تـاج الغَـوث

التاج الثانية عشرة🔗

﷽

"مـلاك ظافر"

بقلمي روايه : تـاج الغـوث

**************************
★ سـؤدد ★

كملنا اكل وضلينا نضحك بس خـرعنا صوت عياط قوي من فوك طفرنا اربعتـنا دا نشوف شكو
والكل التم على صوت العياط بـ قوه عبالك شخص جاي يتـعذب بس الفوك ضمله مامبين منه شي طلع شي من الضلام خلانا ساكتين محد ينطق بشي من الصدمه شي رعب البيت ومبين ماراح يعدي على خـير كانت مرت عمو حيدر زينه شعره مزين
بـ طريقه مرعبه مو مقصوص لا مزين بمكـينه ومنا ومنا خـصل شعرها الطويل الذبته فـلوسه كله بي مزين ومقصص بـ طريقه ماحلوه

زيــنه:راح يمه شعري وللل راح شسوي يَربي شعري.
تلزم بي وتلطم وتبجي وعمو حَـيدر يحاول يهدي بيه اخر شي عاطت بي
زيــنه:بأجر عرس ابني اطلع هيج .
صفنا همه شـكله كـدام العالم التفتنا على كلام شَـهم هو ينطق بـ استهزاء.
شَـهم:العفوا هذا مو ابنج أحاول اصحح معلوماتج.
عاط عمي حيدر بي
حَـيدر: متستحي تحجي ويا امك هيج .
شدت ملامح شَـهم من نطق ابو بكلمه امك
شَـهم:امـي اسـمه افنـان مو زيـنه وللخ هاي مرت ابوي مو امي.
كمل كلامه وراح لغرفـته تارك ورا نار مشتعله
حيـدر:شوف بويه هي هاي ترباتك يجاوز على أمه وعلى ابو .
القـهار:مارضي يجاوز عليك لأن ابو بس ذيج اضل مَـرت ابو مو أمه .

زيـنه:عوفنا منو شَـعري تصخم .
محد رد عليه الحيره ماخذه بكل وجهه واحد نطقت بكلام غريب البعض عصب والاخر نصدم
زيـنه:هاي نـاز السوت هيج.
ناز التفت تأشر على روحه أناا.
نـاز:عمه شجاج ويني وينج كنا كلنا كاعدين بالمطبخ.
عاط بيه جدي سكت زينه من رادت تحجي
بوسط هاي الهوسه طلعت نازك من غرفته وعيونه حُـمر كلش مبين تريد تنام تعبانه وشعره ملموم
ولابسه هودي مو نفس الملابس بألاول

نــازك:ماتكولن بشر ينطمر عندا اللفف شغله باجر هااا عمي اني بشر تعبان اريد انامممم.

تحجي بنتر وصياح تعبانه من ورا شغله وهم كعدوها
كانت ناز صاعده لنازك وصارت بوجه عمه لزمته من أيده مانعه حركته
زيـنه:أنتِ كصيتي شعري مو اعرفج .
الكل ركز بحركه نازك تتقدم خطوات هادئه ناز تحاول تفك اديه بس مايفيد صعدت صرت وراه عمه بس ضهور نازك وعيونه الشيطانية طلعت من كتف ناز اليمن وبعدت ناز بهدوء عن عمه لزمته من أيده ورفعت إصبعه تهدد بيه