الكاتبه: رسل خالد
عازف الدخـــان.
ياهو انت واجيب الروح
يمك واذلها
عيوني من تطيح ما ادنكلها
♡♡♡♡♡♡♡♡♡♡♡♡♡♡♡♡♡♡♡♡
ترف
رجعنه للبيت وره ما زفيناهم ميتين تعب بس عدكم الحيايه ما يتعبن لازم يذبن سمهن شلون صار يومين من دون مشاكل
شذى : شنو هاي بدلتها
رزان : لو ماخذيني اختارلها مو احسن
طيبه : اي عل اقل ذوقج حلو يا يمه
وتر : من عرفت امج طيبه ايست منج ومن ذوقك
طيبه : شقصدج لج
ترف : القصد في قلب الشاعر امشي وتر عيني خلي نام
وتر : اي والله تعبنه اليوم
عفناهن ورحنه كلمن الغرفتها مابينه حيل نقاش دخلت للغرفه باوعت على مكان جربايتها والله والج وحشه ام كفشه خرب بعدنه اول ساعه اشتاقيتلها والله معليه اكول الفهد يبقون يمنه وخلي ياخذون هل غرفه اقبل انام بل صاله المهم ىحت بدلت ملابسي ومسحت المكياج ولفيت راسي و نمت
« «إليان» »
كعدت احس الم خفيف بطني درت على صفحه شفت فهد غاط بل نوم درت عليه اباوع على ملامحه شكد يطي شبه الفطوم مشيت ايدي على لحيته
فهد : لا تتحرشين
إليان : ها شنو منو
كمت اخبط
فهد : نامي حبيب ماكو شي
إليان : لا فهدي خلي نكوم هم يلا نرجع للبيت
فهد : روحي للحمام سبحي واكوم وراج
إليان : مو ترجع تنام
فهد : لا ما انام
كمت اخذت فستان بيجي فاتح ودخلت للحمام سبحت بماي دافي حسيت براحه لبست ملابسي وطلعت لكيته يحضر بملابسه ابتسمتله كطلي بوسه بل هوه
إليان : فوت اسبح لا تتحرش
فهد : مو اشوفج التحرش على اصوله
إليان : لا اشكرك استاذ تفضل للحمام راح نتأخر
فهد : ديلا يلا ما تتحاجه الست
