكعد بابا بسوالفي وصريخي

أيلين _ ماما شفت هاي الأشياء اول مطلعت من زاويه الغرفه بيها فطر بالحايط منها طلعت هاذي السغلات

ام أيلين _ رجعت خبرت المرقي الشرعي نفس القصه وحجت بالتفصيل الممل شنو صار

المرقي الشرعي _ المكان الي طلع منه الجن الي يتحول كل ساعه وتشوفه ايلين هو نفس المكان الي بيه سحر مسوالكم

ايلين _ الله رافع عنها الغطاء اي شي تشوف من العالم الاخر

ايلين _ جنت كاعدة بحديقه البيت على كرسي وفجأه
........ التكملة في البارت الاخر